གཙོ་ངོས།>> རྩོམ་རིག>>སྙན་རྩོམ།

རྩོམ་པ་པོ། སྦྲང་བུ། རྩོམ་སྒྲིག་པ།དབང་ཆེན།ཡོང་ཁུངས།ཁམས་པའི་རིག་གནས་དྲ་བ། སྤེལ་དུས། ༢༠༢༡ལོའི་ཟླ་བ་༡༡ཚེས་༡༧ཉིན།

༄༅།།མེ་ཏོག་ཚལ་གྱི་སེམས་བསྐྱེད།

མེ་ཏོག་གླིང་ཁའི་ཤེས་རབ་འཚོ།།

ཐར་བའི་མེ་ཏོག་གཅིག་ཏུ་བསྡུས།།

འདུ་ཤེས་བག་གི་རྟོག་པའི་ཟོར།།

རྨོངས་པའི་དྲ་བ་ཉག་ཅིག་ལ།།

མཛའ་བ་གཉིས་ཀྱི་རྨི་ལམ་བཟོས།།

ཚིག་ཕྲེང་གཏོར་བའི་ཟམ་པ་རུ།།

རྒྱུད་མངས་སྒྲ་ཡིས་ལས་སྤྲུལ་ཏེ།།

འཇའ་ཡི་ལག་པའི་གམ་དུ་ལོག།

ཅིའི་ཕྱིར་ལབ་ཅེས་ཞུས་པས་ན།།

ཚིག་གི་ཕྲེང་བའི་ངག་རིས་སུ།།

མ་ཆགས་པདྨའི་མདངས་འཕྲོ་སྟེ།།

དབྱངས་ཀྱི་མཁའ་ལ་ཁྱོད་ཉིད་བྱོན།།

ལས་ཀྱི་རི་མོའི་མཐིལ་དུ་འཁྱིལ།།

ལས་ཀྱི་སྣེ་རུ་རྨི་ལམ་བྱུང་།།

མཁའ་ལ་ཆས་པའི་ལྷ་མོ་ཀྱེ།།

མཚན་དཔེ་ལུས་ཀྱི་སྤྱན་རིས་ན།།

དད་པའི་མགུར་ཞིང་བླང་བར་བྱ།།

ཨ་ལ་གླུ་ཡི་གཞས་ཤིག་འཁྱིལ།།

ཐ་མོ་ངག་གིས་རྩལ་ཞིག་བཏོན།།

འཁྱུག་རྩལ་མྱུར་བའི་བྲོ་ཞིག་འཁྲབ།།

སིལ་སྡོང་བག་གི་སྙན་མོའི་ངག།

སྐྱོ་བའི་ངག་གིས་བླངས་པས་སོ།།

འདབ་མའི་གདན་ལ་བུང་བ་འཁོར།།

བསོད་ལྡན་ཅན་གྱི་མེ་ཏོག་ཀྱེ།།

ཁྱོད་ཉིད་ཕེབས་སའི་བར་སྣང་ལ།།

མྱུར་རྩལ་བྱང་བའི་རྟ་ཕོ་འགས།།

མཚན་དཔེ་ལུས་ལ་སྤྱན་འཁོར་བྱ།།

ཞེ་དྲག་མཚར་བའི་ངག་གི་གཏམ།།

མོས་པའི་ཚུལ་དུ་གསོན་པར་གྱིས།།

རྟོག་འགྱུ་ཞིག་གི་འཕྲུལ་བའི་ངག།

འཕྲིན་པའི་གམ་གྱི་ཡི་གེའི་ཚོགས།།

མིག་ཟུང་གཉིས་ཀྱི་གམ་དུ་ལོག།

ཁྱོད་ལ་བྲིས་པའི་བརྡ་རྙིང་དག།

སྟོན་ཁའི་རི་བོང་འཛིན་པ་འམ།།

ཟླ་བ་ཞེས་བྱ་དྭངས་གསལ་འཁྱིལ།།

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1