སྤྱི་ཟླ་30པའི་ཚེས་10ཉིན། རྒྱལ་ཡོངས་དམངས་ཆེན་གྱི་འཐུས་མི། སི་ཁྲོན་ཞིང་ཆེན་དཀར་མཛེས་ཁུལ་གྱི་ཁུལ་དཔོན་ཡེ་ཤེས་ཟླ་བ་ལ་མཚོན་ན། 2020ལོར་ཕྱོགས་ཡོངས་ནས་འབྱོར་འབྲིང་སྤྱི་ཚོགས་འཛུགས་སྐྲུན་བྱ་བའི་དམིགས་འབེན་དེ་ནི་དམ་འཛིན་ནན་མོ་བྱ་དགོས་པ་ཞིག་རེད།

         ཡེ་ཤེས་ཟླ་བས་ཀྲུང་གོའི་དཔལ་འབྱོར་དྲ་བའི་གསར་འགོད་པར། དཀར་མཛེས་ཁུལ་དུ་དཀའ་ཁག་ཅན་གྱི་མི་གྲངས་ཁྲི་40ཡོད་ཅིང་། ཁོ་ཚོར་དབུལ་སྐྱོར་གནད་ལ་ཁེལ་བ་བྱས་ཏེ་མང་ཚོགས་གཅིག་ཀྱང་རྗེས་ལུས་སུ་མི་གཏོང་བ་ནི་འགག་རྩ་ཡིན། ཁྱིམ་ཚང་དབུལ་བོ་དག་ལ་ཆེད་དམིགས་རོགས་སྐྱོར་བྱ་ཆེད། དཀར་མཛེས་ཁུལ་གྱིས་ཁུལ་ཡོངས་ཀྱི་དབུལ་སྐྱོར་ལས་ཀ་གནད་དུ་ཁེལ་བའི་བྱེད་ཐབས་སྤྱད་ནས། ནུས་ཤུགས་ཡོད་རྒུས་དབུལ་སྐྱོར་ལས་ཀར་ཕྱོགས་ཡོངས་ནས་གྲུབ་འབྲས་ཡག་པོ་ལོན་པར་བྱ་རྒྱུ་ཡིན་ཞེས་གསུངས། །