ཟླ་7ཚེས་8ཉིན་2023ལོའི“ཀྲུང་གོའི་ལུས་རྩལ་རྒྱན་ཤོག”གི་མཚོ་སྔོན་པོ་སྐོར་བའི་རྒྱལ་སྤྱིའི་གཞུང་ལམ་གྱི་རྐང་འཁོར་འགྲན་བསྡུར་སྐབས་ཉེར་གཉིས་པ་མཚོ་སྔོན་ཞིང་ཆེན་ཟི་ལིང་གྲོང་ཁྱེར་དུ་འགོ་ཚུགས་ཤིང་། སྐབས་འདིའི་མཚོ་སྔོན་པོ་སྐོར་བའི་འགྲན་བསྡུར་ནི་མཚོ་སྐོར་འགྲན་བསྡུར་རྒྱལ་སྤྱིའི་རྐང་འཁོར་འགྲན་བསྡུར་མནའ་འབྲེལ་ལས་རིགས་ཀྱི་རིམ་སྤེལ་འགྲན་བསྡུར་རིང་དངོས་སུ་ཚུད་པའི་འགྲན་བསྡུར་ཐོག་མ་ཡིན་པ་དང་། དེའི་འགྲན་བསྡུར་གྱི་ལམ་ཐག་ཧྲིལ་པོར་ཁྱོན་འགྲན་དུམ་8ཡོད་པ་དང་དེའི་ནང་གླིང་ཆེན་བཞིའི་ཉིང་ལག་རུ་ཁག་22དང་ལུས་རྩལ་པ་154ཞུགས་ཡོད་ལ། UCIལས་རིགས་རུ་ཁག་5དང་། UCIཀྲོའུ་དབར་གྱི་རུ་ཁག་14 རྒྱལ་ཁབ་རུ་ཁག་3བཅས་ཞུགས་ཡོད་པ་རེད།

        སྐབས་འདིའི་མཚོ་སྔོན་པོ་སྐོར་བའི་འགྲན་བསྡུར་ཟི་ལིང་གྲོང་ཁྱེར་དང་། མཚོ་ཤར་གྲོང་ཁྱེར། མཚོ་ལྷོ་བོད་རིགས་རང་སྐྱོང་ཀྲོའུ། མཚོ་བྱང་བོད་རིགས་རང་སྐྱོང་ཀྲོའུ། མཚོ་ནུབ་སོག་རིགས་བོད་རིགས་རང་སྐྱོང་ཀྲོའུ་བཅས་སུ་བྱ་རྒྱུ་དང་། འགྲན་བསྡུར་གྱི་ལམ་ཐག་ཧྲིལ་པོར་སྤྱི་ལེ་1384ཡོད་པའི་ནང་འགྲན་བསྡུར་གྱི་བར་ཐག་སྤྱི་ལེ་1334དང་རྒྱུགས་ར་སྒྱུར་བའི་བར་ཐག་སྤྱི་ལེ་50ཙམ་ཡོད་པས་རྒྱུགས་ར་སྒྱུར་བའི་བར་ཐག་སྤྱི་ལེ་བརྒྱ་ཙམ་ཐུང་དུ་ཕྱིན་ཡོད། འགྲན་ལམ་ལ་ཐང་སྟོང་དང་། རི་ཁུལ། རི་མ་ཐང་སོགས་ཡོད་པ་དང་ས་བབ་མཐོ་ཤོས་ལ་སྨི་4120དང་ཆ་སྙོམས་ས་བབ་མཐོ་ཚད་སྨི་3000ཡོད་པས། འཛམ་གླིང་གི་ས་བབ་མཐོ་ཤོས་དང་དཀའ་ཚེགས་ཆེ་ཤོས་ཀྱི་མཚོ་སྐོར་འགྲན་བསྡུར་གྱི་ཁྱད་ཆོས་མངོན་ཡོད་ལ། འགྲན་ལམ་ཤར་གཏོང་འབྲེལ་མཐུད་ཡོད་ཁར། ཆེད་ལས་རང་བཞིན་སྔར་བས་ཆེ་རུ་ཕྱིན་ཡོད།

        2022ལོ་ནས་བཟུང་མཚོ་སྐོར་འགྲན་བསྡུར་གྱིས་ས་བབ་མཐོ་སར་འགྲན་བསྡུར་བྱེད་ཐབས་ནས་ལུས་རྩལ་པར་གཟི་བརྗིད་བརྩོན་ལེན་བྱེད་པའི་འགྲན་སློང་དང་མྱོང་བ་སྦྱིན་ཡོད། འཛམ་གླིང་ཐོག་ས་བབ་མཐོ་ཤོས་ཀྱི་རྒྱལ་སྤྱིའི་རང་བཞིན་གྱི་གཞུང་ལམ་རྐང་འཁོར་འགྲན་བསྡུར་དེས་ལྗང་མདོག་དང་། མི་ཆོས་རིག་གནས། ཞི་མཐུན། ཉམས་ལེན་བཅས་རྒྱུན་འཛིན་བྱེད་པ་བརྗོད་དོན་གཙོ་བོར་བྱས་ཏེ་དེ་བས་མགྱོགས་པ་དང་། དེ་བས་ཆུ་ཚད་མཐོ་བ། དེ་བས་སྟོབས་ཆེ་བཅས་ཀྱི་སྙིང་སྟོབས་རྒྱུན་འཛིན་བྱེད་པ་དང་། ཆེད་ལས་ཅན་དང་། ཁྲོམ་ར་ཅན། རྒྱལ་སྤྱི་ཅན་བཅས་ཀྱི་ངེས་གནས་མཐའ་འཁྱོངས་བྱེད་པ། ལུས་རྩལ་འགྲན་བསྡུར་བྱ་གཞག་དང་སྐྱེ་ཁམས་སྲུང་སྐྱོང་དང་། རིག་གནས་ཡུལ་སྐོར། སྤེལ་རེས་མཉམ་ལས་བཅས་མཉམ་འབྲེལ་གཏིང་ཟབ་དང་ཕན་ཚུན་ལེགས་ཆ་མངོན་པར་སྐུལ་འདེད་གཏོང་བ་བཅས་བྱས་ཏེ་འཛམ་གླིང་སྐྱེ་བོ་ཀུན་ལ་མཛེས་སྡུག་ལྡན་པའི་མཚོ་སྔོན་པོའི་སྐྱེ་ཁམས་དང་། འཕེལ་རྒྱས། མི་ཆོས་རིག་གནས་བཅས་ཀྱི་རྣམ་པ་མངོན་པར་བྱས་པ་མ་ཟད། ལུས་རྩལ་རྩལ་འགྲན་གྱི་རིན་ཐང་དོན་གཉེར་བརྒྱུད་བསྒྲགས་བྱས་ཏེ་མཐོ་ཚད་གསར་པ་དང་ནང་དོན་གསར་པ་ལྡན་པའི་ལུས་རྩལ་འགྲན་བསྡུར་ཞིག་གཉེར་ཡོད།