མཛོད་དགེ་རྫོང་གི2023ལོའི་བསམ་པའི་དཔལ་ཡོན་འཛུགས་སྐྱོང་ལས་དོན་དོན་འཁྱོལ་མཐར་ཕྱིན་སྒོས། དར་ཆ་མཐོར་སྒྲེང་ཞིང་དམངས་སེམས་གཅིག་ཏུ་སྒྲིལ་བ། འཇོན་མི་གསར་བ་སྐྱོང་བ། རིག་གནས་གསར་བ་སྤེལ་བ། སྣང་བརྙན་གསར་བ་མངོན་པ་བཅས་ཀྱི་འགན་འཁྲི་ལ་དམ་པོར་དམིགས་ཏེ། སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་སྐྱེད་སྲིང་དང་ལག་ལེན་གང་ལེགས་སྒོས། དཔལ་ཡོན་སྐྱེད་སྲིང་དང་དཔལ་ཡོན་ལག་ལེན། དཔལ་ཡོན་འཛུགས་སྐྱོང་བཅས་ལ་སྐུལ་འདེད་བཏང་སྟེ། རྒྱུན་མི་ཆད་པར་མང་ཚོགས་ཀྱི་དཔལ་ཡོན་གྱི་བྱང་ཚད་དང་སྤྱི་ཚོགས་དཔལ་ཡོན་གྱི་ཆུ་ཚད་མཐོར་གཏོང་བ་དམིགས་ཡུལ་དུ་བཟུང་ནས། འཛམ་གླིང་གི་མཐོ་སྒང་ན་འདམ་སྐྱེ་ཁམས་ཡུལ་སྐོར་བྱེད་ཡུལ་མཛེས་ཤོས་བསྐྲུན་པར་བསམ་བློའི་སྟོབས་ཤུགས་ཆེན་པོ་དང་སྤྱི་ཚོགས་ཀྱི་ཁོར་ཡུག་བཟང་བོ་འདོན་སྤྲོད་བྱེད་ཆེད། ཉེ་ཆར་སི་ཁྲོན་མཛོད་དགེ་བརླན་ས་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་དོ་དམ་ཅུས་ཀྱིས་མང་ཚོགས་ཀྱི་བྱང་ཚད་མཐོར་གཏོང་རྒྱུ་གཞིར་བཟུང་སྟེ། དཔལ་ཡོན་གྲོང་ཁྱེར་འཛུགས་སྐྱོང་གི་རྣམ་པ་ལེགས་སྐྲུན་སྒོས། དྲིལ་སྒྲོག་ནུས་ཤུགས་སྔར་ལས་རྒྱ་བསྐྱེད་དེ། མཛོད་དགེ་རྫོང་ཚོང་ལས་སྲང་ལམ་དུ་དཔལ་ཡོན་གྲོང་ཁྱེར་འཛུགས་སྐྱོང་གིས་མཐོ་སྒང་གི་བརླན་ས་སྲུང་སྐྱོང་བྱེད་ཅེས་པའི་དྲིལ་སྒྲོག་བྱེད་སྒོ་སྤེལ།
བྱེད་སྒོར་དྲིལ་སྒྲོག་འཕྲེད་ཡིག་བཀལ་ཞིང་། ཚན་རིག་ཁྱབ་གདལ་གྱི་དྲིལ་སྒྲོག་དངོས་རྫས་དང་སྒྲོག་ཤོག་བཀྲམ་པ་སོགས་ཀྱི་ལམ་ནས། འགྲོ་འོང་མང་ཚོགས་ལ་བརླན་ས་སྲུང་སྐྱོང་གི་བཅའ་ཁྲིམས་ཁྲིམས་སྲོལ་དང་སྲིད་ཇུས་དྲིལ་སྒྲོག་སྒོས། བརླན་སའི་འབྲེལ་ཡོད་ཤེས་བྱ་འགྲེལ་བཤད་དང་བརླན་ས་སྲུང་སྐྱོང་གི་དོན་སྙིང་གལ་ཆེན་མཚམས་སྦྱོར་བྱས་ཏེ། མང་ཚོགས་ཀྱིས་བརླན་སར་རྒྱུས་ལོན་བྱེད་པ་དང་། བརླན་ས་སྲུང་སྐྱོང་བྱེད་པའི་ལུགས་སྲོལ་བཟང་བོ་ཆགས་པར་ཁྲིད་སྟོན་གནང་།
ཐེངས་འདིའི་དྲིལ་སྒྲོག་བྱེད་སྒོ་སྤེལ་བ་བརྒྱུད། མང་ཚོགས་ཀྱི་བརླན་སའི་ནུས་མང་གི་ཕན་ནུས་དང་སྐྱེ་ཁམས་རིན་ཐང་གལ་ཆེན་སྐོར་གྱི་རྒྱུས་ལོན་ཚད་ཇེ་ཟབ་ཏུ་བཏང་སྟེ། ཕན་ནུས་ལྡན་པའི་སྒོ་ནས་སྤྱི་ཚོགས་ཀྱི་བརླན་ས་སྲུང་སྐྱོང་འདུ་ཤེས་ཆེར་བཏང་ཞིང་། སྐྱེ་ཁམས་དཔལ་ཡོན་འཛུགས་སྐྱོང་ལ་སྐུལ་འདེད་སྒོས། བརླན་ས་སྲུང་སྐྱོང་དང་སླར་གསོའི་དོན་སྙིང་གལ་ཆེན་ཆེར་བཏང་སྟེ། ཞིང་ཆེན་རིམ་པའི་དཔལ་ཡོན་གྲོང་ཁྱེར་འཛུགས་སྐྱོང་བྱེད་པའི་རྣམ་པ་བཟང་བོ་བསྐྲུན།
