གནའ་དུས་གེ་སར་རྒྱལ་པོས་བསང་བཏང་བའི་དབང་གིས་བསང་གཞུང་དུ་མིང་ཆགས་པར་གྲགས་ཤིང་བཀའ་གདམས་གླེགས་བམ་སོགས་ལས་སྤང་སེར་པོ་གསེར་གྱི་མནྚལ་ཞེས་གསལ་བར་བསྟན་པའི་བསང་གཞུང་ལ་ལུང་ཆེན་དང་ལུང་ཕྲན་གྱི་ཡན་ལག་ཆེས་མང་བའི་ནང་ཚན་རྒན་གྱ་སྨད་ཀྱི་ཆ་རྡོ་གེར་དང་ཉེ་བ་རྟིང་རིང་ལྷས་ཁྲ་དིང་ཟེར་བར་སྐུ（བཞད་རྒན་ཚང་）བལྟམས་པ་ཡིན་ལ།རུས་ནི་ལྡོང་ཤུལ་ཆེན་བཅོ་བརྒྱད་ཀྱི་ནང་ཚན་དབང་ཤུལ་གྱི་དཔོན་《བླ་བྲང་བཀྲ་ཤིས་འཁྱིལ་གྱི་གདན་རབས་ལྷའི་རྔ་ཆེན》བྱ་བའི་ཤོག་ངོས་6ནས་བཤུས།）

༄༅།།སེར་བོ་ཧོར་གྱི་སྐོར།

རྩོམ་པ་པོ།   ཐུའུ་བཀྭན་བློ་བཟང་ཆོས་ཀྱི་ཉི་མ།

མཁན་པོ་སུམ་ཅུ་བ་མཁྱེན་རབ་དབང་ཕྱུག་ངག་དབང་དགེ་ལེགས་རྒྱ་མཚོ་ནི།བདེ་དགུ་ཆེ་བ་དཔལ་ལྡན་རྒྱ་མཚོའི་སྐུ་སྐྱེ་གསུམ་པ་ཡིན་ཞིང་།འཁྲུངས་ཡུལ་གྱི་མིང་ནི་ཤར་ཡུ་གུར་དུ་གྲགས་ལ། དེ་ནི་གེ་སར་གྱི་ལོ་རྒྱུས་སུ།ཧོར་གུར་སེར་ཞེས་འབྱུང་བ་དེ་ཡིན་ཞིང་རྒྱལ་པོ་སྐུ་ལྔ་བོད་དུ་བྱོན་པའི་ལོ་རྒྱུས་སུ།བྷ་ཏ་ཧོར་གྱི་སྒོམ་གྲྭ་བཅོམ།ཟེར་བའི་ཧོར་གྱི་ཡུལ་ཡང་འདི་ཉིད་ཡིན་ཞེས་མང་པོ་ཞིག་གིས་གླེང་བ་བདེན་པ་འདྲ་སྟེ།སོག་སྐད་ལ་ཤ་ར་ཨུར་གེ་ཞེས་པ་གུར་སེར་བོ་ཟེར་བ་ཡིན་པས་ཨུར་གེ་སྒྲ་ལོག་པས་ཡུ་གུར་ཞེས་བོད་སམ་སྙམ་ཞིང་།བྷ་ཏ་རུ་བ་ཟེར་བའི་ཕ་ཚོ་གཅིག་དང་།སྒོམ་གྲྭའི་ཤུལ་ཡིན་ཟེར་བའི་གྱང་རོ་འགའ་ཞིག་ད་དུང་ཡང་སྟོན་རྒྱུ་འདུག་ལ།རྒྱལ་པོའི་རིགས་ཀྱི་དཀོར་བདག་གདུག་པ་ཅན་མང་ཞིང་།དེ་རྣམས་མཆོད་ལུགས་ཀྱང་རྒྱལ་གསོལ་དང་དབྱིབས་འདྲ་བར་སྣང་ངོ་། །《ཆོས་སྡེ་ཆེན་པོ་དགོན་ལུང་བྱམས་པ་གླིང་གི་དཀར་ཆག》གི་ཤོག་ངོས་107ནས་བཤུས།）