ལོ་ལྔ་ཚན་གྱི་འཆར་འགོད་བཅུ་གཉིས་པའི་དུས་སྐབས་སུ། རང་རྒྱལ་གྱི་གསར་འགྱུར་དཔེ་སྐྲུན་ལས་རིགས་ཀྱི་ཐོན་ལས་གཞི་ཁྱོན་མགྱོགས་མྱུར་ངང་རྒྱ་ཆེར་ཕྱིན་ཡོད། མིག་སྔར། རང་རྒྱལ་གྱི་ཚགས་པར་ཉིན་རེར་པར་འདེབས་བྱེད་ཚད་དང་། དཔེ་དེབ་པར་སྐྲུན་སྣེ་རིགས་དང་སྤྱིའི་པར་འདེབས་བྱེད་ཚད་འཛམ་གླིང་གི་ཨང་དང་པོར་སླེབས་ཡོད་པ་དང་། གློག་རྡུལ་དཔེ་སྐྲུན་སྤྱི་འབོར་དང་། པར་འདེབས་་ལས་རིགས་ཀྱི་སྤྱིའི་གཞི་ཁྱོན་འཛམ་གླིང་གི་ཨང་གཉིས་པར་སླེབས་ནས། མིང་དོན་མཚུངས་པའི་དཔེ་སྐྲུན་རྒྱལ་ཁབ་ཆེན་མོར་གྱུར་ཡོད་པ་རེད།
རྒྱལ་ཁབ་གསར་འགྱུར་དཔེ་སྐྲུན་དང་རླུང་འཕྲིན་གློག་བརྙན་བརྙན་འཕྲིན་སྤྱི་ཁྱབ་ཅུད་ཀྱི་འབྲེལ་ཡོད་འགན་འཁུར་བས། འདས་ཟིན་པའི་ལོ་ལྔའི་ནང་། རང་རྒྱལ་གྱི་སྲོལ་རྒྱུན་དཔེ་སྐྲུན་ལས་རིགས་ཀྱི་གྲུབ་ཆ་ལེགས་སུ་ཕྱིན་ཡོད་པ་དང་། གསར་དར་དཔེ་སྐྲུན་ལས་རིགས་མྱུར་དུ་མང་དུ་ཕྱིན་ཡོད། བསྡོམས་རྩིས་རྒྱབ་པར་གཞིགས་ན། སྤྱི་ལོ་2014ལོར་རྒྱལ་ཡོངས་ཀྱི་དཔེ་སྐྲུན་དང་པར་འདེབས། འགྲེམ་སྤེལ་བཅས་ཀྱི་ཞབས་ཞུའི་ལས་སྒོའི་ལས་གཉེར་ཡོང་འབབ་སྒོར་དུང་ཕྱུར་19967ཟིན་ནས། ཁེ་བཟང་སྒོར་དུང་ཕྱུར་1563དང་བྱེ་བ་7བྱུང་བ། དཔེ་སྐྲུན་བྱས་པའི་དཔེ་དེབ་ཀྱི་སྤྱིའི་པར་འདེབས་བྱེད་ཚད་དེབ་གྲངས་དུང་ཕྱུར་81དང་བྱེ་བ་9ཟིན་པ། དཔེ་སྐྲུན་བྱས་པའི་ཚགས་པར་ཁ་གྲངས་དུང་ཕྱུར་463དང་བྱེ་བ་9ཟིན་པ། དཔེ་སྐྲུན་བྱས་པའི་དུས་དེབ་ངོ་གྲངས་དུང་ཕྱུར་31ཟིན་པ་བཅས་དང་། གྲངས་གཞིའི་དཔེ་སྐྲུན་གྱི་ལས་གཉེར་ཡོང་འབབ་སྒོར་དུང་ཕྱུར་3387དང་བྱེ་བ་7ཟིན་ཡོད་པ་དེས་གསར་འགྱུར་དཔེ་སྐྲུན་ལས་གཉེར་ཡོང་འབབ་ནང་བཟུང་བའི་བསྡུར་ཚད་དེ་སྤྱི་ལོ་2010ལོའི་བརྒྱ་ཆ་བརྒྱད་དང་གྲངས་ཆུང་ལྔ་ནས་སྤྱི་ལོ་2014ལོའི་བརྒྱ་ཆ་17བར་འཕར་ཡོད་པ་དང་། རྒྱལ་ཁབ་རིམ་པའི་གསར་འགྱུར་དཔེ་སྐྲུན་ཐོན་ལས་རྟེན་གཞི་38་གཅིག་བསྡུས་བྱེད་པའི་ཕན་འབྲས་མངོན་གསལ་དོད་པོ་ཡོད་པ་རེད།
