༄༅།། རྩྭ་ཐང་གི་ཉིན་ཐོ།
རྩོམ་སྒྲིག་པ།ཡོང་ཁུངས། སྤེལ་དུས། 06-21
⑴
དཔོན་རྒན་ཐུགས་རྗེ་ཅན། ཁྱེད་ཚང་ལ་མཚོན་ན། སྲིད་པ་ཆགས་པའི་གངས་རྒན། མི་རབས་གསུམ་གྱི་ལྷ་རྒན། དར་དཀར་ཅན་གྱི་བླ་རྒྱུད། དར་ནག་ཅན་གྱི་ སྔགས་རྒྱུད། ཁལ་ལ་དོ་ཡ་མེད་པ། མཐུ་ལ་ངོ་ཡ་མེད་པ། སྐྱབས་རེ་ས། སྡུག་ཞུ་ས། སྤྱིར་ཁྱེད་ཚང་ལ་ཚིག་ཅིག་གཏོང་ཆེ་ཉན་མོད། །དོན་མི་འགྲུབ་རྒྱུ་མ། དོན་མ་འགྲུབ་པར། མགར་བའི་ལག་ནས་ཐོ་ཤོར། སྨན་ངན་ཁ་ནས་ཚིག་ཤོར། སྤྱིར་བུ་མོ་འདི་ཤིང་ཡར་སྐྱེས་ནང་གི་སྲ་སྐྱེས། མི་ཡར་སྐྱེས་ནང་གི་དྲང་སྐྱེས། ཕ་མའི་ཁ་ལེན་པ། ཕ་ཁའི་ཚིག་བརྩི་བ། བོས་ན་ཨ་ལན་ཡག་པ། དྲིས་ན་དྲིས་ལན་དྲང་བ། བཟང་རྩི་རྒྱུ་ལས་ངན་བརྗོད་རྒྱུ་མེད་པ་ཞིག་ཡིན་མོད། ངའི་བུ་མོ་འདི་ སྲིང་རྒན་མ་ལ་བུ་སྐལ་དུ་བྱིན་འདུག་པས། གཅེས་ལོ་བྱས་ནས་སློབ་གྲྭར་འགྲོ་རུ་བཅུག མར་ལོ་བྱས་ནས་རྒྱ་ཁ་ཉུལ་དུ་བཅུག ལྟོགས་འདུག་ཅེ་ན་བྲོ་བསྐྱལ་དེ་རྒྱུག གྲང་འདུག་ཅེ་ན་གོས་བཟོས་ཏེ་རྒྱུག ར་མ་རྒྱགས་ན(འགྲངས་ཆེ་བའི་དོན།)སྦྲ་ ཐོག བུ་མོ་རྒྱགས་ན་དོ་ཐོག ལྟོས་དང་། ད་ནི་ཅི་འདྲ་རེད། འཇིག་རྟེན་པའི་ཁ་དཔེར་འཐུ་རྒྱུ་ལོས་འདུག སྐྲ་རིང་མ་དང་བློ་ཐུང་མ། སྤྱིར་བུད་མེད་ལ་སློབ་གྲྭ་ཞིག་དགོས་དོན་མེད། ཡིན་ཡང་། ད་ནི་འཕྱི་སོང་། མནའ་མ་གཡག་ཤོར་མའི(སྔོན་མནའ་མ་ཞིག་གིས་ཕྱེན་ཤོར་སོང་བས་འགྱོད་སེམས་ཀྱིས་ཨ་ཤི་རེ། ང་འདི་ལྟར་བསྡད་ཡོད་རྒྱུ་ན་ཕྱེན་དེ་ཤོར་མི་འདུག་ཅེས་པས་དཔེ་འདི་འགྱོད་པ་ལས་གྱི་ཐ་མ་ལ་ཟེར།)རྗེས་ལ་སོང་ཚར། བོད་ལ་མི་དཔེ་བ། རྒྱ་ལ་མི་དར་བ། ཁ་སྐམ་པོ་ནང་ནས་ཚིག་ཚོན་པོ་དག་དག་མིན་པར་མི་བཤད། སྤྱིར……སྤྱིར…… ཨ་ཁུ་ནོར་འབུམ་གྱིས་མ་ཁར་སོ་འདེབས་ཞོར་གྱ་མ་གྱོལ་གྱིས་ཡར་ལངས། ཁོས་རུམ་ནས་ཁ་བཏགས་རྙིང་བ་ཞིག་དང་བྱུར་བུའི་ཁོ་གོར(སྣ་ཐ་ལྡུག་བྱེད་ལ་ཟེར)ཞིག་བླངས་རྗེས་ལུས་པོ་མར་སྒུར་ཙམ་གྱིསསྤྱིར་བྱང་ཆུབ་སེམས་དཔའ། སངས་རྒྱས་རློན་པ་ཁྱེད་ཚང་ལྟ་བུས། བསྒུར་ནས་རྩྭ་མ་ཟོས་པའི་གོང་མ། བཙིར་ནས་ལྕི(ལྕི་བ)མ་བཏང་བའི་གོང་མ། བླུན་པོ་ནོར་ཞེས་བོས་ན་ཨ་ཟེར་བ་འདི་ལྟ་བུ་ལ་ཁ་ར་དང་འཁང་ར་བྱེད་མི་སྲིད་མོད། འོན་ཀྱང་། བྱ་ཆེན་ལ་རྡོ་དང་མི་ཆེན་ལ་ ཚིག་བཏང་ན། ཁ་ལས་མི་དགེ རླུང་རྟ་མི་དར། ལུས་ལ་ན་ཚ་དང་ཚེ་ལ་བར་ཆད་འབྱུང་སྲིད་པས། ངས་སྲིང་རྒན་མ་ཡི་ཚབ་བྱས་ནས་སེམས་ཨ་ཆུང་གི་སྣེ་མོས་ཡ་ཆུང་ལ་བརྡུང་སྟེ་བཤགས་པ་འདི་བརྒྱབ་པ་ཡིན་པས། ཁྱེད་ཚང་གི་སེམས་ན་སྡུག་ཅིག་དང་ཞལ་ན་རྡུལ་ཞིག་ཡོད་ན་འདག་ཏུ་འཇུག་ཨེ་དགོས་ཟེར་རྒྱུ་ན། ངོ་མ་ཅན་གྱིས་འདག་ཏུ་འཇུག་དགོས།ཞེས་བཤགས་འབུལ་རྣམས་ཨ་ཁུ་དཔོན་ལ་ཕུལ།
ཅ་བརྒྱད་ལོ་ནས་ད་བར་ཕལ་ཆེར་ལོ་བདུན་བརྒྱད་རིང་ལ་ང་གསེར་བཟང་ཐང་འདིར་ཡོང་མ་མྱོང་། ཡིན་ཡང་ལོ་འགའི་སྔོན་ལ་ང་ཨ་ཁུ་ནོར་ལ་འབུམ་སྐུ་འབུམ་དགོན་ནས་ཐེངས་གཅིག་ཕྲད་མྱོང་བས་ཐེངས་འདིར་ཁོ་རང་མཐོང་བ་དང་ངོ་ཤེས་འདུག སོ་རྙིང་ཙམ་བརྗེས་པ་ལས་སྔར་གྱི་ཕྱིང་ཞྭ་དང་འདྲ་ལ། སྔར་གྱི་སློག་པ་དང་འདྲ་བ། སྔར་གྱི་བོད་ལྷམ་ཡུ་རིང་དང་འདྲ་བ་ཞིག་གྱོན་འདུག་པས་ཁོ་བོ་ཉག་ཙམ་ཡང་མ་རྒས་པ་འདྲ། ཁ་སང་གི་ཁོ་བོ་ཡིན་པ་དང་འདྲ།
ཨ་ཁུ་དཔོན་གྱིས་བྱུར་རུའི་ཁོ་གོར་ལ་ཡུན་ཙམ་བལྟས་རྗེས་ཐབ་ཀའི་ཡ་སྒྱིད་ཀྱི་རྩར་བཞག་པ་དང་ཁ་བཏགས་དེ་ཨོང་ཤིང་གི་སྟེང་དུ་འགེལ་ཙམ་གྱིས་ལག་པ་གཡོན་པའི་མཐེ་བོང་ཁུད་ཀྱི་སྣ་ཐ་དེ་ཤུགས་ཀྱིས་རྔུབ་རྗེས། ཕཱ། ཞེས་སྐྱ་ཐལ་ལེར་ ཕྱིར་ཁ་ནང་ནས་བཏང་། འདི་ནི་ཁྱད་ཆོས་ཤིག་ཡིན་པ་དང་འདྲ་ལ་སྦྱང་རྩལ་ཞིག་ཡིན་པ་དང་ཡང་འདྲ། ཁོས་སེན་ཐོག་གི་སྣ་ཐ་རང་གི་བརླ་སྟེང་དུ་ཕྱི་ཞོརསྙིགས་མ་ལྔ་བདོའི་དུས་འདིར་དམ་པའི་ཆོས་ལ་དད་ལོག་བྱེད་པ་མང་བ་ལས། འཇིག་རྟེན་འཁོར་བར་ཞེན་ལོག་བྱེད་པ་ཉུང་། བཀའ་ཐང་དུ་དུས་ནི་མི་འགྱུར་མི་ནི་འགྱུར་ཟེར་བའང་འདི་ལ་ཟེར།ཟེར་ཞོར་ཕྱིང་བལ་གྱིས་བཙེམ་པའི་སྣབས་ཕྱིའི་ཁུད་དུ་ཤུགས་གང་ཡོད་བཏོན་ནས་ཀླད་གཙིགས་གཟེར་བའི་སྣབས་ཞིག་བུད་རྗེས་མུ་མཐུད་དུསྔགས་པ་རལ་བ་ཅན་ལ་ཚིག་ཤོར་བ་ལས། བླ་མ་གསེར་ཞྭ་ཅན་ལ་རྐུ་བྱས་ན་དགའ་ཟེར་བར་ཡང་དོན་མེད་པ་ཞིག་ག་ལ་ཡིན། མིན། ང་འདྲ་བོ་ཅི་ཡང་མིན། ངའི་མགོ་ཡི་རལ་བ་འདི་མ་གཏོགས་འཇིག་རྟེན་རྒད་པོ་ཞིག་དང་ཁྱད་པར་ཅི་ཡོད། ཡིན་ཡང་། ང་ལ་སྔགས་རབས་བརྒྱད་ཀྱི་སྔགས་རྒྱུད་ཡོད་པས། ཕ་ཁུ་དྲིན་ཅན་དག་གི་སྒྲུབ་སྦྱོང་གི་མཐུ་ཡིས་ང་མ་དགའ་ན་ལྷ་མི་དགའ་བ་ཁོ་ཐག་ཡིན། ཆེ་ཉན།
བཏོན་འགོའི་ཆོས(མནའ་ཚིག)། མི་ཉན། ནང་སྒོས་སུ་བུད་མེད་ཅིག་གིས་དེ་གཏད་ནས་རུང་བ་ཞིག་མིན། ཞེས་ཅུང་མཐོ་མཐོ་བྱས་བསྡད་པར། རྒད་པོ་ཚོ་གཙོ་བྱས་པའི་དེར་འདུས་ཀྱི་མི་རྣམས་ཀྱིས དངོས་གནས་བདེན་པར་འདུག གན། བུ་ཁྲིད་སྐྱིད་སྨྱོས་བྱུང་བ་མིན་པར་སུ་ཡིས་འདི་ལྟར་བྱེད་ནུས།ཟེར།
ངས་ཅི་ཡང་བྱེད་མི་སྲིད། ད་ལྟའི་བར་སྒྲུབ་པ་ཉམས་ལེན་བྱས་པ་ཐམས་ཅད་སྐད་ཅིག་མའི་ཁོང་ཁྲོ་ལ་འཛད་མི་སྲིད་མོད། ཡིན་ཡང་། ང་ཡི་ཆོས་སྐྱོང་སྲུང་མར་ཕྲག་དོག་རྒོད་པས།
ལགས། ཁྱེད་ཀྱིས་དེ་འདྲ་གསུང་མི་ཉན། ཡོད་ཚད་ཁྱེདཞེས་བཤད་མ་ཚར་བར་ཨ་ཁུ་དཔོན་གྱིས་བསམ་དམིགས་ནས་སྐད་འགའ་བསལ་བ་ན་ཨ་ཁུ་ནོར་འབུམ་གྱིས་ཁ་མྱང་ཙམ་མྱང་ཙམ་བྱས་ཏེ་བསྡད།
ཨ་ཁུ་དཔོན་གྱི་ལུས་པོ་ཆེ་ཞིང་རྒྱགས་ལ། གདོང་མདོག་ནག་ཅིང་སྣུམ། གོས་ནག་གིས་བཏུམ་པའི་རལ་བ་སྦོམ་པོས་མགོ་ལ་དཀྲིས་འགའ་བརྒྱབ་པ་དང་། གཟི་ ཁོ་ན་ཡིན་པའི་ཕྲེང་བ་ཆེན་པོ་ཞིག་ལུས་ལ་ཕྲེད་གོན་བྱས་འདུག དུང་གི་རྣ་རྒྱན་ཞིག་བཏགས་འདུག་ལ། ཐོད་ཕྲེང་ཞིག་ལག་མགོར་དཀྲིས་འདུག་པར་མ་ཟད། གཅོད་ཌར་དཔེ་མེད་པ་ཞིག་གམ་དུ་བཞག་འདུག གཟན་དཀར་མཐའ་ལ་ལྕགས་རི་དམར་བོ་བརྒྱབ་པའི་འོག་ནས་བལྟས་ན་རྐང་དུང་ཞིག་རྐེད་ལ་གསེབ་པ་མཐོང་ཐུབ། ཁོས་གདོང་ལ་ཁྲོ་ཉམས་ཤིག་བཟུང་བ་དང་མིག་གཉིས་བཙུམས་སྟེ་ཁ་མུར་མུར་གྱིས་ཅི་ཞིག་ལྐོག་འདོན་བྱས། ……ཆོས་སྐྱོང་སྲུང་མ……དཔལ་ལྡན་ལྷ་མོ……ཨ་མྱེས་ར་རྫོང…… ཞེས་གསོལ་འབོད་རེ་དང་མཉམ་དུ་མིག་གཉིས་ཀླད་དུ་སྐོར་ཙམ་སྐོར་ཙམ་བྱས་པ་ན། ངོ་མ། དཔོན་ཟེར་བ་དེ་ཁྱེད་འདྲ་ཞིག་ལོས་ཡིན། གདོན་ཟེར་བ་དེ་ཁྱེད་འདྲ་ཞིག་གིས་ལོས་ཐུལ་སྙམ་པ་ཞིག་རེད།
ཨ་ཁུ་དཔོན་གྱི་ཞོལ་དུ། མིག་ལྡོག་གཉིས་སྐྱ་ལྷང་ངེར་འདུག་པའི་རྒད་པོ་དེས་ཁ་སྤུ་འབལ་མཚམས་བཞག་རྗེས་ཨ་ཁུ་དཔོན་སར་ཨོང་ནུར་ཞིག་བྱས་ཏེདཔོན་རྒན་ཐུགས་རྗེ་ཅན། ཁྱེད་ཚང་ལ་སྐུ་ཚེགས་འོ་བརྒྱལ་མྱངས་དུ་བཅུག་ནས་འདིར་ཞུ་དོན་ནི། ཆར་ཆུ་དཀོན་ཙམ་དང་། ཕྱྭ་གཡང་ཉམས་ཙམ་མ་ཡིན་ཏེ། སྤྱིར་ན་ནིང་ནས་བཟུང་། ནད་ཁ་རྒོད་གི གདོན་ཁ་བཙན་གི ནང་སྒོས་སུ་ལོ་ཆུང་དང་བུད་མེད་ལ་རྩུབ་གི ཨ། ཡང་། མེད་པ་ཁྱེར་ཤོག་དང་ཤི་བ་ལངས་ཤོག་གི་སྐད་ཆ་མ་ཡིན་མོད། ངོ་མ་ཅན་གྱིས་བཤད་ན། དལ་བའི་དུས་ཀྱི་མཆོད་པ། བྲེལ་བའི་དུས་ཀྱི་མཆོད་འབྲས།། ནུས་མཐུ་ཞིག་ཡོད་ན་གཏོང་རན་ཡིན། གྲུབ་རྟགས་ཤིག་ཡོད་ན་སྟོན་རན་ཡིན། ཁྱེད་ཚང་གི་རྒྱ་སྟག་གི་རི་མོ་ཨོམ་འདྲ་བ་དེ་རྒྱ་སྒང་གི་རྩེ་མོ་གྲི་ འདྲ་བ་ལ་མ་ཕུལ་ནཞེས་བཤད་མ་ཚར་བར་ཨ་ཁུ་ནོར་འབུམ་གྱིས་ཁོ་ལ་སྡང་མིག་གིས་ལྟ་ཙམ་བྱས། དེར་བཤད་མི་ཉན་རྒྱུ་ཅི་ཡོད། རང་སེམས་རློན་པ་ཡིན། རང་ཁྲག་ཁོལ་མ་ཡིན། ངོ་མ་བོ་དེ་མ་བཤད་ན། རླངས་པ་ཡང་མོ་སྐྲན་དུ་འགྱུར། ཙོག་པོ་ལྟག་ཏུ་སྦས་དོན་མེད། ཡག་པ་སྔོན་དུ་བཤམས་དོན་མེད། ད་བར་དུ། ཨ་མ་འདྲེ་མོའི་གདོང་ལ་སྒྲོལ་མ་དཀར་མོའི་ཞལ་བྲིས། འདྲེ་མིན་ཁུལ་བྱས། ལྷ་ཡིན་ཁུལ་བྱས། ཨ་རོག གོས་ཡག་པོས་ཁུད་ཀྱི་མེ་མི་ཐུབ་ཟེར་བ་ཨེ་ཤེས། དེ་བས། ཁ་ངོ་གསང་མེད་པར་བཤད་ན་དགའ། ཆུ་རྐ་ཐང་མེད་པར་བཞུར་ན་དགའ། ང་ཆོས་སྐྱོང་དགྲ་ཁ་ཟེར་དོན་ཡང་། ཁ་བཙོག་ནས་དགྲ་ཁ་བཏགས་པ་མིན། ཚིག་བཙོག་ནས་དགྲ་ཁ་ཐོགས་པ་ཡིན། ཞེས་ལོབས་ཕྱོགས་ཀྱིས་ཁ་སྤུ་ལ་རེག་ཙམ་བྱས་རྗེས་མུ་མཐུད་དུསྤྱིར་ན་ནིང་ལོ་མཇུག་ནས་བཟུང་། ལགས། ཁྱེད་ཚང་ཞུས་ཡོད་རྒྱུ་ན་འདི་འདྲའི་ཆག་སྒོ་ཞིག་འབྱུང་མི་སྲིད་མོད། ཨ། ཡང་། མི་མང་ལ་ཁ་མང་། མི་མཐུན་པའི་སེམས་མང་། ལ་ལས་ཇོ་བོ་ཡིད་བཞིན་བྱིན་ཅན་ཡིན་ཟེར། ལ་ལས་སྐུ་འབུམ་གསེར་སྡོང་མིང་ཅན་ཡིན་ཟེར། དད་པ་རེ་ལ་བྱིན་རླབས་རེ་ཡིན་པས་གཅིག་ཐོག་གཅིག་ཏུ་འཇོག་མ་ཐུབ། སྟོད་ནས་བླ་མ། སྨད་ནས་གྲུབ་ཐོབ། ཐ་ན་རྒྱ་ལྡོམ་རྩིས་པར་བརྫུས་པ་སོགས་མ་ཞུས་པ་ནི་མེད། ཕན་མ་ཐོགས་ཟེར་ཆེ་ ཉན་མོད། ཡིན་ཡང་། ཞེ་བསམ་པས་བཤད་ན། ཨིན། ཨིན། ངོ་མ་ཅན་གྱིས་བཤད་ན། ཨིན། གང་ལྟར་ཡང་གནོད་བྱེད་དེ་གནོད་བྱེད་རང་ག་བ་ཞིག་མིན་པ་ཁོ་ཐག་ཡིན། ཟེར་བ་ན།
ད་ཤོད་ཡ། དགྲ་ཁ་བཏགས་པ་དོན་མེད་དུ་མ་གཏོང་།ཞེས་ཨ་ཁུ་ནོར་འབུམ་གྱིས་སྐེ་དཀྱུ་ཙམ་གྱིས་བསྡད། ཨ་ཁུ་ཆོས་སྐྱོང་ཀྱིས་ཇ་ལ་ཧུབ་ཅིག་བཏབས་ རྗེས་དཀར་ཡོལ་ས་ལ་བཞག
དཔོན་རྒན་ཐུགས་རྗེ་ཅན། ཆང་མ་བཟི་སྔོན་ལ་ཞུ་རྒྱུའི་ཚིག་གསུམ་ཡོད། སྤྱིར་ཆང་ཙམ་གྱིས་ཁྱེད་ཚང་གི་ལྷ་ལ་འཁྲུལ་བ་དང་ཐུགས་ལ་ནོར་བ་འཆོར་མི་སྲིད་མོད། འོན་ཀྱང་། གང་ཟག་ང་ལྟ་བུ་ལ་མཚོན་ན། བླང་དོར་གྱི་ཡོན་ཏན་དཀོན་པས་སེམས་པ་ལག་མཐིལ་ལ་བཞག་སྟེ། འདི་ལ་སེམས་པུ་ཟེར་ཞེས་མ་བཤད་ན་མི་ ཤེས། རི་མོ་མིག་སྔུན་དུ་བཤམས་སྟེ་འདི་ལ་རྒྱལ་ཁམས་ཟེར་ཞེས་མ་བསྟན་ན་མི་ ཤེས། གང་ལྟར་ཡང་ཁྱེད་ཚང་ལ་ཞུ་རྒྱུ་ཞིག་ཡོད་པ་ནི། ནད་ཁ་གདོན་ཁ་འདིའི་འབྱུང་ཁུངས་ལ་རྐྱེན་ཞིག་ཡོད། ལན་པ་ལ་མི་ཞིག་ཡོད། ལྕགས་སྣེ་ཡི་འབིགས་འབིགས་པོ། ཐག་སྣེ་ཡི་ཙར་ཙར་བོ། སུ་ཡིན་ཟེར་རྒྱུ་ན། གན། བུ་ཁྲིད་སྐྱིད་ཡིན། དེ་ནི་མགར་བའི་ལག་ནས་ཐོ་ཤོར་བ་ཙམ་མིན། སྨན་ངན་ཁ་ནས་ཚིག་ཙམ་ཤོར་བ་མིན། ནོར་འབུམ་གྱིས་བཤད་པ་ལ་བདེན་ཞིག་ཡོད་པ་ཉག་ཅིག་ནི། སྔོན་ཆད་ཀྱི་སྔོན་ཆད། ད་དེ་བཤད་ན་རིང་འདུག བུ་མོ་འདིའི་ལག་ཆུང་ངོས་སུ་ཟས་འགོས་ནས་ཅང་མ་འགོར་གོང་། རྐང་ཆུང་ངོས་སུ་ས་འགོས་ནས་ཅང་མ་འགོར་གོང་། ངོ་མ། བུ་མོ་དེ་བུ་མོ་ཡིན། རྟོལ་མོ་དེ་མཛོ་མོ་ཡིན། མགོ་སྒུར་ནས་འདུག་ཤེས། རྭ་བསྙལ་ནས་འགྲོ་ཤེས། ཡིན་ཡང་། ཁོ་མོས་སློབ་གྲྭར་རྒྱུགས་མ་འཕྲོད་པ་ནས་བཟུང་། འདི་འདྲའི་ཤི་གཤེད་ཁྲིགས་ཀྱིས་མི་ཞོག་པ་ཞིག་གིས་བཟུང་བྱུང་། མོ་ཐོ(འཕྲུལ་རྟ)ཉོ་ཟེར་ནས་གསར་བུ་འགའི་བློ་ཁ་གཡོན་ལ་གཅུས་པས། པ་ཐོ་ཚང་གི་མག་པའི་ངོ་ས་ལ་གླན(བསད་སོང་བའི་དོན།)། མོ་རང་གིས་ཀྱང་མོ་ཐོ་ཞོན་པར་བལྟས་ཙ་ན། ཚ་ཚ། འདྲེ་སྲིན་དམར་མོ་ཁྲོས་པའི་ས་གཤགས་པ་དང་འདྲ། ཨིན་ཨིན། ལྟ་མི་བཟོད། མི་ལ་ཡལ་བ་འཐོར་བར་བྱེད(ཧ་ལས་པར་བྱེད་པའི་དོན)། དེའི་རྗེས་ཚོང་རྒྱག་ཅེས་ལོ་ཆུང་འགའ་ཡི་བློ་ཁ་གཡས་སུ་གཅུས་པས། སྒོར་མོ་ཁྲི་ཚོ་མང་བོའི་དོམ་འོག་ཏུ་ཕང་བ་ཕར་ཞོག་རླངས་འཁོར་ལོག་ནས་བདེ་པེ་དང་དར་སྐྱབས། ཤེས་སམ། ཨོམཎིཔདམེཧོ། འབའ་ཐོ་དག་ཞིང་བོ་ཡི་བུ་ཆུང་བ། འདི་གཉིས་ནད་པར་བཏང་། ད་རུང་དེ་ཡིས་ག་ལ་ཚད། ངེད་གསེར་བཟང་ཐང་གི་ཕ་རིང་བུ་རྒྱུད་ལ་མི་དཔེ་བ་ཞིག་བྱུང་བ་ནི། གངས་དཀར་སྒྲོལ་མ། རྒྱ་ཕྲུག་གྱང་རྡུང་ཞིག་གི་རྗེས་དེད་ནས་བྲོས་སོང་བ་དེའི་བར་ན་ཡང་བུ་ཁྲིད་སྐྱིད་སྨྱོན་མ་གདོན་ཡོད་པར་བཤད། ལྟོས་དང་། ད་ནི་ལ་ལས་བུ་འཁྲིད་སྐྱིད་ལ་རྡུང་རྒྱུ་ཟེར། ལ་ལས་རྒྱ་ནང་དུ་ར་མདར་འགྲོ་རྒྱུ་ཟེར། གང་ལྟར་ཡང་། ཕུ་ནུ་ནང་དམེ་བྱེད་རྒྱུ་དེ་གཅིག ཕྱི་སྡེར་མི་ཤ་བགོ་རྒྱུ་དེ་གཉིས། གྱོད་ཅིག་གི་སྣ་ནས་མ་བསྡད་ན་ངས་ཅི་བཤད་ཅི་ཡང་མ་ཤེས་རྟགས། ཁ་ལས་མི་དགེ་དཀོན་མཆོག་སྐྱབས། མགོ་གང་དུ་བཞག་རུང་སྐོ་དོང་ཞིག ང་ནི་དེ་འདྲའི་མི་ཁ་ལས་ཅན་པོ་མིན་མོད། ངས་བལྟས་ན། སྔོན་བཀྲ་དོན་གྱིས་བསད་སོང་བའི་རྒྱ་རྒན་འབུ་རྐོ་དེས་བཀྲ་དོན་རང་དགར་མི་གཏོང་ཞེས་སོ་འཁྲུག་སྟེ་ཤི་སོང་བ་སྡེ་བ་ཡོངས་ལ་གསལ་བ་འདི་རེད། ལོས་ཡིན། གྲིབ་ཤི(རང་བྱུང་ཤི་བ་མ་ཡིན་པའི་ཤི་བ་ལ་ཟེར།)ཡིན་པས་འདྲེ་རུ་སྐྱེ་བ་ཐག་གིས་ཆོད། ཤི་གཤེད་ཀྱི་རིགས་འདིའི་བླ་གཉོམ་པས་རྒྱལ་ཁབ་ཀྱི་བཙོན་ཁང་དུ་འགྲོ་མི་ཐུབ། ཁོས་བཀྲ་དོན་ལ་སྙིང་ནད་རྩོད་མ་ཐུབ་པས། ད་གཟོད་གསེར་བཟང་ཐང་འདི་ཕུ་དཀྲུགས་མདོ་དཀྲུགས་བྱེད་པ་འདྲ། བུ་ཁྲིད་སྐྱིད་ཀྱི་བཅའ་སྲོལ་དང་ལས་སྲོལ་ལ་བལྟས་ན་རྒྱ་རྒན་འབུ་རྐོ་དེ་མིན་པར་འགྲོ་ས་མི་འདུག རྨི་ལམ་དུ་རྨིས་པ་ཕར་ཞོག་རྒྱ་རྒན་དེ་མིག་གིས་དངོས་སུ་མཐོང་བྱུང་ཟེར་བ་ཡང་མང་། ཚ་ཚ། ཇི་འདྲའི་འདྲེ་ངར་ཞིག་ལ། ཨ་ལགས་རིག་བཟང་ཚང་གིས་རྒྱ་འདྲེ་གེག་ལངས། ནང་བའི་བསྟན་དགྲ་ཞིག་གནོད་བྱེད་དུ་འདུག་གསུང་བ་ཡང་། ངས་བལྟས་ན་འདི་ལ་ཟེར་བ་འདྲ། སྤྱིར་བུད་མེད་ཚང་གི་ལུས་ལྷ་གཉོམ་པས་འདྲེ་ཡིས་འཛིན་སླ། ངེད་ཚང་གི་མནའ་མས་ཀྱང་ཨ་ནེ་སྙིད་མོས་མནར་ཚུལ་དང་གཉེན་སྒྲིག་རང་དབང་མིན་ཚུལ་བཤད་ནས་ཀི་ངུ་འདྲེས་སྐོར་གྱིས་སྤྱང་ལུང་གི་ཕུ་ལ་བྲོས། ད་བར་དུ་གཉེན་སྒྲིག་རང་དབང་ཟེར་བ་ཞིག་གང་དུ་ཡོད། སྤྱང་ལུང་ཕུ་རུ་བྲོས་སོང་ཟེར་བ་ཐོས་མ་མྱོང་། ད་བར་དུ་ཨ་ནེ་མནའ་མ་མི་འགྲིག་པ་གང་མང་བྱུང་། སྤྱང་ལུང་ཕུ་རུ་བྲོས་སོང་ཟེར་བ་ཐོས་མྱོང་། ཨ་ཤི་རེ། འབྲོ་ས་དེ་གཙང་ས་ཞིག་མིན་ཡ། ཨ་རོགས། འདྲེ་ཚོགས་ཀྱིས་མདུད་པ་རྒྱག་ས་ཞིག་ཡིན། གནས་དེ་རུ་འགྲོ་ཕོད་པ་ཕར་ཞོག བསམ་ཕོད་པ་ཡང་མི་འདུག ནང་སྒོས་སུ་བུད་མེད་ཅིག ཨོ་ལེ། དེར་བལྟས་པས་ཀྱང་བུད་མེད་འདི་ཚོ་དག་མ་དང་དྭངས་མ་ཞིག་མིན་པ་ཤེས་ཐུབ། ཤི་གཤེད་འདི་རང་ག་བ་ཞིག་མིན་པ་ཤེས་ཐུབ།ཟེར་བ་ན། ཨ་ཤི་རེ། བླ་མ་ཁྱེད་ཚང་མ་ཞུས་པ་ནོར་སོང་བ་འདྲ། ཞེས་ཨ་ཁུ་ནོར་འབུམ་གྱིས་ཁོངས་དགོད་ཅིག་བྱེད་ཞོར་ཞེ་སྡང་གིས་རང་གི་ཇ་འཁྱག་གོ་ཁའི་ནང་དུ་ཕོད་མ་ཐག ཐལ་འཕྱུར་འདོམ་གང་བསླང་བྱུང་། ཁོས་སྐྲག་འགེབས་ཞིག་བྱས། དཀྱིལ་དཀྲུང་ཞིག་ནས་གན་རྐྱལ་དུ་ལོག ཀི་ཀི་ཀི(དགོད་སྒྲ)མོ་ཁྱིམ་གྱི་བུ་མོ་འགའ་ལ་དགོད་ཁ་ཤོར། ཐོད་མདའ་སྤྲོད་རྒྱུ་མ་ཚོ། ཁ་རོགས། ཨ་ཁུ་ནོར་འབུམ་གྱི་རྒན་མོས་སྐད་དམའ་མོས་བུ་མོ་ཚོའི་ངོ་ལ་སྤར་མོ་རེ་གདངས་པ་ན། བུ་མོ་ཚོས་ཨ་ཁུ་དཔོན་ལ་ལྐོག་ལྟ་དང་ལྕེ་ནར་ཡང་ཡང་བྱེད་བཞིན་ཕན་ཚུན་གྱི་ཕག་ཏུ་ཡིབ་རེས་བྱས་བསྡད།
བླ་མ་ཞེས་ན་མི་ཤེས་མོད། གཉན་པོ་ཞིག་ཡིན་པ་ཁོ་ཐག་རེད།ཨ་ཁུ་ཆོས་སྐྱོང་གིས་ཨ་ནོ་ལ་རྩེད་མཚར་ཞིག་བྱས་པ་ན། མི་མང་ལ་དགོད་ཁ་ཤོར།
ལྟོས་དང་། ཇི་འདྲ་རེད། གཞན་ཐོག་ཆུ། རང་ཐོག་མེ། མེ་ཐིག་རེ་ལ་ཨ་ཚ་རེ། དཀོན་ཡ། ད་དཀོན་ཡ། རང་ཤ་རློན་པ་སྲེག་ན་ཨ་ཚ་མི་ཟེར་བ་དཀོན་ཡཨ་ཁུ་ཆོས་སྐྱོང་གིས་ཁ་སྤུ་འབལ་བཞིན་བསྡད།
ཨ་རོག འུག་མིག གན། བུ་ཁྲིད་སྐྱིད། བུ་སྨྱོན་མས། མགོ་སྒུར་མ་ཤེས་པ་དང་རྭ་བསྙལ་མ་ཤེས་པ་གངས་ཅན་བོད་པའི་སྲོལ་དང་མི་མཐུན། འུ་བོ་ཚང་གི་ལུགས་དང་མི་མཐུན་ཞེས་ངས་ཁས་བླངས་བས་མི་ཚད་བཤགས་པ་ཡང་བརྒྱབ་ཚར། ཡིན་ཡང་། ཁྱོད་ཀྱིས་ད་རུང་རྒྱ་གདོན་སྟེང་དུ་རྒྱ་འདྲེ་བཏགས་ན། ངེད་དཔོན་སྐོར་འབུམ་མེ་ཚང་ལ་ཙར་ལོ་བཏགས་ཏེ་ཙོག་ཏུ་བཅུག་པ་མིན་ནམ། ཨ་ཤི་རེ། ངའི་ལས་ཙོག་ན། བོད་འདྲེ་ལའང་མི་དགོས་སམ།ཞེས་པ་ན། ཐམས་ཅད་ལ་དགོད་ཁ་ཤོར།
ངེད་ཚང་གི་མནའ་མ། ཨ་རོག དེ་འདྲེ་མིན་ནམ།
རེད་མོད། སྤྱང་ལུང་གི་ཕུ་རུ་འབྲོ་སྲོལ་ལ་བལྟས་ན། ཨེ།(དོགས་པ་ཟ་བའི་དོན།)དེ་ནི་བོད་འདྲེ་ཞིག་ཡིན་པ་ཐག་གིས་ཆོད།ཅེས་ཨ་ཁུ་ནོར་འབུམ་གྱི་ཟུར་ཟའི་ཚིག་རྔ་ཅུང་རིང་བར་བྱས་པ་ན། ཨ་ཁུ་དཔོན་གྱིས་འཇིགས་འཇིགས་ཀྱིས་སྐད་ཅིག་བསལ། ཨ་ཁུ་ནོར་འབུམ་གྱིས་མྱུར་དུཡ། ལགས། ཁྱོད་ཚང་གི་ཐུགས་མི་དཀྲུག ཟེར།
ཨ་ཁུ་དཔོན་གྱིས་མིག་གཉིས་བཙུམ་སྟེ་གསོལ་བ་ཡུན་རིང་བཏབས་རྗེས་ཕྲེང་བ་གཡུག་སྟེ་ཕྲེང་མོ་བཏབ། ཡ། ངས་ཀྱང་འདི་འདྲ་ཞིག་ཡིན་འདོད་ཡོད། གསེར་བཟང་ཐང་ལ་ཐེག་དཀའ་བའི་བཅའ་བ་འདུག སྔོན་ལ་ཕུར་བའི་ལྕགས་འདུལ་ཞིག་རྒྱག་དགོས། ཇི་ལྟར་མྱུར་ན་དེ་ལྟར་བཟང་། བུ་ཁྲིད་སྐྱིད་གང་དུ་འདུག མོ་ངེས་པར་དུ་ཁྲིད་ཡོང་དགོས།ཟེར་བ་ན། ཨ་ཁུ་ནོར་འབུམ་དང་ཨ་ཁུ་ཆོས་སྐྱོང་གཉིས་ཀྱིས་ཕན་ཚུན་གྱི་གདོང་ལ་བལྟས་བསྡད།
ཁབ་ལེན་རྡོ་ཡིས་བཙལ་ཡང་རྙེད་དཀའ། ལགས། ཚབ་བྱེད་ཙམ་གྱིས་ཆོག་གམ། ཨ་ཁུ་ཆོས་སྐྱོང་གིས་རང་གི་མ་ནེ་ལ་རེག་ཙམ་གྱིས་ཨ་ཁུ་དཔོན་སར་སླར་ཡང་ཨོང་ནུར་ཞིག་བྱས།
དེ་ག་ལ་ཆོག
སྙིང་རྗེ། ཡོད་ཚད་ཀྱི་ལན་པ་བུ་འཁྲིད་སྐྱིད་ཀྱི་སྟེང་དུ་བཀལ། ཐབས་ཅི་ཡོད། དེ་བས་དགེ་ཆོས་ཚང་གིས་ཀྱང‘རྙིང་བ་ཐམས་ཅད་ལྷ་ཡི་སྲོལ་དུ་སྒྲོགས། གསར་བ་ཐམས་ཅད་བདུད་ཀྱི་འཕྲུལ་དུ་སེམས།’ཞེས་པའི་ཚད་མའི་ཚིག་རྐང་འདི་བཞག འགྲོ། དེ་བས་རང་ཉིད་ཨ་ཁུ་ཚེ་དབང་ཚང་དུ་འགྲོ གངས་དཀར་སྒྲོལ་མ་བྲོས་སོང་བས། ཨ་མ་འཛོམ་སྐྱིད་མིག་ཆུའི་ནང་དུ་བསྙལ་འདུག་པ་འདོན་མི་ཟ།
(2)
ཨ་མ་འཛོམ་སྐྱིད་ཀྱིས་དགུན་སློག་བལ་ཁ་འཇོལ་ལེ་བ་ཞིག་གྱོན་པ་དང་བྱིས་པ་ཆུང་ཆུང་ཞིག་རུམ་དུ་བཅུག་པའི་ཐོད་པར་རང་གི་ཐོད་པ་གླན་ཏེ་ཕར་ཡོ་ཚུར་ཡོ་བྱེད་བཞིནལོ་ལོ། གཉིད་པོ་ལོག་དང་རྟ་ཞིག་སྟེར། རྟ་ལ་སྒ་ཆུང་སྟོད་ལ་སྟེར།མོས་མགོ་བོ་ཡར་དགྱེས་ཏེ་སྐད་འགོ་གྱེར་ཙམ་གྱིས་ཁྱིམ་ལས་ལ་བྲེལ་བའི་མནའ་མ་ལ མནའ་མ། ལྟོས་དང་།
ཨ་རྒྱ(ཨ་ཕའི་དོན)ཡོང་གིན་ཡོད་དམཞེས་དྲིས་རྗེས་སླར་ཡང་ཐོད་པ་བྱིས་པར་གླན་ཏེ་མི་མཐུད་དུལོ་ལོ། གནམ་གྱི་སྐར་མ་འཛིན་ན་སྟེར། ས་ཡི་མེ་ཏོག་འབལ་ནས་སྟེར། ལོ་ལོ། ཙི་གུའི་རྔ་མར་རྡོ་ལི་འདོགས་ལ་ སྟེར། སྲུ་མོ་ཡོང་ན་རྡོ་ལི་སྟེར། མག་པ་ཡོང་ན་རྡོ་ལི་སྟེར།ཟེར་བ་ན།
ཧོ་ཧོ་ཡ། ཨ་མ་འདི། ཁྱོད་ལ་ཇི་འདྲའི་ཚར་རྒྱུ་མེད་པའི་རྡོ་ལི་ཞིག སྲུ་མོ་ཡོང་ན་དུང་ཞིག་སྟེར། མག་པ་ཡོང་ན་མདའ་ཞིག་སྟེར་ཟེར་བ་མིན་ནམ། ཅེས་མནའ་མས་ཧབ་ཆ་ཞིག་བརྒྱབ།
ཁྱོད་སྐྱག་པ་དགོད། ཨ་ཧོ། ངའི་བུ་མོས་རྒྱ་ཁོག་སྐམ་པོར་ཉུལ་ནས་མུག་ཁ་ཇི་ལྟར་གསོ། དེ་ཚོར་ཁ་གསོ་ཐབས་མེད་པར་གྱང་བརྡུང་ནས་གླ་བྱེད་པ་མིན་ནམ། མི་ཚེ་འདིར་ངོ་ཐུག་ཐབས་མེད་པས། ད་ནི་ངས་གསོན་སྡུག་འདི་ཇི་ལྟར་འཁུར།ཞེས་ཨ་མ་འཛོམ་སྐྱིད་ཀྱིས་ངུ་ལྷབ་ཅིག་བྱས། ཡུན་ཙམ་ནས་མོསད་རུང་སྟག་ལྷ་ཚང་གིས་ཅི་ཟེར་བ་མི་ཤེས། འཇིག་རྟེན་རྙིང་བ་ཡིན་ན་མི་ཤ་ལག་ཏུ་བགོ་ངེས།
དེ་ཚང་ལ་ཟེར་རྒྱུ་ཅི་ཡོད། དེང་སང་གཉེན་སྒྲིག་རང་འཐད་ཡིན། ཕེ། གྱོལ་བོ་དེ་ལ་ང་ཡང་མི་འཐད།
ཨ་ཙི། ཁྱོད་མི་འཐད་པར་ཁྱོད་འགྲོ་བ་ཡིན་ནམ། དེང་སང་གི་བུད་མེད་འདི་ཚོ་ལ་སྐྲག་འདུག
ཨ་མ། ཁྱོད་ཀྱིས་སེམས་ཁུར་མ་བྱེད། གངས་དཀར་སྒྲོལ་མ་གནས་ལ་བྲོས་པ་མིན།
འདི་ཡིས་ཅི་ཟེར ཨ་མ་འཛོམ་སྐྱིད་ཡར་ལངས་བྱུང་།
ཁོ་མོའི་སྐད་ངག་བདེ་ལ་སྐྱེས་གཟུགས་ལེགས་པས་བུ་འཁྲིད་སྐྱིད་ཀྱིས་མོ་ རང་གླུ་ལེན་ས་ཞིག་ཏུ་འགྲོ་རུ་བཅུག
དེ་ཅི་ཡིན། འདི་ཅི་ཡིན། ཨོ་ན། རྒྱ་ཕྲུག་དེ།
དེ་ངས་ཤེས་སམ། མནའ་མ་དགོད་བཞིན་སྒོར་བུད། དགའ་སྐྱོ་གང་ཡིན་མི་ཤེས་ལ་མནའ་མ་ལ་ཅི་ཞིག་བཤད་དགོས་པ་ཡང་མི་ཤེས་པར་གྱུར་བའི་ཨ་མ་འཛོམ་སྐྱིད་ཀྱིས་རུམ་གྱི་བྱིས་པར་ཐོད་པ་གླན་ཏེ་ཡུན་ཙམ་ལ་ལངས་བསྡད། ཨ་ཁུ་ཚེ་དབང་ཁྱིམ་དུ་འཛུལ་བྱུང་།
རྒད་པོ། སྟག་ལྷ་ཚང་གིས་ཅི་ཟེར་འདུག ཅི་བྱས་བྱུང།ཨ་མ་འཛོམ་སྐྱིད་ཀྱིས་ཨ་ཁུ་ཚེ་དབང་གི་གདོང་ལ་བལྟས་ཏེ་འཚུབ་ཆ་ལངས།
ཨ་མ་དེའི་བུ་མོ། ར་མ་དེའི་རེའུ། སྤྱིར་བུ་མོ་འདི་རིག་མི་དགོས་པ་ཁྱོད་ལ་རིག་སོང་། དེང་ཐོག་ཁྱོད་ཀྱང་ལུག་རྫི་ལྕེ་ལོ་ཡི་རྗེས་སུ་འབྲོ་རྩིས་བྱས། ཨེན་ཙམ་གྱིས་མི་ཤ་བཀལ། ལྟོས་དང་། ད་ནི་བུ་མོས་མི་ཤ་མ་བཀལ་ཐབས་མེད་བྱུངཟེར་ཞོར་ཞེ་སྡང་གིས་ས་ལ་ཙོག
བཙན་སྐོར་སྡེ་བས་ཅི་ཟེར། སྟག་ལྷ་ཚང་གིས་ཅི་ཟེར།
བཙན་སྐོར་སྡེ་བ་ར་མདར་འགྲོ་རྒྱུ་ཟེར། བུ་མོའི་སྐྲ་འབྲེག་རྒྱུ་ཟེར། མག་པའི་རྐང་རྡུང་རྒྱུ་ཟེར། ཡ། དེ་མིན། ད། ཁྱོད་ལ་ཅི་དགོས།ཞེས་ཨ་མ་འཛོམ་སྐྱིད་ཀྱི་སྟེང་ལ་སྡང་སྡང་ཞིག་བྱས་རྗེས་མེ་ལང་ཞིག་ར་ཙེའི་སྟེང་དུ་བཞག་སྟེ་ཤུགས་ཀྱིས་མར་གནོན་ཙམ་བྱས།
ཨ་ཚ་ཚ། ཚ་ཚ་ཚ། ཨ་ཁུ་ཚེ་དབང་གིས་གུང་མཛུབ་ཐབ་ཀའི་སྟེང་དུ་ཕུར་ ཕུར་ནས་ཕུར་ཕུར་བྱས།
ཁྱོད་ལ་དེ་མིན་པར་ཅི་དགོས་ཟེར་སྲོལ་ལ་བལྟས་ན། རྒྱ་ཕྲུག་གི་རྗེས་སུ་བྲོས་སོང་བ་དེ་ང་ཡིན་པ་འདྲ།
རྒས་སོང་བ་ལས། ཁྱོད་ནི་རྒྱ་ཕྲུག་ཕར་ཞོག་ཀླ་ཀློ་ཧོན་ལོག་གི་རྗེས་སུ་ཡང་འབྲོ་ངེས། ང་ནི་ར་མདར་མ་སོང་བ་ཞིག་མ་རེད། དེང་ཐོག
ཨ་རོག རྒད་པོ། ཁྱོད་ཀྱིས་དེང་ཐོག་སྟེང་དུ་ད་ཐོག་བརྩེགས་ནས་ལོ་ལོན་སོང་བ་ཨེ་ཤེས། བཟའ་སྡུག་འུ་གཉིས་འདྲ་བོ་འཐོར་རྒྱུ་མེད་པར་འཐབ་རྒྱུ་དག་དག ལག་འཐབ་ལས་ཀྱང་ཁ་འཐབ་སྡུག མི་ཚེ་ཞིག་ལ་ཙག་བརྡུང་ན་ཁྱོད་ཀྱི་ཁ་ཡིས་བཟོད་ཀྱང་ང་ཡི་རྣ་ཡིས་མི་བཟོད། དེ་འདྲ་ཞིག་ཡིན་ན་དེང་ཐོག་ཁྱོད་ཀྱིས་ང་མ་བླངས་ན་མི་ཆོག་གམ། ད་རུང་ར་མདར་ཟེར། ཕེ། ཁྱོད་ལ་དཔའ་ཇི་འདྲ་ཞིག་ཡོད་པ་ང་ལ་མི་གསལ་ལམ། ལུག་རྫི་ཁེར་ཉལ་ཞིག་ལ་དཔུང་རྡུང་བྱས་པ་ལ་ར་མདའ་ཟེར་རམ། ཁྱོད་ལ་ཅི་ཞིག་ཡོད། ཤིག་མ་ཟོས་པའི་གོང་མ་ཡིན་པ་སུས་མི་ཤེས། ཨ་རོ། ལུག་རྫི་ལྕེ་ལོ་ཡིན་ཡང་། རང་གི་སྣང་བར་སྐུ་གེ་སེར་ཡིན། གསུང་མགུར་མ་ཡིན། ཁྱོད་འདྲ་ཞིག་གི་ཁ་རྩར་ཉི་མ་ནམ་མཚན་གཏོང་བ་ལས། ལྕེ་ལོ་ཞིག་གི་རྩུབ་ནས་རྣ་བ་ཁོམ་ན་མི་བཟང་ངམ། ཨ་ཤི་རེ། འུ་གཉིས་ཀྱི་ཐོད་པའི་ཁ་ཡིག་འདི་ནི་ཞར་བ་ཞིག་གིས་ཞར་འབྲི་བྱས་པ་འདྲ།
མ་བཟང་། མ་བཟང་། ཨ་མ་འཛོམ་སྐྱིད་ཀྱི་ཁ་འཐབ་ཀྱིས་རང་གི་ཅོ་ཏོ་ཕྱེད་ཀ་བཏོགས་ནས་ཐང་དུ་འཕེན་པ་ཉོས་ཚར་བྱུང་། ད་ནི་ཅི་བྱེད། མནའ་མ་ཡང་ཁྱིམ་དུ་མི་འདུག ཡིན་ཡང་། ང་བསམ་ཡུལ་ལས་འདས། ཨ་ཁུ་ཚེ་དབང་གིས་རང་ལ་འདི་དགོས་ཟེར་བ་ལྟར་ཁ་མྱང་ཙམ་གྱིས་དུད་ཁུག་ནང་གི་དུ་བ་ཕུར་གྱིན་ཕུར་གྱིན་བསྡད། ཨ་ཙི། ཨ་ཙི། དངོས་གནས་ཨ་མ་འཛོམ་སྐྱིད་ཀྱིས་བཤད་པ་ལྟར་བཟའ་ཟླ་འདི་གཉིས་འཐོར་རྒྱུ་མེད་པའི་འཐབ་ལོབ་དུ་སོང་འདུག
སོང་དང་། ལུག་རྫི་ལྕེ་ལོ་ད་རུང་ཤི་མེད་པ་གན་རེད། ཅེས་ཨ་ཁུ་ཚེ་དབང་གིས་དལ་མོར་མཆུ་སྟོན་ཙམ་བྱས།
ཧོ་ཧོ་ཡ། ང་ལ་ཡང་མིག་ཡོད། ཨ་རོ། ཁྱོད་ཀྱིས…མནའ་མ་ཐོན་ཐལ ཞེས་འཛོམ་སྐྱིད་ཀྱིས་རང་གི་ཐོད་པ་མྱུར་དུ་རུམ་གྱི་བྱིས་པའི་ཐོད་པར་གླན།
ཨ་རྒྱ། ཇ་འཐུང་། ཨ་ཁུ་སྟག་ལྷ་ཚང་གིས་ཅི་ཟེར། མནའ་མ་ཕྱུག་མཚོ་ཡིས་ཨ་ཁུ་ཚེ་དབང་གི་ངོ་མདངས་ལ་ལྟ་བཞིན་ཇ་ཞིག་བླུད། གངས་དཀར་སྒྲོལ་མ་འབྲོ་རུ་བཅུག་པའི་གྲས་སུ་མོ་རང་ཡང་འདུག་པས་གཉེན་རྟགས་བརྒྱབ་པའི་མི་ཚད་གཉེན་སྟོན་ཡང་ཉིན་ཐོག་སྐར་ཐོག་ཏུ་བཞག་ཚར་འདུག་པའི་སྟག་ལྷ་ཚང་གིས་གྱོད་སློང་བར་སུ་མི་སྐྲག
ལོ་ལོ། བཙན་སྐོར་སྡེ་བར་བཤད་ཚུལ་མང་འདུག ལ་ལས་རྒྱ་ཕྲུག་ལན་པ་ ཡིན་ཟེར། ལ་ལས་བུ་མོ་ལན་པ་ཡིན་ཟེར། ཡང་ལ་ལས་བཤད་ན་འུ་ཚང་ལན་པ་ཡིན་ཟེར། བཙན་སྐོར་ཐོག་པ་ཡང་དོན་མེད་པ་ཞིག་མ་རེད། ལ་ལ། འབྲུག་སྐད་ལ་ཐོག་སྐད་གྲགས། ཐོག་སྐད་ལ་གཞོབ་དྲི་བྲོ། ཁྱི་མོར་རྣ་ཙར་བཏགས་ནས་ཟུག་ཏུ་བཅུག ཙི་གུར་ཁྲོལ་རིལ་བཏགས་ནས་རྒྱུག་ཏུ་བཅུག ཁོ་བཙན་སྐོར་སྟག་ལྷ་ཚང་ལ་དེ་མི་འགྲོ ཁྱི་གསོད་ན་ཐང་ཟེར། མི་རྨས་ན་ཐང་ཟེར
ཧིན། ཁྱི་ལབ། སྟག་ལྷ་ཁ་སྐྲང་། ཁྱོད་ཀྱིས་ཁྱི་དུ་གསོད་པར་ངས་ལྟ།ཨ་མ་འཛོམ་སྐྱིད་ཀྱི་སྐེ་ཕར་དཀྱུས་ནས་བསྡད།
སྤྱིར་ཨ་ཡེ་འཛོམ་སྐྱིད་འདིའི་ཁ་སྣང་ཆེ། སྣ་སྣང་མཐོ། ཁ་སྐྲང་སྟེང་དུ་སྣ་ སྐྲང་བཏགས། རྐང་ཞའི་སྟེང་དུ་ལག་ཞ་བཏགས་པས་བུ་མོའི་བློ་ཁ་འགྱུར་བ་ཡིན། བཙན་སྐོར་སྟག་ལྷ་ཚང་ཞེས་ན། ཨ་རོག བྱུར་རུ་དམར་བོ་འཐོར་ཤུལ་ཞིག་ཡིན། ཙན་དན་ སྡོང་བོ་སྐྱེས་ཤུལ་ཞིག་ཡིན། མི་རྒྱུད་གཙོ་བོ་ཡིན་པ་ལས། རྐང་བ་གྱོལ་ཙམ་ལ་ཅི་སྐྱོན། དེས་རྐང་རྒྱུགས་འགྲན་རྒྱུ་མིན་ནམ། རུ་ཁ་ཉུལ་ཏེ། ཁྱི་ཁ་འུར་ཏེ། ཤིག་དང་རྩམ་པ་མང་ཉུང་མེད་པར་ཟ་བའི་ལུག་རྫི་ཞིག་ལས་མི་བཟང་ངམ།
ཨ་ཙི། ཨ་རྒྱ། དེང་སང་དེ་འདྲའི་ལུག་རྫི་ཞིག་ཡོད་དམ།མནའ་མས་ཧ་མ་གོ་བར་བཤད་།
ལོ་ལོ། ལོས་ཡོད། ཡོད་ནི་རེད། དེ་མིན་ད་རུང་ཉིན་དཀར་ལྷ་མོའི་ལྷ་བཞེངས་རོགས་དང་ནུབ་མོ་འདྲེ་མོའི་ཐག་འཐག་རོགས་ཡང་ཡོད་ངེས ཞེས་པ་ན། མནའ་མའི་སེམས་སུ་ཨ་ཕས་མོ་ལ་བཤད་པར་དོགས་ཏེ་མྱུར་དུ་ཨ་མའི་གདོང་ལ་ལྟ་ཙམ་བྱས། ཨ་མ་འཛོམ་སྐྱིད་ཀྱིས་མནའ་མའི་མནོང་སེམས་ཚོར་དེ་མྱུར་དུཕ་བོང་ལ་བསྐོར་ནས་རི་བོང་ལ་འགྲམ་ལྕག གནའ་མ། ང་ལ་བཤད་པ་ཡིན། མི་ཚེ་ཞིག་ལ་ངེད་གཉིས་ཀྱིས་ཕན་ཚུན་ལ་ཡར་སེམས་ཤིག་མ་དྲན་པ་འདྲ། ཇི་ལྟར་ངན་རུང་། རང་གི་བུ་མོ་ལྡོམ་པོ་ཞིག་གི་རྗེས་སུ་མི་མངགས་པ་ངས་ཀྱང་ཤེས་འདུགཨ་མ་འཛོམ་སྐྱིད་ཀྱིས་མནའ་མ་ལ་བལྟས་ཏེ་བཤད།
སུས་ཤེས། ལྕེ་མེད་པ་མི་ཤེས་པ་ཞིག་གིས་ཅི་ཤེས། ཉིན་དཀར་སྤྱང་ཀིའི་རྣ་ལམ་མ་བརྒྱུད། དགོང་མོ་འུག་པའི་མིག་ལམ་མ་བརྒྱུད། ཁ་ཡི་རླངས་པ་ཞིག་གིས་བུ་མོ་བྲོས་སོང་ཞེས་ན། དེ་ནི་བྱ་བགད་དེ་གཤོག་སྣེ་འཆག་པ། སྦྲུལ་བགད་དེ་སྒལ་བ་འཆད་པ་ཞིག་མིན་ནམ། ཁྱོད་ཨ་ཡེ་འཛོམ་སྐྱིད་མི་འཐད་པ་ཞིག་ཡིན་ན། བུ་མོའི་ཅོ་སྤུ་འགའ་བོ་སྔར་ནས་བཏོགས་པས་མི་ཚད། ཅོ་སྤུས་ཐ་གུ་བསྒྲིལ་ནས་བཏགས་ཀྱང་ཚར་འདུག ཨ་ཁུ་ཚེ་དབང་གིས་ཀྱང་མནའ་མ་ལ་བཤད་ཁུལ་ཀྱིས་བཤད།
ཨ་རྒྱ། ཨ་མས་དངོས་གནས་ཤེས་མི་འདུག
ལོ་ལོ། སྙིང་རྗེ། ཁྱོད་ཀྱིས་ཅི་ཤེས། ཨ་ཡེ་འཛོམ་སྐྱིད་ཅེ་ན། མི་ཤེས་དགུ་ཤེས། ཤིག་གི་རྒྱུ་མ་ལྡུག་ཤེས། ལྟོས་དང་། ཁ་སྣང་སྣ་སྣང་ལག་ཏུ་བཟུང་ཏེ་བརྒྱུགས་ན། མཐུ་ཆེན་གཏོར་མར་གདོང་ཐུག་རྒྱག་དུས་ཀྱང་ཡོད། ད་རྒྱུགས་ཡ། དཔའ་ཡོད་ན་དཔུང་རྩལ་ངོམ་རན་རེད།ཟེར་ཞོར་ཨ་ཁུ་ཚེ་དབང་གིས་ཡ་ཁྱིམ་གྱི་གཉེནརྟགས་ཀྱི་ཆང་དང་གོས་སོགས་ཕྱིར་བླངས།
ཧོ་ཧོ་ཡ། དེ་ལྟར་བཤད་ན། ངས་གྲི་ལྟིག་ཅིག་གཡུགས་ནས་འཛིན་ཐབས་བྲལ་བ་དང་འདྲ། དོན་གལ་དུ་བཞག་བྱུང་ན། ང་སྐྲག་ནས་སྒྱིད་པ་འདར་བ་ཞིག་མ་རེད། སྙིང་རྗེ། རིལ་མ་དང་འདྲ་བ་ཁྱོད། རྟ་ཞིག་གི་རྨིག་སྣེར་འབྱར་ལོས་འགྲོ་མིན་པར་མི་འདོདཅེས་ཨ་མ་འཛོམ་སྐྱིད་ཀྱིས་སྣ་སྙེར་ཞིག་བྱས་ཏེ་སྐེ་ཕར་དཀྱུ་ཙམ་བྱས་པ་ན། མནའ་མ་ཐབ་ཀའི་ཕག་ཏུ་ཡིབ་ནས་ལྐོག་དགོད་བྱས།
ཕྱིར་སྟེར་དགོས་པའི་གཉེན་རྟགས་རྣམས་ལོས་སྟེར། ཉིས་སྐལ་མ་དགོས་ སུམ་སྐལ་འཇལ་ནས་བྱིན་ཀྱང་ཆོག དེའི་ཕན་ཆད་ནས། ཧོ་ཧོ་ཡ། རྐང་རྡུང་རྒྱུ། སྐྲ་འབྲེག་རྒྱུ་ཞེ་ན། ང་ལ་དགོད་རྒྱུ་སྒལ་ཚུགས་དཀྱིལ་ནས་འདུག ཕེ། རྩམ་པའི་མགོ་ཐུ་འགའ་ཡོད་པ་ལ་བུ(དཔའ་མེད་པའི་བུ་ལ་ཟེར།)ཟེར་རམ། ད་ཤོག ངས་མཛོ་འཕོང་འགག་ནས་སྒུག་འདུགཅེས་རུམ་གྱི་བྱིས་པ་ཨ་ཁུ་ཚེ་དབང་གི་ཕང་དུ་ཞེ་སྡང་གིས་བཞག
ཨོ་ལེ། འགྲོ་དགོས་ན། ང་ཡང་འགྲོ མནའ་མ་ཡར་ལངས་ནས་ཐབ་ལ་ རིལ་མ་ཞིག་དེད། བྲིས་པ་བཏོན་པ། (མནའ་ཚིག་ཅིག ཆོས་ཡུམ་ཆེན་ཐེངས་གཅིག་བྲིས་པ་དང་བཏོན་པའི་དོན)འདི་གཉིས་ལ་སྐྲག་འདུག བྲིས་པ་བཏོན་པ། བུ་ཁྲིད་སྐྱིད་ཀྱི་འདྲེ་དེ་འདིར་ཐོན་ བྱུང་། ཨ་ཁུ་ཚེ་དབང་གིས་ཡིད་མི་ཆེས་པའི་མིག་ཟུང་གིས་རྒན་མོ་དང་མནའ་མ་གཉིས་ལ་རེས་མོས་ཀྱིས་ལྟ་ཞོར་དྲག་ཏུ་ངུ་བཞིན་པའི་བྱིས་པ་ལ་གཅེས་བྱས།
ཨ་མ་འཛོམ་སྐྱིད་ནི་གཟུགས་ཆེ་ཞིང་གདོང་མཛེས་པ། ཁ་ཕོ་ཆེ་ཞིང་ཚིག་སྒོ་བཙན་པ་ཞིག་ཡིན་པས། བལྟས་པ་ཙམ་གྱིས་བསོད་ནམས་ཅན་གྱི་བུད་མེད་འཛོམ་པོ་དག་གི་མཚོན་བྱེད་དུ་འདུག ཡིན་ཡང་། ཧ་ཧ་ཧ། གཟུགས་ཐུང་ལ་ངོ་ནག་པ། རྣ་གཉིས་ཅོར་རེ་བ། རལ་བ་ཙིག་རྔ་ཙམ་སྐེ་ཁུག་ཏུ་འཕྱིང་བའི་ཨ་ཁུ་ཚེ་དབང་མཐོང་བ་ཙམ་གྱིས་ཁྱོད་ཚོ་ལའང་དགོད་ཁ་འཆོར་ངེས། ‘གནའ་མི་བཙའ་རོ་མ’ཟེར་བ་དེ་ཚོའི་བཟའ་ཟླ་ཞེས་པའི་མཚན་ཉིད་ནི་ག་འདྲ་ཞིག་ཡིན་ནམ། ཧ་ཧ་ཧ། ངོ་མ། ཞར་བ་ཞིག་གིས་ལག་རྙོབ་ཀྱིས་ཁྲིད་ཡོང་བ་དང་འདྲ། ཐོད་པའི་ཁ་ཡིག་དེ་གདོང་ཁུག་ལ་བྲིས་ཤུད་དུ་སོང་བ་དང་འདྲ། སྐྱེས་རྒྱུད་དང་རུས་རྒྱུད་གཙོ་བ། ཕ་མ་དང་ཕ་ཁུ་གཙོ་བའི་གཉེན་དོན་ཀྱི་མཚོན་བྱེད་ལ་ཁྱོད་གཉིས་ལས་འོས་འཚམ་ཞིག་མི་འདུག་པ་འདྲ། ངས་རྩྭ་ཐང་ལ་ཉུལ་ལྟ་བྱས། ད་ནི་ཉིན་གུང་ལ་སླེབས་འདུག ལྟོས་དང་། སྦྲ་ཚེའུ་སྒོ་ཆོན་སྟེང་དུ་ལྭ་དམར་འཕྱིང་བ་དེ་ཚང་གིས་ད་རུང་ལུག་ལྷས་བསྐྱིལ་དང་ནོར་རྡང་འདོགས་བྱས་ནས་ཅི་བྱེད་པ་ཡིན་ནམ།
⑶
རེ་རེ། ཝེ། རེ་རེ། ས་སྐྱོན་བྱུང་རྒྱུ་བོ། ཨོ། གཡག་རྒན་ལ་རོ་ནག་བུད་བཏང་ཐལ། ཀྲད་དྲུད་དུ་རྒྱུག་པའི་གོམ་སྒྲ་ཞིག་དང་ལྕི་བ་འཁང་བོ་ཞིག་གི་སྐོར་འཕེན་གྱིས་གཡག་རྒན་སེར་ཐོ་ཕྱིར་ནོར་ལྷས་ལ་བཅུག ཡིན་ཡང་། རྒན་མོ་འདིའི་དམོད་ཚིག་ད་རུང་འཆད་རྒྱུ་མི་འདུག ཁ་ནང་དུ་ཐལ་བ་རྒྱོབ། འདྲེ་ཟོག གདོན་ཟོག དུད་འགྲོ་རྩྭ་གཟན་ཁྱོད་ལ་དེ་མ་བྱུང་བར་ཅི་བྱུང་། ངས་ཁྱོད་ཤ་དུམ་བུ་དང་ཀོ་དུམ་བུ་ཞིག་བྱེད། ཅེས་ཞེ་སྡང་གིས་གཡག་རྒན་ཚ་སྣར་བླངས་ཏེ་བཏགས་རྗེས་འདབས་ཀ་ལྷབས་སེར་ས་ལ་བཀབ་ནས་ཙ་ཙིར་ཤུགས་མེད་ཀྱི་གཅིན་ཞིག་བཏང་། གློ་བུར་དུ་གཅིན་མཚམས་ཡང་བཅད་པ་ལྟར་ཡར་ལངས་བྱུང་།
དྲག་དྲག ཁྱོད་ཚོ་སྡོད་གོ སྡོད། གནམ་རྒན་མས་མར་གཟིགས་ནས་ཡོད། ལས་རྒྱུ་འབྲས་ཤིག་ཡོད་ན། ཁྱོད་ཚོའི་ཁོག་དུ་སྐྲན་ཞིག་བཅའ་།ཞེས་དམོད་པའི་རྟགས་ལ་ལག་པ་ཐོད་པར་འཁྱེར་ཙམ་གྱིས་ཀྲད་དྲུད་ཀྱིས་ཕྱིར་སྦྲ་ནང་དུ་འཛུལ་ཏེ་ཅ་ལག་ལ་བསྡུ་གསོག་བརྒྱབ།
ཕྱོགས་ཀྱི་དུས་གསུམ་གྱི་དེ་བཞིན་བཤེགས་པ་ཐམས་ཅད…འགྲོ་རྒྱུ། ངའི་རུ་འགྲོ་རྒྱུ། མུག་སྡེ་བོ་འདི་ནས་འདུག་ཐབས་བྲལ་སོང་བ་ཡིན། ངའི་བུ་མོ་གཅིག་པོ་དགྲ་རུ་བཟུང་། ཨ་ཤི་རེ། ང་སྐྱིད་ནས་གནས་ལ་འགྲོ་བ་མིན། མ་སྐྱིད་འཆི་ཁུང་བསྙེགས་པ་ཡིན། བླ་མ་ལ་སྐྱབས་སུ་མཆིའོ། སངས་རྒྱས་ལ…ག་རེད། འཁོར་ལོ་འདི། ཨོ། གཡག་རྒན་སེར་ཐོའི་སྒ་ཁུང་དུ་གསེབ་ཆོག ཅེས་མོས་ཁེར་བཤད་རྒྱག་ཞོར་མ་ཎི་ལག་འཁོར་ཞིག་ཐབ་ཀའི་ཡ་སྒྱིད་སྟེང་བཞག
ཨ་ཙི། ཨ་ཙི། ངས་ཨེན་ཙམ་གྱི་མ་ཤེས་ཐལ། འདི་ནི་ཨ་མ་དཔའ་མོ་མ་ཡིན་ནམ། སྙིང་རྗེ། ཁོ་མོ་དངོས་གནས་རྒས་འདུག སྔར་གྱི་མག་མོག་གི་སྐྲ་ལོ་གཞི་ནས་དཀར་བོར་གྱུར་འདུག་ལ། མིག་ལྡོག་གཡོན་པའི་ནང་དུ་ཚ་རྡོག་ཞིག་ལྷུང་ཡོད་པ་དེས་ཞར་ལྟ་ཡང་མི་ཉུང་བ་ཞིག་བྱེད་ཀྱིན་འདུག ཕྲག་པ་གཡོན་པ་དང་མཆན་ཁུང་གཡོན་པར་རས་སྔོན་གྱིས་ལྷན་པ་བརྒྱབ་པུ
⑴
དཔོན་རྒན་ཐུགས་རྗེ་ཅན། ཁྱེད་ཚང་ལ་མཚོན་ན། སྲིད་པ་ཆགས་པའི་གངས་རྒན། མི་རབས་གསུམ་གྱི་ལྷ་རྒན། དར་དཀར་ཅན་གྱི་བླ་རྒྱུད། དར་ནག་ཅན་གྱི་ སྔགས་རྒྱུད། ཁལ་ལ་དོ་ཡ་མེད་པ། མཐུ་ལ་ངོ་ཡ་མེད་པ། སྐྱབས་རེ་ས། སྡུག་ཞུ་ས། སྤྱིར་ཁྱེད་ཚང་ལ་ཚིག་ཅིག་གཏོང་ཆེ་ཉན་མོད། །དོན་མི་འགྲུབ་རྒྱུ་མ། དོན་མ་འགྲུབ་པར། མགར་བའི་ལག་ནས་ཐོ་ཤོར། སྨན་ངན་ཁ་ནས་ཚིག་ཤོར། སྤྱིར་བུ་མོ་འདི་ཤིང་ཡར་སྐྱེས་ནང་གི་སྲ་སྐྱེས། མི་ཡར་སྐྱེས་ནང་གི་དྲང་སྐྱེས། ཕ་མའི་ཁ་ལེན་པ། ཕ་ཁའི་ཚིག་བརྩི་བ། བོས་ན་ཨ་ལན་ཡག་པ། དྲིས་ན་དྲིས་ལན་དྲང་བ། བཟང་རྩི་རྒྱུ་ལས་ངན་བརྗོད་རྒྱུ་མེད་པ་ཞིག་ཡིན་མོད། ངའི་བུ་མོ་འདི་ སྲིང་རྒན་མ་ལ་བུ་སྐལ་དུ་བྱིན་འདུག་པས། གཅེས་ལོ་བྱས་ནས་སློབ་གྲྭར་འགྲོ་རུ་བཅུག མར་ལོ་བྱས་ནས་རྒྱ་ཁ་ཉུལ་དུ་བཅུག ལྟོགས་འདུག་ཅེ་ན་བྲོ་བསྐྱལ་དེ་རྒྱུག གྲང་འདུག་ཅེ་ན་གོས་བཟོས་ཏེ་རྒྱུག ར་མ་རྒྱགས་ན(འགྲངས་ཆེ་བའི་དོན།)སྦྲ་ ཐོག བུ་མོ་རྒྱགས་ན་དོ་ཐོག ལྟོས་དང་། ད་ནི་ཅི་འདྲ་རེད། འཇིག་རྟེན་པའི་ཁ་དཔེར་འཐུ་རྒྱུ་ལོས་འདུག སྐྲ་རིང་མ་དང་བློ་ཐུང་མ། སྤྱིར་བུད་མེད་ལ་སློབ་གྲྭ་ཞིག་དགོས་དོན་མེད། ཡིན་ཡང་། ད་ནི་འཕྱི་སོང་། མནའ་མ་གཡག་ཤོར་མའི(སྔོན་མནའ་མ་ཞིག་གིས་ཕྱེན་ཤོར་སོང་བས་འགྱོད་སེམས་ཀྱིས་ཨ་ཤི་རེ། ང་འདི་ལྟར་བསྡད་ཡོད་རྒྱུ་ན་ཕྱེན་དེ་ཤོར་མི་འདུག་ཅེས་པས་དཔེ་འདི་འགྱོད་པ་ལས་གྱི་ཐ་མ་ལ་ཟེར།)རྗེས་ལ་སོང་ཚར། བོད་ལ་མི་དཔེ་བ། རྒྱ་ལ་མི་དར་བ། ཁ་སྐམ་པོ་ནང་ནས་ཚིག་ཚོན་པོ་དག་དག་མིན་པར་མི་བཤད། སྤྱིར……སྤྱིར…… ཨ་ཁུ་ནོར་འབུམ་གྱིས་མ་ཁར་སོ་འདེབས་ཞོར་གྱ་མ་གྱོལ་གྱིས་ཡར་ལངས། ཁོས་རུམ་ནས་ཁ་བཏགས་རྙིང་བ་ཞིག་དང་བྱུར་བུའི་ཁོ་གོར(སྣ་ཐ་ལྡུག་བྱེད་ལ་ཟེར)ཞིག་བླངས་རྗེས་ལུས་པོ་མར་སྒུར་ཙམ་གྱིསསྤྱིར་བྱང་ཆུབ་སེམས་དཔའ། སངས་རྒྱས་རློན་པ་ཁྱེད་ཚང་ལྟ་བུས། བསྒུར་ནས་རྩྭ་མ་ཟོས་པའི་གོང་མ། བཙིར་ནས་ལྕི(ལྕི་བ)མ་བཏང་བའི་གོང་མ། བླུན་པོ་ནོར་ཞེས་བོས་ན་ཨ་ཟེར་བ་འདི་ལྟ་བུ་ལ་ཁ་ར་དང་འཁང་ར་བྱེད་མི་སྲིད་མོད། འོན་ཀྱང་། བྱ་ཆེན་ལ་རྡོ་དང་མི་ཆེན་ལ་ ཚིག་བཏང་ན། ཁ་ལས་མི་དགེ རླུང་རྟ་མི་དར། ལུས་ལ་ན་ཚ་དང་ཚེ་ལ་བར་ཆད་འབྱུང་སྲིད་པས། ངས་སྲིང་རྒན་མ་ཡི་ཚབ་བྱས་ནས་སེམས་ཨ་ཆུང་གི་སྣེ་མོས་ཡ་ཆུང་ལ་བརྡུང་སྟེ་བཤགས་པ་འདི་བརྒྱབ་པ་ཡིན་པས། ཁྱེད་ཚང་གི་སེམས་ན་སྡུག་ཅིག་དང་ཞལ་ན་རྡུལ་ཞིག་ཡོད་ན་འདག་ཏུ་འཇུག་ཨེ་དགོས་ཟེར་རྒྱུ་ན། ངོ་མ་ཅན་གྱིས་འདག་ཏུ་འཇུག་དགོས།ཞེས་བཤགས་འབུལ་རྣམས་ཨ་ཁུ་དཔོན་ལ་ཕུལ།
ཅ་བརྒྱད་ལོ་ནས་ད་བར་ཕལ་ཆེར་ལོ་བདུན་བརྒྱད་རིང་ལ་ང་གསེར་བཟང་ཐང་འདིར་ཡོང་མ་མྱོང་། ཡིན་ཡང་ལོ་འགའི་སྔོན་ལ་ང་ཨ་ཁུ་ནོར་ལ་འབུམ་སྐུ་འབུམ་དགོན་ནས་ཐེངས་གཅིག་ཕྲད་མྱོང་བས་ཐེངས་འདིར་ཁོ་རང་མཐོང་བ་དང་ངོ་ཤེས་འདུག སོ་རྙིང་ཙམ་བརྗེས་པ་ལས་སྔར་གྱི་ཕྱིང་ཞྭ་དང་འདྲ་ལ། སྔར་གྱི་སློག་པ་དང་འདྲ་བ། སྔར་གྱི་བོད་ལྷམ་ཡུ་རིང་དང་འདྲ་བ་ཞིག་གྱོན་འདུག་པས་ཁོ་བོ་ཉག་ཙམ་ཡང་མ་རྒས་པ་འདྲ། ཁ་སང་གི་ཁོ་བོ་ཡིན་པ་དང་འདྲ།
ཨ་ཁུ་དཔོན་གྱིས་བྱུར་རུའི་ཁོ་གོར་ལ་ཡུན་ཙམ་བལྟས་རྗེས་ཐབ་ཀའི་ཡ་སྒྱིད་ཀྱི་རྩར་བཞག་པ་དང་ཁ་བཏགས་དེ་ཨོང་ཤིང་གི་སྟེང་དུ་འགེལ་ཙམ་གྱིས་ལག་པ་གཡོན་པའི་མཐེ་བོང་ཁུད་ཀྱི་སྣ་ཐ་དེ་ཤུགས་ཀྱིས་རྔུབ་རྗེས། ཕཱ། ཞེས་སྐྱ་ཐལ་ལེར་ ཕྱིར་ཁ་ནང་ནས་བཏང་། འདི་ནི་ཁྱད་ཆོས་ཤིག་ཡིན་པ་དང་འདྲ་ལ་སྦྱང་རྩལ་ཞིག་ཡིན་པ་དང་ཡང་འདྲ། ཁོས་སེན་ཐོག་གི་སྣ་ཐ་རང་གི་བརླ་སྟེང་དུ་ཕྱི་ཞོརསྙིགས་མ་ལྔ་བདོའི་དུས་འདིར་དམ་པའི་ཆོས་ལ་དད་ལོག་བྱེད་པ་མང་བ་ལས། འཇིག་རྟེན་འཁོར་བར་ཞེན་ལོག་བྱེད་པ་ཉུང་། བཀའ་ཐང་དུ་དུས་ནི་མི་འགྱུར་མི་ནི་འགྱུར་ཟེར་བའང་འདི་ལ་ཟེར།ཟེར་ཞོར་ཕྱིང་བལ་གྱིས་བཙེམ་པའི་སྣབས་ཕྱིའི་ཁུད་དུ་ཤུགས་གང་ཡོད་བཏོན་ནས་ཀླད་གཙིགས་གཟེར་བའི་སྣབས་ཞིག་བུད་རྗེས་མུ་མཐུད་དུསྔགས་པ་རལ་བ་ཅན་ལ་ཚིག་ཤོར་བ་ལས། བླ་མ་གསེར་ཞྭ་ཅན་ལ་རྐུ་བྱས་ན་དགའ་ཟེར་བར་ཡང་དོན་མེད་པ་ཞིག་ག་ལ་ཡིན། མིན། ང་འདྲ་བོ་ཅི་ཡང་མིན། ངའི་མགོ་ཡི་རལ་བ་འདི་མ་གཏོགས་འཇིག་རྟེན་རྒད་པོ་ཞིག་དང་ཁྱད་པར་ཅི་ཡོད། ཡིན་ཡང་། ང་ལ་སྔགས་རབས་བརྒྱད་ཀྱི་སྔགས་རྒྱུད་ཡོད་པས། ཕ་ཁུ་དྲིན་ཅན་དག་གི་སྒྲུབ་སྦྱོང་གི་མཐུ་ཡིས་ང་མ་དགའ་ན་ལྷ་མི་དགའ་བ་ཁོ་ཐག་ཡིན། ཆེ་ཉན།
བཏོན་འགོའི་ཆོས(མནའ་ཚིག)། མི་ཉན། ནང་སྒོས་སུ་བུད་མེད་ཅིག་གིས་དེ་གཏད་ནས་རུང་བ་ཞིག་མིན། ཞེས་ཅུང་མཐོ་མཐོ་བྱས་བསྡད་པར། རྒད་པོ་ཚོ་གཙོ་བྱས་པའི་དེར་འདུས་ཀྱི་མི་རྣམས་ཀྱིས དངོས་གནས་བདེན་པར་འདུག གན། བུ་ཁྲིད་སྐྱིད་སྨྱོས་བྱུང་བ་མིན་པར་སུ་ཡིས་འདི་ལྟར་བྱེད་ནུས།ཟེར།
ངས་ཅི་ཡང་བྱེད་མི་སྲིད། ད་ལྟའི་བར་སྒྲུབ་པ་ཉམས་ལེན་བྱས་པ་ཐམས་ཅད་སྐད་ཅིག་མའི་ཁོང་ཁྲོ་ལ་འཛད་མི་སྲིད་མོད། ཡིན་ཡང་། ང་ཡི་ཆོས་སྐྱོང་སྲུང་མར་ཕྲག་དོག་རྒོད་པས།
ལགས། ཁྱེད་ཀྱིས་དེ་འདྲ་གསུང་མི་ཉན། ཡོད་ཚད་ཁྱེདཞེས་བཤད་མ་ཚར་བར་ཨ་ཁུ་དཔོན་གྱིས་བསམ་དམིགས་ནས་སྐད་འགའ་བསལ་བ་ན་ཨ་ཁུ་ནོར་འབུམ་གྱིས་ཁ་མྱང་ཙམ་མྱང་ཙམ་བྱས་ཏེ་བསྡད།
ཨ་ཁུ་དཔོན་གྱི་ལུས་པོ་ཆེ་ཞིང་རྒྱགས་ལ། གདོང་མདོག་ནག་ཅིང་སྣུམ། གོས་ནག་གིས་བཏུམ་པའི་རལ་བ་སྦོམ་པོས་མགོ་ལ་དཀྲིས་འགའ་བརྒྱབ་པ་དང་། གཟི་ ཁོ་ན་ཡིན་པའི་ཕྲེང་བ་ཆེན་པོ་ཞིག་ལུས་ལ་ཕྲེད་གོན་བྱས་འདུག དུང་གི་རྣ་རྒྱན་ཞིག་བཏགས་འདུག་ལ། ཐོད་ཕྲེང་ཞིག་ལག་མགོར་དཀྲིས་འདུག་པར་མ་ཟད། གཅོད་ཌར་དཔེ་མེད་པ་ཞིག་གམ་དུ་བཞག་འདུག གཟན་དཀར་མཐའ་ལ་ལྕགས་རི་དམར་བོ་བརྒྱབ་པའི་འོག་ནས་བལྟས་ན་རྐང་དུང་ཞིག་རྐེད་ལ་གསེབ་པ་མཐོང་ཐུབ། ཁོས་གདོང་ལ་ཁྲོ་ཉམས་ཤིག་བཟུང་བ་དང་མིག་གཉིས་བཙུམས་སྟེ་ཁ་མུར་མུར་གྱིས་ཅི་ཞིག་ལྐོག་འདོན་བྱས། ……ཆོས་སྐྱོང་སྲུང་མ……དཔལ་ལྡན་ལྷ་མོ……ཨ་མྱེས་ར་རྫོང…… ཞེས་གསོལ་འབོད་རེ་དང་མཉམ་དུ་མིག་གཉིས་ཀླད་དུ་སྐོར་ཙམ་སྐོར་ཙམ་བྱས་པ་ན། ངོ་མ། དཔོན་ཟེར་བ་དེ་ཁྱེད་འདྲ་ཞིག་ལོས་ཡིན། གདོན་ཟེར་བ་དེ་ཁྱེད་འདྲ་ཞིག་གིས་ལོས་ཐུལ་སྙམ་པ་ཞིག་རེད།
ཨ་ཁུ་དཔོན་གྱི་ཞོལ་དུ། མིག་ལྡོག་གཉིས་སྐྱ་ལྷང་ངེར་འདུག་པའི་རྒད་པོ་དེས་ཁ་སྤུ་འབལ་མཚམས་བཞག་རྗེས་ཨ་ཁུ་དཔོན་སར་ཨོང་ནུར་ཞིག་བྱས་ཏེདཔོན་རྒན་ཐུགས་རྗེ་ཅན། ཁྱེད་ཚང་ལ་སྐུ་ཚེགས་འོ་བརྒྱལ་མྱངས་དུ་བཅུག་ནས་འདིར་ཞུ་དོན་ནི། ཆར་ཆུ་དཀོན་ཙམ་དང་། ཕྱྭ་གཡང་ཉམས་ཙམ་མ་ཡིན་ཏེ། སྤྱིར་ན་ནིང་ནས་བཟུང་། ནད་ཁ་རྒོད་གི གདོན་ཁ་བཙན་གི ནང་སྒོས་སུ་ལོ་ཆུང་དང་བུད་མེད་ལ་རྩུབ་གི ཨ། ཡང་། མེད་པ་ཁྱེར་ཤོག་དང་ཤི་བ་ལངས་ཤོག་གི་སྐད་ཆ་མ་ཡིན་མོད། ངོ་མ་ཅན་གྱིས་བཤད་ན། དལ་བའི་དུས་ཀྱི་མཆོད་པ། བྲེལ་བའི་དུས་ཀྱི་མཆོད་འབྲས།། ནུས་མཐུ་ཞིག་ཡོད་ན་གཏོང་རན་ཡིན། གྲུབ་རྟགས་ཤིག་ཡོད་ན་སྟོན་རན་ཡིན། ཁྱེད་ཚང་གི་རྒྱ་སྟག་གི་རི་མོ་ཨོམ་འདྲ་བ་དེ་རྒྱ་སྒང་གི་རྩེ་མོ་གྲི་ འདྲ་བ་ལ་མ་ཕུལ་ནཞེས་བཤད་མ་ཚར་བར་ཨ་ཁུ་ནོར་འབུམ་གྱིས་ཁོ་ལ་སྡང་མིག་གིས་ལྟ་ཙམ་བྱས། དེར་བཤད་མི་ཉན་རྒྱུ་ཅི་ཡོད། རང་སེམས་རློན་པ་ཡིན། རང་ཁྲག་ཁོལ་མ་ཡིན། ངོ་མ་བོ་དེ་མ་བཤད་ན། རླངས་པ་ཡང་མོ་སྐྲན་དུ་འགྱུར། ཙོག་པོ་ལྟག་ཏུ་སྦས་དོན་མེད། ཡག་པ་སྔོན་དུ་བཤམས་དོན་མེད། ད་བར་དུ། ཨ་མ་འདྲེ་མོའི་གདོང་ལ་སྒྲོལ་མ་དཀར་མོའི་ཞལ་བྲིས། འདྲེ་མིན་ཁུལ་བྱས། ལྷ་ཡིན་ཁུལ་བྱས། ཨ་རོག གོས་ཡག་པོས་ཁུད་ཀྱི་མེ་མི་ཐུབ་ཟེར་བ་ཨེ་ཤེས། དེ་བས། ཁ་ངོ་གསང་མེད་པར་བཤད་ན་དགའ། ཆུ་རྐ་ཐང་མེད་པར་བཞུར་ན་དགའ། ང་ཆོས་སྐྱོང་དགྲ་ཁ་ཟེར་དོན་ཡང་། ཁ་བཙོག་ནས་དགྲ་ཁ་བཏགས་པ་མིན། ཚིག་བཙོག་ནས་དགྲ་ཁ་ཐོགས་པ་ཡིན། ཞེས་ལོབས་ཕྱོགས་ཀྱིས་ཁ་སྤུ་ལ་རེག་ཙམ་བྱས་རྗེས་མུ་མཐུད་དུསྤྱིར་ན་ནིང་ལོ་མཇུག་ནས་བཟུང་། ལགས། ཁྱེད་ཚང་ཞུས་ཡོད་རྒྱུ་ན་འདི་འདྲའི་ཆག་སྒོ་ཞིག་འབྱུང་མི་སྲིད་མོད། ཨ། ཡང་། མི་མང་ལ་ཁ་མང་། མི་མཐུན་པའི་སེམས་མང་། ལ་ལས་ཇོ་བོ་ཡིད་བཞིན་བྱིན་ཅན་ཡིན་ཟེར། ལ་ལས་སྐུ་འབུམ་གསེར་སྡོང་མིང་ཅན་ཡིན་ཟེར། དད་པ་རེ་ལ་བྱིན་རླབས་རེ་ཡིན་པས་གཅིག་ཐོག་གཅིག་ཏུ་འཇོག་མ་ཐུབ། སྟོད་ནས་བླ་མ། སྨད་ནས་གྲུབ་ཐོབ། ཐ་ན་རྒྱ་ལྡོམ་རྩིས་པར་བརྫུས་པ་སོགས་མ་ཞུས་པ་ནི་མེད། ཕན་མ་ཐོགས་ཟེར་ཆེ་ ཉན་མོད། ཡིན་ཡང་། ཞེ་བསམ་པས་བཤད་ན། ཨིན། ཨིན། ངོ་མ་ཅན་གྱིས་བཤད་ན། ཨིན། གང་ལྟར་ཡང་གནོད་བྱེད་དེ་གནོད་བྱེད་རང་ག་བ་ཞིག་མིན་པ་ཁོ་ཐག་ཡིན། ཟེར་བ་ན།
ད་ཤོད་ཡ། དགྲ་ཁ་བཏགས་པ་དོན་མེད་དུ་མ་གཏོང་།ཞེས་ཨ་ཁུ་ནོར་འབུམ་གྱིས་སྐེ་དཀྱུ་ཙམ་གྱིས་བསྡད། ཨ་ཁུ་ཆོས་སྐྱོང་ཀྱིས་ཇ་ལ་ཧུབ་ཅིག་བཏབས་ རྗེས་དཀར་ཡོལ་ས་ལ་བཞག
དཔོན་རྒན་ཐུགས་རྗེ་ཅན། ཆང་མ་བཟི་སྔོན་ལ་ཞུ་རྒྱུའི་ཚིག་གསུམ་ཡོད། སྤྱིར་ཆང་ཙམ་གྱིས་ཁྱེད་ཚང་གི་ལྷ་ལ་འཁྲུལ་བ་དང་ཐུགས་ལ་ནོར་བ་འཆོར་མི་སྲིད་མོད། འོན་ཀྱང་། གང་ཟག་ང་ལྟ་བུ་ལ་མཚོན་ན། བླང་དོར་གྱི་ཡོན་ཏན་དཀོན་པས་སེམས་པ་ལག་མཐིལ་ལ་བཞག་སྟེ། འདི་ལ་སེམས་པུ་ཟེར་ཞེས་མ་བཤད་ན་མི་ ཤེས། རི་མོ་མིག་སྔུན་དུ་བཤམས་སྟེ་འདི་ལ་རྒྱལ་ཁམས་ཟེར་ཞེས་མ་བསྟན་ན་མི་ ཤེས། གང་ལྟར་ཡང་ཁྱེད་ཚང་ལ་ཞུ་རྒྱུ་ཞིག་ཡོད་པ་ནི། ནད་ཁ་གདོན་ཁ་འདིའི་འབྱུང་ཁུངས་ལ་རྐྱེན་ཞིག་ཡོད། ལན་པ་ལ་མི་ཞིག་ཡོད། ལྕགས་སྣེ་ཡི་འབིགས་འབིགས་པོ། ཐག་སྣེ་ཡི་ཙར་ཙར་བོ། སུ་ཡིན་ཟེར་རྒྱུ་ན། གན། བུ་ཁྲིད་སྐྱིད་ཡིན། དེ་ནི་མགར་བའི་ལག་ནས་ཐོ་ཤོར་བ་ཙམ་མིན། སྨན་ངན་ཁ་ནས་ཚིག་ཙམ་ཤོར་བ་མིན། ནོར་འབུམ་གྱིས་བཤད་པ་ལ་བདེན་ཞིག་ཡོད་པ་ཉག་ཅིག་ནི། སྔོན་ཆད་ཀྱི་སྔོན་ཆད། ད་དེ་བཤད་ན་རིང་འདུག བུ་མོ་འདིའི་ལག་ཆུང་ངོས་སུ་ཟས་འགོས་ནས་ཅང་མ་འགོར་གོང་། རྐང་ཆུང་ངོས་སུ་ས་འགོས་ནས་ཅང་མ་འགོར་གོང་། ངོ་མ། བུ་མོ་དེ་བུ་མོ་ཡིན། རྟོལ་མོ་དེ་མཛོ་མོ་ཡིན། མགོ་སྒུར་ནས་འདུག་ཤེས། རྭ་བསྙལ་ནས་འགྲོ་ཤེས། ཡིན་ཡང་། ཁོ་མོས་སློབ་གྲྭར་རྒྱུགས་མ་འཕྲོད་པ་ནས་བཟུང་། འདི་འདྲའི་ཤི་གཤེད་ཁྲིགས་ཀྱིས་མི་ཞོག་པ་ཞིག་གིས་བཟུང་བྱུང་། མོ་ཐོ(འཕྲུལ་རྟ)ཉོ་ཟེར་ནས་གསར་བུ་འགའི་བློ་ཁ་གཡོན་ལ་གཅུས་པས། པ་ཐོ་ཚང་གི་མག་པའི་ངོ་ས་ལ་གླན(བསད་སོང་བའི་དོན།)། མོ་རང་གིས་ཀྱང་མོ་ཐོ་ཞོན་པར་བལྟས་ཙ་ན། ཚ་ཚ། འདྲེ་སྲིན་དམར་མོ་ཁྲོས་པའི་ས་གཤགས་པ་དང་འདྲ། ཨིན་ཨིན། ལྟ་མི་བཟོད། མི་ལ་ཡལ་བ་འཐོར་བར་བྱེད(ཧ་ལས་པར་བྱེད་པའི་དོན)། དེའི་རྗེས་ཚོང་རྒྱག་ཅེས་ལོ་ཆུང་འགའ་ཡི་བློ་ཁ་གཡས་སུ་གཅུས་པས། སྒོར་མོ་ཁྲི་ཚོ་མང་བོའི་དོམ་འོག་ཏུ་ཕང་བ་ཕར་ཞོག་རླངས་འཁོར་ལོག་ནས་བདེ་པེ་དང་དར་སྐྱབས། ཤེས་སམ། ཨོམཎིཔདམེཧོ། འབའ་ཐོ་དག་ཞིང་བོ་ཡི་བུ་ཆུང་བ། འདི་གཉིས་ནད་པར་བཏང་། ད་རུང་དེ་ཡིས་ག་ལ་ཚད། ངེད་གསེར་བཟང་ཐང་གི་ཕ་རིང་བུ་རྒྱུད་ལ་མི་དཔེ་བ་ཞིག་བྱུང་བ་ནི། གངས་དཀར་སྒྲོལ་མ། རྒྱ་ཕྲུག་གྱང་རྡུང་ཞིག་གི་རྗེས་དེད་ནས་བྲོས་སོང་བ་དེའི་བར་ན་ཡང་བུ་ཁྲིད་སྐྱིད་སྨྱོན་མ་གདོན་ཡོད་པར་བཤད། ལྟོས་དང་། ད་ནི་ལ་ལས་བུ་འཁྲིད་སྐྱིད་ལ་རྡུང་རྒྱུ་ཟེར། ལ་ལས་རྒྱ་ནང་དུ་ར་མདར་འགྲོ་རྒྱུ་ཟེར། གང་ལྟར་ཡང་། ཕུ་ནུ་ནང་དམེ་བྱེད་རྒྱུ་དེ་གཅིག ཕྱི་སྡེར་མི་ཤ་བགོ་རྒྱུ་དེ་གཉིས། གྱོད་ཅིག་གི་སྣ་ནས་མ་བསྡད་ན་ངས་ཅི་བཤད་ཅི་ཡང་མ་ཤེས་རྟགས། ཁ་ལས་མི་དགེ་དཀོན་མཆོག་སྐྱབས། མགོ་གང་དུ་བཞག་རུང་སྐོ་དོང་ཞིག ང་ནི་དེ་འདྲའི་མི་ཁ་ལས་ཅན་པོ་མིན་མོད། ངས་བལྟས་ན། སྔོན་བཀྲ་དོན་གྱིས་བསད་སོང་བའི་རྒྱ་རྒན་འབུ་རྐོ་དེས་བཀྲ་དོན་རང་དགར་མི་གཏོང་ཞེས་སོ་འཁྲུག་སྟེ་ཤི་སོང་བ་སྡེ་བ་ཡོངས་ལ་གསལ་བ་འདི་རེད། ལོས་ཡིན། གྲིབ་ཤི(རང་བྱུང་ཤི་བ་མ་ཡིན་པའི་ཤི་བ་ལ་ཟེར།)ཡིན་པས་འདྲེ་རུ་སྐྱེ་བ་ཐག་གིས་ཆོད། ཤི་གཤེད་ཀྱི་རིགས་འདིའི་བླ་གཉོམ་པས་རྒྱལ་ཁབ་ཀྱི་བཙོན་ཁང་དུ་འགྲོ་མི་ཐུབ། ཁོས་བཀྲ་དོན་ལ་སྙིང་ནད་རྩོད་མ་ཐུབ་པས། ད་གཟོད་གསེར་བཟང་ཐང་འདི་ཕུ་དཀྲུགས་མདོ་དཀྲུགས་བྱེད་པ་འདྲ། བུ་ཁྲིད་སྐྱིད་ཀྱི་བཅའ་སྲོལ་དང་ལས་སྲོལ་ལ་བལྟས་ན་རྒྱ་རྒན་འབུ་རྐོ་དེ་མིན་པར་འགྲོ་ས་མི་འདུག རྨི་ལམ་དུ་རྨིས་པ་ཕར་ཞོག་རྒྱ་རྒན་དེ་མིག་གིས་དངོས་སུ་མཐོང་བྱུང་ཟེར་བ་ཡང་མང་། ཚ་ཚ། ཇི་འདྲའི་འདྲེ་ངར་ཞིག་ལ། ཨ་ལགས་རིག་བཟང་ཚང་གིས་རྒྱ་འདྲེ་གེག་ལངས། ནང་བའི་བསྟན་དགྲ་ཞིག་གནོད་བྱེད་དུ་འདུག་གསུང་བ་ཡང་། ངས་བལྟས་ན་འདི་ལ་ཟེར་བ་འདྲ། སྤྱིར་བུད་མེད་ཚང་གི་ལུས་ལྷ་གཉོམ་པས་འདྲེ་ཡིས་འཛིན་སླ། ངེད་ཚང་གི་མནའ་མས་ཀྱང་ཨ་ནེ་སྙིད་མོས་མནར་ཚུལ་དང་གཉེན་སྒྲིག་རང་དབང་མིན་ཚུལ་བཤད་ནས་ཀི་ངུ་འདྲེས་སྐོར་གྱིས་སྤྱང་ལུང་གི་ཕུ་ལ་བྲོས། ད་བར་དུ་གཉེན་སྒྲིག་རང་དབང་ཟེར་བ་ཞིག་གང་དུ་ཡོད། སྤྱང་ལུང་ཕུ་རུ་བྲོས་སོང་ཟེར་བ་ཐོས་མ་མྱོང་། ད་བར་དུ་ཨ་ནེ་མནའ་མ་མི་འགྲིག་པ་གང་མང་བྱུང་། སྤྱང་ལུང་ཕུ་རུ་བྲོས་སོང་ཟེར་བ་ཐོས་མྱོང་། ཨ་ཤི་རེ། འབྲོ་ས་དེ་གཙང་ས་ཞིག་མིན་ཡ། ཨ་རོགས། འདྲེ་ཚོགས་ཀྱིས་མདུད་པ་རྒྱག་ས་ཞིག་ཡིན། གནས་དེ་རུ་འགྲོ་ཕོད་པ་ཕར་ཞོག བསམ་ཕོད་པ་ཡང་མི་འདུག ནང་སྒོས་སུ་བུད་མེད་ཅིག ཨོ་ལེ། དེར་བལྟས་པས་ཀྱང་བུད་མེད་འདི་ཚོ་དག་མ་དང་དྭངས་མ་ཞིག་མིན་པ་ཤེས་ཐུབ། ཤི་གཤེད་འདི་རང་ག་བ་ཞིག་མིན་པ་ཤེས་ཐུབ།ཟེར་བ་ན། ཨ་ཤི་རེ། བླ་མ་ཁྱེད་ཚང་མ་ཞུས་པ་ནོར་སོང་བ་འདྲ། ཞེས་ཨ་ཁུ་ནོར་འབུམ་གྱིས་ཁོངས་དགོད་ཅིག་བྱེད་ཞོར་ཞེ་སྡང་གིས་རང་གི་ཇ་འཁྱག་གོ་ཁའི་ནང་དུ་ཕོད་མ་ཐག ཐལ་འཕྱུར་འདོམ་གང་བསླང་བྱུང་། ཁོས་སྐྲག་འགེབས་ཞིག་བྱས། དཀྱིལ་དཀྲུང་ཞིག་ནས་གན་རྐྱལ་དུ་ལོག ཀི་ཀི་ཀི(དགོད་སྒྲ)མོ་ཁྱིམ་གྱི་བུ་མོ་འགའ་ལ་དགོད་ཁ་ཤོར། ཐོད་མདའ་སྤྲོད་རྒྱུ་མ་ཚོ། ཁ་རོགས། ཨ་ཁུ་ནོར་འབུམ་གྱི་རྒན་མོས་སྐད་དམའ་མོས་བུ་མོ་ཚོའི་ངོ་ལ་སྤར་མོ་རེ་གདངས་པ་ན། བུ་མོ་ཚོས་ཨ་ཁུ་དཔོན་ལ་ལྐོག་ལྟ་དང་ལྕེ་ནར་ཡང་ཡང་བྱེད་བཞིན་ཕན་ཚུན་གྱི་ཕག་ཏུ་ཡིབ་རེས་བྱས་བསྡད།
བླ་མ་ཞེས་ན་མི་ཤེས་མོད། གཉན་པོ་ཞིག་ཡིན་པ་ཁོ་ཐག་རེད།ཨ་ཁུ་ཆོས་སྐྱོང་གིས་ཨ་ནོ་ལ་རྩེད་མཚར་ཞིག་བྱས་པ་ན། མི་མང་ལ་དགོད་ཁ་ཤོར།
ལྟོས་དང་། ཇི་འདྲ་རེད། གཞན་ཐོག་ཆུ། རང་ཐོག་མེ། མེ་ཐིག་རེ་ལ་ཨ་ཚ་རེ། དཀོན་ཡ། ད་དཀོན་ཡ། རང་ཤ་རློན་པ་སྲེག་ན་ཨ་ཚ་མི་ཟེར་བ་དཀོན་ཡཨ་ཁུ་ཆོས་སྐྱོང་གིས་ཁ་སྤུ་འབལ་བཞིན་བསྡད།
ཨ་རོག འུག་མིག གན། བུ་ཁྲིད་སྐྱིད། བུ་སྨྱོན་མས། མགོ་སྒུར་མ་ཤེས་པ་དང་རྭ་བསྙལ་མ་ཤེས་པ་གངས་ཅན་བོད་པའི་སྲོལ་དང་མི་མཐུན། འུ་བོ་ཚང་གི་ལུགས་དང་མི་མཐུན་ཞེས་ངས་ཁས་བླངས་བས་མི་ཚད་བཤགས་པ་ཡང་བརྒྱབ་ཚར། ཡིན་ཡང་། ཁྱོད་ཀྱིས་ད་རུང་རྒྱ་གདོན་སྟེང་དུ་རྒྱ་འདྲེ་བཏགས་ན། ངེད་དཔོན་སྐོར་འབུམ་མེ་ཚང་ལ་ཙར་ལོ་བཏགས་ཏེ་ཙོག་ཏུ་བཅུག་པ་མིན་ནམ། ཨ་ཤི་རེ། ངའི་ལས་ཙོག་ན། བོད་འདྲེ་ལའང་མི་དགོས་སམ།ཞེས་པ་ན། ཐམས་ཅད་ལ་དགོད་ཁ་ཤོར།
ངེད་ཚང་གི་མནའ་མ། ཨ་རོག དེ་འདྲེ་མིན་ནམ།
རེད་མོད། སྤྱང་ལུང་གི་ཕུ་རུ་འབྲོ་སྲོལ་ལ་བལྟས་ན། ཨེ།(དོགས་པ་ཟ་བའི་དོན།)དེ་ནི་བོད་འདྲེ་ཞིག་ཡིན་པ་ཐག་གིས་ཆོད།ཅེས་ཨ་ཁུ་ནོར་འབུམ་གྱི་ཟུར་ཟའི་ཚིག་རྔ་ཅུང་རིང་བར་བྱས་པ་ན། ཨ་ཁུ་དཔོན་གྱིས་འཇིགས་འཇིགས་ཀྱིས་སྐད་ཅིག་བསལ། ཨ་ཁུ་ནོར་འབུམ་གྱིས་མྱུར་དུཡ། ལགས། ཁྱོད་ཚང་གི་ཐུགས་མི་དཀྲུག ཟེར།
ཨ་ཁུ་དཔོན་གྱིས་མིག་གཉིས་བཙུམ་སྟེ་གསོལ་བ་ཡུན་རིང་བཏབས་རྗེས་ཕྲེང་བ་གཡུག་སྟེ་ཕྲེང་མོ་བཏབ། ཡ། ངས་ཀྱང་འདི་འདྲ་ཞིག་ཡིན་འདོད་ཡོད། གསེར་བཟང་ཐང་ལ་ཐེག་དཀའ་བའི་བཅའ་བ་འདུག སྔོན་ལ་ཕུར་བའི་ལྕགས་འདུལ་ཞིག་རྒྱག་དགོས། ཇི་ལྟར་མྱུར་ན་དེ་ལྟར་བཟང་། བུ་ཁྲིད་སྐྱིད་གང་དུ་འདུག མོ་ངེས་པར་དུ་ཁྲིད་ཡོང་དགོས།ཟེར་བ་ན། ཨ་ཁུ་ནོར་འབུམ་དང་ཨ་ཁུ་ཆོས་སྐྱོང་གཉིས་ཀྱིས་ཕན་ཚུན་གྱི་གདོང་ལ་བལྟས་བསྡད།
ཁབ་ལེན་རྡོ་ཡིས་བཙལ་ཡང་རྙེད་དཀའ། ལགས། ཚབ་བྱེད་ཙམ་གྱིས་ཆོག་གམ། ཨ་ཁུ་ཆོས་སྐྱོང་གིས་རང་གི་མ་ནེ་ལ་རེག་ཙམ་གྱིས་ཨ་ཁུ་དཔོན་སར་སླར་ཡང་ཨོང་ནུར་ཞིག་བྱས།
དེ་ག་ལ་ཆོག
སྙིང་རྗེ། ཡོད་ཚད་ཀྱི་ལན་པ་བུ་འཁྲིད་སྐྱིད་ཀྱི་སྟེང་དུ་བཀལ། ཐབས་ཅི་ཡོད། དེ་བས་དགེ་ཆོས་ཚང་གིས་ཀྱང‘རྙིང་བ་ཐམས་ཅད་ལྷ་ཡི་སྲོལ་དུ་སྒྲོགས། གསར་བ་ཐམས་ཅད་བདུད་ཀྱི་འཕྲུལ་དུ་སེམས།’ཞེས་པའི་ཚད་མའི་ཚིག་རྐང་འདི་བཞག འགྲོ། དེ་བས་རང་ཉིད་ཨ་ཁུ་ཚེ་དབང་ཚང་དུ་འགྲོ གངས་དཀར་སྒྲོལ་མ་བྲོས་སོང་བས། ཨ་མ་འཛོམ་སྐྱིད་མིག་ཆུའི་ནང་དུ་བསྙལ་འདུག་པ་འདོན་མི་ཟ།
(2)
ཨ་མ་འཛོམ་སྐྱིད་ཀྱིས་དགུན་སློག་བལ་ཁ་འཇོལ་ལེ་བ་ཞིག་གྱོན་པ་དང་བྱིས་པ་ཆུང་ཆུང་ཞིག་རུམ་དུ་བཅུག་པའི་ཐོད་པར་རང་གི་ཐོད་པ་གླན་ཏེ་ཕར་ཡོ་ཚུར་ཡོ་བྱེད་བཞིནལོ་ལོ། གཉིད་པོ་ལོག་དང་རྟ་ཞིག་སྟེར། རྟ་ལ་སྒ་ཆུང་སྟོད་ལ་སྟེར།མོས་མགོ་བོ་ཡར་དགྱེས་ཏེ་སྐད་འགོ་གྱེར་ཙམ་གྱིས་ཁྱིམ་ལས་ལ་བྲེལ་བའི་མནའ་མ་ལ མནའ་མ། ལྟོས་དང་།
ཨ་རྒྱ(ཨ་ཕའི་དོན)ཡོང་གིན་ཡོད་དམཞེས་དྲིས་རྗེས་སླར་ཡང་ཐོད་པ་བྱིས་པར་གླན་ཏེ་མི་མཐུད་དུལོ་ལོ། གནམ་གྱི་སྐར་མ་འཛིན་ན་སྟེར། ས་ཡི་མེ་ཏོག་འབལ་ནས་སྟེར། ལོ་ལོ། ཙི་གུའི་རྔ་མར་རྡོ་ལི་འདོགས་ལ་ སྟེར། སྲུ་མོ་ཡོང་ན་རྡོ་ལི་སྟེར། མག་པ་ཡོང་ན་རྡོ་ལི་སྟེར།ཟེར་བ་ན།
ཧོ་ཧོ་ཡ། ཨ་མ་འདི། ཁྱོད་ལ་ཇི་འདྲའི་ཚར་རྒྱུ་མེད་པའི་རྡོ་ལི་ཞིག སྲུ་མོ་ཡོང་ན་དུང་ཞིག་སྟེར། མག་པ་ཡོང་ན་མདའ་ཞིག་སྟེར་ཟེར་བ་མིན་ནམ། ཅེས་མནའ་མས་ཧབ་ཆ་ཞིག་བརྒྱབ།
ཁྱོད་སྐྱག་པ་དགོད། ཨ་ཧོ། ངའི་བུ་མོས་རྒྱ་ཁོག་སྐམ་པོར་ཉུལ་ནས་མུག་ཁ་ཇི་ལྟར་གསོ། དེ་ཚོར་ཁ་གསོ་ཐབས་མེད་པར་གྱང་བརྡུང་ནས་གླ་བྱེད་པ་མིན་ནམ། མི་ཚེ་འདིར་ངོ་ཐུག་ཐབས་མེད་པས། ད་ནི་ངས་གསོན་སྡུག་འདི་ཇི་ལྟར་འཁུར།ཞེས་ཨ་མ་འཛོམ་སྐྱིད་ཀྱིས་ངུ་ལྷབ་ཅིག་བྱས། ཡུན་ཙམ་ནས་མོསད་རུང་སྟག་ལྷ་ཚང་གིས་ཅི་ཟེར་བ་མི་ཤེས། འཇིག་རྟེན་རྙིང་བ་ཡིན་ན་མི་ཤ་ལག་ཏུ་བགོ་ངེས།
དེ་ཚང་ལ་ཟེར་རྒྱུ་ཅི་ཡོད། དེང་སང་གཉེན་སྒྲིག་རང་འཐད་ཡིན། ཕེ། གྱོལ་བོ་དེ་ལ་ང་ཡང་མི་འཐད།
ཨ་ཙི། ཁྱོད་མི་འཐད་པར་ཁྱོད་འགྲོ་བ་ཡིན་ནམ། དེང་སང་གི་བུད་མེད་འདི་ཚོ་ལ་སྐྲག་འདུག
ཨ་མ། ཁྱོད་ཀྱིས་སེམས་ཁུར་མ་བྱེད། གངས་དཀར་སྒྲོལ་མ་གནས་ལ་བྲོས་པ་མིན།
འདི་ཡིས་ཅི་ཟེར ཨ་མ་འཛོམ་སྐྱིད་ཡར་ལངས་བྱུང་།
ཁོ་མོའི་སྐད་ངག་བདེ་ལ་སྐྱེས་གཟུགས་ལེགས་པས་བུ་འཁྲིད་སྐྱིད་ཀྱིས་མོ་ རང་གླུ་ལེན་ས་ཞིག་ཏུ་འགྲོ་རུ་བཅུག
དེ་ཅི་ཡིན། འདི་ཅི་ཡིན། ཨོ་ན། རྒྱ་ཕྲུག་དེ།
དེ་ངས་ཤེས་སམ། མནའ་མ་དགོད་བཞིན་སྒོར་བུད། དགའ་སྐྱོ་གང་ཡིན་མི་ཤེས་ལ་མནའ་མ་ལ་ཅི་ཞིག་བཤད་དགོས་པ་ཡང་མི་ཤེས་པར་གྱུར་བའི་ཨ་མ་འཛོམ་སྐྱིད་ཀྱིས་རུམ་གྱི་བྱིས་པར་ཐོད་པ་གླན་ཏེ་ཡུན་ཙམ་ལ་ལངས་བསྡད། ཨ་ཁུ་ཚེ་དབང་ཁྱིམ་དུ་འཛུལ་བྱུང་།
རྒད་པོ། སྟག་ལྷ་ཚང་གིས་ཅི་ཟེར་འདུག ཅི་བྱས་བྱུང།ཨ་མ་འཛོམ་སྐྱིད་ཀྱིས་ཨ་ཁུ་ཚེ་དབང་གི་གདོང་ལ་བལྟས་ཏེ་འཚུབ་ཆ་ལངས།
ཨ་མ་དེའི་བུ་མོ། ར་མ་དེའི་རེའུ། སྤྱིར་བུ་མོ་འདི་རིག་མི་དགོས་པ་ཁྱོད་ལ་རིག་སོང་། དེང་ཐོག་ཁྱོད་ཀྱང་ལུག་རྫི་ལྕེ་ལོ་ཡི་རྗེས་སུ་འབྲོ་རྩིས་བྱས། ཨེན་ཙམ་གྱིས་མི་ཤ་བཀལ། ལྟོས་དང་། ད་ནི་བུ་མོས་མི་ཤ་མ་བཀལ་ཐབས་མེད་བྱུངཟེར་ཞོར་ཞེ་སྡང་གིས་ས་ལ་ཙོག
བཙན་སྐོར་སྡེ་བས་ཅི་ཟེར། སྟག་ལྷ་ཚང་གིས་ཅི་ཟེར།
བཙན་སྐོར་སྡེ་བ་ར་མདར་འགྲོ་རྒྱུ་ཟེར། བུ་མོའི་སྐྲ་འབྲེག་རྒྱུ་ཟེར། མག་པའི་རྐང་རྡུང་རྒྱུ་ཟེར། ཡ། དེ་མིན། ད། ཁྱོད་ལ་ཅི་དགོས།ཞེས་ཨ་མ་འཛོམ་སྐྱིད་ཀྱི་སྟེང་ལ་སྡང་སྡང་ཞིག་བྱས་རྗེས་མེ་ལང་ཞིག་ར་ཙེའི་སྟེང་དུ་བཞག་སྟེ་ཤུགས་ཀྱིས་མར་གནོན་ཙམ་བྱས།
ཨ་ཚ་ཚ། ཚ་ཚ་ཚ། ཨ་ཁུ་ཚེ་དབང་གིས་གུང་མཛུབ་ཐབ་ཀའི་སྟེང་དུ་ཕུར་ ཕུར་ནས་ཕུར་ཕུར་བྱས།
ཁྱོད་ལ་དེ་མིན་པར་ཅི་དགོས་ཟེར་སྲོལ་ལ་བལྟས་ན། རྒྱ་ཕྲུག་གི་རྗེས་སུ་བྲོས་སོང་བ་དེ་ང་ཡིན་པ་འདྲ།
རྒས་སོང་བ་ལས། ཁྱོད་ནི་རྒྱ་ཕྲུག་ཕར་ཞོག་ཀླ་ཀློ་ཧོན་ལོག་གི་རྗེས་སུ་ཡང་འབྲོ་ངེས། ང་ནི་ར་མདར་མ་སོང་བ་ཞིག་མ་རེད། དེང་ཐོག
ཨ་རོག རྒད་པོ། ཁྱོད་ཀྱིས་དེང་ཐོག་སྟེང་དུ་ད་ཐོག་བརྩེགས་ནས་ལོ་ལོན་སོང་བ་ཨེ་ཤེས། བཟའ་སྡུག་འུ་གཉིས་འདྲ་བོ་འཐོར་རྒྱུ་མེད་པར་འཐབ་རྒྱུ་དག་དག ལག་འཐབ་ལས་ཀྱང་ཁ་འཐབ་སྡུག མི་ཚེ་ཞིག་ལ་ཙག་བརྡུང་ན་ཁྱོད་ཀྱི་ཁ་ཡིས་བཟོད་ཀྱང་ང་ཡི་རྣ་ཡིས་མི་བཟོད། དེ་འདྲ་ཞིག་ཡིན་ན་དེང་ཐོག་ཁྱོད་ཀྱིས་ང་མ་བླངས་ན་མི་ཆོག་གམ། ད་རུང་ར་མདར་ཟེར། ཕེ། ཁྱོད་ལ་དཔའ་ཇི་འདྲ་ཞིག་ཡོད་པ་ང་ལ་མི་གསལ་ལམ། ལུག་རྫི་ཁེར་ཉལ་ཞིག་ལ་དཔུང་རྡུང་བྱས་པ་ལ་ར་མདའ་ཟེར་རམ། ཁྱོད་ལ་ཅི་ཞིག་ཡོད། ཤིག་མ་ཟོས་པའི་གོང་མ་ཡིན་པ་སུས་མི་ཤེས། ཨ་རོ། ལུག་རྫི་ལྕེ་ལོ་ཡིན་ཡང་། རང་གི་སྣང་བར་སྐུ་གེ་སེར་ཡིན། གསུང་མགུར་མ་ཡིན། ཁྱོད་འདྲ་ཞིག་གི་ཁ་རྩར་ཉི་མ་ནམ་མཚན་གཏོང་བ་ལས། ལྕེ་ལོ་ཞིག་གི་རྩུབ་ནས་རྣ་བ་ཁོམ་ན་མི་བཟང་ངམ། ཨ་ཤི་རེ། འུ་གཉིས་ཀྱི་ཐོད་པའི་ཁ་ཡིག་འདི་ནི་ཞར་བ་ཞིག་གིས་ཞར་འབྲི་བྱས་པ་འདྲ།
མ་བཟང་། མ་བཟང་། ཨ་མ་འཛོམ་སྐྱིད་ཀྱི་ཁ་འཐབ་ཀྱིས་རང་གི་ཅོ་ཏོ་ཕྱེད་ཀ་བཏོགས་ནས་ཐང་དུ་འཕེན་པ་ཉོས་ཚར་བྱུང་། ད་ནི་ཅི་བྱེད། མནའ་མ་ཡང་ཁྱིམ་དུ་མི་འདུག ཡིན་ཡང་། ང་བསམ་ཡུལ་ལས་འདས། ཨ་ཁུ་ཚེ་དབང་གིས་རང་ལ་འདི་དགོས་ཟེར་བ་ལྟར་ཁ་མྱང་ཙམ་གྱིས་དུད་ཁུག་ནང་གི་དུ་བ་ཕུར་གྱིན་ཕུར་གྱིན་བསྡད། ཨ་ཙི། ཨ་ཙི། དངོས་གནས་ཨ་མ་འཛོམ་སྐྱིད་ཀྱིས་བཤད་པ་ལྟར་བཟའ་ཟླ་འདི་གཉིས་འཐོར་རྒྱུ་མེད་པའི་འཐབ་ལོབ་དུ་སོང་འདུག
སོང་དང་། ལུག་རྫི་ལྕེ་ལོ་ད་རུང་ཤི་མེད་པ་གན་རེད། ཅེས་ཨ་ཁུ་ཚེ་དབང་གིས་དལ་མོར་མཆུ་སྟོན་ཙམ་བྱས།
ཧོ་ཧོ་ཡ། ང་ལ་ཡང་མིག་ཡོད། ཨ་རོ། ཁྱོད་ཀྱིས…མནའ་མ་ཐོན་ཐལ ཞེས་འཛོམ་སྐྱིད་ཀྱིས་རང་གི་ཐོད་པ་མྱུར་དུ་རུམ་གྱི་བྱིས་པའི་ཐོད་པར་གླན།
ཨ་རྒྱ། ཇ་འཐུང་། ཨ་ཁུ་སྟག་ལྷ་ཚང་གིས་ཅི་ཟེར། མནའ་མ་ཕྱུག་མཚོ་ཡིས་ཨ་ཁུ་ཚེ་དབང་གི་ངོ་མདངས་ལ་ལྟ་བཞིན་ཇ་ཞིག་བླུད། གངས་དཀར་སྒྲོལ་མ་འབྲོ་རུ་བཅུག་པའི་གྲས་སུ་མོ་རང་ཡང་འདུག་པས་གཉེན་རྟགས་བརྒྱབ་པའི་མི་ཚད་གཉེན་སྟོན་ཡང་ཉིན་ཐོག་སྐར་ཐོག་ཏུ་བཞག་ཚར་འདུག་པའི་སྟག་ལྷ་ཚང་གིས་གྱོད་སློང་བར་སུ་མི་སྐྲག
ལོ་ལོ། བཙན་སྐོར་སྡེ་བར་བཤད་ཚུལ་མང་འདུག ལ་ལས་རྒྱ་ཕྲུག་ལན་པ་ ཡིན་ཟེར། ལ་ལས་བུ་མོ་ལན་པ་ཡིན་ཟེར། ཡང་ལ་ལས་བཤད་ན་འུ་ཚང་ལན་པ་ཡིན་ཟེར། བཙན་སྐོར་ཐོག་པ་ཡང་དོན་མེད་པ་ཞིག་མ་རེད། ལ་ལ། འབྲུག་སྐད་ལ་ཐོག་སྐད་གྲགས། ཐོག་སྐད་ལ་གཞོབ་དྲི་བྲོ། ཁྱི་མོར་རྣ་ཙར་བཏགས་ནས་ཟུག་ཏུ་བཅུག ཙི་གུར་ཁྲོལ་རིལ་བཏགས་ནས་རྒྱུག་ཏུ་བཅུག ཁོ་བཙན་སྐོར་སྟག་ལྷ་ཚང་ལ་དེ་མི་འགྲོ ཁྱི་གསོད་ན་ཐང་ཟེར། མི་རྨས་ན་ཐང་ཟེར
ཧིན། ཁྱི་ལབ། སྟག་ལྷ་ཁ་སྐྲང་། ཁྱོད་ཀྱིས་ཁྱི་དུ་གསོད་པར་ངས་ལྟ།ཨ་མ་འཛོམ་སྐྱིད་ཀྱི་སྐེ་ཕར་དཀྱུས་ནས་བསྡད།
སྤྱིར་ཨ་ཡེ་འཛོམ་སྐྱིད་འདིའི་ཁ་སྣང་ཆེ། སྣ་སྣང་མཐོ། ཁ་སྐྲང་སྟེང་དུ་སྣ་ སྐྲང་བཏགས། རྐང་ཞའི་སྟེང་དུ་ལག་ཞ་བཏགས་པས་བུ་མོའི་བློ་ཁ་འགྱུར་བ་ཡིན། བཙན་སྐོར་སྟག་ལྷ་ཚང་ཞེས་ན། ཨ་རོག བྱུར་རུ་དམར་བོ་འཐོར་ཤུལ་ཞིག་ཡིན། ཙན་དན་ སྡོང་བོ་སྐྱེས་ཤུལ་ཞིག་ཡིན། མི་རྒྱུད་གཙོ་བོ་ཡིན་པ་ལས། རྐང་བ་གྱོལ་ཙམ་ལ་ཅི་སྐྱོན། དེས་རྐང་རྒྱུགས་འགྲན་རྒྱུ་མིན་ནམ། རུ་ཁ་ཉུལ་ཏེ། ཁྱི་ཁ་འུར་ཏེ། ཤིག་དང་རྩམ་པ་མང་ཉུང་མེད་པར་ཟ་བའི་ལུག་རྫི་ཞིག་ལས་མི་བཟང་ངམ།
ཨ་ཙི། ཨ་རྒྱ། དེང་སང་དེ་འདྲའི་ལུག་རྫི་ཞིག་ཡོད་དམ།མནའ་མས་ཧ་མ་གོ་བར་བཤད་།
ལོ་ལོ། ལོས་ཡོད། ཡོད་ནི་རེད། དེ་མིན་ད་རུང་ཉིན་དཀར་ལྷ་མོའི་ལྷ་བཞེངས་རོགས་དང་ནུབ་མོ་འདྲེ་མོའི་ཐག་འཐག་རོགས་ཡང་ཡོད་ངེས ཞེས་པ་ན། མནའ་མའི་སེམས་སུ་ཨ་ཕས་མོ་ལ་བཤད་པར་དོགས་ཏེ་མྱུར་དུ་ཨ་མའི་གདོང་ལ་ལྟ་ཙམ་བྱས། ཨ་མ་འཛོམ་སྐྱིད་ཀྱིས་མནའ་མའི་མནོང་སེམས་ཚོར་དེ་མྱུར་དུཕ་བོང་ལ་བསྐོར་ནས་རི་བོང་ལ་འགྲམ་ལྕག གནའ་མ། ང་ལ་བཤད་པ་ཡིན། མི་ཚེ་ཞིག་ལ་ངེད་གཉིས་ཀྱིས་ཕན་ཚུན་ལ་ཡར་སེམས་ཤིག་མ་དྲན་པ་འདྲ། ཇི་ལྟར་ངན་རུང་། རང་གི་བུ་མོ་ལྡོམ་པོ་ཞིག་གི་རྗེས་སུ་མི་མངགས་པ་ངས་ཀྱང་ཤེས་འདུགཨ་མ་འཛོམ་སྐྱིད་ཀྱིས་མནའ་མ་ལ་བལྟས་ཏེ་བཤད།
སུས་ཤེས། ལྕེ་མེད་པ་མི་ཤེས་པ་ཞིག་གིས་ཅི་ཤེས། ཉིན་དཀར་སྤྱང་ཀིའི་རྣ་ལམ་མ་བརྒྱུད། དགོང་མོ་འུག་པའི་མིག་ལམ་མ་བརྒྱུད། ཁ་ཡི་རླངས་པ་ཞིག་གིས་བུ་མོ་བྲོས་སོང་ཞེས་ན། དེ་ནི་བྱ་བགད་དེ་གཤོག་སྣེ་འཆག་པ། སྦྲུལ་བགད་དེ་སྒལ་བ་འཆད་པ་ཞིག་མིན་ནམ། ཁྱོད་ཨ་ཡེ་འཛོམ་སྐྱིད་མི་འཐད་པ་ཞིག་ཡིན་ན། བུ་མོའི་ཅོ་སྤུ་འགའ་བོ་སྔར་ནས་བཏོགས་པས་མི་ཚད། ཅོ་སྤུས་ཐ་གུ་བསྒྲིལ་ནས་བཏགས་ཀྱང་ཚར་འདུག ཨ་ཁུ་ཚེ་དབང་གིས་ཀྱང་མནའ་མ་ལ་བཤད་ཁུལ་ཀྱིས་བཤད།
ཨ་རྒྱ། ཨ་མས་དངོས་གནས་ཤེས་མི་འདུག
ལོ་ལོ། སྙིང་རྗེ། ཁྱོད་ཀྱིས་ཅི་ཤེས། ཨ་ཡེ་འཛོམ་སྐྱིད་ཅེ་ན། མི་ཤེས་དགུ་ཤེས། ཤིག་གི་རྒྱུ་མ་ལྡུག་ཤེས། ལྟོས་དང་། ཁ་སྣང་སྣ་སྣང་ལག་ཏུ་བཟུང་ཏེ་བརྒྱུགས་ན། མཐུ་ཆེན་གཏོར་མར་གདོང་ཐུག་རྒྱག་དུས་ཀྱང་ཡོད། ད་རྒྱུགས་ཡ། དཔའ་ཡོད་ན་དཔུང་རྩལ་ངོམ་རན་རེད།ཟེར་ཞོར་ཨ་ཁུ་ཚེ་དབང་གིས་ཡ་ཁྱིམ་གྱི་གཉེནརྟགས་ཀྱི་ཆང་དང་གོས་སོགས་ཕྱིར་བླངས།
ཧོ་ཧོ་ཡ། དེ་ལྟར་བཤད་ན། ངས་གྲི་ལྟིག་ཅིག་གཡུགས་ནས་འཛིན་ཐབས་བྲལ་བ་དང་འདྲ། དོན་གལ་དུ་བཞག་བྱུང་ན། ང་སྐྲག་ནས་སྒྱིད་པ་འདར་བ་ཞིག་མ་རེད། སྙིང་རྗེ། རིལ་མ་དང་འདྲ་བ་ཁྱོད། རྟ་ཞིག་གི་རྨིག་སྣེར་འབྱར་ལོས་འགྲོ་མིན་པར་མི་འདོདཅེས་ཨ་མ་འཛོམ་སྐྱིད་ཀྱིས་སྣ་སྙེར་ཞིག་བྱས་ཏེ་སྐེ་ཕར་དཀྱུ་ཙམ་བྱས་པ་ན། མནའ་མ་ཐབ་ཀའི་ཕག་ཏུ་ཡིབ་ནས་ལྐོག་དགོད་བྱས།
ཕྱིར་སྟེར་དགོས་པའི་གཉེན་རྟགས་རྣམས་ལོས་སྟེར། ཉིས་སྐལ་མ་དགོས་ སུམ་སྐལ་འཇལ་ནས་བྱིན་ཀྱང་ཆོག དེའི་ཕན་ཆད་ནས། ཧོ་ཧོ་ཡ། རྐང་རྡུང་རྒྱུ། སྐྲ་འབྲེག་རྒྱུ་ཞེ་ན། ང་ལ་དགོད་རྒྱུ་སྒལ་ཚུགས་དཀྱིལ་ནས་འདུག ཕེ། རྩམ་པའི་མགོ་ཐུ་འགའ་ཡོད་པ་ལ་བུ(དཔའ་མེད་པའི་བུ་ལ་ཟེར།)ཟེར་རམ། ད་ཤོག ངས་མཛོ་འཕོང་འགག་ནས་སྒུག་འདུགཅེས་རུམ་གྱི་བྱིས་པ་ཨ་ཁུ་ཚེ་དབང་གི་ཕང་དུ་ཞེ་སྡང་གིས་བཞག
ཨོ་ལེ། འགྲོ་དགོས་ན། ང་ཡང་འགྲོ མནའ་མ་ཡར་ལངས་ནས་ཐབ་ལ་ རིལ་མ་ཞིག་དེད། བྲིས་པ་བཏོན་པ། (མནའ་ཚིག་ཅིག ཆོས་ཡུམ་ཆེན་ཐེངས་གཅིག་བྲིས་པ་དང་བཏོན་པའི་དོན)འདི་གཉིས་ལ་སྐྲག་འདུག བྲིས་པ་བཏོན་པ། བུ་ཁྲིད་སྐྱིད་ཀྱི་འདྲེ་དེ་འདིར་ཐོན་ བྱུང་། ཨ་ཁུ་ཚེ་དབང་གིས་ཡིད་མི་ཆེས་པའི་མིག་ཟུང་གིས་རྒན་མོ་དང་མནའ་མ་གཉིས་ལ་རེས་མོས་ཀྱིས་ལྟ་ཞོར་དྲག་ཏུ་ངུ་བཞིན་པའི་བྱིས་པ་ལ་གཅེས་བྱས།
ཨ་མ་འཛོམ་སྐྱིད་ནི་གཟུགས་ཆེ་ཞིང་གདོང་མཛེས་པ། ཁ་ཕོ་ཆེ་ཞིང་ཚིག་སྒོ་བཙན་པ་ཞིག་ཡིན་པས། བལྟས་པ་ཙམ་གྱིས་བསོད་ནམས་ཅན་གྱི་བུད་མེད་འཛོམ་པོ་དག་གི་མཚོན་བྱེད་དུ་འདུག ཡིན་ཡང་། ཧ་ཧ་ཧ། གཟུགས་ཐུང་ལ་ངོ་ནག་པ། རྣ་གཉིས་ཅོར་རེ་བ། རལ་བ་ཙིག་རྔ་ཙམ་སྐེ་ཁུག་ཏུ་འཕྱིང་བའི་ཨ་ཁུ་ཚེ་དབང་མཐོང་བ་ཙམ་གྱིས་ཁྱོད་ཚོ་ལའང་དགོད་ཁ་འཆོར་ངེས། ‘གནའ་མི་བཙའ་རོ་མ’ཟེར་བ་དེ་ཚོའི་བཟའ་ཟླ་ཞེས་པའི་མཚན་ཉིད་ནི་ག་འདྲ་ཞིག་ཡིན་ནམ། ཧ་ཧ་ཧ། ངོ་མ། ཞར་བ་ཞིག་གིས་ལག་རྙོབ་ཀྱིས་ཁྲིད་ཡོང་བ་དང་འདྲ། ཐོད་པའི་ཁ་ཡིག་དེ་གདོང་ཁུག་ལ་བྲིས་ཤུད་དུ་སོང་བ་དང་འདྲ། སྐྱེས་རྒྱུད་དང་རུས་རྒྱུད་གཙོ་བ། ཕ་མ་དང་ཕ་ཁུ་གཙོ་བའི་གཉེན་དོན་ཀྱི་མཚོན་བྱེད་ལ་ཁྱོད་གཉིས་ལས་འོས་འཚམ་ཞིག་མི་འདུག་པ་འདྲ། ངས་རྩྭ་ཐང་ལ་ཉུལ་ལྟ་བྱས། ད་ནི་ཉིན་གུང་ལ་སླེབས་འདུག ལྟོས་དང་། སྦྲ་ཚེའུ་སྒོ་ཆོན་སྟེང་དུ་ལྭ་དམར་འཕྱིང་བ་དེ་ཚང་གིས་ད་རུང་ལུག་ལྷས་བསྐྱིལ་དང་ནོར་རྡང་འདོགས་བྱས་ནས་ཅི་བྱེད་པ་ཡིན་ནམ།
⑶
རེ་རེ། ཝེ། རེ་རེ། ས་སྐྱོན་བྱུང་རྒྱུ་བོ། ཨོ། གཡག་རྒན་ལ་རོ་ནག་བུད་བཏང་ཐལ། ཀྲད་དྲུད་དུ་རྒྱུག་པའི་གོམ་སྒྲ་ཞིག་དང་ལྕི་བ་འཁང་བོ་ཞིག་གི་སྐོར་འཕེན་གྱིས་གཡག་རྒན་སེར་ཐོ་ཕྱིར་ནོར་ལྷས་ལ་བཅུག ཡིན་ཡང་། རྒན་མོ་འདིའི་དམོད་ཚིག་ད་རུང་འཆད་རྒྱུ་མི་འདུག ཁ་ནང་དུ་ཐལ་བ་རྒྱོབ། འདྲེ་ཟོག གདོན་ཟོག དུད་འགྲོ་རྩྭ་གཟན་ཁྱོད་ལ་དེ་མ་བྱུང་བར་ཅི་བྱུང་། ངས་ཁྱོད་ཤ་དུམ་བུ་དང་ཀོ་དུམ་བུ་ཞིག་བྱེད། ཅེས་ཞེ་སྡང་གིས་གཡག་རྒན་ཚ་སྣར་བླངས་ཏེ་བཏགས་རྗེས་འདབས་ཀ་ལྷབས་སེར་ས་ལ་བཀབ་ནས་ཙ་ཙིར་ཤུགས་མེད་ཀྱི་གཅིན་ཞིག་བཏང་། གློ་བུར་དུ་གཅིན་མཚམས་ཡང་བཅད་པ་ལྟར་ཡར་ལངས་བྱུང་།
དྲག་དྲག ཁྱོད་ཚོ་སྡོད་གོ སྡོད། གནམ་རྒན་མས་མར་གཟིགས་ནས་ཡོད། ལས་རྒྱུ་འབྲས་ཤིག་ཡོད་ན། ཁྱོད་ཚོའི་ཁོག་དུ་སྐྲན་ཞིག་བཅའ་།ཞེས་དམོད་པའི་རྟགས་ལ་ལག་པ་ཐོད་པར་འཁྱེར་ཙམ་གྱིས་ཀྲད་དྲུད་ཀྱིས་ཕྱིར་སྦྲ་ནང་དུ་འཛུལ་ཏེ་ཅ་ལག་ལ་བསྡུ་གསོག་བརྒྱབ།
ཕྱོགས་ཀྱི་དུས་གསུམ་གྱི་དེ་བཞིན་བཤེགས་པ་ཐམས་ཅད…འགྲོ་རྒྱུ། ངའི་རུ་འགྲོ་རྒྱུ། མུག་སྡེ་བོ་འདི་ནས་འདུག་ཐབས་བྲལ་སོང་བ་ཡིན། ངའི་བུ་མོ་གཅིག་པོ་དགྲ་རུ་བཟུང་། ཨ་ཤི་རེ། ང་སྐྱིད་ནས་གནས་ལ་འགྲོ་བ་མིན། མ་སྐྱིད་འཆི་ཁུང་བསྙེགས་པ་ཡིན། བླ་མ་ལ་སྐྱབས་སུ་མཆིའོ། སངས་རྒྱས་ལ…ག་རེད། འཁོར་ལོ་འདི། ཨོ། གཡག་རྒན་སེར་ཐོའི་སྒ་ཁུང་དུ་གསེབ་ཆོག ཅེས་མོས་ཁེར་བཤད་རྒྱག་ཞོར་མ་ཎི་ལག་འཁོར་ཞིག་ཐབ་ཀའི་ཡ་སྒྱིད་སྟེང་བཞག
ཨ་ཙི། ཨ་ཙི། ངས་ཨེན་ཙམ་གྱི་མ་ཤེས་ཐལ། འདི་ནི་ཨ་མ་དཔའ་མོ་མ་ཡིན་ནམ། སྙིང་རྗེ། ཁོ་མོ་དངོས་གནས་རྒས་འདུག སྔར་གྱི་མག་མོག་གི་སྐྲ་ལོ་གཞི་ནས་དཀར་བོར་གྱུར་འདུག་ལ། མིག་ལྡོག་གཡོན་པའི་ནང་དུ་ཚ་རྡོག་ཞིག་ལྷུང་ཡོད་པ་དེས་ཞར་ལྟ་ཡང་མི་ཉུང་བ་ཞིག་བྱེད་ཀྱིན་འདུག ཕྲག་པ་གཡོན་པ་དང་མཆན་ཁུང་གཡོན་པར་རས་སྔོན་གྱིས་ལྷན་པ་བརྒྱབ་པའི་སློག་ཧྲུལ་དེའི་འདབ་ཀ་དང་རྒྱ་ལྷམ་མགོ་ལོ་གཉིས་ཀྱི་བར་མཚམས་ནས་རྐང་པའི་སེར་ག་མི་ཉུང་བ་ཞིག་མཐོང་འདུག་ལ། རྒས་གཉེར་གྱིས་བཏུམས་པའི་གདོང་ཡོངས་འཁོབ་པར་གྱུར་བར་མ་ཟད། སྣབ་ཆུ་ཕྱིས་ཤུལ་དམར་བོར་གྱུར་འདུག
མར་མགོ་རིང་ཚང་དང་གཡག་རྔ་རིང་ཚང་གི་པ་པ་སྔོ་རིང་ནས་བཟུང་། གོ་རྒས(རང་ས་རང་ཡུལ་ནས་རྒས་སོང་བའི་བུད་མེད)བུ་མོར་གོ་ཁྲེག་ཡོད། བླ་མ་འཁྲུངས་ཏེ་འགྲོ་བའི་དོན་མཛད་མྱོང་། དཔོན་པོ་སྐྱེས་ཏེ་ས་ཆུར་དབང་བསྒྱུར་མྱོང་། འདི་ཡང་ཕ་ཁུ་རྒྱ་སྟག་འདྲ་བ་དག་གི་སྐྱོང་ཤེས་དང་མིང་བོ་གཟིག་ཕྲུག་འདྲ་བ་དག་གི་ འགེབས་ཤེས་ཡིན། ཨ་ཤི་རེ། དུས་དེང་སང་། ལས་ངན་པ་གོ་རྒས་ང་འདྲ་བ་དང་བུ་ངན་པ་སྐྱི་མོ་མགོ(ཨ་ཁུ་ནོར་འབུམ་ལ་ཟེར།)འདྲ་སྐྱེས་ནི་རེད། བླ་མ་ཟེར་བའི་ངོམ་རྒྱུ་དང་དཔོན་པོ་ཟེར་བའི་སྟོན་རྒྱུ་ཕར་ཞོག ཐ་ན་བུ་ཞེས་ན་ཨ་ཟེར་བ་ཞིག་ཀྱང་མི་འདུག དཀོན་མཆོག་གསུམ། མགོ་ནག་སྐྱིད་སྡུག་གནམ་གྱི་ལག དེ་ལ་ཐབས་ཅི་ཡོད། ཡིན་ཡང་། ངའི་བུ་མོ་འདི་ནི… ཨ་མ་དཔའ་མོས་མགོ་བསྒུར་ནས་སྒོ་ཁར་ལྟ་ཙམ་གྱིསརེ་རེ། ཝེ། རེ་རེ། གཡག་རྒན་ལ་རོ་ནག་བུད་བྱུང་། སྣ་ཐག་བཅད་དེ་ཤོར།ཞེས་རྒྱུགས་གྲབས་ཤིག་བྱས་རྗེསགཡག་ཀོ་བཤུ་རྒྱུ་བོ། ད་ནི་དེའི་རྗེས་སུ་ཆོད་དཀའ། ཅི་ཁག ལྟོགས་བྱུང་བ་ལོས་ཡིན། ཕྱོགས་ཀྱི་དུས་གསུམ …ངའི་བུ་མོ་ལ་ས་སྐལ་ཅིའི་ཕྱིར་མི་སྟེར། བྲག་དཀར་སྡེ་བའི་ཨ་སྐྱོང་སྐྱབས་ཀྱི་བུ་མོ་བྲོས་སོང་བ་དེ་ད་ལྟ་ཤི་གསོན་མི་ཤེས་ཀྱང་རྩྭ་སྐལ་བྱིན་འདུག འདི་གཉིས་ཅི་ལ་མི་འདྲ། ཆོས་སྐྱོང་དགྲ་ཁ་གཙོ་བྱས་པ། ཁ་ཡག་ཁོག་རྩུབ་དུག་གི་མེ་ཏོག ཕྱི་འཇམ་ནང་རྩུབ་ཤ་ཡི་གྲོད་པུ། ཁྱོད་ཚོའི་ཡིད་ལ་ཅི་དྲན་བཞིན་པ་ངས་མི་ཤེས་སམ། ང་ ཤི་སོང་དུས་ཡོད་ཚད་ཁྱོད་ཚོར་དབང་སོང་བ་ཞིག་བྱེད་འདོད་པ་རེད།
བུ་མོ་གཅིག་པོའི་ཤ(མནའ་ཚིག)། ངས་སྤྱི་རྩྭ་མི་ཟ། སྤྱི་ཆུ་མི་འཐུང་། ང་ལ་དམིགས་བསལ་འདི་དགོས་དོན་མེད། བྱ་རྒོད་པོ་ཞིག་ལ་ཅི་ཚང་། བྱེའུ་ཞར་མ་ཞིག་ལ་དེ་ཚང་། སྦྲ་ཞེས་ན་ང་ལ་སྟོན་རྒྱུ་ཡོད། ཟོག་ཅེས་ན་ང་ལ་འདེད་རྒྱུ་ཡོད། ངའི་སྔོན་དུ་ལག་པ་དང་རྒྱབ་ཏུ་སོག་པ། འདུག་གྲོགས་ཐབ་ཀ་ནག་རིལ་དང་ཉལ་རོགས་པུས་མོ་སྐྱ་རིལ་མ་གཏོགས་མེད་པས་ད་གཟོད། ཧོ་ཧོ་ཡ། ང་ལ་དགོད་རྒྱུ་འདུག ཅེས་ཧབ་ཆ་ཞིག་བྱས་རྗེས་མོ་ཁྱིམ་དུ་སོང་སྟེ བླ་མ་ལ་སྐྱབས་སུ་མཆིའོ། སངས་རྒྱས་ལ། ག་རེད། འཆག་སླ་བ་རྣམས་ཟེའུའི་ནང་དུ་བཞག་ན་དགའ། ཅེས་དཀར་ཡོལ་དག་ཟེའུའི་ནང་དུ་འཇོག་ཞོར་སླར་ཡང་ཁེར་བཤད་ཀྱི་འགོ་བསླང་།
དྲངས་མོར་བཤད་ན་བུ་འཁྲིད་སྐྱིད་མོ་རང་གི་སྤྱོད་པ་ཡང་མི་དང་མཐུན་པ་ཞིག་མ་རེད། མི་རིང་དང་མི་རྒྱུད། ཕ་རིང་དང་བུ་རྒྱུད། ངེད་དཔོན་སྐོར་པ་པ་ཚང་གི་རྒྱུད་ལ་འདི་འདྲ་ཞིག་སྐྱེས་མ་མྱོང་། ནང་སྒོས་སུ་བུ་མོ་ལྷ་མོ་འདྲ་བ་དག་དག་སྐྱེས་པས། གཡག་མགོ་རིལ་ཉོ་ན་སྣ་ལ་ལྟོས། སྨན་བུ་མོ་ཉོ་ན་མ་ལ་ལྟོས་ཞེས་བུ་མོ་རྣམས་མོ་ལོ་བཅོ་ལྔར་འབུད་དུ་མི་འཇུག་པར་འཕྲོག་རེས་བྱས་འགྲོ ཅི་མ་ཉན་ནམ། ཡོད་ཚད་ང་དཔའ་མོའི་མགོ་ལ་ཐོན་དགོས་པ་འདི་ཅི། ཡོད་ཚད་ང་དཔའ་མོའི་སྟེང་ནས་འདག་དགོས་པ་འདི་ཅི། སྐྱེ་བ་སྔོན་མར་ངས་བུ་མོ་འདི་ལ་ཅི་ཞིག་ཆད་བྱུང་བ་འདྲ། ཕན་མ་ཐོག་ཀྱང་ཆོག ཨ་ཤི་རེ། ང་ལ་འདུག་གྲོགས་ཙམ་ཐུབ་ན་ཅིར་མ་ཆོག ངའི་ལས་དབང་འདི། སྐྱེ་བ་འདི་ཁེར་འདུག་གིས་འཛད་དགོས་བྱུང་།ཨ་མ་དཔའ་མོ་སར་ཙོག་སྟེ་མཆི་མ་བཏོན་བསྡད།
ང་ཡི་མིག་མཐར་ཡང་མཆི་མ་འཁོར། སྙིང་རེ་རྗེ། ཚེ་སྟོད་ཤི་ཆད་ཀྱི་སྡུག་བསྔལ། ཚེ་སྨད་ཁེར་རྐྱང་གི་སྡུག་བསྔལ། དེའི་སྟེང་དུ་བུ་མོ་བུ་ཁྲིད་སྐྱིད་ཀྱིས་བསྐྱལ་བའི་སེམས་ཁྲེལ་གྱི་སྡུག་བསྔལ། ཡོད་ཚད་ཀྱི་ཡོད་ཚད་ཀྱིས་ཨ་མ་དཔའ་མོ་ འདི་འདྲའི་མཐོ་དམན་སྐོར་རྒྱག་གི་ཁ་མཚམས་སུ་བསྐྱལ་འདུག ཡིན་ཡང་། ཁོ་མོ་སྨྱོ་མི་སྲིད། སྨྱོས་པ་མིན།
ཁྱོད་ཚོས་གཏོ་འཕེན་ན་ཨ་ཆེ་རྒན་མོར་འཕེན་ནམ། ཟེར་ཞོར་མོས་སྣབས་ཆུ་དྭངསས་མོ་ཞིག་ལྭ་བའི་ཐུ་བར་ཕྱིས།
ཧོ་ཧོ་ཡ། ང་འགྲོ་མི་ཐུབ་འདོད་པ་རེད། ཕེ། ཕུར་བ་ཨེ་ཡིན། ཕུར་བ་མ་འབལ་ཟེར་བ་བཙན་གཏམ་ཡིན། ཕུར་བ་མ་དགོས་སྦྲ་ངན་འདི་བལྟབ་འདོད་ཀྱང་ང་རང་གི་ལག་མིན་ནམ། ཟེར་ཞོར་ཨ་མ་དཔའ་མོ་སྒོར་བརྒྱུགས་ཏེ་གཡས་ཀྱི་གྲུ་ཆོན་དང་སྒོ་ཆོན་གཉིས་བསྒྱེལ་བ་ན། སྦྲ་ཚེའུ་དེ་རྩུབ་འགྱེལ་དུ་བསྡད།
ས་ལག་མཐིལ་ཙམ་མ་གཏོགས་མེད་ཀྱང། རང་སྐལ་དེ་དགོས། ངའི་བུ་མོ་སྡེ་གྲལ་ནས་ཕུད་མི་ཆོག ཨ་རོག སྐྱི་མོ་མགོ ང་དངོས་གནས་འགྲོ་རྒྱུ་ཡིན་ཨང་། བླ་མ་ལ་སྐྱབས་སུ་མཆིའོ། སངས་རྒྱས་ལ་སྐྱབས་སུ་མཆིའོཟེར་ཞོར་སྒམ་ཆུང་ཞིག་སྒོར་བཞག སླ་ང་ཞིག་སྒོར་བཞག རྩམ་ཁུག་ཅིག་སྒོར་བཞག མ་ཎི་འཁོར་ལོ་དེ་སྒོར་བཞག ཡིན་ཡང་། ཨ་ཁུ་ནོར་འབུམ་ཚང་གི་ཕྱོགས་ནས་མི་ནག་རིལ་ཞིག་མ་དགོས་བྱ་ནག་རིལ་ཙམ་ཡང་མཐོང་མ་བྱུང་བས། ཨ་མ་དཔའ་མོས་སླར་ཡང་སྣབས་ཞིག་བུས་རྗེས་ལག་པ་ས་ལ་ཕུར་ཙམ་བྱས། ཁོ་མོས་གློ་ལུ་རྒྱག་ཞོར་མིན་ཁུལ་གྱིས་ཨ་ཁུ་ནོར་འབུམ་ཚང་གི་ཕྱོགས་སུ་ལྟ་བཞིན་སྐད་དམའ་མོསསྐྱི་མོ་མགོ་འདི་དངོས་གནས་ཡོང་རྒྱུ་མིན་པ་ཡིན་ནམ། མུག་སྡེ་བོ་འདིས་དངོས་གནས་མ་མཐོང་བ་ཡིན་ནམཟེར།
ང་ལ་དགོད་ཁ་ཤོར།
ཨ་ཤུ མགོ་ཡོམ་འཁོར་བྱུང་། ཁྲ་རྩ་ཞན་པ་འདྲ། ག་རེད། བུ་མོས་ཉོས་པའི་ཀ་ར་ནག་པོ་དེ་གང་དུ་འདུག ཨོ། སྐྱི་ཁུག་དེའི་ཞབས་སུ་འདུག་པ་འདྲ། བླ་མ་ལ་སྐྱབས་སུ་མཆིའོ། སངས་རྒྱས་ལ་སྐྱབས་སུ་མཆིའོ།ཞེས་ཨ་མ་དཔའ་མོས་སྒམ་ཆག་ཅིག་སློག་འགོ་བརྩམས།
ཨ་ཧོ། ཀ་ར་དེ་གང་དུ་བཞག་པ་ཡང་ཤེས་མི་འདུག ཤི་སོང་བས་དགའ་།ཟེར་ཞོར་མོས་ལག་པ་ཐོད་པར་འགའ་བཞག་རྗེས་ཨོང་ཁའི་རིལ་མ་ཕར་སློག་ཚུར་སློག་བྱས།
གན། སྐྱི་མོ་མགོ མུག་སྡེ་བོ། མ་ཡོང་བ་རེད། མིན། ཁོ་ཚོ་ཐོན་བྱུང་ཡང་ང་ལ་གཏམ་རྒྱུ་མེད། འགྲོ་རྒྱུ་ཡིན་པ་ཁོ་ཐག་ཡིན། ཡ། ཅི་ན། ཀུ་རེ་ཡིན་ཟེར་བ་ལྟར། སྦྲ་ངན་འདི་ཕྱིར་ཇི་ལྟར་ཕུབཅེས་ཁེར་བཤད་རྒྱག་ཞོར་མུ་མཐུད་དུ་ཀ་ར་བཙལ།
ཉི་མ་སྤྲིན་འོག་ནས་བཙན་ཤེད་ཀྱིས་ཕྱིར་བུད་བྱུང་། གཅེར་གོར་རེར་འདུག ཨ་མ་དཔའ་མོ་སྒོར་ཡོང་ཏེ་མིག་གཉིས་སིམ་སིམ་གྱིས་ཉི་མར་ལྟ་ཙམ་གྱིས་སྐ་རགས་བསྐྱར་བཅིངས་ཤིག་བྱས་ཏེ་ས་ལ་ཙོག རྐང་པ་གཉིས་དལ་མོར་བསྐྱངས། མོས་མགོ་ལ་འཕྲུག་འཕྲུག་བྱེད་ཞོར མི་ཚེ་འདིར་འགྲོ་ས་མེད་པ་ཞིག ཤི་ཐལ། ང་གང་དུ་འགྲོ་རྒྱུ་ཡིན་ནམཟེར།
ང་ལ་སླར་ཡང་དགོད་ཁ་ཤོར།
གྲང་རླུང་གིས་ཁ་སང་གི་ཁ་བ་ཆེན་པོ་དེ་ཁུར་ནས་རྩྭ་ཐང་གི་གཤང་གཤོང་ཐམས་ཅད་དཀར་སྙོམས་མེར་ཁེངས་པར་བྱས་འདུག་ལ། འབའ་འབུར་ཐམས་ཅད་ནག་གོར་རེར་ཕུད་འདུག་པས་རྩྭ་ཐང་ནི་ཨ་མ་དཔའ་མོའི་སློག་ཧྲུལ་ལྷན་པ་བརྒྱབ་པ་དེ་དང་འདྲ།
ཨ་མ་དཔའ་མོས་གཞན་གྱིས་ཐོས་དཀའ་བའི་ཁེར་བཤད་ཅིག་ལབ་རྗེས་མིག་གཉིས་སིམ་སིམ་གྱིས་སླར་ཡང་གཅེར་གོར་རེའི་ཉི་མ་ལ་ལྟ་ཙམ་བྱས། །
??ི་སློག་ཧྲུལ་དེའི་འདབ་ཀ་དང་རྒྱ་ལྷམ་མགོ་ལོ་གཉིས་ཀྱི་བར་མཚམས་ནས་རྐང་པའི་སེར་ག་མི་ཉུང་བ་ཞིག་མཐོང་འདུག་ལ། རྒས་གཉེར་གྱིས་བཏུམས་པའི་གདོང་ཡོངས་འཁོབ་པར་གྱུར་བར་མ་ཟད། སྣབ་ཆུ་ཕྱིས་ཤུལ་དམར་བོར་གྱུར་འདུག
མར་མགོ་རིང་ཚང་དང་གཡག་རྔ་རིང་ཚང་གི་པ་པ་སྔོ་རིང་ནས་བཟུང་། གོ་རྒས(རང་ས་རང་ཡུལ་ནས་རྒས་སོང་བའི་བུད་མེད)བུ་མོར་གོ་ཁྲེག་ཡོད། བླ་མ་འཁྲུངས་ཏེ་འགྲོ་བའི་དོན་མཛད་མྱོང་། དཔོན་པོ་སྐྱེས་ཏེ་ས་ཆུར་དབང་བསྒྱུར་མྱོང་། འདི་ཡང་ཕ་ཁུ་རྒྱ་སྟག་འདྲ་བ་དག་གི་སྐྱོང་ཤེས་དང་མིང་བོ་གཟིག་ཕྲུག་འདྲ་བ་དག་གི་ འགེབས་ཤེས་ཡིན། ཨ་ཤི་རེ། དུས་དེང་སང་། ལས་ངན་པ་གོ་རྒས་ང་འདྲ་བ་དང་བུ་ངན་པ་སྐྱི་མོ་མགོ(ཨ་ཁུ་ནོར་འབུམ་ལ་ཟེར།)འདྲ་སྐྱེས་ནི་རེད། བླ་མ་ཟེར་བའི་ངོམ་རྒྱུ་དང་དཔོན་པོ་ཟེར་བའི་སྟོན་རྒྱུ་ཕར་ཞོག ཐ་ན་བུ་ཞེས་ན་ཨ་ཟེར་བ་ཞིག་ཀྱང་མི་འདུག དཀོན་མཆོག་གསུམ། མགོ་ནག་སྐྱིད་སྡུག་གནམ་གྱི་ལག དེ་ལ་ཐབས་ཅི་ཡོད། ཡིན་ཡང་། ངའི་བུ་མོ་འདི་ནི… ཨ་མ་དཔའ་མོས་མགོ་བསྒུར་ནས་སྒོ་ཁར་ལྟ་ཙམ་གྱིསརེ་རེ། ཝེ། རེ་རེ། གཡག་རྒན་ལ་རོ་ནག་བུད་བྱུང་། སྣ་ཐག་བཅད་དེ་ཤོར།ཞེས་རྒྱུགས་གྲབས་ཤིག་བྱས་རྗེསགཡག་ཀོ་བཤུ་རྒྱུ་བོ། ད་ནི་དེའི་རྗེས་སུ་ཆོད་དཀའ། ཅི་ཁག ལྟོགས་བྱུང་བ་ལོས་ཡིན། ཕྱོགས་ཀྱི་དུས་གསུམ …ངའི་བུ་མོ་ལ་ས་སྐལ་ཅིའི་ཕྱིར་མི་སྟེར། བྲག་དཀར་སྡེ་བའི་ཨ་སྐྱོང་སྐྱབས་ཀྱི་བུ་མོ་བྲོས་སོང་བ་དེ་ད་ལྟ་ཤི་གསོན་མི་ཤེས་ཀྱང་རྩྭ་སྐལ་བྱིན་འདུག འདི་གཉིས་ཅི་ལ་མི་འདྲ། ཆོས་སྐྱོང་དགྲ་ཁ་གཙོ་བྱས་པ། ཁ་ཡག་ཁོག་རྩུབ་དུག་གི་མེ་ཏོག ཕྱི་འཇམ་ནང་རྩུབ་ཤ་ཡི་གྲོད་པུ། ཁྱོད་ཚོའི་ཡིད་ལ་ཅི་དྲན་བཞིན་པ་ངས་མི་ཤེས་སམ། ང་ ཤི་སོང་དུས་ཡོད་ཚད་ཁྱོད་ཚོར་དབང་སོང་བ་ཞིག་བྱེད་འདོད་པ་རེད།
བུ་མོ་གཅིག་པོའི་ཤ(མནའ་ཚིག)། ངས་སྤྱི་རྩྭ་མི་ཟ། སྤྱི་ཆུ་མི་འཐུང་། ང་ལ་དམིགས་བསལ་འདི་དགོས་དོན་མེད། བྱ་རྒོད་པོ་ཞིག་ལ་ཅི་ཚང་། བྱེའུ་ཞར་མ་ཞིག་ལ་དེ་ཚང་། སྦྲ་ཞེས་ན་ང་ལ་སྟོན་རྒྱུ་ཡོད། ཟོག་ཅེས་ན་ང་ལ་འདེད་རྒྱུ་ཡོད། ངའི་སྔོན་དུ་ལག་པ་དང་རྒྱབ་ཏུ་སོག་པ། འདུག་གྲོགས་ཐབ་ཀ་ནག་རིལ་དང་ཉལ་རོགས་པུས་མོ་སྐྱ་རིལ་མ་གཏོགས་མེད་པས་ད་གཟོད། ཧོ་ཧོ་ཡ། ང་ལ་དགོད་རྒྱུ་འདུག ཅེས་ཧབ་ཆ་ཞིག་བྱས་རྗེས་མོ་ཁྱིམ་དུ་སོང་སྟེ བླ་མ་ལ་སྐྱབས་སུ་མཆིའོ། སངས་རྒྱས་ལ། ག་རེད། འཆག་སླ་བ་རྣམས་ཟེའུའི་ནང་དུ་བཞག་ན་དགའ། ཅེས་དཀར་ཡོལ་དག་ཟེའུའི་ནང་དུ་འཇོག་ཞོར་སླར་ཡང་ཁེར་བཤད་ཀྱི་འགོ་བསླང་།
དྲངས་མོར་བཤད་ན་བུ་འཁྲིད་སྐྱིད་མོ་རང་གི་སྤྱོད་པ་ཡང་མི་དང་མཐུན་པ་ཞིག་མ་རེད། མི་རིང་དང་མི་རྒྱུད། ཕ་རིང་དང་བུ་རྒྱུད། ངེད་དཔོན་སྐོར་པ་པ་ཚང་གི་རྒྱུད་ལ་འདི་འདྲ་ཞིག་སྐྱེས་མ་མྱོང་། ནང་སྒོས་སུ་བུ་མོ་ལྷ་མོ་འདྲ་བ་དག་དག་སྐྱེས་པས། གཡག་མགོ་རིལ་ཉོ་ན་སྣ་ལ་ལྟོས། སྨན་བུ་མོ་ཉོ་ན་མ་ལ་ལྟོས་ཞེས་བུ་མོ་རྣམས་མོ་ལོ་བཅོ་ལྔར་འབུད་དུ་མི་འཇུག་པར་འཕྲོག་རེས་བྱས་འགྲོ ཅི་མ་ཉན་ནམ། ཡོད་ཚད་ང་དཔའ་མོའི་མགོ་ལ་ཐོན་དགོས་པ་འདི་ཅི། ཡོད་ཚད་ང་དཔའ་མོའི་སྟེང་ནས་འདག་དགོས་པ་འདི་ཅི། སྐྱེ་བ་སྔོན་མར་ངས་བུ་མོ་འདི་ལ་ཅི་ཞིག་ཆད་བྱུང་བ་འདྲ། ཕན་མ་ཐོག་ཀྱང་ཆོག ཨ་ཤི་རེ། ང་ལ་འདུག་གྲོགས་ཙམ་ཐུབ་ན་ཅིར་མ་ཆོག ངའི་ལས་དབང་འདི། སྐྱེ་བ་འདི་ཁེར་འདུག་གིས་འཛད་དགོས་བྱུང་།ཨ་མ་དཔའ་མོ་སར་ཙོག་སྟེ་མཆི་མ་བཏོན་བསྡད།
ང་ཡི་མིག་མཐར་ཡང་མཆི་མ་འཁོར། སྙིང་རེ་རྗེ། ཚེ་སྟོད་ཤི་ཆད་ཀྱི་སྡུག་བསྔལ། ཚེ་སྨད་ཁེར་རྐྱང་གི་སྡུག་བསྔལ། དེའི་སྟེང་དུ་བུ་མོ་བུ་ཁྲིད་སྐྱིད་ཀྱིས་བསྐྱལ་བའི་སེམས་ཁྲེལ་གྱི་སྡུག་བསྔལ། ཡོད་ཚད་ཀྱི་ཡོད་ཚད་ཀྱིས་ཨ་མ་དཔའ་མོ་ འདི་འདྲའི་མཐོ་དམན་སྐོར་རྒྱག་གི་ཁ་མཚམས་སུ་བསྐྱལ་འདུག ཡིན་ཡང་། ཁོ་མོ་སྨྱོ་མི་སྲིད། སྨྱོས་པ་མིན།
ཁྱོད་ཚོས་གཏོ་འཕེན་ན་ཨ་ཆེ་རྒན་མོར་འཕེན་ནམ། ཟེར་ཞོར་མོས་སྣབས་ཆུ་དྭངསས་མོ་ཞིག་ལྭ་བའི་ཐུ་བར་ཕྱིས།
ཧོ་ཧོ་ཡ། ང་འགྲོ་མི་ཐུབ་འདོད་པ་རེད། ཕེ། ཕུར་བ་ཨེ་ཡིན། ཕུར་བ་མ་འབལ་ཟེར་བ་བཙན་གཏམ་ཡིན། ཕུར་བ་མ་དགོས་སྦྲ་ངན་འདི་བལྟབ་འདོད་ཀྱང་ང་རང་གི་ལག་མིན་ནམ། ཟེར་ཞོར་ཨ་མ་དཔའ་མོ་སྒོར་བརྒྱུགས་ཏེ་གཡས་ཀྱི་གྲུ་ཆོན་དང་སྒོ་ཆོན་གཉིས་བསྒྱེལ་བ་ན། སྦྲ་ཚེའུ་དེ་རྩུབ་འགྱེལ་དུ་བསྡད།
ས་ལག་མཐིལ་ཙམ་མ་གཏོགས་མེད་ཀྱང། རང་སྐལ་དེ་དགོས། ངའི་བུ་མོ་སྡེ་གྲལ་ནས་ཕུད་མི་ཆོག ཨ་རོག སྐྱི་མོ་མགོ ང་དངོས་གནས་འགྲོ་རྒྱུ་ཡིན་ཨང་། བླ་མ་ལ་སྐྱབས་སུ་མཆིའོ། སངས་རྒྱས་ལ་སྐྱབས་སུ་མཆིའོཟེར་ཞོར་སྒམ་ཆུང་ཞིག་སྒོར་བཞག སླ་ང་ཞིག་སྒོར་བཞག རྩམ་ཁུག་ཅིག་སྒོར་བཞག མ་ཎི་འཁོར་ལོ་དེ་སྒོར་བཞག ཡིན་ཡང་། ཨ་ཁུ་ནོར་འབུམ་ཚང་གི་ཕྱོགས་ནས་མི་ནག་རིལ་ཞིག་མ་དགོས་བྱ་ནག་རིལ་ཙམ་ཡང་མཐོང་མ་བྱུང་བས། ཨ་མ་དཔའ་མོས་སླར་ཡང་སྣབས་ཞིག་བུས་རྗེས་ལག་པ་ས་ལ་ཕུར་ཙམ་བྱས། ཁོ་མོས་གློ་ལུ་རྒྱག་ཞོར་མིན་ཁུལ་གྱིས་ཨ་ཁུ་ནོར་འབུམ་ཚང་གི་ཕྱོགས་སུ་ལྟ་བཞིན་སྐད་དམའ་མོསསྐྱི་མོ་མགོ་འདི་དངོས་གནས་ཡོང་རྒྱུ་མིན་པ་ཡིན་ནམ། མུག་སྡེ་བོ་འདིས་དངོས་གནས་མ་མཐོང་བ་ཡིན་ནམཟེར།
ང་ལ་དགོད་ཁ་ཤོར།
ཨ་ཤུ མགོ་ཡོམ་འཁོར་བྱུང་། ཁྲ་རྩ་ཞན་པ་འདྲ། ག་རེད། བུ་མོས་ཉོས་པའི་ཀ་ར་ནག་པོ་དེ་གང་དུ་འདུག ཨོ། སྐྱི་ཁུག་དེའི་ཞབས་སུ་འདུག་པ་འདྲ། བླ་མ་ལ་སྐྱབས་སུ་མཆིའོ། སངས་རྒྱས་ལ་སྐྱབས་སུ་མཆིའོ།ཞེས་ཨ་མ་དཔའ་མོས་སྒམ་ཆག་ཅིག་སློག་འགོ་བརྩམས།
ཨ་ཧོ། ཀ་ར་དེ་གང་དུ་བཞག་པ་ཡང་ཤེས་མི་འདུག ཤི་སོང་བས་དགའ་།ཟེར་ཞོར་མོས་ལག་པ་ཐོད་པར་འགའ་བཞག་རྗེས་ཨོང་ཁའི་རིལ་མ་ཕར་སློག་ཚུར་སློག་བྱས།
གན། སྐྱི་མོ་མགོ མུག་སྡེ་བོ། མ་ཡོང་བ་རེད། མིན། ཁོ་ཚོ་ཐོན་བྱུང་ཡང་ང་ལ་གཏམ་རྒྱུ་མེད། འགྲོ་རྒྱུ་ཡིན་པ་ཁོ་ཐག་ཡིན། ཡ། ཅི་ན། ཀུ་རེ་ཡིན་ཟེར་བ་ལྟར། སྦྲ་ངན་འདི་ཕྱིར་ཇི་ལྟར་ཕུབཅེས་ཁེར་བཤད་རྒྱག་ཞོར་མུ་མཐུད་དུ་ཀ་ར་བཙལ།
ཉི་མ་སྤྲིན་འོག་ནས་བཙན་ཤེད་ཀྱིས་ཕྱིར་བུད་བྱུང་། གཅེར་གོར་རེར་འདུག ཨ་མ་དཔའ་མོ་སྒོར་ཡོང་ཏེ་མིག་གཉིས་སིམ་སིམ་གྱིས་ཉི་མར་ལྟ་ཙམ་གྱིས་སྐ་རགས་བསྐྱར་བཅིངས་ཤིག་བྱས་ཏེ་ས་ལ་ཙོག རྐང་པ་གཉིས་དལ་མོར་བསྐྱངས། མོས་མགོ་ལ་འཕྲུག་འཕྲུག་བྱེད་ཞོར མི་ཚེ་འདིར་འགྲོ་ས་མེད་པ་ཞིག ཤི་ཐལ། ང་གང་དུ་འགྲོ་རྒྱུ་ཡིན་ནམཟེར།
ང་ལ་སླར་ཡང་དགོད་ཁ་ཤོར།
གྲང་རླུང་གིས་ཁ་སང་གི་ཁ་བ་ཆེན་པོ་དེ་ཁུར་ནས་རྩྭ་ཐང་གི་གཤང་གཤོང་ཐམས་ཅད་དཀར་སྙོམས་མེར་ཁེངས་པར་བྱས་འདུག་ལ། འབའ་འབུར་ཐམས་ཅད་ནག་གོར་རེར་ཕུད་འདུག་པས་རྩྭ་ཐང་ནི་ཨ་མ་དཔའ་མོའི་སློག་ཧྲུལ་ལྷན་པ་བརྒྱབ་པ་དེ་དང་འདྲ།
ཨ་མ་དཔའ་མོས་གཞན་གྱིས་ཐོས་དཀའ་བའི་ཁེར་བཤད་ཅིག་ལབ་རྗེས་མིག་གཉིས་སིམ་སིམ་གྱིས་སླར་ཡང་གཅེར་གོར་རེའི་ཉི་མ་ལ་ལྟ་ཙམ་བྱས། །
དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1
