སྤྱི་ཟླ་6པའི་ཚེས་27ཉིན། ཆིན་པ་རི་ཁུལ་གྱིས་དབུལ་བྲལ་འགག་སྒྲོལ་བྱེད་པའི་ཡུལ་དངོས་ཀྱི་སྐུལ་འདེད་འཚོགས་འདུ་དེ་ཏཱ་ཀྲུའུ་གྲོང་ཁྱེར་ཤན་ཧན་རྫོང་ནས་བསྡུས་པ་དང་། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཞིང་ཆེན་སྲིད་གཞུང་གི་འགོ་འཛིན་དབྱི་ལིས་ཚོགས་འདུར་ཞུགས་ཤིང་གསུངས་བཤད་ཀྱང་གནང་། ཞིང་ཆེན་ཏང་ཨུའི་ཧྲུའུ་ཅི་ཝང་ཏུང་མིང་གིས་ཞིང་ཆེན་དབུལ་བྲལ་འགག་སྒྲོལ་གྱི་འགོ་ཁྲིད་ཚོ་ཆུང་གི་གྲོས་ཚོགས་ཐེངས་གཉིས་པའི་ཐོག་གི་གསུངས་བཤད་ཀྱི་དགོངས་དོན་ལ་སློབ་སྦྱོང་དང་ལག་བསྟར་བྱེད་དགོས་པ་དང་། དུས་ནམ་ཡང་དབུལ་བྲལ་འགག་སྒྲོལ་ལ་རྒྱལ་ཁ་ལོན་པའི་ལམ་བུའི་ཐོག་ནས། དོན་ཆེན་ཁག་དམ་འཛིན་ཞིབ་སྒོས་གནད་སྨིན་དབུལ་སྐྱོར་ཡོང་བ་ནུས་ལྡན་དང་། གནད་སྨིན་དབུལ་བྲལ་གི་སྤུས་ཚད་མཐོར་འདེགས་སུ་གཏོང་བར་འབད་བརྩོན་བྱས་ནས། དོན་དངོས་ཐོག་དབུལ་བྲལ་འགག་སྒྲོལ་ཡོང་བ་དེ་གཏིང་ཇེ་ཟབ་དུ་གཏོང་དགོས་ཞེས་བསྟན། 
      ཞིང་ཆེན་སྲིད་གཞུང་གི་བཀོད་སྒྲིག་ལྟར། ཉེ་ཆར། ཞིང་ཆེན་རིམ་པའི་འབྲེལ་ཡོད་སྡེ་ཁག་གིས་ཆིན་པ་རི་ཁུལ་གྱི་དབུལ་ཕོངས་རྫོང་དང་། དབུལ་ཕོངས་སྡེ་བ་རུ་ཕྱིན་ནས་ཞིབ་བཤེར་དང་དཔྱད་དཔོག་བྱས། འབྲེལ་ཡོད་ཀྱི་གྲོང་ཁྱེར་དང་རྫོང་། ཞིང་ཆེན་རིམ་པའི་འབྲེལ་ཡོད་སྡེ་ཁག་གི་འགན་ཁུར་བ་རྣམས་ཀྱིས་ལས་ཡུལ་དངོས་ནས་ཀང་ཡོན་གྱི་ཝང་ཚང་རྫོང་ཅ་ཁྲོན་གྲོང་རྡལ་ཝུའུ་ཧོང་སྡེ་བ་དང་།（广元旺苍县嘉川镇五红村）ནོང་ཅན་ཡུལ་ཤོག་ནོང་ཅན་སྡེ་བ།（农建乡农建村）པ་ཀྲུང་འུན་དབྱང་ཆུས་ཆིན་མོའི་གྲོང་རྡལ་ཧྭ་པའོ་སྡེ་བ་དང་།（巴中恩阳区青木镇花包村）ཕིང་ཁྲང་རྫོང་ཆིན་ཧྥོང་གྲོང་རྡལ་ཧྥོང་ཤིང་སྡེ་བ།（平昌县青凤镇枫香村）ཏཱ་ཀྲུའུ་ཤན་ཧན་རྫོང་མའོ་འན་ཡུལ་ཤོག་ཏོང་ཙི་སྡེ་བ་（达州宣汉县庙安乡洞子村）སོགས་ས་གནས་སུ་དབུལ་བྲལ་འགག་སྒྲོལ་ལས་ཀ་སྐུལ་འདེད་གཏོང་བའི་གནས་ཚུལ་སྐོར་ལ་རྟོག་ཞིབ་གནང་།།