སྨོན་འདུན། ཧོ་ཞིང་མིང་གིས་པར་བླངས།
བལྟས་ན་སྐྱིད་སྐྱིད་འདྲ་བའི་བརྩེ་དུང་དེ།།
ཡང་ཡང་བཙལ་ཡང་མཐའ་མའི་དུས་ཤིག་མེད།།
ཕར་བལྟས་དགའ་དགོད་གཉིས་ཀྱི་འཛུམ་མདངས་ཀྱིས།།
དཔུང་བ་མཉམ་གཤིབ་གཅིག་ལག་གཅིག་གིས་འཇུས།།
ཨ་མས་བཀག་ཀྱང་མི་ཁོག་བུ་མོའི་འདོད།།
ཡོད་ཚད་བློས་བཏང་དགའ་བ་བུ་ཡི་འདོད།།
ང་ཡི་འཇིག་རྟེན་ཁྱོད་ཀྱི་མངའ་ཐང་ལ།།
བདེ་སྐྱིད་མེ་ཏོག་བཞད་ཅིང་དྲི་ཞིམ་འཐུལ།།
དགའ་བ་སེམས་ལ་མ་ཤོང་ཁ་ནས་འདོན།།
དུངས་པ་སྙིང་ནས་རྒྱས་ཏེ་དམ་དུ་འཁྱུད།།
བརྩེ་དུང་ཁ་ནས་བརྗོད་ན་སྙན་ཚོར་དང་།།
བརྩེ་དུང་དོན་ལ་བརྩོན་ན་སྐྱིད་ཉམས་འཆར།།
བརྩེ་དུང་དོན་དུ་ཤི་ཡང་དོན་ལྡན་འདོད།།
གཟུགས་མཛེས་ཁ་དོག་བཀྲ་བའི་བུ་མོ་ཡིས།།
ཕོ་གྱོད་མོ་གྱོད་སྣ་ནས་དྲངས་པ་ཡོད།།
འབྱོར་ལྡན་འདོད་རྩེ་ཆེ་བའི་ཕོ་གསར་གྱིས།།
མཛེས་དང་མི་མཛེས་སོ་སོའི་མཐོང་སྣང་དང་།།
རྒ་བར་མི་འགྱུར་མཛེས་མ་ཡོད་རེ་སྐན།།
མཛེས་མར་དུངས་པས་དཔའ་བོའི་རལ་གྲི་ཡང་།།
ལས་དབང་ཟེར་ནས་ལས་ཐག་སྦྲེལ་ན་ཡང་།།
དོན་ལ་རྒྱུ་འབྲས་བདེན་པ་མ་བརྩིས་ན།།
ཁ་པར་འཕྲིན་ཕྲན་སྐུད་ལམ་ཕྲ་མོ་འདིས།།
རང་བཞིན་བཟང་དང་བསམ་པ་དཀར་པོ་ཡིས།།
ལས་མཐུན་བུ་མོ་གྲོགས་སུ་འགུགས་པ་དང་།།
འཇིག་རྟེན་རྒྱུ་འབྲས་བདེན་པ་མ་བརླག་པར།།
འདོད་བདེའི་གཤིས་ལ་ཕོ་མོ་མཚུངས་ན་ཡང་།།
ཕན་ཚུན་བསམ་ཤེས་འགྲོགས་ལ་མཁས་པ་ནི།།
བརྩེ་དུང་ཡུན་རིང་བརྟན་པའི་གནད་ཡིན་ཞིང་།།
བྱུང་ན་འཇིག་རྟེན་སྐྱིད་ཀྱི་དྭངས་མ་དང་།།
ཉེས་ན་སྡུག་གི་སྣ་འདྲེན་བརྩེ་དུང་འདི།།
ཐབས་ལ་མཁས་པས་ཐབས་ཀྱིས་སྐྱོང་བ་དང་།།
འདོད་པས་སྤྱད་པས་མི་ངོམས་འདོད་སེམས་སྤོངས།།
དགའ་བ་ཚད་མེད་མཛེས་མར་དགའ་བ་སྤོངས།།
རྒྱུད་འཇམ་སེམས་མཐུན་བུ་མོ་གྲོགས་སུ་བསྟེན།།
འཇིག་རྟེན་མཐུན་འཇུག་འཇིག་རྟེན་དོན་ཆེན་ཡིན།།
ཡང་ཡང་དགའ་བའི་མཐའ་མར་ཁྱིམ་སོ་ཟུངས།།
སྐྲ་དཀར་གཉེར་མའི་དུས་ཀྱང་བརྩེ་སེམས་ཟུངས།།
སྔོན་ཚེ་ལྷ་སྣང་སྟོབས་དང་བློ་གྲོས་མའི།།
ལྷད་མེད་བརྩེ་བ་མགྲིན་སྔོན་རྟོགས་བརྗོད་གསལ།།
མི་ཆོས་ལེགས་སྤྱད་མི་ཡི་མཆོག་རབ་དང་།།
རང་གིས་མྱོང་སྣང་དཔྱད་ཅིང་མཐོང་ཐོས་བསགས།།
རང་གི་དོན་དང་གཞན་གྱི་དོན་ལ་ཡང་།།
