དཀར་མཛེས་བཀྲ་ཤིས་དར་རྒྱས་ནོར་བུའི་གླིང་ནི་སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་དཀར་མཛེས་རྫོང་ཁོངས་སུ་མངའ་ཞིང་། དཀར་མཛེས་ཁུལ་དུ་མཆིས་པའི་བོད་བརྒྱུད་ནང་བསྟན་གྱི་དགེ་ལུགས་པའི་དགོན་སྡེ་ཆེས་ཆེ་བ་དང་ཁམས་ཀྱི་ཧོར་དགོན་བཅུ་གསུམ་གྱི་ཡ་གྱལ་ཡིན། ཆོས་སྡེ་འདི་ནི་སྤྱི་ལོ་1662ལོར་བཞེངས་པ་དང་། ད་ལྟའི་བར་དུ་བགྲང་བྱ་350ལྷག་གི་ལོ་རྒྱུས་ལྡན།
ཆོས་སྡེ་ཆེན་པོ་འདི་དཀར་མཛེས་ཁུལ་གྱི་བྱང་ཕྱོགས་སུ་རི་ལ་བརྟེན་ནས་བཞེངས་འདུག་ཅིང་། འཛུགས་སྐྲུན་གྱི་རྒྱ་ཁྱོན་ལ་སྨི་གྲུ་བཞི་མ་འབུམ་2ལྷག་ཟིན་ཡོད། དགོན་པའི་ནང་དུ་ཆོས་ཀྱི་བསྟན་བཅོས་དང་ལྷ་སྐུ་སོགས་རིན་ཐང་གཞལ་ཡས་པའི་རྟེན་འགངས་ཆེན་མང་པོ་ཉར་འདུག་ལ། ད་ལྟ་གྲྭ་བཙུན་400ལ་ཉེ་བ་ཡོད།
