ཉེ་ཆར། དཀར་མཛེས་རྫོང་གིས2017ལོའི་དབུལ་སྐྱོར་གནས་སྤོ་དུད་ཚང་ཁང་གསར་དུ་སྤོ་བའི་མཛད་སྒོ་དེ་རྒྱུད་བཟང་མདའ་ཡི་བཀོད་སྒྲིག་ས་ཚུགས་སུ་སྤེལ་བ་རེད། ཤར་ཕྱོགས་ཤང་དང་རྫ་ཁོག་ཤང་། གྲོང་ཚོ་གསུམ་གྱི་གནས་སྤོ་མཁན་ཚང་མ་རྒྱུད་བཟང་མདའ་ཁུལ་གསར་པར་སྤོས་པ་རེད།  
        རྒྱུད་བཟང་མདའ་ཡི་བཀོད་སྒྲིག་ས་ཚུགས་སུ་དབུལ་པོའི་དུད་ཚང60དང་མི252ཤོང་ཞིང་།  ཟླ་བ10པའི་ཚེས5ཉིན་ལ་མངོན་གསལ་དང་འདྲ་མཉམ། དྲང་གཞག་གི་རྩ་དོན་ལྟར་རྒྱན་འཕངས་ནས་ཁང་པ་བགོས་པ་རེད།   ཁང་པ་གསར་པའི་ནང་དུ་དཀར་ཆ་དོད་ལ་རྒྱ་ཆེ་བ་དང་། ཁང་ཀླད་དུ་སྐར་ལྔའི་དར་དམར་ལྷབ་ལྷུབ་ཏུ་གཡོ་བཞིན་འདུག་པས་གནས་སྤོ་དུད་ཚང་ཚང་མ་སེམས་པ་རབ་ཏུ་དགའ། ཁྱིམ་ཆས་དང་དེང་རབས་གློག་ཆས་འཛོམས་ཡོད་པས་མ་ཚད་སྒོ་ར་གཙང་ཞིང་གྲ་འགྲིག་པ་དང་། འགྲོ་ལམ་ཡངས་ཤིང་རྒྱ་ཆེ་བ་རེད། 
        ཤེས་རྟོགས་བྱུང་བར་གཞིགས་ན། ལོ་ལྔའི་འཆར་གཞི་བཅུ་གཉིས་པ་བཞག་པ་ནས་བཟུང་། དཀར་མཛེས་རྫོང་གིས་ཚན་པ་གཅིག་ཅན་ལྔའི་འཐབ་ཇུས་ཀྱི་བཀོད་སྒྲིག་ལྟར་དབུལ་སྐྱོར་གནས་སྤོས་ལས་གཞི་ལག་བསྟར་གཏིང་ཟབ་བྱས་ཡོད།  མིག་སྔའི་བར་དབུལ་སྐྱོར་གནས་སྤོས་མི་གྲངས3793ལ་སླེབས་པ་དང་། དུས་རིམ་རྗེས་མར་ཚྭ་ལུང་གྲོང་རྡལ་གྱི་གཅིག་སྡུད་བཀོད་སྒྲིག་ས་ཚུགས་སུ་དུད་ཚང38དང་མི་གྲངས130གནས་སྤོ་བྱ་རྒྱུ་ཡིན་པ་རེད།།