མི་རྣམས་ཀྱི་འཛམ་གླིང་ལོ་རྒྱུས་ཀྱི་ངེས་ཤེས་ནི་ད་དུང་སྔར་བཞིན་ཆ་ཚང་ཞིག་མ་ཡིན་ཏེ། ལོ་ངོ་200ཡི་སྔ་རོལ་དུ་ང་ཚོས་ཉེ་དུས་ཀྱི་ལོ་ངོ་3000ནང་ཚུན་དུ་བྱུང་བའི་ལོ་རྒྱུས་ཁོ་ན་ལས་ཤེས་བཞིན་མེད་ཅིང་། ལོ་ངོ་3000སྔ་རོལ་གྱི་ལོ་རྒྱུས་ནི་སོ་སོའི་ཕུན་སུམ་ཚོགས་པའི་སེམས་ཀྱི་འཆར་སྒོ་དང་ངག་རྒྱུན་ཙམ་ལ་བརྟེན་ནས་འགྲེལ་བརྗོད་བྱ་རྒྱུ་ལས་ཐབས་གཞན་མེད། དཔེར་ན། སྤྱི་ལོ་སྔོན་གྱི་4004ལོར་འཇིག་རྟེན་འདི་གློ་བུར་དུ་གསར་སྐྲུན་བྱས་པ་རེད། དཔྱིད་དུས་སུ་གསར་སྐྲུན་བྱས་པའམ་ཡང་ན་སྟོན་དུས་སུ་གསར་སྐྲུན་བྱས་པར་ཆེད་མཁས་པ་རྣམས་ཀྱང་ལྟ་བ་གཅིག་མཐུན་མ་ཡིན་ཞེས་ང་ཚོ་དཔལ་ཡོན་སྤྱི་ཚོགས་ཁྲོད་ཀྱི་མི་གང་མང་ལའང་མི་རབས་སྔོན་མ་དག་གིས་འདི་ལྟར་སློབ་སྟོན་གནང་བ་ཡིན་ལ། ང་ཚོས་ཀྱང་དེ་ལྟར་དུ་ཡིད་ཆེས་བྱས་པ་ཡིན། འོན་ཀྱང་ལྟ་བ་འདི་ ནི་གནའ་བོའི་ཞི་པའོ་ལེ་རིགས་ཀྱི་ 《 ཅིག་ཡོ། 》 ཡི་བློ་རྩི ང་པོའི་སྟབས་བདེའི་གསལ་བཤད་ལ་ཁུངས་བཅོལ་བ་ཞིག་སྟེ། གང་འདོད་དུ་འོལ་ཚོད་བྱེད་པའི་ལྷའི་རིག་པར་གཞི་བཅོལ་བ་ཞིག་ཡིན་པས། ད་ལྟ་ཆོས་སྤེལ་མཁན་དག་གིས་ཀྱང་ཁས་ལེན་བྱེད་བཞིན་མེད་པ་རེད། ད་ལྟ་ཤེས་ཡོན་ཅན་རྣམས་ཀྱིས་འདི་ལྟའི་ཚན་རིག་དང་མི་མཐུན་པའི་ལྟ་ཚུལ་སྔ་མོ་ནས་ཕར་གཡུགས་ཏེ་རང་བཞིན་གྱིས་གྲུབ་པའི་ལྟ་བས་སའི་གོ་ལའི་སྣང་ཚུལ་སྣ་ཚོགས་ལ་འགྲེལ་རྒྱག་བཞིན་འདུག་ཅིང་། མི་རྣམས་ཀྱིས་རང་ཅག་འཚོ་སྡོད་བྱེད་ཀྱིན་པའི་འཇིག་རྟེན་འདི་ནི་གནའ་སྔ་མོ་ནས་གྲུབ་ཟིན་པ་མ་ཟད། བགྲང་བར་དཀའ་བའི་གནའ་དུས་ཀྱི་བསྐལ་བ་ནས་གྲུབ་ཡོད་པར་འདོད།དེ་ལྟ་ནའང་ཕྱིར་སྣང་གི་སྣང་ཚུལ་ཡོད་ཚད་མཐའ་གཅིག་ཏུ་བདེན་ཐུབ་ཅིག་ག་ལ་ཡིན་ཏེ། མེ་ལོང་གཉིས་སོ་སོར་ཁང་པའི་མཐའ་སྣེ་གཉིས་སུ་བཞག་ཚེ། ང་ཚོས་ཁང་པའི་སྣེ་གཉིས་མཐོང་དཀའ་བའི་འཁྲུལ་ཤེས་ཀྱང་རང་བཞིན་གྱིས་འབྱུང་བ་ཡིན། ཡིན་ནའང་དགའ་འོས་པ་ཞིག་ལ་མིའི་རིགས་འཚོ་སྡོད་བྱེད་བཞིན་པའི་འཇིག་རྟེན་འདི་གྲུབ་ནས་ལོ་ངོ་6000ངམ་7000ཙམ་ལས་མ་སོང་བར་འདོད་པའི་ལྟ་ཚུལ་དེ་ནི་ཚན་རིག་དང་མི་མཐུན་ཞིང་ཡིད་ཆེས་མི་ཐུབ་ཞིག་ཡིན་པས། དེ་འདྲའི་ལྟ་ཚུལ་སྔ་མོ་ནས་རྒྱང་དུ་བསྐྱུར་ཟིན། ད་ལྟ་འཇིག་རྟེན་གྱི་མི་ཚང་མས་ཤེས་གསལ་ལྟར། སའི་གོ་ལ་ནི་ཚངས་ཐིག་ལ་དབྱིན་ལེ་8000（སྤྱི་ལེ་ཁྲི་1.28）ཡོད་ཅིང་སྣེ་གཉིས་ཅུང་ལེབ་མོ་ཡིན་པའི་ཚ་ལུ་མའི་རྣམ་པ་ཅན་གྱི་ལྒང་གཟུགས་ཤིག་ཡིན་པ་རེད། རྟོ གས་པ་མཐོ་བའི་མི་ལ་ལས་ཧ་ལམ་ལོ་ངོ་2500ཡི་ཡར་སྔོན་ནས་སའི་གོ་ལ་འདི་ལྒང་གཟུགས་ཤིག་ཡིན་པ་ཤེས་རྟོགས་བྱུང་ཡོད་པ་རེད། འོན་ཀྱང་དེའི་ཡར་སྔོན་དུ་མི་རྣམས་ཀྱིས་རྒྱ་ཁྱབ་ཏུ་སའི་གོ་ལ་འདི་ལེབ་མོ་ཞིག་ཡིན་པར་འདོད་ཅིང་། ཐ་ན་དེ་ལྟའི་ལྟ་བས་སའི་གོ་ལར་ཚད་བཙུགས་ཏེ་བར་སྣང་ཁམས་དང་སྐར་ཚོགས་བར་གྱི་འབྲེལ་བར་ འགྲེལ་བཤད་བྱས་ཡོད་དེ། དེང་དུས་ཀྱི་ཚད་ཀྱིས་ཕྱིར་འདང་རེ་བརྒྱབ་ན་དེ་ནི་ཇི་འདྲའི་བྱི ས་བློ་ཅན་དང་དགོད་བྲོ་བ་ཞིག་རེད་ཨང་། ད་ལྟ་ང་ཚོས་སའི་གོ་ལའི་སྲོག་ཤིང་（ཐིག་དམར་གྱི་ཚངས་ཐིག་ལས་དབྱིན་ལེ་24ཡིས་ཐུང་།）དཀྱིལ་སྙིང་བྱས་པའི་སའི་གོ་ལ་ནི་དུས་ཚོད་24རེའི་ནང་རང་འཁོར་ཐེངས་གཅིག་རྒྱག་བཞིན་ཡོད་པ་དང་། དེའི་རྐྱེན་གྱིས་ཉིན་མཚན་གཉིས་ཀྱི་རེས་འཁོར་བྱུང་ལ། དེ་དང་མཉམ་དུ་སའི་གོ་ལས་རྒྱུན་སྲོལ་དང་ཅུང་ཟད་མི་མཐུན་ཞིང་འགྱུར་ལྡོག་ཅུང་ཙམ་ཡོད་པའི་ནར་གཟུགས་ཅན་གྱི་འཁོར་ལམ་བརྒྱུད་ནས་ལོ་རེར་ཉི་མར་སྤྱི་འཁོར་ཐེངས་གཅིག་རེ་རྒྱག་བཞིན་ཡོད་པ་ཤེས་ཡོད། དེ་བཞིན་སའི་གོ་ལ་དང་ཉི་མ་གཉིས་ཀྱི་བར་ཐག་དབྱིན་ལེ་ཁྲི་9150ཡིན་པའི་སྐབས་སུ། དེ་གཉིས་བར་གྱི་བར་ཐག་ནི་ཆེས་ཉེ་བའི་དུས་སྐབས་ཡིན་ཞིང་། བར་ཐག་དབྱིན་ལེ་ཁྲི་9450ཡིན་པའི་སྐབས་སུ། དེ་གཉིས་བར་གྱི་བར་ཐག་ཆེས་རིང་བའི་སྐབས་སུ་སླེབས་པའང་ཤེས་རྟོགས་བྱུང་ཡོད།

          ཟླ་བའི་གོ་ལའི་བོངས་ཚད་ནི་སའི་གོ་ལ་ལས་ཆུང་ཞིང་། དབྱིན་ལེ་239000གི་བར་ཐག་གིས་སའི་གོ་ལར་བསྐོར་ནས་འཁོར་གྱིན་ཡོད། ཉི་མའི་ཁྱིམ་རྒྱུད་ནང་ཉི་མར་བསྐོར་བ་རྒྱག་བཞིན་པའི་སྐར་མ་ནི་སའི་གོ་ལ་དང་ཟླ་བའི་གོ་ལ་གཉིས་ཁོ་ན་མ་ཡིན་པར། སྐར་མ་ལྷག་པ་དང་པ་སངས་གཉིས་ཀྱིས་ཀྱང་ཉི་མར་བསྐོར་བ་རྒྱག་བཞིན་ཡོད་དེ། སྐར་མ་ལྷག་པས་ཉི་མ་དང་བར་ཐག་དབྱིན་ལེ་3600ཡི་དང་བར་ཐག་ཉེ་བའི་སྐར་མ་གཞན་མེད་ཅིང་། དེ་ནས་དེད་དེ་སོང་ན་སའི་གོ་ལ་དང་བར་ཐག་དབྱིན་ཁྲུ་175ཡི་མཚམས་སུ་སྐར་མ་མིག་དམར་ཡོད་པ་དང་། དབྱིན་ལེ་1གི་མཚམས་སུ་ཚངས་ཐིག་ལ་དབྱིན་ཁྲུ་1ཡིན་པའི་སྐར་མ་ཕུར་བུ་དང་། དབྱིན་ལེ་2གཉིས་ཀྱི་མཚམས་སུ་བོངས་ཚད་ཅུང་ཆུང་བའི་སྐར་མ་སྤེན་པ། དབྱིན་ལེ་4ཡི་མཚམས་སུ་སྐར་མ་གནམ་རྒྱལ། དབྱིན་ལེ་6གི་མཚམས་སུ་སྐར་མ་མཚོ་རྒྱལ་བཅས་ཡོད། སྐར་མ་མཚོ་རྒྱལ་གྱི་ཕྱི་རོལ་གྱི་དབྱིན་ལེ་སྟོང་ཕྲག་མང་པོའི་བར་སྟོང་དུ་གཡེང་ཞིང་འཕྱོ་བའི་ཆུ་རྡུལ་དང་ཕྲ་ཆུང་གི་ས་རྡུལ་ལས་གཞན་ཅི་ཡང་མེད། དེས་ན་འདི་འདྲའི་བསྡུར་ཚད་ཀྱིས་བརྩིས་ན། སའི་གོ་ལ་དང་བར་ཐག་ཆེས་ཉེ་བའི་བརྟན་སྐར་ཡང་དབྱིན་ལེ་ཁྲི་40ཡི་ཕྱི་རོལ་དུ་ཡོད་པ་ཤེས་དགོས།

          འདི་འདྲའི་གྲངས་ཚད་ཀྱིས་ང་ཚོའི་ཚེ་སྲོག་གར་དུ་རྩེན་སའི་གར་སྟེགས་འདི་ཇི་འདྲའི་མུ་མཐའ་བྲལ་ཞིང་འཇམ་འཇགས་གེར་གནས་པ་ཞིག་ཡིན་པའི་ལྟ་བ་དབང་མེད་དུ་སྟེར་ཞིང་འོང་། མུ་མེད་ཀྱི་བར་སྣང་སྟོང་བའི་དབྱིངས་འདིར། ང་ཚོས་དངོས་གནས་ཚད་ཀྱིས་ཉི་མར་བསྐོར་བ་རྒྱག་བཞིན་ཡོད་ཅིང་། སྐར་མ་པ་སངས་ཀྱིས་ཉི་མ་དང་བར་ཐག་དབྱིན་ལེ་6700ཡི་ཚད་ཀྱིས་ཉི་མར་བསྐོར་བ་རྒྱག་བཞིན་ཡོད་པ་རེད། སའི་གོ་ལ་སྤྱི་འཁོར་བྱེད་པའི་འཁོར་ལམ་གྱི་ཕྱི་སྐོར་དུ་ཐག་དབྱིབས་སུ་གྲུབ་ཅིང་མཉམ་མི་འཇོག་པའི་སྐར་གཟུགས་ཆུང་ཆུང་དང་རྒྱུ་སྐར་ཆུང་ཆུང་གྲངས་མེད་ཅིག་འདུག་པ་མ་ཟད། ད་དུང་སྐར་མ་མཚོ་རྒྱལ་དང་གནམ་རྒྱལ། སྤེན་པ། ཕུར་བུ། མིག་དམར་བཅས་ཀྱང་ཡོད་དེ། རྒྱུ་སྐར་ལྔ་པོ་འདི་དག་དང་མའི་བར་གྱི་བར་ཐག་ནི་སོ་སོར་དབྱིན་ལེ་ཁྲི་279300དང་དབྱིན་ལེ་ཁྲི་178200 དབྱིན་ལེ་ཁྲི་88600 དབྱིན་ལེ་ཁྲི་48300དབྱི ན་ལེ་ཁྲི་14100བཅས་ཡིན།

           གྲངས་འབོར་དེ་ཙམ་མང་བའི་བར་ཐག་གི་ཚད་ནི་ག་འདྲ་ཡིན་པ་མི་རྣམས་ཀྱིས་ངེས་དཀའ་བས། འདིར་གོ་བདེ་བའི་ཆེད་དུ་ཉི་མ་དང་རྒྱུ་སྐར་དེ་དག་བར་གྱི་བར་ཐག་དེ་བསྡུར་བའི་ཐབས་ཀྱིས་ཇེ་ཆུང་དུ་བཏང་ནས་བཤད་ན། གལ་ཏེ་སའི་གོ་ལ་འདི་ལྒང་གཟུགས་ཆུང་ཆུང་ཞིག་ཡིན་པའི་དབང་དུ་བཏང་ནས་དེའི་ཚངས་ཐིག་ལ་དབྱིན་ཚུན་ཡོད་པར་བྱས་ན། ཉི་མ་ནི་ལྒང་གཟུགས་ཆེན་པོ་ཞིག་དང་ཚངས་ཐིག་ལ་དབྱིན་ཚུན་9ཡོད་པ་ཅན་ཞིག་ཡིན་ལ་སའི་གོ་ལ་དང་བར་ཐག་མཱ་323ཡོད་དེ། དབྱི ན་ལེ་གཅིག་གི་ལྔ་ཆའི་གཅིག་གི་ཚད་དང་ཧ་ལམ་མཚུངས་ཤིང་། རྐང་ཐང་དུ་སོང་ན་སྐར་མ་བཞི་ལྔའི་ཡས་མས་སུ་ཐོན་ཐུབ། ཉི་མ་དང་བསྡུར་ཚེ། ཟླ་བའི་གོ་ལ་ནི་སྲན་རྡོག་ཆུང་ཆུང་ཞིག་དང་འདྲ་ལ། སའི་གོ་ལ་དང་བར་ཐག་དབྱིན་ཁྲུ་2.5ལས་མེད། སྐར་མ་ལྷག་པ་དང་པ་སངས་གཉིས་ནི་སའི་གོ་ལ་དང་ཉི་མ་གཉིས་ཀྱི་བར་དུ་ཡོད་ཅིང་། ཉི་མ་དང་སོ་སོར་བར་ཐག་མཱ་125དང་250ལས་མེད། སྐར་མའི་གོ་ལ་འདི་དག་གི་ཉེ་འཁོར་དུ་དེ་ དང་བར་ཐག་ཉེ་བའི་སྐར་མ་གཞན་མེད་ཅིང་། དེ་ནས་དེད་དེ་སངོ ་ན་སའི་གོ་ལ་དང་བར་ཐག་དབྱིན་ཁྲུ་175ཡི་མཚམས་སུ་སྐར་མ་མིག་དམར་ཡོད་པ་དང་། དབྱིན་ལེ་1གི་མཚམས་སུ་ཚངས་ཐིག་ལ་དབྱིན་ཁྲུ་1ཡིན་པའི་སྐར་མ་ཕུར་བུ་དང་། དབྱིན་ལེ་2གཉིས་ཀྱི་མཚམས་སུ་བོངས་ཚད་ཅུང་ཆུང་བའི་སྐར་མ་སྤེན་པ། དབྱིན་ལེ་4ཡི་མཚམས་སུ་སྐར་མ་གནམ་རྒྱལ། དབྱིན་ལེ་6གི་མཚམས་སུ་སྐར་མ་མཚོ་རྒྱལ་བཅས་ཡོད། སྐར་མ་མཚོ་རྒྱལ་གྱི་ཕྱི་རོལ་གྱི་དབྱིན་ལེ་སྟོང་ཕྲག་མང་པོའི་བར་སྟོང་དུ་གཡེང་ཞིང་འཕྱོ་བའི་ཆུ་རྡུལ་དང་ཕྲ་ཆུང་གི་ས་རྡུལ་ལས་གཞན་ཅི་ཡང་མེད། དེས་ན་འདི་འདྲའི་བསྡུར་ཚད་ཀྱིས་བརྩིས་ན། སའི་གོ་ལ་དང་བར་ཐག་ཆེས་ཉེ་བའི་བརྟན་སྐར་ཡང་དབྱིན་ལེ་ཁྲི་40ཡི་ཕྱི་རོལ་དུ་ཡོད་པ་ཤེས་དགོས།

            འདི་འདྲའི་གྲངས་ཚད་ཀྱིས་ང་ཚོའི་ཚེ་སྲོག་གར་དུ་རྩེན་སའི་གར་སྟེགས་འདི་ཇི་འདྲའི་མུ་མཐའ་བྲལ་ཞིང་འཇམ་འཇགས་གེར་གནས་པ་ཞིག་ཡིན་པའི་ལྟ་བ་དབང་མེད་དུ་སྟེར་ཞིང་འོང་། མུ་མེད་ཀྱི་བར་སྣང་སྟོང་བའི་དབྱིངས་འདིར། ང་ཚོས་དངོས་གནས་ཤེས་རྟོགས་བྱུང་ཡོད་པ་ནི་སའི་གོ་ལའི་ཕྱི་ངོས་ཀྱི་སྐྱེ་དངོས་ཙམ་རེད། སའི་གོ་ལའི་ཕྱི་ཤུན་དང་ནང་སྙིང་བར་གྱི་བར་ཐག་ནི་དབྱིན་ལེ་4000ཡིན་པ་དང་། ས་འོག་ཏུ་འཚོ་སྡོད་བྱེད་པའི་སྐྱེ་དངོས་དག་ཀྱང་ས་འོག་ཏུ་མར་དབྱིན་ལེ་3ཙམ་ལས་ཟུག་ཐུབ་མེད། སྐྱེ་དངོས་རིགས་ས་ངོས་ལས་ཡར་འཕགས་ཚད་ཀྱང་དབྱིན་ལེ་5ལས་བརྒལ་ཐུབ་མེད་དེ། དེའི་ཕན་ཆད་ཀྱི་མཐའ་མེད་པའི་བར་སྣང་སྟོང་བའི་ཁམས་ནི་སྟོང་སང་སང་དང་ཚེ་སྲོག་གི་རྒྱུ་བ་བྲལ་བའི་བར་སྟོང་རེད། ཆེས་གཏིང་ཟབ་པའི་རྒྱ་མཚོ་དག་བརྐོས་ཤིང་བྲུས་ཚེ། དེ་དག་གི་ཟབ་ཚད་ཀྱང་དབྱིན་ལེ་5ཡི་ཕན་ཆད་དུ་མེད་ཅིང་། གནམ་གྲུ་འཕུར་བསྐྱོད་བྱས་ནས་བཞག་པའི་ཆེས་མཐོའི་ཟིན་ཐོའང་དབྱིན་ལེ་4ཡི་ཡན་དུ་བརྒལ་ཐུབ་མེད།（རྩོམ་པ་པོས་རྩོམ་འདི་འབྲི་དུས་ཀྱི་ཚད་ཐིག་ཡིན།） དེ་སྔོན་མི་ལ་ཤས་དབུགས་ལྒང་ལ་བསྡད་ནས་བར་སྣང་དུ་ཕྱིན་ཏེ་དབྱིན་ལེ་7གྱི་མཐོ་ཚད་ལ་སླེབས་མྱོང་མོད། འགོག་ཤུགས་ཆེན་པོ་ཐེབས་ནས་སྡུག་བསྔལ་གང་མང་མྱངས་སོང་། བྱ་རིགས་ལ་མཚོན་ནའང་མ་ཤི་གསོན་པོར་དབྱིན་ལེ་5ཡན་གྱི་བར་སྣང་དུ་འཕུར་ཐུབ་མཁན་མེད་ཅིང་། གནམ་གྲུའི་ནང་དུ་ཁྱེར་བའི་བྱེའུ་དང་འབུ་སྲིན་དག་དབྱིན་ལེ་5ཡི་མཚམས་སུ་སླེབས་ཚེ་སྔ་མོ་ནས་ཚོར་ཤེས་དང་བྲལ་འདུག་པ་རེད། །