ནམ་ཕྱེད་ཀྱི་དུས་སུ
གོམ་འགྲོས་འཁྱོར་བའི་གྲིབ་མ་ཞིག་ངའི་སེམས་གཏིང་དུ་འཛུལ
རྒྱུན་རིང་བའི་ཀུ་ཅོ་དང་འཐོར་བཞིན་པའི་རླབས་ཀྱིས
བཤས་ར་ཆུང་ཆུང་ཞིག་ཀྱང་ངའི་མིག་ནང་དུ་བསྐྱལ་ཡོང་བ་དང
ཁྲག་གི་དྲི་མའང སྣ་ལམ་དུ་འཐུལ་བར་བྱེད
རླངས་པར་འགྱུར་བཞིན་པའི
སྒྲེགས་སྐྱུགས་ཀྱི་ཁ་དོག ཡང་ན་འཁྱག་རོམ་གྱིས་བཏུམས་པ་དེ་དག
སུ་ཡི་སྣང་ངོར་ཚིག་འབྲུ་མི་གསལ་བའི་སྔགས་ཡིག་ཅིག་ཏུ་གྲུབ
མི་སྡུག་པ་ཐག་རིང་དུ་བསྐྱུར་བ་དང
དུས་ཚོད་ཀྱིས་ལྡད་ཀྱིན་པའི་འདོད་པ་མཐའ་དག རང་བཞིན་གྱིས་ཡལ་ནའང
སྡུག་བསྔལ་མཚོན་བྱེད་ཀྱི་གཞས་འདི་དག
མུན་པའི་གཏིང་དུ་བླངས་ཚེ
ངས་རང་གི་གསོག་གསོབ་ཀྱི་འཚོ་བ་དྲན་སྲིད
ས་རུབ་ནས་མིག་བཙུམས་ནའང རྣམ་རྟོག་ཅི་ཞིག་གིས
ཆུ་བོ་བྲུག་པར་བྱས་པས་གཉིད་ཐབས་མ་བྱུང
