༄༅།། ངས་ཁྱོད་ལ་ངའི་མི་ཚེ་ལྟ་བུའི་སྐྲ་ལོ་འབུལ།

མཚོ། རྩོམ་སྒྲིག་པ།ཚེ་དཔལ། ཡོང་ཁུངས།ངེད་དྲ་བ། སྤེལ་དུས། 04-13



མཚོ།
ཉི་འོད་སྡོང་པོའི་ཡལ་ག་བརྒྱུད་ནས་སྒེའུ་ཁུང་དུ་འཕྲོས་པས།
ངས་ཁྱོད་ཀྱི་ངོ་གདོང་དྲན།
ཁྱོད་ཀྱི་བྱམས་བརྩེ་དྲན།
ཁྱོད་ཀྱི་སྙི་དྲགས་པའི་སེམས་པ་དྲན།
ཁྱོད་རང་དྲན་ཐེངས་རེར།
ངས་ཁྱོད་ལ་རྒྱ་མཚོ་དང་རྩྭ་ཐང་།
ད་དུང་ནོར་ལུག་བཅས་བགོ་སྐལ་དུ་སྟེར་འདོད།
ཁྱོད་ཀྱི་མིག་ཟུང་ལ་སྤྲིན་པ་འཁྲིགས་ཐེངས་རེར།
ངས་ཁྱོད་ཀྱི་སེམས་ལ་ནམ་མཁའ་ཞིག་སྤྲོད་འདོད་ཧ་ཅང་ཆེ།
ཁྱོད་རང་དྲན་ཐེངས་རེར། ངས་ནམ་ཡང་།
རང་ཉིད་ཀྱང་གླིང་ཕྲན་ཞིག་ཏུ་ཚུད་ཡོད་པ་བརྗེད་ཅིང་།
བཀྲེས་ལྟོགས་ཀྱིས་མནར་བཞིན་ཡོད་པའང་ཡོངས་སུ་བརྗེད་འགྲོ།
ངས་ཁྱོད་རང་དྲན་ཐེངས་རེར།

ངས་ངའི་མི་ཚེ་ལྟ་བུའི་སྐྲ་ལོ་འདི་ཁྱོད་ལ་འབུལ་ཨང་སྙམ།

(མཚོ་སྔོན་བོད་ཡིག་གསར་འགྱུར་ལས་བཤུས།)


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1