ན་རོ། (ལྷ་ས)
བྱེ་རྒྱུགས་བཏང་བའི་མི་རྣམས་ལ་ཕྱིར་ཡོང་མི་འདུག
སྨིག་རྒྱུའི་སྡོམ་དྲ་ལ་ཐོགས་པའི་རླུང་རྟ་དེ་དག
གདུང་མར་བཀལ་བའི་མེ་མདའ་བཞིན
ཟུར་མིག་མེད་པའི་མདེའུ་བཞིན
ལོ་ཐོ་ལས་བཅུས་པའི་ཆུ་ཁེམ་བུ་གང་གིས
མི་ཁོམ་པའི་ས་ལ་ཆག་ཆག་བཏབ་ཅིང
དཔེ་ཁ་ཤས་ཀྱི་ཉི་གདུགས་རྣམ་པར་བརྒྱངས་ཏེ
རྨོངས་པའི་ཚ་གདུག་ལ་གཡོལ་ཙམ་བྱས
མི་རོ་དངོས་གྲུབ་ཅན་ལ་ལྷ་སྐད་ལྟ་བུའི་འཕྲིན་གཅིག་བྲིས
ནམ་ཡང་བཙོན་མ་སྨོན་ལམ་གྱེར་མཁན་ཞིག་ལ་གསོལ་བ་བཏབ་བཏབ་པས
ལོ་རྙིང་གི་སྒྲོག་གུ་ཟད་པོ་འདི
ལོ་སར་གྱི་ཕྱུ་པར་འདོགས་ཐུབ་པ་འདྲ
༢༠༡༧ལོར།
（2017ལོའི་གངས་རྒྱན་མེ་ཏོག་དེབ་དང་པོ་ལས་བཤུས། ）
