ཨི་ཟི་རེལ་དང་ཧ་མ་སི་ཡིས་ཅ་ཧྲ་ས་ཁུལ་ནས་ཉིན་ལྔ་བཅུའི་རིང་ཛ་དྲག་གི་འཐབ་འཁྲུག་བརྒྱབ་རྗེས། ས་གནས་དེ་གའི་དུས་ཚོད་ལ་སྤྱི་ཟླ་8པའི་ཚེས་26ཉིན་གྱི་དགོང་མོ་ཆུ་ཚོད་7གྱི་སྟེང་། ཕྱོགས་གཉིས་ནས་ཕན་ཚུན་འཁྲུག་མཚམས་འཇོག་པའི་གྲོས་ཆིངས་ཆེས་གསར་ཤོས་ཤིག་ལ་གྲོས་མཐུན་བྱུང་།  འདི་ནི་ཉིན་ལྔ་བཅུའི་རིང་གི་ཅ་ཧྲ་ས་ཁུལ་གྱི་འཐབ་འཁྲུག་དོན་རྐྱེན་ཁྲོད། ཕྱོགས་གཉིས་ནས་འཁྲུག་མཚམས་འཇོག་པའི་གྲོས་མཐུན་ཐེངས་12པ་ཡིན་ལ། གྲོས་མཐུན་འདི་སྔོན་མའི་དུས་ཐུང་གི་གྲོས་ཆིངས་དག་དང་མི་འདྲ་བར་དུས་ཡུན་རིང་པོའི་ནང་འཁྲུག་མཚམས་འཇོག་པའི་གྲོས་ཆིངས་ཤིག་རེད།

 

      ཐེངས་འདིའི་ཡུན་རིང་འཁྲུག་མཚམས་འཇོག་པའི་གྲོས་ཆིངས་དོན་འཁྱོལ་ཡོང་མིན་ཐད། ཕྱོགས་སོ་སོ་ནས་རེ་དོགས་ཀྱི་རྣམ་འགྱུར་འཛིན་བཞིན་ཡོད། དེ་བས་ཀྱང་གལ་འགངས་ཆེ་བ་ནི། ད་ཐེངས་ཀྱི་གྲོས་ཆིངས་དོན་འཁྱོལ་ཕྱིན་པ་ཡིན་ན་ཡང་། དེ་ནི་དོན་དག་ཆེན་པོ་འགྲུབ་པའི་གོམ་པ་དང་པོ་ཙམ་ཡིན་ལ། ཕ་ལི་སི་ཐན་དང་ཨི་ཟི་རེལ་ཕྱོགས་གཉིས་ནས་གནས་དོན་གཙོ་བོ་འགའ་ཤས་ལ་ད་དུང་དཀའ་ཚེགས་ཆེ་བའི་གྲོས་མོལ་བྱ་དགོས་བྱུང་།