དོན་འདི་ཤིན་ཏུ་གལ་ཆེ་སྟེ། ལོ་རྒྱུས་དང་རྣམ་ཐར་ལ་ཞིབ་འཇུག་བྱེད་པ་རྣམས་ཀྱིས་འདི་དག་ངེས་པར་ཤེས་དགོས་པས་སོ། །དཔྱད་གཞི་ཡིག་རིགས་འགའི་ནང་དུ་བཙལ་ཏེ། ཆིན་རྒྱལ་རབས་ཀྱི་གོང་མ་ཞོན་ཐུང་ཡན་གྱི་རྒྱལ་པོ་དགུའི་མཚན་གསལ་བར་ཤེས་པ་འདི་ལྟར། ཧྲུན་ཀྲི་（顺治）ལ་ཐབས་སྐྱོང་རྒྱལ་པོ།ཁང་ཞི་（康熙）ལ་བདེ་སྐྱིད་རྒྱལ་པོ། ཡུང་ཊིང་（雍正）ལ་གནམ་སྐྱོང་རྒྱལ་པོ།    ཆན་ལུང་（乾隆）ལ་ལྷ་སྐྱོང་རྒྱལ་པོ།     ཅ་ཆིན་（嘉庆）ལ་བསྔགས་སྨོན་རྒྱལ་པོ།       ཏོ་བཀྭང་ལ་（道光）སྲིད་གསལ་རྒྱལ་པོ།    ཞན་ཧྥུན་（咸丰）ལ་སྲིད་སྐྱོང་རྒྱལ་པོ།   ཐུང་ཀྲི་（同治）ལ་ཀུན་སྐྱོང་རྒྱལ་པོ། བཀྭང་ཞི་（光绪）ལ་འོད་གསལ་རྒྱལ་པོ་ཟེར། དཔྱད་གཞི་ཡིག་ཆ་དཀོན་པའི་དབང་གིས་ཞོན་ཐུང་ལ་བོད་མཚན་ཡོད་མེད་མ་ངེས་པས། དཔྱོད་ལྡན་རྣམས་ཀྱིས་ལོ་རྒྱུས་ཀྱི་གཞུང་ལས་འཚོལ་བར་ཞུ།