སྤྱི་ཚེས་11ཉིན། ལྷ་ས་གྲོང་ཁྱེར་དུ་ལོ་གཅིག་དུས་གཅིག་གི་སྲོལ་རྒྱུན་དུས་ཆེན་ཞོ་སྟོན་གཏོང་འགོ་ཚུགས་ཡུད་པ་རེད།
ཞོ་སྟོན་གྱི་མིང་གཞན་ལ་གོས་སྐུ་འགྲེམས་སྟོན་དང་། ཞོ་ཟས་དུས་ཆེན། ལྷ་མོའི་དུས་ཆེན་བཅས་ཟེར་གྱི་ཡོད། སྤྱི་ལོ་2006ལོར་རྒྱལ་སྲིད་སྤྱི་ཁྱབ་ཁང་གིས་རྒྱལ་ཁབ་ཀྱི་མངོན་མིན་རིག་གནས་ཤུལ་བཞག་མིང་གཞུང་ནང་ཐེངས་དང་པོའི་གྲས་སུ་བླུག་ཡོད་པ་དང་། དེ་ནི་ལྷ་ས་ཁུལ་དུ་གོས་སྐུ་འགྲེམས་སྟོན་དང་། ལྷོ་མོའི་འཁྲབ་སྟོན། རིག་གནས་དང་ལུས་རྩལ་བྱེད་སྒོ་སོགས་གཅིག་ཏུ་བསྡུས་པའི་མི་རིགས་ཀྱི་སྲོལ་རྒྱུན་དུས་ཆེན་ཞིག་ཡིན་པ་རེད། དུས་ཆེན་རིང་། ནོར་བུ་གླིང་ཁ་དང་། རྫོང་རྒྱབ་གླུ་ཁང་ནང་ཁག་སོ་སོར་སྐབས་ལྔ་པའི་ལྗོངས་ཡོངས་ཀྱི་ལྷོ་མོའི་དུས་ཆེན་དང་། སྐབས་བདུན་པའི་ལྗོངས་ཡོངས་ཀྱི་ལྷ་མོའི་འཁྲབ་སྟོན་གྱི་བྱེད་སྒོ་ཁག་གཉིས་སྤེལ་རྒྱུ་དང་། ཁྱོན་དམངས་ཁྲོད་ཀྱི་ལྷ་མོ་ཚོགས་པ་11འཁྲབ་སྟོན་ནང་ཞུགས་ཡོད་པ་རེད།
