ས་དེའི་ཟླ་བཅུ་གཅིག་པའི་ཚེས་སུམ་ཅུ་ཉིན། རྒྱལ་ཁབ་ཉི་ཤུའི་སྡེ་ཚོགས་ཀྱི་མཐོ་རིམ་གྲོས་ཚོགས་ཐེངས་བཅུ་གསུམ་པ་ཨ་ཀེན་ཐིན་གྱི་པུའུ་དབྱི་ནོ་སི་ཨེ་ལེ་སི་ནས་བསྡུས། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་དུས་རིམ་དང་པོའི་གྲོས་ཚོགས་ལ་ཞུགས་པར་མ་ཟད་ཁ་ཡིག་ལ་མཐོ་རུ་འགྲེངས་ནས་རྒྱང་ལ་བལྟས་ཏེ་འཛམ་གླིང་དཔལ་འབྱོར་གྱི་ཁ་ཕྱོགས་ཡང་དག་དམ་འཛིན་བྱེད་དགོས་ཞེས་པའི་གསུངས་བཤད་གལ་ཆེན་གནང་།
ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ས་དེའི་ཟླ་བཅུ་གཅིག་པའི་ཚེས་སུམ་ཅུ་ཉིན། རྒྱལ་ཁབ་ཉི་ཤུའི་སྡེ་ཚོགས་ཀྱི་མཐོ་རིམ་གྲོས་ཚོགས་ཐེངས་བཅུ་གསུམ་པ་ཨ་ཀེན་ཐིན་གྱི་པུའུ་དབྱི་ནོ་སི་ཨེ་ལེ་སི་ནས་བསྡུས། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་དུས་རིམ་དང་པོའི་གྲོས་ཚོགས་ལ་ཞུགས་པར་མ་ཟད་ཁ་ཡིག་ལ་མཐོ་རུ་འགྲེངས་ནས་རྒྱང་ལ་བལྟས་ཏེ་འཛམ་གླིང་དཔལ་འབྱོར་གྱི་ཁ་ཕྱོགས་ཡང་དག་དམ་འཛིན་བྱེད་དགོས་ཞེས་པའི་གསུངས་བཤད་གལ་ཆེན་གནང་། ཁོང་གིས་རྒྱལ་ཁབ་ཉི་ཤུའི་སྡེ་ཚོགས་ཀྱིས་སྒོ་འབྱེད་མཉམ་ལས་དང་རོགས་ལས་སྙིང་སྟོབས། གསར་གཏོད་སྣེ་ཁྲིད། ཀུན་ཕན་མཉམ་རྒྱལ་བཅས་རྒྱུན་འཁྱོངས་བྱས་ཏེ། འགན་ཁུར་བའི་རྣམ་འགྱུར་གྱིས་འཛམ་གླིང་དཔལ་འབྱོར་གྱི་ཁ་ཕྱོགས་ཆེན་པོ་དམ་འཛིན་བྱེད་དགོས་ཞེས་ནན་གྱིས་བསྟན།
ཞི་ཅིན་ཕིང་གིས་བསྟན་དོན། རྒྱལ་ཁབ་ཉི་ཤུའི་སྡེ་ཚོགས་ཀྱིས་ལོ་རྒྱུས་འཕེལ་ཕྱོགས་ཆེན་པོའི་ཁྲོད་དུ་ཆོས་ཉིད་དམ་འཛིན་དང་ཁ་ཕྱོགས་དམ་འཛིན་བྱེད་དགོས། རྒྱལ་ཁབ་སོ་སོའི་ཕན་ཚུན་རོགས་ལས་དང་ཁྱད་སྟོབས་གསབ་རེས་བྱེད་པ་ནི་ཐོན་སྐྱེད་ནུས་ཤུགས་འཕེལ་རྒྱས་ཀྱི་བླང་བྱང་ཡིན་ལ། ཐོན་སྐྱེད་འབྲེལ་བའི་འགྱུར་ལྡོག་གི་མདུན་སྐྱོད་ཁ་ཕྱོགས་མཚོན་ཡོད། ང་ཚོས་འགན་འཁྲིའི་འདུ་ཤེས་ཇེ་དྲག་ཏུ་གཏོང་དགོས་པ་དང་། མཐོ་རུ་འགྲེངས་ནས་རྒྱང་ལྟ་བྱས་ཏེ་འགན་ཁུར་བའི་རྣམ་འགྱུར་གྱིས་འཛམ་གླིང་དཔལ་འབྱོར་གྱི་ཁ་ཕྱོགས་ཆེན་པོ་དམ་འཛིན་བྱེད་དགོས་ཟེར།
ཞི་ཅིན་ཕིང་གིས་ནན་གྱིས་བསྟན་དོན། འཛམ་གླིང་དཔལ་འབྱོར་གཏན་འཇགས་སྒོས་འཕེལ་རྒྱས་སུ་སོང་བ་ལས་རྒྱལ་ཁབ་ཉི་ཤུའི་སྡེ་ཚོགས་བྱུང་བ་རེད། ལོ་ངོ་བཅུའི་རིང་ལ། ང་ཚོས་སྐྱིད་སྡུག་མཉམ་མྱངས་དང་སེམས་ཤུགས་གཅིག་མཐུན་གྱིས་འཛམ་གླིང་དཔལ་འབྱོར་བསྐྱར་དར་འབྱུང་བར་སྐུལ་འདེད་བྱས་པ་དང་། ལོ་ངོ་བཅུའི་རྗེས་སུ། ང་ཚོས་ཡང་བསྐྱར་སྤོབས་པ་ཆེན་པོ་དང་མིག་རྒྱང་རིང་པོས་འཛམ་གླིང་ཡང་དག་པའི་ཁ་ཕྱོགས་སུ་འཕེལ་རྒྱས་འགྲོ་བར་ཁྲིད་སྟོན་བྱེད་དགོས་ཏེ། གཅིག སྒོ་འབྱེད་མཉམ་ལས་རྒྱུན་འཁྱོངས་བྱས་ནས། ཕྱོགས་མང་ཉོ་འཚོང་སྒྲིག་སྲོལ་ལ་སྲུང་སྐྱོབ་བྱེད་དགོས། གཉིས། རོགས་ལས་སྙིང་སྟོབས་རྒྱུན་འཁྱོངས་བྱས་ཏེ། ཆེ་ཕྱོགས་སྲིད་ཇུས་ཀྱི་མཐུན་སྦྱོར་ལ་ཤུགས་སྣོན་དགོས། གསུམ། གསར་གཏོད་ཀྱིས་ཁྲིད་སྟོན་བྱེད་རྒྱུ་རྒྱུན་འཁྱོངས་བྱས་ཏེ། དཔལ་འབྱོར་འཕར་སྣོན་གྱི་སྒུལ་ཤུགས་སྔོག་འདོན་བྱེད་དགོས་ཟེར། །
