རྔ་བ་ཁུལ་གྱི་ལས་བྱེད་མང་ཚོགས་ཀྱིས་སྒྱུར་བཅོས་སྒོ་འབྱེད་བྱས་ནས་ལོ་འཁོར40ལོན་པར་རྟེན་འབྲེལ་ཞུ་བའི་ཚོགས་ཆེན་གྱི་ཐད་གཏོང་ལ་བལྟས་པ། 

        ཟླ12པའི་ཚེས18ཉིན་གྱི་སྔ་དྲོའི་དུས་ཚོད10ལ། པེ་ཅིང་མི་དམངས་ཚོགས་ཁང་ཆེན་མོ་ནས་སྒྱུར་བཅོས་སྒོ་འབྱེད་བྱས་ནས་ལོ་འཁོར40ལོན་པར་རྟེན་འབྲེལ་ཞུ་བའི་ཚོགས་ཆེན་འཚོགས་ཤིང་། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་ཚོགས་ཆེན་དུ་ཕེབས་ཤིང་གསུང་བཤད་གལ་ཆེན་གནང་། རྔ་བ་ཁུལ་གྱི་ས་གནས་སོ་སོའི་ལས་བྱེད་པ་དང་མང་ཚོགས་མཉམ་དུ་འདུས་ནས་སྒྱུར་བཅོས་སྒོ་འབྱེད་བྱས་ནས་ལོ་འཁོར40ལོན་པར་རྟེན་འབྲེལ་ཞུ་བའི་ཚོགས་ཆེན་ལ་ནན་ཏན་གྱིས་བལྟས་ཏེ། ཀུན་ལ་སྐུལ་ལྕག་ཆེན་པོ་ཐེབས་ཤིང་དགའ་བས་ཐལ་མོ་ཆད་མེད་དུ་བརྡབས། སྒྱུར་བཅོས་སྒོ་འབྱེད་བྱས་ནས་ལོ་འཁོར40རིང་གི་གནམ་ས་བླ་འོག་བརྗེ་བ་ལྟ་བུའི་འགྱུར་ལྡོག་ཆེན་པོ་ཡིད་ཀྱི་དང་བར་འདྲེན་ཞོར་མ་འོངས་པའི་མདུན་ལམ་ལ་ཡིད་ཆེས་དང་སྤོབས་པ་ཆེས་ཆེར་རྒྱས་བྱུང་། 

    ཟུང་ཆུ་རྫོང་གི་ལས་བྱེད་པ་དང་མང་ཚོགས་ཀྱིས་ལག་འཛིན་ཁ་པར་གྱི་བརྙན་ལམ་བརྒྱུད་ནས་རྟེན་འབྲེལ་ཞུ་བའི་ཚོགས་ཆེན་གྱི་གནས་ཚུལ་ལ་ལྟ་བཞིན་པ། 

    ཚེས18ཉིན་གྱི་སྔ་དྲོར། ཧུང་ཡོན་རྫོང་ཨ་མོ་ཡུལ་ཚོས་ཏང་ཡོན་འབྲོག་པ་དང་སྡེ་བའི་ལས་བྱེད་པ། འབྲོག་དམངས་ཁ་ཤས་གཅིག་ཏུ་བསྡུས་ཏེ། སྒྱུར་བཅོས་སྒོ་འབྱེད་བྱས་ནས་ལོ་འཁོར40ལོན་པར་རྟེན་འབྲེལ་ཞུ་བའི་ཚོགས་ཆེན་གྱི་ཐད་གཏོང་ལ་བལྟས། རྒྱུས་ལོན་པ་ལྟར་ན། རྫོང་དེའི་རིམ་པ་སོ་སོའི་སྡེ་ཁག་གིས་ཐབས་ལམ་འདྲ་མིན་སྣ་ཚོགས་ཀྱི་སྒོ་ནས་སྒྱུར་བཅོས་སྒོ་འབྱེད་བྱས་ནས་ལོ་འཁོར40ལོན་པར་རྟེན་འབྲེལ་ཞུ་བའི་ཚོགས་ཆེན་གྱི་ཐད་གཏོང་ལ་བལྟས། 

    ཚེས18ཉིན་གྱི་སྔ་དྲོར། རྔ་བའི་ཉིན་རེའི་གསར་འགྱུར་ཁང་གིས་ལས་བྱེད་པ་རྩ་འཛུགས་བྱས་ཏེ། སྒྱུར་བཅོས་སྒོ་འབྱེད་བྱས་ནས་ལོ་འཁོར40ལོན་པར་རྟེན་འབྲེལ་ཞུ་བའི་ཚོགས་ཆེན་གྱི་ཐད་གཏོང་ལ་བལྟས་ཤིང་། ཀུན་གྱིས་དུས་ཐུང་ལོ་ངོ་བཞི་བཅུ་རིང་གི་རྒྱལ་ཁབ་ཀྱི་འགྱུར་ལྡོག་ཆེན་པོ་ལ་རྗེས་སུ་ཡི་རངས་དང་། མདུན་སྐྱོད་དང་འབད་བརྩོན་གྱི་སྤོབས་སེམས་འགོག་མེད་དུ་རྒྱས་པར་མ་ཟད། སྟོབས་ཤུགས་གཅིག་ཏུ་བསྒྲིལ་ནས་མདུན་སྐྱོད་ཀྱི་གོམ་ཁ་མི་ལྷོད་པའི་ཆོད་སེམས་བསྟན་བྱུང་།