མཚམས་སྤྲིན་གྱི་ཁ་དོག་དམར་སེར

སེམས་པས་མ་ཐེག་པའི་ངལ་བ་ལྷག་མ་དེ་ཡིན་ནམ

ཡང་ན རྨི་ལམ་ལས་བོར་བའི་ས་ཁྲ་རལ་བོ་དེ་ཡིན

བློས་མ་འཆུམས་པའི་ཐ་སྙད་ཁ་ཤས

སྒོ་དང་སྒེའུ་ཁུང་ལས

གཙང་པོ་ལྟར་རྒྱང་ནས་རྒྱང་དུ་བཞུར

མུན་ནག་གི་ལག་གདུབ་ལྟ་བུའི་རུ་སྡེ་དེའང

སྨྲེང་བ་སློང་བྱེད་ཀྱི་རོལ་དབྱངས་ཤིག་དང་འདྲ་བར

རི་རབ་དང་གཙང་པོའི་གཞུང་དུ་བྲག་ཅར་འཁོར

རྟ་ཕོའི་རྨིག་སྒྲ

མདའ་མོའི་ཟིར་སྒྲ

བདེ་སྡུག་གི་ངོ་བོར་བགྲུངས་ནས

ལུས་སེམས་ཀྱི་སྙིགས་རོར་གྱུར

ཡོད་ཚད་ལྷིང་འཇགས་སུ་གྱུར་རྗེས

ཁྱོད་ལ་བྲིས་པའི་སྙན་ངག་དེར་ཡང

གཤོག་པ་ཐོགས་ཏེ་ཉི་ནུབ་ཀྱི་ཀློང་ནས་ཡལ

༢༠༡༨ལོའི་ཟླ༥པའི་ཚེས༨ཉིན།