སྙན་བུ།
ངས་རྨི་ལམ་དུ་ཅི་ཞིག་མཐོང་བ་རྨིས
མ་གཞི་ཨ་ཕའི་རྟ་ཕོ་ཡིན་འདུག
ཇི་འདྲའི་དགའ་བ་ལ
ངས་རྟ་ཕོའི་ཁ་རྔོག་ལ་བྱིལ་བྱིལ་བྱས་ཆོག
དང་ཐོག
ངས་ཨ་ཕའི་རྟ་ཕོ་ནི་ཁོང་དང་འདྲ་བར
མཐོང་ཐུབ་རྒྱུ་མ་རེད་སྙམ
ངས་རང་ཉིད་རྟ་ཕོར་བཞོན་ཏེ
ཕ་ཡུལ་དུ་ཨ་མར་བལྟ་རུ་འགྲོ་བ་རྨིས
འོན་ཀྱང་ཨ་ཕའི་རྟ་ཕོ་ནི
སྔོན་ཆད་ལྟར་གཡུང་བ་ཞིག་མ་ཡིན་པར
ང་གམ་དུ་བཅར་དུས
ཁོ་ཕལ་ཆེར་སྐྲག་གིན་འདུག
མིག་ཟུང་བགྲད་དེ་ང་ལ་ཅེར་འདུག
ངས་ཁ་རོག་གེར་འདི་ལྟར་སྨྲས
རྟ་ཕོ ང་ཡིན
སྐྲག་མི་དགོས རྟ་ཕོ
འུ་གཉིས་མཉམ་དུ་ཕ་ཡུལ་ལ་འགྲོ
ཡིན་ཡང་ངས་ཨ་ཕའི་རྟ་ཕོ་ཡིས
ཅིས་ཀྱང་ང་ཞོན་དུ་མ་བཅུག་པ་རྨིས
ངའི་མིག་ཆུ་ཉིལ་ཉིལ་དུ་བཞུར
ངས་ཨ་ཕ་ཞེས་སྐད་མཐོན་པོས་བོས
ངས་རང་ཉིད་རྟ་ཕོ་ལས་ཀྱང་སྐྲག་གིན་ཡོད་པ་རྨིས
འོན་ཏེ་ངས
ཨ་ཕའི་རྟ་ཕོ་རང་གི་མཐོང་ལམ་དུ་ཡལ་བ་རྨིས
ངས་ང་གཉིད་ལས་སད་པ་རྨིས
ཡིན་ཡང་དུས་ནི་ནམ་གུང་ལ་སླེབས་འདུག
རྟ་ཕོ་སྔོ་སྔོ།
གེའུ།
དྲུག་མགོའི་སྟེང་དུ་ལྕག་གིས་གཞུ་མ་ཕོད
སྲབ་སྐྱོགས་ཀྱིས་ཀྱང་སྟོབས་ཅན་བསྒག་མ་ཕོད
ཚིགས་མགོ་རྨ་ཡིས་གཟུང་བར་སྐྲག་ནས
སུམ་སྒྲོག་ཆོན་མགོ་ནས་སད་ཀྱིས་བཟུང
རྟ་ཕོ་འདི་ལ་སྲིད་པའི་མགོ་རྔ་ཀུན་ཏུ
མི་ཚེའི་སྔ་ཕྱི་ཀུན་ཏུ་ཡང
མི་ཕོ་ཞིག་གི་འདང་དང་རྩིས་ཀྱི་ལྷག་ཅིག་ཡོད་པས
ངས་སྒ་དང་སྲབ་དང་སྒྲོག་ཀྱང
བུད་མེད་ཅིག་གི་རྐང་ཞབས་སུ་བཞག་མ་མྱོང
ངའི་ངའོ་མཚོན་བྱེད་ཀྱི་སྙིང་རྩིད་དང་འབྲལ་མ་མྱོང
མདེའུའི་དྲག་ཆར་ཁབ་ཀྱི་རྒྱུན་དང་མཚུངས
རྒྱོབ་སོད་ཀུ་ཅོ་འབྲུག་སྒྲའི་སྟོབས་དང་མཉམ
ང་དང་རྟ་ཕོ་སྔོ་སྔོ་གཉིས་ཀ
འོད་དང་དུ་བ་འཁྲིགས་པའི་བདུད་ཀྱི་ཁ་ནང་ནས
འུར་ཆའི་ཁུག་གི་ཆུ་རྡོ་སྔོན་པོ་བཞིན
མདའ་རྒྱང་གང་དུ་མཆོངས་ཤིང་རྩེད་ཀྱིན་ཡོང
༢༠༡༦ལོར།
