ཟླ་3པའི་ཚེས་6ཉིན། རྒྱལ་ཡོངས་སྐབས་བཅུ་གསུམ་པའི་དམངས་འཐུས་ཚོགས་ཆེན་གྱི་གྲོས་ཚོགས་ཐེངས་གཉིས་པའི་སི་ཁྲོན་གྱི་འཐུས་མི་ཚོགས་པས་སྡོད་གནས་སུ་ཚོ་ཆུང་བགོས་ཏེ་སྲིད་གཞུང་གི་སྙན་ཞུ་ལ་གྲོས་ཞིབ་བྱས། རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་གཞོན་པ་ཚའོ་ཅན་མིང་དང་། རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་གཞོན་པ། ཀྲུང་ཧྭ་རྒྱལ་ཡོངས་སྤྱིའི་བཟོ་ཚོགས་ཀྱི་ཀྲུའུ་ཞི་ཝང་ཏུང་མིང་གཉིས་སོ་སོར་གནས་སའི་ཚོ་ཆུང་དུ་ཞུགས་ནས་གྲོས་ཞིབ་བྱས་པ་མ་ཟད་གསུང་བཤད་གནང་། ཞིང་ཆེན་ཏང་ཨུའི་ཧྲུའུ་ཅི། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན། འཐུས་མི་ཚོགས་པའི་ཚོགས་གཙོ་ཕེང་ཆིང་ཧྭ། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཞིང་ཆེན་སྲིད་གཞུང་གི་འགོ་འཛིན། འཐུས་མི་ཚོགས་པའི་ཚོགས་གཙོ་གཞོན་པ་དབྱི་ལི་གཉིས་སོ་སོ་གནས་སའི་ཚོ་ཆུང་དུ་ཞུགས་ནས་གྲོས་ཞིབ་གནང་།
        རྒྱལ་སྲིད་སྤྱི་ཁྱབ་ཁང་གི་གཞུང་སྒྲུབ་ཐིང་དང་། རྒྱལ་ཁབ་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་། ནོར་སྲིད་པུའུ། སྲིད་གཞུང་ལས་ཀའི་སྙན་ཞུ་ཟིན་འགོད་ཚོ་ཆུང་བཅས་ཀྱི་འབྲེལ་ཡོད་བློ་མཐུན་དག་ཁག་བགོས་ཚོ་ཆུང་དག་གི་ནང་དུ་ཞུགས་ནས་གྲོས་ཞིབ་བསམ་འཆར་ལ་ཉན་པ་རེད།
        ཚའོ་ཅན་མིང་གིས་ཙུང་ལི་ལི་ཁེ་ཆིང་གིས་ཕུལ་བའི་སྲིད་གཞུང་གི་ལས་ཀའི་སྙན་ཞུའི་འགོ་མཇུག་བར་གསུམ་ལ་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློ་ཁྱབ་ཡོད་ལ། བརྟན་ཐོག་ཡར་འཕེལ་གྱི་ལས་ཀའི་རྨང་རྟེན་དང་འཕེལ་རྒྱས་ཀྱི་འདུ་ཤེས་གསར་པ་གཉིས་ལེགས་པར་མངོན་ཡོད་པས། དེ་ནི་དར་ཆ་མཐོར་སྒྲེང་དང་བཅོས་སྒྱུར་གསར་གཏོད། ཧུར་བརྩོན་མདུན་སྐྱོད་ཀྱི་སྙན་ཞུ་ཞིག་རེད་ཅེས་གསུངས། 
        ཝང་ཏུང་མིང་གིས་2019ལོ་ནས་2021ལོའི་བར་ཏང་དང་རྒྱལ་ཁབ་ཀྱིས་མུ་མཐུད་དུ་ཀྲུང་གོ་གསར་པ་དབུ་བརྙེས་ནས་ལོ་འཁོར་70ལོན་པ་དང་། ཁྱོན་ཡོངས་འབྱོར་འབྲིང་སྤྱི་ཚོགས་འཛུགས་པ་མཇུག་བསྡུ་བ། གུང་ཁྲན་ཏང་བཙུགས་ནས་ལོ་100ལོན་པ་སོགས་ཀྱི་དོན་བཟང་རབ་དང་རིམ་པ་ཞིག་བསུ་རྒྱུ་ཡིན་པས། ང་ཚོས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློ་དེ་མཛུབ་སྟོན་དུ་འཛིན་པ་རྒྱུན་འཁྱོངས་བྱས་ནས། འདུ་ཤེས་བཞི་བརྟན་པོར་འཛུགས་པ་དང་། ཡིད་རྟོན་བཞི་སྲ་བརྟན་དུ་གཏོང་བ། འགན་སྲུང་གཉིས་མཐའ་འཁྱོལ་བྱེད་པ། དངོས་གཉེར་ཧུར་ཐག་གིས་བརྟན་ཐོག་ཡར་འཕེལ་གྱི་ལས་ཀའི་རྨང་རྟེན་རྒྱུན་འཁྱོངས་བྱས་ཏེ། འགག་སྒྲོལ་དམག་འཐབ་གསུམ་ལ་རྒྱལ་ཁ་ལེན་པ་དང་མཁོ་འདོན་ཕྱོགས་ཀྱི་སྒྲིག་གཞི་རང་བཞིན་གྱི་བཅོས་སྒྱུར་ལ་སྐུལ་འདེད་གཏོང་བ། བཅོས་སྒྱུར་སྒོ་འབྱེད་གཏིང་ཟབ་དུ་གཏོང་བ། ལས་ཞུགས་གཏན་འཇགས་དང་དམངས་འཚོའི་བཅོས་སྒྱུར་བཅས་ལ་དམིགས་བཙུགས་ནས། ཁྱོན་ཡོངས་ནས་འབྱོར་འབྲིང་སྤྱི་ཚོགས་བསྐྲུན་པ་མཇུག་བསྡུ་བར་ཐག་གཅོད་རང་བཞིན་གྱི་རྨང་གཞི་གདིང་དགོས། རིམ་པ་སོ་སོའི་བཟོ་ཚོགས་ཀྱིས་བསམ་བློ་ཆབ་སྲིད་ཀྱི་སྣེ་ཁྲིད་ལ་ཤུགས་སྣོན་དང་། ཁེ་དབང་སྲུང་སྐྱོང་གི་གཞི་རྩའི་ཞབས་ཞུ་ལེགས་པོར་བསྒྲུབས་ནས་ཕུལ་ཏུ་བྱུང་བའི་གྲུབ་འབྲས་ཡིས་ཀྲུང་གོ་གསར་པ་དབུ་བརྙེས་ནས་ལོ་འཁོར་70འཁོར་བར་རྟེན་འབྲེལ་ཞུ་དགོས་ཞེས་བསྟན། །