མང་ཚོགས་ལ་མཚོན་ན་བཟའ་བཏུང་ནི་ཆེས་གཙོ་བོ་དང་ཆེས་དོ་སྣང་བྱེད་དགོས་པའི་གནས་ཤིག་ཡིན་ལ། ལྷག་པར་དུ་སྐྱེ་འཕེལ་གནད་འགག་དུས་རིམ་དུ་སླེབས་ཡོད་པའི་བྱིས་པ་རྣམས་ལ་མཚོན་ན་དེ་བས་ཀྱང་དོ་སྣང་བྱེད་དགོས་པའི་གནས་ཤིག་ཡིན་པས། ཉེ་བའི་ལོ་འདི་འགར། བཟའ་བཏུང་བདེ་འཇགས་ཀྱི་ཆུ་ཚད་ལ་འགན་སྲུང་བྱེད་པའི་ཆེད་དུ། བཙན་ལྷ་་རྫོང་གིས་རྒྱ་ཁྱབ་སྒོས་ཐབ་ཚང་དག་སེལ་གྱི་ལས་དོན་ཁྱབ་སྤེལ་བྱས་ནས་བྱིས་པ་ཚོའི་བཟའ་བཏུང་བདེ་འཇགས་ལ་འགན་སྲུང་བྱས།
སློབ་ཐུན་གྱི་གྲོལ་བརྡ་གྲགས་པ་དང་ལྷན་དུ་གསར་འགོད་པ་རྫོང་མེས་ཤེན་སློབ་འབྲིང་གི་ཟ་ཁང་དུ་ཕྱིན་ནས་སློབ་མའི་བཟའ་བཏུང་ཐད་ལ་རྒྱུས་ལོན་བྱས། སློབ་མ༦༠༠ལྷག་གི་གྲལ་བསྒྲིགས་ནས་ཟ་མ་ལེན་བྱེད་བཞིན་འདུག ཁོ་ཚོ་ལ་ཉིན་གཅིག་གི་ནང་ཟས་ཐུན་བཞི་ཡི་གཟིགས་སྐྱོང་གནང་གི་ཡོད་ལ། གཙང་ཞིང་གྲལ་དག་པའི་ཟ་ཁང་དུ་བྱིས་པ་ཚོ་སྐོར་རེ་སྐོར་རེ་བྱས་ནས་འཚོ་བཅུད་བཟང་བའི་ཟས་མཆོག་ལ་རོལ་བཞིན་འདུག
