སྤྱི་ཟླ་4པའི་ཚེས་14ཉིན་གྱི་ཕྱི་དྲོར། ཁྲེན་ཏུའུ་གྲོང་ཁྱེར་ཁྲི་ཀ་ཚང་རྒྱལ་སྤྱིའི་མགྲོན་ཁང་ནས་མེས་པོའི་དབྱངས་བོད་ཀྱི་སྲོལ་རྒྱུན་རོལ་དབྱངས་རྒྱུད་འཛིན་དང་དར་སྤེལ་མཐུན་ཚོགས་ཀྱི་སྒོ་བྱང་འགེལ་བའི་མཛད་སྒོའི་གསར་འགྱུར་ཁྱབ་བསྒྲགས་ཚོགས་འདུ་བསྡུས། 

པ་སངས་ཀྱིས་གཏམ་བཤད་གནང་བཞིན་པ།

        བྲག་འགོ་རྫོང་རིག་གནས་རྒྱང་བསྒྲགས་བརྙན་འཕྲིན་དང་ཡུལ་སྐོར་ཅུས་ཀྱི་ཅུས་ཀྲང་པ་སངས་ལགས་ཐེངས་འདིའི་གསར་འགྱུར་ཁྱབ་བསྒྲགས་ཚོགས་འདུའི་གཙོ་སྒྲུབ་ལས་ཁུངས་ཀྱི་ཚབ་བྱས་ཏེ་གཏམ་བཤད་གནང་། 

གེ་རྒྱལ་པདྨས་གཏམ་བཤད་གནང་བཞིན་པ།

        མེས་པོའི་དབྱངས་མཐུན་ཚོགས་ཀྱི་སྐུལ་སློང་མཁན་ནམ་འགོ་འཛིན་པ་གེ་རྒྱལ་པདྨ་ལགས་ཀྱིས་ལོ་ངོ་འདི་དག་རིང་ལ་མེས་པོའི་དབྱངས་བཙུགས་པ་ནས་བཟུང་བྱ་གཞག་གང་དག་སྒྲུབ་པ་དང་མ་འོངས་པར་ཅི་ཞིག་བསྒྲུབ་རྒྱུའི་སྐོར་ལ་སྙན་ཞུ་གལ་ཆེན་གནང་ཞིང་། ཁོས་བཤད་རྒྱུར་དུས་རབས་གོང་མའི་ལོ་རབས་བརྒྱད་ཅུ་དང་དགུ་བཅུ་ནས་བཟུང་བོད་ཀྱི་སྲོལ་རྒྱུན་རིག་གནས་དང་དམངས་ཁྲོད་རིག་གནས་མྱུར་སྐྱོབ་དང་ཉར་ཚགས་སྐོར་གྱི་ཚ་རླབས་ཤིག་འཕྱུར་ཞིང་། ཤེས་ཡོན་པའི་སྡེ་ནས་མགོ་བརྩམས་ཏེ་རང་ནུས་ཅི་ལྕོགས་ཀྱིས་བསྡུ་ལེན་བྱེད་ཐུབ་པ་དག་བསྡུ་ལེན་དང་། ཡི་གེར་འགོད་ཐུབ་པ་དག་ཡི་གེར་བཀོད་ནས་གླེགས་བམ་རབ་འབྲིང་མཐའ་གསུམ་གང་མང་ད་ལྟ་ང་ཚོའི་གཟུགས་འཛིན་མིག་གི་དགའ་སྟོན་དུ་བཤམས་ཡོད་པ་དེ་རེད།  ཡིན་ཡང་ཨ་གསར་དང་ངང་རྒྱུད་ཐུང་བའི་དབང་གིས་མྱུར་སྐྱོབ་དེའི་མེ་སོན་ཐབ་ནས་ཤི་སྟེ། སྲོལ་རྒྱུན་རིག་གནས་དང་ལྷག་པར་དུ་དམངས་ཁྲོད་རིག་གནས་གང་མང་ཞིག་ས་ནག་ཆུ་ལ་བགྲད་པ་བཞིན་ཟད་ལ་ཉེ། དེ་མིན་དམངས་ཁྲོད་གླུ་གར་རིག་གནས་འདིའི་རིགས་ལ་གཏོར་བརླག་དང་ཉམས་དམས་མི་ཉུང་བ་ཞིག་ཐེབས་འདུག  ང་ཚོས་ད་བར་ལོ་ངོ་གཉིས་གསུམ་ལྷག་གི་རིང་ལ་རང་ཉིད་ཀྱི་ཆེས་ཐོག་མའི་ཀུན་སློང་རྣམ་དག་དེ་རུམ་ལ་བཅུག་ནས་བོད་ཁུལ་གྱི་ས་ཆ་སོ་སོར་སོང་ནས་བཅར་འདྲི་དང་མེས་པོའི་དབྱངས་ཏེ་ཉམས་ལ་ཉེ་བའི་སྲོལ་རྒྱུན་གྱི་དབྱངས་རྟ་དག་བསྡུ་ལེན་བྱས་པ་ཡིན་ཟེར། གཏམ་བཤད་ཀྱི་གོ་རིམ་ཁྲོད་ཁོས་མེས་པོའི་དབྱངས་འཚོལ་བའི་འགྲུལ་བཞུད་དེ་དག་བརྙན་ཐུང་གྱི་ལམ་ནས་ཀུན་གྱི་གཟིགས་བརྟེན་དུ་ཕུལ། 

ཡངས་གླིང་རྡོ་རྗེས་གཏམ་བཤད་གནང་བཞིན་པ།

བཙན་ལྷ་ངག་དབང་ཚུལ་ཁྲིམས་ཀྱིས་གཏམ་བཤད་གནང་བཞིན་པ།

ཚེ་པོས་གཏམ་བཤད་གནང་བཞིན་པ།

ཡེ་ཤེས་རྡོ་རྗེས་གཏམ་བཤད་གནང་བཞིན་པ།

དཀོན་མཆོག་རྡོ་རྗེས་གཏམ་བཤད་གནང་བཞིན་པ།

སྡེ་རོང་ཚེ་རིང་དོན་གྲུབ་ཀྱིས་གཏམ་བཤད་གནང་བཞིན་པ།

ཨོ་རྒྱན་གྱིས་གཏམ་བཤད་གནང་བཞིན་པ།

བྱམས་པ་རྡོ་རྗེས་གཏམ་བཤད་གནང་བཞིན་པ།

འཆི་མེད་དབང་མོས་གཏམ་བཤད་གནང་བཞིན་པ།

ཧོང་པིན་ཡུའུ་ཡིས་གཏམ་བཤད་གནང་བཞིན་པ། 

སྒོ་བྱང་གི་ཞལ་འབྱེད་བཞིན་པ།

གྲོས་ཚོགས་ཀྱི་མཉམ་པར།

        ཚོགས་འདུའི་དཔྱད་གླེང་གི་སྐབས་སུ་བོད་ཀྱི་ལས་རིགས་སོ་སོའི་ཆེད་མཁས་པ་དག་གིས་རང་ཉིད་ཀྱི་བསམ་འཆར་ལྷུག་པར་བརྗོད་ཅིང་། ལྷག་པར་དུ་ཡངས་གླིང་རྡོ་རྗེ་ལགས་ཀྱིས་རང་ཉིད་ཀྱི་གཞོན་པའི་དུས་ལ་སྦྱར་ནས་བོད་ཀྱི་སྲོལ་རྒྱུན་དམངས་གླུ་སོགས་རིན་པོ་ཆེ་ཡིན་ཚུལ་དང་དེ་དག་རྒྱུད་འཛིན་བྱེད་དགོས་པའི་སྐོར་ལ་གཏམ་བཤད་གལ་ཆེན་གནང་ཞིང་། ཚེ་པོ་ལགས་ཀྱིས་རྒྱུད་འཛིན་དང་དར་སྤེལ་བྱེད་དགོས་ན་ཐོག་མར་མྱུར་སྐྱོབ་བྱེད་དགོས་པའི་བླང་བྱ་བཏོན། དེར་མ་ཟད་ཆེད་མཁས་པ་ཚོས་བརྒྱ་ཁ་གཅིག་ཆོད་ཀྱིས་རྒྱུད་འཛིན་དང་དར་སྤེལ་གཏོང་དགོས་ན་ས་གནས་རང་ནས་རྒྱུད་འཛིན་ཤེས་ལྡན་མི་སྣ་གསོ་སྐྱོང་བྱ་རྒྱུ་ནི་ཁ་ཚ་དགོས་གཏུགས་ཡིན་པ་ནན་གྱིས་བཤད།  དེ་མིན་ཆེད་མཁས་པ་ཚོས་ཅི་ལྟར་མྱུར་སྐྱོབ་དང་རྒྱུད་འཛིན། དར་སྤེལ་གཏོང་བའི་སྐོར་ལ་གཏམ་བཤད་གལ་ཆེན་གནང་།