སྤྱི་ཟླ་11པའི་ཚེས་4ཉིན། སི་ཁྲོན་ཞིང་ཆེན་སྐབས་ལྔ་བའི་སྔོ་ཚལ་བཤམ་སྟོན་འདུ་ཚོགས་དེ་ཕེང་ཀྲུའུ་མེང་དབྱང་དུ་འཚོགས་ཤིང་། རྔ་བ་ཁུལ་གྱིས་ཐེངས་འདིའི་བཤམ་སྟོན་འདུ་ཚོགས་ལ་ཞུགས་པར་རྩ་འཛུགས་བྱས་པ་མ་ཟད། བཤམ་སྟོན་འདུ་ཚོགས་ཀྱི་རིང་དུ། སྔོ་ཚལ་སྤུས་ལེགས་རིགས་ཉོ་ཚོང་བྱེད་པའི་བྱེད་སྒོ་ཡང་སྤེལ་ཡོད། དེ་མིན་དག་གཙང་གི་སྔོ་ཚལ་རིགས་ལ་བལྟ་མཁན་དང་འདིའི་སྐོར་གྱི་གནས་ཚུལ་འདྲི་མཁན་ཡང་མང་པོ་ཞིག་ཡོད་པའི་ཁར། འགྲེམ་སྟོན་ཡུལ་དངོས་སུ་ཡོད་པའི་སྤུས་ལེགས་ཕྱི་ཐུམ་ཅན་གྱི་སྔོ་ཚལ་ལ་བལྟ་མཁན་ལྷག་ཏུ་མང་པོ་འདུག་སྟེ། སྐྱེ་ཁམས་འབག་མེད་ཀྱི་ཞིང་ལས་ཐོན་རྫས་འདི་དག་ལ་ལྟད་མོ་བ་རྣམས་ཀྱིས་བརྩི་མཐོང་ཆེན་པོ་བྱེད་བཞིན་འདུག །