སྤྱི་ཟླ་11པའི་ཚེས་8ཉིན། དཀར་མཛེས་ཁུལ་གྱི་ཁུལ་ཨུའི་སྲིད་གཞུང་གི་གཟིགས་སྐྱོང་འོག དཀར་མཛེས་ཁུལ་གྱི་ཁྱབ་ཁོངས་སོ་སོའི་གསར་འགྱུར་སྨྱན་སྦྱོར་བ་མཉམ་གཅིག་ཏུ་འཛོམས་ཏེ། སྐབས་བཅོ་ལྔ་པའི་གསར་འགོད་པའི་དུས་ཆེན་ལ་རྟེན་འབྲེལ་ཞུས། འདི་ནི་གསར་འགོད་པའི་གཟི་བརྗིད་ཅིག་ཡིན་པ་མ་ཟད། ཁོང་ཚོས་དཀའ་སྤྱད་འབད་བརྩོན་བྱས་པའི་གྲུབ་འབྲས་ཤིག་ཀྱང་རེད། གསར་འགོད་པའི་དུས་ཆེན་ནི་གསར་འགོད་ཆེད་ལས་ཀྱི་དུས་ཆེན་ཙམ་མིན་པར། དེ་ནི་དུས་རབས་ཀྱི་འགྲེལ་བརྗོད་དང་། ལོ་རྒྱུས་ཀྱི་རྗེས་ཤུལ། འདས་མ་ད་གསུམ་གྱི་ལས་འགན་ཕྲག་ཏུ་བླངས་ནས་མུ་མཐུད་མདུན་སྤྱོད་བྱེད་བཞིན་པ་ཞིག་རེད།

དཀར་མཛེས་ཁུལ་ཏང་ཨུའི་ཧྲུའུ་ཅི་ཧུའུ་ཁྲེང་ཧྲིན་གྱིས་ཚོགས་འདུའི་ཐོག་གསུང་བཤད་གལ་ཆེན་གནང་།

              དཀར་མཛེས་ཁུལ་ཨུའི་རྒྱུན་ཨུ་དང་ཁུལ་ཨུའི་དྲིལ་བསྒྲགས་པུའུ་ཡི་པུའུ་ཀྲང་བྱམས་ལོ་ཡིས་གཟེངས་བསྟོད་ཚོགས་འདུ་གཙོ་སྐྱོང་གནང་བ་མ་ཟད། གསུང་བཤད་གལ་ཆེན་གནང་།

    ཐེངས་འདིའི་གཟེངས་བསྟོད་ཚོགས་འདུའི་ཐོག 2013ལོ་ནས་2014ལོའི་བར་གྱི་གསར་འགོད་ལས་སྒྲུབ་པ་ཕུལ་བྱུང་བཅུ་དང་། 2013ལོའི་དཀར་མཛེས་ཁུལ་གྱི་གསར་འགྱུར་བྱ་དགའ། 2014ལོའི་དཀར་མཛེས་ཁུལ་གྱི་ཕྱི་བསྒྲགས་བྱས་རྗེས་བྱ་དགའ་བཅས་ཀྱི་བྱ་དགའི་རྣམ་གྲངས་བདམས་ཐོན་བྱུང་ཡོད་ལ། དེའི་ཁྲོད་དུ་སི་ཁྲོན་གསར་འགྱུར་དྲ་བའི་དཀར་མཛེས་འཕྲིན་ལམ་གྱི་ཀྲུའུ་རེན་ཧི་ཞའོ་ཕིང་ལ་2014ལོའི་དཀར་མཛེས་ཁུལ་གྱི་ཕྱི་བསྒྲགས་བྱས་རྗེས་བྱ་དགའ་ཐོབ། །