2020ལོའི་སྤྱི་ཟླ3པའི་ཚེས28ཉིན། ལིའང་ཧྲན་དམུ་ལི་རྫོང་དུ་ནགས་ཚལ་ལ་མེ་སྐྱོན་ཤོར་བ་རེད། མེ་གསོད་ཆེད་མི2000ལྷག་ཞུགས་ཡོད།
        སྤྱི་ཟླ4པའི་ཚེས12ཉིན་ལ་ལིའང་ཧྲན་དམུ་ལི་རྫོང་སྲིད་གཞུང་ནས་མེ་སྐྱོན་ཤོར་བའི་རྒྱུ་རྐྱེན་ནི་ལོ11ལ་ལོན་པའི་བྱིས་པ་ཞིག་གིས་ནགས་བྱི་ཞིག་ཚང་ནས་ཕྱིར་འབུད་པའི་ཆེད་དུ་དུ་བས་བདུག་པས་གཟབ་གཟབ་མ་བྱས་ནས་མེ་སྐྱོན་ཤོར་བ་ཡིན་པའི་ཁྱབ་བསྒྲགས་བྱས་པ་རེད།
        དམུ་ལི་རྫོང་ནགས་ཚལ་སྤྱི་བདེ་ཅུས་གཞུང་ལས་ཁང་ནས་གནས་ཚུལ་འབྱོར་བ་ལྟར་ན། དམུ་ལི་རྫོང་སྔགས་སྤྱོད་ཡུལ་ཤོག་ཝ་ཁོག་ལར་སྤྱི་ཟླ3པའི་ཚེས28ཉིན་མེ་སྐྱོན་ཤོར་བའི་གྱོད་དོན་དེར་བརྟག་ཞིབ་བྱས་པར་བརྒྱུད། ཐེངས་འདིའི་ནགས་ཚལ་མེ་སྐྱོན་གྱི་དོགས་ཡོད་ཉེས་ཅན་ལོ11ལ་སོན་པའི་ཐེན་ག་གེ་མོས2020ལོའི་ཟླ་བ3པའི་ཚེས28ཉིན་གྱི་ཕྱི་དྲོའི་ཆུ་ཚོད2པར་དམུ་ལི་རྫོང་སྔགས་སྤྱོད་ཡུལ་ཤོག་སྔགས་སྤྱོད་གྲོང་སྡེ་ཝ་ཁོག་ཚོ་ཆུང་ཐེན་ག་གེ་མོའི་ཁྱིམ་ཚང་གི་རྒྱབ་རིར་མེ་ཆ་ཁུར་ནས་ཐང་བལ་ལ་མེ་སྦར་ཏེ་དུང་ཚང་ནང་དུ་འཛུལ་བའི་ནགས་བྱི་ལ་དུ་བ་བདུག་ནས་ཕྱིར་འབུད་ཐབས་བྱེད་དུས་གཟབ་གཟབ་མ་བྱས་ནས་མེ་སྐྱོན་ཤོར་བ་ཡིན་འདུག
         ད་ཆ་གྱོད་དོན་འདི་སྔར་ལྷག་གིས་རྩད་ཞིབ་བྱེད་སྒང་ཡིན་པ་རེད།