གལ་ཏེ་ངལ་གསོའི་སྐབས་སུ་ལས་སྣོན་བྱས་པའི་གྲོན་དངུལ་ལེན་མ་ཐུབ་པར། དུས་ལྟར་ངལ་རྩོལ་འགན་ལེན་ཞིབ་བཤེར་སྡེ་ཁག་ལ་ཞུ་གཏུག་ཐེར་འདོན་བྱས་ཏེ་ཁེ་དབང་སྲུང་སྐྱོང་གི་འདོད་ཚུལ་འདོན་དུས། ལས་སྣོན་གྱི་དཔང་རྟགས་འཚོལ་སྡུད་བྱེད་པར་དོ་སྣང་བྱ་དགོས།གལ་ཏེ་ལས་སྣོན་གྲོན་དངུལ་ལེན་མི་ཐུབ་ཚེ། ངལ་རྩོལ་བས་གཤམ་འཁོད་ཀྱི་ཐབས་ལམ་གཉིས་བརྒྱུད་དེ་རང་ཉིད་ཀྱི་ཁེ་དབང་ལ་སྲུང་སྐྱོང་བྱ་ཆོག

གཅིག ས་གནས་ངལ་རྩོལ་འགན་ལེན་ཞིབ་བཤེར་སྡེ་ཁག་ལ་ཞུ་གཏུག་ཐེར་འདོན་བྱས་ཏེ་ཞིབ་བཤེར་ཐག་གཅོད་བྱ་རུ་བཅུག་ཆོག

གཉིས། ལས་སྣོན་གླ་ཕོགས་སྟེར་བར་རྐྱེན་བྱས་ཏེ་རྩོད་གླེང་བྱུང་ཚེ། ས་གནས་ངལ་རྩོལ་རྩོད་གླེང་འདུམ་འགྲིག་ཨུ་ཡོན་ལྷན་ཚོགས་སུ་ཞུ་གཏུག་བྱ་ཆོག་ལ། མི་ཤུགས་བཀོལ་སྤྱོད་ལས་ཁུངས་ཀྱིས་ལས་སྣོན་བྱས་པའི་གྲོན་དངུལ་ལམ་ཡང་ན་བཅའ་ཁྲིམས་ཀྱིས་གཏན་འཁེལ་བྱས་པའི་དཔལ་འབྱོར་ཁ་གསབ་དངུལ་སྟེར་དགོས་པའི་རེ་བ་བཏོན་ཆོག ཁྲིམས་ལྟར་ཁེ་དབང་སྲུང་སྐྱོང་བྱེད་སྐབས། ངལ་རྩོལ་བས་ངེས་པར་ལས་སྣོན་བྱས་པའི་དཔང་རྟགས་འཚོལ་སྡུད་བྱེད་པར་དོ་སྣང་བྱ་དགོས་ཤིང་། དཔེར་ན་ལས་ཞུགས་རྟོག་ཞིབ་བྱང་བུ་དང་ལས་ཁུངས་སུ་ཟ་མ་ཟས་པའི་ཟིན་ཐོ་སོགས་ཡིན། གལ་ཏེ་ངལ་རྩོལ་འདུམ་འགྲིག་གི་རེ་ཞུ་ཞུས་ཚེ། ངེས་པར་དོ་སྣང་བྱ་རྒྱུ་ཞིག་ནི་འདུམ་འགྲིག་བྱེད་པའི་དུས་ཚད་ནི་ལོ་གཅིག་ལས་བརྒལ་མི་ཆོག གཞན་ཡང་ལས་ཁུངས་ཁ་ཤས་ཀྱིས་ལས་སྣོན་བྱས་པའི་ལས་བཟོ་བར་ཁུག་དམར་སྟེར་བཞིན་ཡོད་པར་མ་ཟད། དེ་ནི་ལས་བཟོ་བའི་ལས་སྣོན་གླ་ཕོགས་ཀྱི་ཚུལ་དུ་བཟུང་ཡོད་ཅིང་། དོན་ངོ་མར་ཁུག་དམར་ནི་ལས་ཁུངས་ཤིག་ལ་མཚོན་ན་ལས་བཟོ་བ་དག་གི་ལོ་གཅིག་རིང་གི་བྱ་བའི་རྣམ་འགྱུར་ཐད་བཟུང་བའི་ཁས་ལེན་གྱི་བྱ་དགའ་སྤྲོད་སྟངས་ཤིག་ཡིན་ཞིང་། འོན་ཀྱང་དེས་ངལ་གསོའི་སྐབས་སུ་ལས་སྣོན་བྱས་པའི་གླ་ཕོགས་ཀྱི་ཚབ་བྱ་མི་རུང་། གལ་ཏེ་ལས་ཁུངས་ཀྱིས་ལས་སྣོན་གླ་ཕོགས་མི་སྟེར་ཚེ། ངལ་རྩོལ་བས་ལས་སྣོན་བྱས་པའི་ཟིན་ཐོ་དང་ངལ་རྩོལ་གན་རྒྱ། ཡིག་ངོས་རྒྱུ་ཆ་སོགས་བཟུང་སྟེ་ངལ་རྩོལ་འགན་ལེན་ཞིབ་བཤེར་སྡེ་ཁག་ལ་ཞུ་གཏུག་ཐེར་འདོན་བྱ་ཆོག

མི་ཤུགས་བཀོལ་སྤྱོད་ལས་ཁུངས་ལ་ལས་སྣོན་གླ་ཕོགས་སྟེར་དགོས་པའི་རེ་བ་འདོན་ན། ཐོག་མར་ངལ་རྩོལ་བས་ངེས་པར་ལས་སྣོན་བྱས་པའི་དོན་དངོས་ར་སྤྲོད་བྱ་དགོས་ཤིང་། དེར་མ་ཟད་ལས་སྣོན་ནི་མི་ཤུགས་བཀོལ་སྤྱོད་ལས་ཁུངས་ཀྱི་བཀོད་སྒྲིག་ལྟར་ལས་སྣོན་བྱས་པ་ཞིག་ཡིན་དགོས། ཡང་གཅིག་བཤད་ན་གལ་ཏེ་ངལ་རྩོལ་བ་རང་ཉིད་ཀྱིས་རང་འགུལ་སྒོས་ལས་སྣོན་བྱས་པ་ཡིན་ན། མི་ཤུགས་བཀོལ་སྤྱོད་ལས་ཁུངས་ལ་ལས་སྣོན་གླ་ཕོགས་སྟེར་དགོས་པའི་འདོད་ཚུལ་བཏོན་མི་ཆོག གཞན་ཡང་གནས་ཚུལ་མི་འདྲ་བའི་འོག་ཏུ་ངལ་རྩོལ་བར་ལས་སྣོན་བཀོད་སྒྲིག་བྱེད་པར་གཞིགས་ཏེ། རྒྱལ་ཁབ་ཀྱིས་གཏན་འཁེལ་བྱས་པའི་ལས་ཁུངས་ཀྱིས་ལས་སྣོན་གླ་ཕོགས་སྟེར་བའི་ཚད་གཞིའང་མི་འདྲ་བ་ཡིན།