འདི་ནི་བྱེད་སྒོ་སྤེལ་བའི་ཡུལ་དངོས་རེད།
ཟླ8པའི་ཚེས19ཉིན། ལྷ་སས་ལོ་གཅིག་ཐེངས་གཅིག་གི་སྲོལ་རྒྱུན་གྱི་དུས་ཆེན་ཞོ་སྟོན་བསུས་ཤིང་། ཞོ་སྟོན་རིང་ལྷ་སའི་ག་ས་གང་དུ་དུས་ཆེན་གྱི་ལྟད་མོ་སྣ་ཚོགས་ཀྱིས་ཁེངས་ཏེ་དགའ་སྤྲོའི་རྣམ་པས་ཁེངས་ཡོད་ལ། དེའི་ཁྲོད་བོད་ཀྱི་མིག་མངས་ཀྱི་བྱེད་སྒོས་གྲོང་མི་དང་། ཡུལ་སྐོར་བ་དང་དེ་བཞིན་བོད་ཀྱི་མིག་མངས་ལ་དགའ་པོ་བྱེད་མཁན་མང་པོ་ཞིག་དེའི་ནང་དུ་ཞུགས་པར་ཡིད་དབང་བཀུགས་ཡོད།
འདི་ནི་བྱེད་སྒོ་སྤེལ་བའི་ཡུལ་དངོས་རེད།
བོད་ཀྱི་མིག་མངས་ལ“མིག་མང་”ཡང་ཟེར་ཞིང་། དེ་ནི་དུས་ཡུན་རིང་པོར་མཚོ་བོད་མཐོ་སྒང་དུ་དར་ཁྱབ་ཆེ་བ་དང་། མིག་མངས་དང་འདྲ་བའི་མིག་མངས་རིགས་ཀྱི་རོལ་རྩེད་ཅིག་ཡིན་པར་མ་ཟད། ད་ལྟའི་བར་ལོ་ངོ་སྟོང་ལྷག་གི་ལོ་རྒྱུས་ལྡན། བྱེད་སྒོའི་ཡུལ་དངོས་སུ་དགེ་རྒན་གྱི་སྣེ་ཁྲིད་འོག་སློབ་ཆུང་སློབ་མ་ཚོས་སྒྲོག་ཙེའི་འགྲམ་དུ་བསྡད་ནས་མིག་མངས་རྩེ་བ་དང་། ད་དུང་ཁྱིམ་བདག་མི་ཉུང་བ་ཞིག་གིས་དེའི་འགྲམ་དུ་ངང་རྒྱུད་རིང་པོས་ངང་ལྟད་མོ་ལྟ་བཞིན་ཡོད།
འདི་ནི་བྱེད་སྒོ་སྤེལ་བའི་ཡུལ་དངོས་རེད།
ལྷ་ས་གྲོང་ཁྱེར་དགུ་རོང་ལྟེ་བའི་སློབ་ཆུང་གི་དགེ་རྒན་རྒྱ་མཚོས་བཤད་རྒྱུར། “བོད་ཀྱི་མིག་མངས་ནི་ཀྲུང་ཧྭ་མི་རིགས་ཀྱི་ཕུལ་བྱུང་སྲོལ་རྒྱུན་རིག་གནས་ཀྱི་གྲུབ་ཆ་ཞིག་ཡིན་ཞིང་། དེ་རིག་སྟོབས་གསར་སྤེལ་དང་ཕྲུ་གུ་ཚོའི་བསམ་གཞིགས་གི་ནུས་པ་ཆེ་རུ་གཏོང་བར་ཕན་ཐོགས་ཆེན་པོ་ཡོད”ཅེས་བཤད། ད་ཆ་ལྷ་ས་གྲོང་ཁྱེར་གྱི་སློབ་ཆུང་མང་པོ་ཞིག་ཏུ་བོད་ཀྱི་མིག་མངས་ཀྱི་སློབ་ཚན་བཀོད་སྒྲིག་བྱས་ཡོད་པ་དང་། ཆེད་ལས་ཀྱི་མིག་མངས་དགེ་རྒན་བཀོད་སྒྲིག་བྱས་ནས་ཕྲུ་གུ་ཚོར་བོད་ཀྱི་མིག་མངས་སྦྱོང་བར་མཛུབ་ཁྲིད་བྱེད་ཀྱི་ཡོད།
འདི་ནི་བྱེད་སྒོ་སྤེལ་བའི་ཡུལ་དངོས་རེད།
དེ་ལས་གཞན། ཁྱིམ་བདག་ཚོས་མིག་མངས་རྩེ་བ་ནི་ཕ་བུའི་བར་གྱི་བྱེད་སྒོ་ཡག་པོ་ཞིག་ཡིན་པ་དང་། རྒྱུན་པར་ལས་ཚོགས་གྲོལ་རྗེས་བྱིས་པ་དང་མཉམ་དུ་མིག་མངས་རྩེ་བ་ཡིན། འདི་ལྟར་བྱིས་པའི་བར་གྱི་བརྩེ་དུང་ཇེ་ཟབ་ཏུ་བཏང་ཆོག་ཅེས་བསམ་བཞིན་ཡོད།
བོད་ཀྱི་མིག་མངས་ཁྱབ་གདལ་དང་འཁྲབ་སྟོན་བྱེད་སྒོའི་ཡུལ་དངོས་སུ། སློབ་མ་རྣམས་ཀྱིས་རང་མོས་ཀྱིས་ཚོ་ཆུང་མང་པོ་བཙུགས་ནས། ལ་ལས“རྒྱལ་པོ་དང་བློན་པོའི་མིག་མངས་”རྩེ་བ་དང་། ལ་ལས་ཀྲུང་གོའི་མིག་མངས་རྩེད་བཞིན་ཡོད།
བོད་རང་སྐྱོང་ལྗོངས་བོད་ཀྱི་མིག་མངས་མཐུན་ཚོགས་ཀྱིས་བོད་ཀྱི་མིག་མངས་ཁྱབ་གདལ་དང་ཁྱབ་སྤེལ་དུ་གཏོང་བར་གཞོལ་ཞིང་། བོད་ཀྱི་མིག་མངས་ལ་ལོ་རྒྱུས་ཡུན་རིང་ལྡན་པ་དང་མིག་མངས་ཀྱི་སྣ་ཁ་ཕུན་སུམ་ཚོགས་པོ་ཡོད་པས། མིག་མངས་རྩེ་བར་དགའ་པོ་བྱེད་མཁན་མང་པོ་ཞིག་གིས་མིག་མངས་སྦྱངས་བར་ཡིད་དབང་བཀུག་ཡོད། བོད་ཀྱི་མིག་མངས་རིག་གནས་སྲུང་སྐྱོང་དང་རྒྱུན་འཛིན་ནུས་ལྡན་གཏོང་ཆེད། བོད་རང་སྐྱོང་ལྗོངས་ཀྱིས2016ལོར་རྒྱལ་ཡོངས་ཀྱི་ཞིང་ཆེན་རིམ་པའི་མིག་མངས་མཐུན་ཚོགས་ཐོག་མ་དེ་བཙུགས་ཤིང་། 2017ལོར་བོད་ཀྱི་མིག་མངས་དེ་བོད་རངསྐྱོང་ལྗོངས་ཀྱི་མངོན་མིན་རིག་གནས་ཤུལ་བཞག་གི་མིང་གཞུང་ཁག་ལྔ་པའི་ནང་བཅུག་པ་དང་། 2019ལོར་བོད་ཀྱི་མིག་མངས་དེ་འཁྲབ་སྟོན་རྣམ་གྲངས་ཀྱི་ངོས་ནས་ཐོག་དང་པོར་རྒྱལ་ཡོངས་གྲངས་ཉུང་མི་རིགས་ཀྱི་སྲོལ་རྒྱུན་ལུས་རྩལ་འགྲན་ཚོགས་སྐབས་བཅུ་གཅིག་པའི་ནང་དུ་ཞུགས་པ་རེད།
