མཉམ་འབྲེལ་རྒྱལ་ཚོགས་ཀྱི་ཐོག་ཁང་ཆེན་མོ།

           སྤྱི་ཟླ་12པའི་ཚེས་15ཉིན། མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱིས་གྲོས་ཆོད་བཞག་སྟེ། མཉམ་འབྲེལ་རྒྱལ་ཚོགས་ཀྱི་ལི་པེ་རི་ཡའི་ཆེད་མངགས་ཚོགས་པའི་འགན་ཡུན་དེ་2015ལོའི་ཟླ་9པའི་ཚེས་30ཉིན་བར་ཇེ་རིང་དུ་གཏོང་རྒྱུ་ཡིན་ལ། ཨེ་པའོ་ལ་རིམས་ནད་ཀྱི་ཉམས་ཉེན་མཇུག་སྒྲིལ་རྗེས་ཞི་བདེ་སྲུང་སྐྱོབ་དམག་དཔུང་ཇེ་ཉུང་དུ་གཏོང་བའི་འཕེལ་རིམ་སླར་གསོ་བྱ་རྒྱུ་རེད།

          གྲོས་ཆོད་ལས་བཤད་རྒྱུར། མཉམ་འབྲེལ་རྒྱལ་ཚོགས་ཀྱི་ལི་པེ་རི་ཡའི་ཆེད་མངགས་ཚོགས་པའི་ལས་འགན་ནི། མི་སེར་དཀྱུས་མར་སྲུང་སྐྱོབ་དང་མི་ཆོས་རིང་ལུགས་ཀྱི་རོགས་སྐྱོར་ལ་རམ་འདེགས་བྱེད་པ། ལི་པེ་རི་ཡའི་སྲིད་གཞུང་ལ་རོགས་རམ་བྱས་ཏེ་ཁྲིམས་འཛིན་དང་བདེ་འཇགས་ལས་ཁུངས་ཀྱི་བཅོས་བསྒྱུར་དང་འདེམ་བསྐོ་སོགས་ཀྱི་ལས་ཀ་བྱ་དགོས་པ་སོགས་འདུས་ཡོད། དེ་མིན་ལི་པེ་རི་ཡའི་སྲིད་གཞུང་གིས་མྱུར་དུ་ཕན་ནུས་ལྡན་པའི་སྒོ་ནས་བདེ་འཇགས་ལས་ཁུངས་འཛུགས་པ་དང་། ཁྱད་པར་དུ་རྒྱལ་ཁབ་ཉེན་རྟོག་སྡེ་ཁག་འཛུགས་དགོས་པའི་སྐུལ་མ་བཏང་། །