ཟླ་12པའི་ཚེས་21ཉིན་ནས་22ཉིན་བར།  རྔ་བ་རྫོང་རྨེ་སྐོར་ཡུལ་ཚོས་དཀའ་ངལ་ཡོད་པའི་མང་ཚོགས་དགུན་དྲོད་ཀྱིས་སྐྱེལ་བར་རྒུད་སྐྱོབ་དངོས་རྫས་སྟེར་བའི་བྱེད་སྒོ་སྤེལ། དཀའ་ངལ་ཅན་གྱི་མང་ཚོགས་ཀྱིས་དགུན་དཔྱིད་ཀྱི་འཚོ་བར་ཁག་ཐེག་བྱས་ནས། ཏང་དང་སྲིད་གཞུང་གི་ཐུགས་ཁུར་དང་དྲོད་ཁོལ་ཚོར་དུ་བཅུག 

        ཐེངས་འདིའི་བྱེད་སྒོ་ལ་དཀའ་ངལ་ཅན་གྱི་དུད་ཁྱིམ་68ལ་བཟའ་སྣུམ་དང་འབྲས། ཕྱེ། བལ་གདན་སོགས་བྱིན། བྱེད་སྒོ་སྤེལ་རིང་འགན་ཁུར་བློ་མཐུན་གྱིས་དཀའ་ངལ་ཅན་གྱི་མང་ཚོགས་ཀྱི་ཕྱོགས་ཀུན་གྱི་གནས་ཚུལ་ལ་རྒྱུས་ལོན་བྱས་ཏེ། དཀའ་ངལ་ཅན་གྱི་མང་ཚོགས་ཀྱིས་སྒུག་པ་དང་བརྟེན་པ། སློང་བའི་བསམ་བློ་དོར་ནས། རང་ཉིད་ཀྱི་འབད་བརྩོན་ལ་བརྟེན་ནས་འཚོ་བའི་སྤུས་ཚད་གོང་མཐོར་གཏོང་བར་སྣེ་ཁྲིད་བྱས།