མེ་སྟག་མཆེད་པའམ་ཞི་བ་ལྟ་བུའི་དུས་བཞིའི་མཛེས་སྡུག་གི་ཀློང་ནས།

ཁྱོད་ཀྱིས། སྐད་གསེང་མཐོན་པོས།
ཁ་བ་ལ་ལྷ་ཡི་བདུད་རྩི་ཞེས་འབོད་པ་ཐོས།
ཞོགས་པར། ཁ་བ་བབས་རྗེས།
ང་རང་སླར་ཡང་གཉིད་དུ་ཡུར།
ཁ་པར་ཐོན་པའི་བརྡ་གཏོང་བྱེད་ཀྱི་རོལ་དབྱངས།
གཏན་ནས་མ་ཐོས།
ཕྱི་རོལ་གྱི་ཁོར་ཡུག་དཀར་ཞིང་གཙང་།
དཀར་ཞིང་གཙང་ལ།
གྲང་ཤུར་ཤུར་གྱི་སྣང་བ་ཞིག་ཀྱང་སྦྱིན་འོང་།
དེ་ནི།
མི་རྣམས་ཕྱིར་རང་གི་སྡོད་ཁང་དང་གཞུང་ལས་ཁང་དུ་འགྲོ་བར་བྱེད།
ཨར་འདམ་གྱི་སྲང་ལམ་དག་ན་རླངས་འཁོར་གྱི་སྐྲད་སྒྲ་ཉུང་ལ།
གློ་བུར་ཆག་པའི་ཡལ་ག་དང་ས་རུ་ལྷུང་བའི་འདབ་ལོས།
ཁ་གཏད་ཀྱི་ཁང་བརྩེགས་མཐོན་པོར་ཞུ་བ་འཐེན་ཞིང་།
གྲང་རླུང་ཁོག་ཅེས་པ་ནི་རྒྱང་ལ་ཕྱོགས་པའི་མིག་ཟུང་མིན།
ཡང་བསྐྱར་ཁ་བ་འབབ་བཞིན་འདུག
ཕྱི་རོལ་དུ།
དེ་རིང་། ང་ཁོ་ན་ཧ་ཅང་གྲང་།
ཡང་ན། སྙིང་ཉེ་བའི་མི་རྣམས་ཧ་ཅང་གྲང་།

སྒེའུ་ཁུང་ཕྱེས་ཏེ་ནམ་མཁར་ཅེར་དུས།

རང་དབང་དང་རྨི་ལམ་གྱི་བར་ན།
མཛེས་སྡུག་གི་བར་ཐག་གཅིག་པུས་ང་རང་གླེང་།
ཕྱིར་མིག་གི་དྲན་པ་བོར་མཁན་དག་ནི།
མིག་ཆུ་ཐེངས་མང་ཕུལ་མྱོང་བའི་ཁྱོད་རང་ཡིན་པས།
དགའ་སྐྱོ་ཆགས་སྡང་གི་འཚོ་བའི་ཟུར་རེར།
དེ་རིང་བབས་པའི་ཁ་བ་འདིས།
ན་ཟུག་དང་བརྩེ་དུང་རུམ་ནས་སྡོད་དགོས་སམ།
ཕྱི་རོལ་གྱི་ཁ་བ་དྭངས་ཤིང་གཙང་།
སྒོ་གླེགས་འཐེན་ཏེ་ཕྱི་རུ་འབུད་དུས།
ཇེ་འཁྱག་ཏུ་སོང་བའི་གནམ་གཤིས་རྩུབ་མོ།
གྲོང་ཁྱེར་གྱི་འུར་ཟིང་དང་འགྲོགས།
རྐང་ཐང་གིས་གཅིག་པུར་ལམ་དུ་སྐྱོད་དུས།
ཞོགས་པའམ་ས་སྲོད་ལྟ་བུའི།
ཡང་ན་ཁ་བ་ལྟ་བུའི།
ངས་ཅིས་ཀྱང་རང་ཉིད་ཀྱི་མི་ཚེ་བཀླག་འོས། །