སྤྱི་ཟླ་10པའི་ཚེས་19ཉིན། ཀྲུང་གོའི་མི་རིགས་ཡིག་སྒྱུར་ཅུས་ཀྱིས་གཙོ་གཉེར་བྱས་ཤིང་། ཡུལ་ཤུལ་ཁུལ་མི་དམངས་སྲིད་གཞུང་གིས་རོགས་གཉེར་བྱས་པའི་2021ལོའི་ཀྲུང་གོའི་མི་རིགས་ཡིག་སྒྱུར་ཅུས་ཀྱི་བོད་སྐད་བརྡ་ཆད་གཅིག་གྱུར་ཆེད་མཁས་ལས་དོན་ཚོགས་འདུ་དེ་ཡུལ་ཤུལ་དུ་འཚོགས། ཡུལ་ཤུལ་ཁུལ་ཨུ་འཐབ་ཕྱོགས་གཅིག་འགྱུར་པུའུ་ཡི་པུའུ་ཀྲང་ལི་ཧྥུ་ཏ་ཡིས་ཤིས་ཚིག་ཕུལ་བ་དང་། ཀྲུང་གོའི་མི་རིགས་ཡིག་སྒྱུར་ཅུས་ཀྱི་ཅུས་ཀྲང་གཞོན་པ་ཟླ་བ་ཚེ་རིང་གིས་གསུང་བཤད་གནང་། ཀྲུང་གོའི་མི་རིགས་ཡིག་སྒྱུར་ཅུས་བོད་ཡིག་སྡེ་ཁག་གི་ཀྲུའུ་རེན་བློ་བཟང་བསྟན་འཛིན་གྱིས་ཚོགས་འདུར་གཙོ་སྐྱོང་གནང་། པེ་ཅིང་དང་། བོད་ལྗོངས། སི་ཁྲོན། མཚོ་སྔོན། ཀན་སུའུ།ཡུན་ནན་བཅས་ནས་ཕེབས་པའི་ཆེད་མཁས་པ་30ལྷག་གིས་ཉིན་གཉིས་ནང་ཐ་སྙད་གསར་པ་300ལྷག་གཅིག་གྱུར་གཏན་ཁེལ་བྱས།