རྨ་ཆུ་ནི་ཀྲུང་ཧྭ་མི་རིགས་ཀྱི་མ་ཡུམ་གཙང་པོ་ཡིན། རྨ་ཆུའི་འབབ་རྒྱུན་དུ་ལོ་རྒྱུས་ཡུན་རིང་ལྡན་ལ་རིག་གནས་གཏིང་ཟབ་པར་མ་ཟད། ངོ་མཚར་བའི་ཤེས་རིག་འོད་དུ་འཚེར།འཇགས་པ་མེད་པའི་རྨ་ཆུས་ཀྲུང་ཧྭ་མི་རིགས་གསོ་སྐྱོང་བྱས་ཤིང་།ཀྲུང་ཧྭའི་ཤེས་རིག་སྦྲུམས་ནས་ཡོད། རྨ་ཆུའི་འབབ་རྒྱུན་གྱི་སྐྱེ་ཁམས་སྲུང་སྐྱོབ་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏང་རྒྱུ་ནི་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་གཏན་འཁེལ་གནང་བའི་རྒྱལ་ཁབ་ཀྱི་འཐབ་ཇུས་གལ་ཆེན་ཞིག་ཡིན་ལ། ཀྲུང་ཧྭ་མི་རིགས་ཀྱི་རླབས་ཆེན་བསྐྱར་དར་དང་རྒྱུན་མཐུད་འཕེལ་རྒྱས་དང་འབྲེལ་བའི་ཡུན་རིང་གི་ཇུས་ཆེན་ཞིག་ཀྱང་ཡིན།ལེ་བར་བརྒྱ་ལ་དུ་ཞགས་མཐོང་དུ་མེད། མཁར་གྲོང་སྟོང་པར་བྱེ་རླུང་ས་རྡུལ་འཚུབ་ཅེས་པ་ལྟར། ལོ་རྒྱུས་ཐོག་རྨ་ཆུའི་གནོད་འཚེ་ཡང་ཡང་ཐོན་མྱོང་། གནའ་བོའི་ངག་རྒྱུན་ལ། རྨ་ཆུ་འཇགས་ན་གནམ་འོག་བདེ་ཞེས་པའི་བཤད་རྒྱུན་ཡོད། ཏ་ཡུས་ཀྱིས་ཆུ་བཅོས་པ་ནས་ཕན་ཅི་ཀྲེན་གྱིས་ཆུ་བཅོས་ནས་བྱེ་མ་བཅོམས་པ། ཧན་ཝུའུ་ཏིས་ཧོའུ་ཙི་ནས་ཆུ་བཀག་པ་ནས་གོང་མ་ཁང་ཞི་ཡིས་ཆུ་ལས་དང་ཆུ་སྐྱེལ་ཞེས་པའི་ཡིག་འབྲུ་ཕོ་བྲང་གིཀ་བའི་སྟེང་དུ་བརྐོས་ཤིང་། ཀྲུང་ཧྭ་མི་རིགས་ཀྱིས་རྨ་ཆུ་བཅོས་སྐྱོང་བྱེད་པའི་ལོ་རྒྱུས་ནི་རྒྱལ་ཁབ་སྐྱོང་བའི་ལོ་རྒྱུས་ཤིག་ཡིན།ཀྲུང་གོ་གསར་པ་དབུ་བརྙེས་རྗེས། ཏང་དང་རྒྱལ་ཁབ་ཀྱིས་རྨ་ཆུ་གསར་སྤེལ་དང་བཅོས་སྐྱོང་བྱེད་པ་དེ་རྒྱལ་ཁབ་ཀྱི་དོན་ཆེན་ཞིག་ཏུ་བཟུང་སྟེ། རྨ་ཆུའི་འབབ་རྒྱུད་ཀྱི་དམག་དམངས་དང་རྨ་ཆུ་འཛུགས་སྐྲུན་མཁན་རྣམས་ཀྱིས་གཞི་རྒྱ་ཆེ་བའི་བཅོས་སྐྱོང་དང་སྲུང་སྐྱོབ་ལས་དོན་སྤེལ་ཞིང་། དཀའ་བ་དཔག་མེད་སྤྱད་ཅིང་། གྲུབ་འབྲས་ཀྱང་གཡུར་དུ་ཟ་བ་བླངས་ཏེ། རྨ་ཆུ་ལོ་རེ་བཞིན་ཆུ་རྒྱུན་དལ་འབབ་ཀྱི་བྱས་རྗེས་ངོ་མཚར་ཅན་བཞག །ཏང་གི་ཚོགས་ཆེན་བཅོ་བརྒྱད་པའི་ཚུན། ཆུ་ལ་གྲོན་ཆུང་སྔོན་དུ་སྐྱོད་པ། བར་སྟོང་དོ་མཉམ་ཡོང་བ། མ་ལག་བཅོས་སྐྱོང་བྱེད་པ།ཕྱོགས་གཉིས་ནས་ནུས་ཤུགས་འདོན་པའི་ཆུའི་བཅོས་སྐྱོང་བསམ་ཕྱོགས་ཀྱིས་རྨ་ཆུ་འབབ་རྒྱུན་གྱི་དཔལ་འབྱོར་འཕེལ་རྒྱས་དང་མི་དམངས་འཚོ་བར་འགྱུར་ལྡོག་བླ་མེད་བྱུང་བ་རེད།རྨ་ཆུ་འབབ་རྒྱུན་ནི་རང་རྒྱལ་གྱི་སྐྱེ་ཁམས་སྲུང་ཁེབས་གལ་ཆེན་དང་དཔལ་འབྱོར་ས་ཁུལ་གལ་ཆེན་ཡིན། རྨ་ཆུའི་འགོ་ཁུངས་ནས་བར་རྒྱུད། དེ་བཞིན་རྨ་ཆུའི་མཚོ་འབབ་ཁར། ཏང་གི་ཚོགས་ཆེན་བཅུ་དགུ་པའི་རྗེས་ནས། ཞི་ཅིན་ཕིང་གིས་ཐེངས་མང་པོར་རྨ་ཆུ་འབབ་རྒྱུན་དུ་གཟིགས་ཞིབ་གནང་སྟེ། རྨ་ཆུར་གཟིགས་པ། རྨ་ཆུ་གླེང་བ། རྨ་ཆུ་འདྲི་བ་བཅས་གནང་སྟེ། རི་ཆུ་ནགས་ཞིང་དང་མཚེའུ་རྩྭ་ཐང་། དེ་མིན་བྱེ་ཐང་དང་འཁྱགས་རོམ་བཅས་ཕྱོགས་བསྡུས་བཅོས་སྐྱོང་དང་། མ་ལག་བཅོས་སྐྱོང་། འགོ་ཁུངས་བཅོས་སྐྱོང་གི་དགོངས་པ་བཏོན་ཏེ།རྨ་ཆུ་འབབ་རྒྱུན་གྱི་ས་གནས་སོ་སོར་སྤུས་ཚད་མཐོ་བའི་འཕེལ་རྒྱས་ཡོང་བར་ཁ་ཕྱོགས་གསལ་པོ་བཏོན་པ་དང་། འབྲི་ཆུའི་དཔལ་འབྱོར་རྒྱུད་ཀྱི་འཕེལ་རྒྱས་འཐབ་ཇུས་རྗེས་ནས། རྨ་ཆུ་འབབ་རྒྱུན་གྱི་སྐྱེ་ཁམས་སྲུང་སྐྱོབ་དང་སྤུས་ཚད་མཐོ་བའི་འཕེལ་རྒྱས་ཀྱི་འཐབ་ཇུས་བཏོན་པས། རྒྱལ་ཁབ་ཀྱི་གཙང་པོའ ི་འཐབ་ཇུས་ཞེས་པ་དེ་ནས་གཏན་འབེབས་བྱས་ཡོད་པ་རེད།2019ལོར། སྤྱི་ཁྱབ་ཧྲུའུ་ཅི་ཞི་ཅིན་ཕིང་ཟླ་ངོ་གཅིག་ཙམ་གྱི་རིང་ལ། ཀན་སུའུ་དང་ཧུའུ་ནན་དུ་ཕེབས་ཤིང་། རྨ་ཆུར་ཐེངས་གཉིས་ཕེབས་ནས་གཟིགས་ཞིབ་གནང་བར་མ་ཟད། ཐུན་མོང་ངང་སྲུང་སྐྱོབ་ཆེན་མོ་དམ་དུ་འཛིན་ཞིང་། མཐུན་སྦྱོར་སྒོས་བཅོས་སྐྱོང་ཆེན་མོར་སྐུལ་འདེད་གཏོང་བ་ཞེས་པ་དང་། རྨ་ཆུ་དེ་མི་དམངས་ལ་ཕན་བདེ་སྐྲུན་པའི་བདེ་སྐྱིད་ཀྱི་ཆུ་བོར་གྱུར་དུ་འཇུག་དགོས་ཞེས་པའི་བཞུགས་མོལ་ཚོགས་འདུ་གཙོ་སྐྱོང་གནང་། ཀྲུང་ཧྭ་མི་རིགས་རླབས་ཆེན་བསྐྱར་དར་གྱི་དུས་གཏན་གྱི་འཆར་གཞི་རྒྱ་ཆེན་པོར་དམིགས་ཤིང་། སྐུ་དངོས་སུ་རྨ་ཆུ་འབབ་རྒྱུན་གྱི་འཕེལ་རྒྱས་བཀོད་སྒྲིག་མཛད་དེ། རྨ་ཆུ་འབབ་རྒྱུན་གྱི་སྐྱེ་ཁམས་སྲུང་སྐྱོབ་དང་སྤུས་ཚད་མཐོ་བའི་འཕེལ་རྒྱས་དེ་གལ་འགངས་ཆེ་བའི་རྒྱལ་ཁབ་ཀྱི་འཐབ་ཇུས་སུ་རིམ་སྤོར་བྱེད་པ་ངེས་གཏན་མཛད་པ་རེད། འདི་ནི་པེ་ཅིན་དང་ཐེན་ཅིན། ཧོ་པེ་གསུམ་མཐུན་སྦྱོར་འཕེལ་རྒྱས་དང་། འབྲི་ཆུའི་དཔལ་འབྱོར་རྒྱུད་ཀྱི་འཕེལ་རྒྱས། ཀོང་ཏུང་དང་ཞང་ཀང་། ཨའོ་མོན་གྱི་ཁུག་སོ་ཆེན་མོའ ི་འཛུགས་སྐྲུན། འབྲི་ཆུའི་ཟུར་གསུམ་གཞི་གཅིག་ཅན་དུ་འཕེལ་རྒྱས་བཏང་རྗེས་ཀྱི་གལ་ཆེའི་ཇུས་འགོད་ཅིག་ཡིན་ཏེ། རྨ་ཆུ་འབབ་རྒྱུན་གྱི་སྐྱེ་ཁམས་སྲུང་སྐྱོབ་དང་སྤུས་ཚད་མཐོ་བའི་འཕེལ་རྒྱས་ཀྱི་རྣམ་པ་གསར་པ་འགོ་བརྩམས་པ་རེད།2020ལོའི་6པར། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཉིང་ཞཱ་རུ་གཟིགས་ཞིབ་གནང་སྐབས། རྨ་ཆུ་འབབ་རྒྱུན་གྱི་སྐྱེ་ཁམས་སྲུང་སྐྱོབ་དང་སྤུས་ཚད་མཐོ་བའི་འཕེལ་རྒྱས་ཀྱི་སྔོན་སྐྱོད་ཁུལ་ལ་འཛུགས་སྐྲུན་ཧུར་ཐག་བྱེད་དགོས་པ་མངོན་གསལ་སྒོས་མཛུབ་སྟོན་གནང་། 2021ལོའིཟླ་10པའི་ཚེས་22ཉིན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཧྲན་ཏུང་ཅི་ནན་དུ་རྨ་ཆུའི་བརྗོད་གཞི་བྱས་པའི་བཞུགས་མོལ་ཚོགས་འདུའི་ཐོག །ལོ་ལྔའི་འཆར་གཞི་ཨང་བཅུ་བཞི་པ་ནི་རྨ་ཆུ་འབབ་རྒྱུན་གྱི་སྐྱེ་ཁམས་སྲུང་སྐྱོབ་དང་སྤུས་ཚད་མཐོ་བའི་འཕེལ་རྒྱས་ཀྱི་འགག་རྩའི་དུས་སྐབས་ཡིན་པས།གལ་ཆེའི་ལས་འགན་དོན་འཁྱོལ་ལག་བསྟར་གཙིགས་སུ་འཛིན་དགོས་པ་དང་། མགྱོགས་སུ་རྣམ་པ་གསར་པ་མངོན་ཐུབ་པར་བྱེད་དགོས། ད་ལོ་ནི་ལོ་ལྔའི་འཆར་གཞི་བཅུ་བཞི་པའི་འགོ་ཚུགས་པའི་ལོ་ཡིན་ཏེ། རྨ་ཆུས་དུས་གཏན་དུ་ཀྲུང་ཧྭ་མི་རིགས་ལ་ཕན་བདེ་སྐྲུན་པའི་ཆེད་དུ་འབད་བརྩོན་ལྷོད་མེད་བྱས་ཏེ། རྨ་ཆུ་འབབ་རྒྱུན་གྱི་སྐྱེ་ཁམས་སྲུང་སྐྱོབ་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས། 2020ལོའིཟླ་8པར། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་གྲོས་ཚོགས་སུ《རྨ་ཆུ་འབབ་རྒྱུན་གྱི་སྐྱེ་ཁམས་སྲུང་སྐྱོབ་དང་སྤུས་ཚད་མཐོ་བའི་འཕེལ་རྒྱས་ཇུས་འགོད་རྩ་དོན》ཐད་གྲོས་ཆོད་བྱུང་སྟེ། རྨ་ཆུ་སྲུང་སྐྱོབ་དང་བཅོས་སྐྱོང་གི་འཆར་གཞི་ཇུས་འགོད་བྱས། ཐེངས་འདིའི་བཞུགས་མོལ་ཚོགས་འདུ་དེ་ལག་བསྟར་ལ་ལྟ་སྐུལ་བྱེད་ཆེད་འཚོགས་པ་རེད།རྨ་ཆུ་བཅོས་སྐྱོང་ལ་གཙོ་བོར་སྲུང་སྐྱོབ་དང་། བཅོས་སྐྱོང་རྩ་བར་རག་ལས་ཡོད། སྲུང་སྐྱོབ་དང་འཕེལ་རྒྱས་ཀྱི་འབྲེལ་བ་དང་། ཁྱོན་ཡོངས་དང་ཆ་ཤས་ཀྱི་འབྲེལ་བ། མིག་སྔ་དང་ཡུན་རིང་གི་འབྲེལ་བ་དམ་འཛིན་ནན་མོ་བྱེད་དགོས། སྲུང་སྐྱོབ་ནི་འཕེལ་རྒྱས་ཀྱི་སྔོན་འགྲོ་ཡིན་ཏེ། ཡང་དག་གི་ཆབ་སྲིད་གྲུབ་འབྲས་ཀྱི་ལྟ་བ་རྒྱུན་འཁྱོངས་བྱས་ཏེ། སྲུང་སྐྱོབ་ཆེན་མོ་དེ་གནད་འགག་གི་ལས་འགན་དུ་འཛིན་དགོས། སྐྱེ་ཁམས་སྔོན་སྐྱོད་དང་། ལྗང་མདོག་འཕེལ་རྒྱས་རྒྱུན་འཁྱོངས་བྱེད་པ་དང་། ཆུའི་ཚད་ལྟར་འཆར་གཞི་འགོད་པ་དང་། ཆུ་གྲོང་གྲོན་ཆུང་བྱེད་པ་རྒྱུན་འཁྱོངས་བྱེད་དགོས། ས་བབ་ཀྱི་ཁྱད་ཆོས་དང་བསྟུན་ནས་བཅོས་པ་དང་རིགས་དགར་ཇུས་འགོད་རྒྱུན་འཁྱོངས་བྱེད་དགོས། གཅིག་གྱུར་བཀོད་འདོམས་དང་མཐུན་སྦྱོར་སྐུལ་འདེད་གཏོང་བ་རྒྱུན་འཁྱོངས་བྱེད་དགོས།རྨ་ཆུ་འབབ་རྒྱུན་གྱི་སྐྱེ་ཁམས་སྲུང་སྐྱོབ་དང་སྤུས་ཚད་མཐོ་བའི་འཕེལ་རྒྱས་ཡོང་དགོས་ན། ཆོས་ཉིད་ལ་བརྩི་འཇོག་དང་། ཆུ་དང་རང་བྱུང་ལ་ཁ་ལོ་བསྒྱུར་བའི་བསམ་བློ་རྩ་བ་ཉིད་ནས་མེད་པར་བཟོ་དགོས། རང་རྒྱལ་གྱི་སྤྱི་ཚོགས་རིང་ལུགས་ལམ་ལུགས་ཀྱི་སྟོབས་ཤུགས་གཅིག་བསྡུས་ཀྱིས་དོན་ཆེན་སྒྲུབ་པའི་ལེགས་ཆའི་རང་བཞིན་འདོན་སྤེལ་འཐུས་ཚང་གཏོང་དགོས། ང་ཚོས་དམངས་སེམས་གཅིག་སྒྲིལ་དང་རྒྱུན་མཐུད་ཧུར་ཐག་བྱས་ཏེ། རྨ་ཆུས་དུས་གཏན་དུ་ཀྲུང་ཧྭ་མི་རིགས་ལ་ཕན་བདེ་སྐྲུན་པར་བྱེད་དགོས།