འབྲི་ཆུ།

        འབྲི་ཆུ་ནི་རང་རྒྱལ་གྱི་ཆུ་ཆེན་འབྲི་ཆུའི་སྟོད་རྒྱུད་ཀྱི་གཙང་བོའི་ཨ་མ་ལྟ་ཞིག་ཡིན་ཞིང་།དེ་ནི་གདང་ལའི་རི་རྒྱུད་རྒྱ་ལ་རྩེ་ཟླུམ་གྱི་ལྷོ་ནུབ་ཕྱོགས་ནས་བབས་ཏེ།མཚོ་སྔོན་གྱི་ཡུལ་ཤུལ་དང་།བོད་ལྗོངས།དཀར་མཛེས་དང་བདེ་ཆེན་བཅས་ཀྱི་བོད་རིགས་ས་ཁུལ་གྱི་རྫོང་14ལ་བཞུར་ཞིང་།བོད་ཡུལ་གྱི་བཞུར་རྒྱུན་རིང་ཚད་སྤྱི་ལེ༢་2860དང་།སྤྱིའི་རིང་ཚད་ནི་སྤྱི་ལེ་6300ཡིན་ལ།གངས་ལྗོངས་ཀྱི་འབབ་ཡུལ་གྱི་རྒྱ་ཁྱོན་སྤྱི་ལེ་གྲུ་བཞི་མ་3494ཡོད།

ཟླ་ཆུ།

         ཟླ་ཆུར་གཙང་ལག་རྫ་ཆུ་དང་ངོམ་ཆུ་གཉིས་ཡོད་པ་ལས།རྫ་ཆུ་ནི་མཚོ་སྔོན་རྫ་སྟོད་རྫོང་ཁོངས་རི་བོ་ཤྭ་ར་སྐྱ་ནས་འབབ།ངོམ་ཆུ་ནི་བོད་ལྗོངས་ཧོར་སྦྲ་ཆེན་རྫོང་ཁོངས་ཝ་མོའི་ལའི་རྒྱུད་ནས་བབས་ཏེ།ཆབ་མདོ་གྲོང་བརྡལ་དུ་རྫ་ཆུ་དང་འདྲེས་ནས་སྨར་ཁམས་རྫོང་བརྒྱུད་ཡུན་ནན་དུ་བཞུར་རྗེས་མེ་ཀོང་གཙང་བོ་ཟེར།དེ་ནས་འབར་མ།ལོ་སི།ཐེ་ལན།ཁམ་ཕུ་ཁྲེཝེ་ཐེ་ནམ་སོགས་བརྒྱུད་མཐར་ཀྲུང་གོའི་རྒྱ་མཚོ་ལྷོ་མར་ཞུགས།བོད་ཡུལ་གྱི་བཞུར་རྒྱུན་རིང་ཚད་སྤྱི་ལེ་760ལྷག་དང་།འབབ་ཡུལ་རྒྱ་ཁྱོན་སྤྱི་ལེ་གྲུ་བཞི་མ་45080ཡོད།

རྒྱལ་རོང་རྒྱལ་མོ་རྔུལ་ཆུ།

དེ་ནི་ཨ་མདོ་མགོ་ལོག་ནས་ཐོན་ཏེ།རྔ་བའི་འཛམ་ཐང་ཆུ་ཆེན་ལ་འདྲེས་ནས།དཀར་མཛེས་བཅས་བརྒྱུད་ནས་བཞུར་གྱི་ཡོད་ལ་བོད་ཡུལ་གྱི་བཞུར་རྒྱུན་རིང་ཚད་སྤྱི་ལེ་800ལྷག་དང་འབབ་ཡུལ་སྤྱི་ལེ་གྲུ་བཞི་མ་3000ཡོད།