ཟླ་2པའི་ཚེས16ཉིན། མཛོད་དགེ་རྫོང་གིས་ཞིང་བ་ལས་བཟོ་བ་ལས་གནས་སུ་སྐྱེལ་བའི་མཛད་སྒོ་རྫོང་འགྲུལ་སྐྱེལ་ལྟེ་གནས་སུ་སྤེལ། ཞིང་བ་ལས་བཟོ་བ་67རིན་མི་དགོས་པའི་ཆེད་སྐྱེལ་རླངས་འཁོར་དུ་བསྡད་དེ། ཀྲེ་ཅང་དང་ཅ་ཞིང་གྲོང་ཁྱེར་གྱི་ལས་གནས་སུ་བསྐྱོད།
    རྫོང་ཨུའི་རྒྱུན་ཨུ་རྒྱུན་ལས་རྫོང་དཔོན་གཞོན་པ་ཀྲའོ་ཧྲོའུ་ཁྲུན་སྤྲོ་སྐྱེལ་མཛད་སྒོར་ཞུགས་ཏེ་གཏམ་བཤད་གནང་། རྫོང་མི་ཤུགས་ཐོན་ཁུངས་དང་སྤྱི་ཚོགས་འགན་ལེན་ཅུས། རྫོང་ལས་ཞུགས་ཅུས། རྫོང་ཞིང་བ་ལས་བཟོ་བའི་ཞབས་ཞུ་ལྟེ་གནས། རྫོང་འགྲིམ་འགྲུལ་ཅུས་བཅས་ཀྱི་འགན་འཁུར་བ་སྤྲོ་སྐྱེལ་མཛད་སྒོར་ཞུགས།
    སྤྲོ་སྐྱེལ་མཛད་སྒོ་རུ་ཀྲའོ་ཧྲོའུ་ཁྲུན་གྱིས་ལས་གནས་སུ་སྐྱོད་པ་དང་ལས་ཀ་བདེ་འཇགས་ཀྱིས་སྒྲུབ་པར་འགན་ལེན་པ། མཐུན་སྒྲིལ་རོགས་རེས། ལས་ཀ་བའི་སྣང་བརྙན་ལེགས་སྐྲུན། སྒྲིག་བརྩི་ཁྲིམས་སྲུང་།  ངལ་རྩོལ་ཁེ་ཕན་སྲུང་སྐྱོང་། སློབ་སྦྱོང་ཤུགས་ཆེར་གཏོང་བ་སོགས་ཀྱི་སྐོར་ནས་བླང་བྱ་བཏོན་པ་དང་སྦྲགས། ཚང་མས་མུ་མཐུད་དུ་ལས་བརྩོན་དང་གསར་གཏོད་ཀྱི་སྙིང་སྟོབས་དར་སྤེལ་སྒོས། སྤྱིར་བཏང་གི་ལས་གནས་སུ་མཛོད་དགེའི་ལས་ཀ་བའི་ཁྱད་ཆོས་ངོམ་ཞིང་། གྲུབ་འབྲས་བཟང་བོ་བླངས་ཏེ་མཛོད་དགེའི་ལས་ཀ་བའི་མཚན་རྟགས་བཟང་བོ་བཏོད་དེ། སྔར་ལས་རྒྱལ་ཁབ་འཛུགས་སྐྲུན་དང་ཕ་ཡུལ་གྱི་དཔལ་འབྱོར་སྤུས་ལེགས་ངང་འཕེལ་བར་འབད་པ་ཆེན་པོ་བྱེད་པར་སྐུལ་མ་གནང་།