ཀྲེ་ཅང་ཞིང་ཆེན་ཧང་ཀྲོའུ་ཆན་ཐང་ཆུས་ཀྱི་ཁེ་ལས་དང་ལི་ཐང་རྫོང་གཉིས་ཀས་མཉམ་འབྲེལ་ཡག་པོ་བྱས་ཡོད། སྤྱི་ཟླ2པའི་ཚེས25ཉིན། ཆན་ཐང་ཆུས་བཟོ་ཚོང་མཉམ་འབྲེལ་ལྷན་ཚོགས（སྤྱི་ཁྱབ་ཚོང་ཚོགས）ཀྱི་སྐབས་དང་པོའི་ལག་བསྟར་ཨུ་ལྷན་གྱི་ཚོགས་འདུ་ཐེངས་གཉིས་པའི་ཐོག་ཀུའུ་ཅ་ཚོགས་པ་ཚད་ཡོད་སྤྱི་གཉེར་ཁང་དང་མིང་ཧྥུང་སྨན་བཅོས་མ་ལག་མ་རྐང་ཚད་ཡོད་སྤྱི་གཉེར་ཁང་།པའེ་ཧོ་ཧྭ་ཚོགས་པའི་མ་རྐང་ཚད་ཡོད་སྤྱི་གཉེར་ཁང་།ཕུའུ་ལའེ་ཨིན་ཐེ་མ་རྐང་ཚད་ཡོད་སྤྱི་གཉེར་ཁང་།ཧང་ཀྲོའུ་ཝེ་ཉན་སྤུས་རྟགས་དོ་དམ་ཚད་ཡོད་སྤྱི་གཉེར་ཁང་།ཧང་ཀྲོའུ་ཅིའུ་དབྱང་ཁྱིམ་སྤྱོད་གློག་ཆས་ཆུང་གྲས་ཚད་ཡོད་སྤྱི་གཉེར་ཁང་སོགས་ཁེ་ལས6ལ་ཁ་གཏད་རོགས་སྐྱོར་གྱི་གཟི་བརྗིད་ལག་ཁྱེར་ཐོབ་ཡོད།

        རང་ཁུལ་གྱི་ལྷོ་རྒྱུད་དུ་གནས་པའི་ལི་ཐང་རྫོང་ལ“མཁའ་དབྱིངས་གྲོང་ཁྱེར”ཞེས་པའི་མཚན་སྙན་ཐོབ་པ་དང་།རྒྱལ་ཡོངས་ཀྱི་བོད་གྲོང་འདུས་སྡེ་ཆེ་ཤོས་ཏེ་སྟོང་ཁྱིམ་བོད་སྡེའི་ལྗོངས་ཁུལ་དེར་ཡོད་ཅིང་། རིག་གནས་དང་ཡུལ་སྐོར།སྐྱེ་ཁམས་ཐོན་ཁུངས་ཕུན་སུམ་ཚོགས་པོ་ཡོད་པར་མ་ཟད།གནམ་སྔོན་མོ་དང་ས་གཙང་མ་དང་།རི་སྔོ་ཆུ་དྭངས་།མཚོ་འཕགས་མཐོ་བ།དྲོད་ཚད་ཧེ་བག་ཆེ་བ་བཅས་ཡིན་ཏེ་འབྱུང་འཕྲོད་སྤུས་ལེགས་བཟའ་བཅའ་མང་པོ་ཡང་ཡོད།

        ལི་ཐང་རྫོང་ཨུའི་རྒྱུན་ཨུ་དང་རྫོང་དཔོན་གཞོན་པའི་འགན་འཁྱེར་པའི་ཧང་ཀྲོའུ་ཆན་ཐང་ཆུས་ཀྱི་ལས་བྱེད་པ་ཡེ་ཞའོ་མིང་གིས “ལི་ཐང་ལ་ཐོན་ཁུངས་ཡོད་པས་ཐོན་ཁུངས་ཇི་ལྟར་བྱས་ནས་རྒྱུ་ནོར་འབྱུང་ཁུངས་སུ་འགྱུར་བ་བྱ་རྒྱུ་དང་།ཆན་ཐང་ལ་ཐོན་ལས་ཡོད་པས་ཇི་ལྟར་བྱས་ནས་ཐོན་ལས་ཀྱིས་སྤུས་ཚད་མཐོ་བའི་འཕེལ་རྒྱས་ལ་སྐུལ་ཁྲིད་བྱ་རྒྱུ་དེ་ང་ཚོས་བསམ་གཞིག་བྱེད་པའི་བརྗོད་གཞི་ཞིག་ཡིན་ཞིང་། ན་ནིང་སྤྱི་ཟླ6པར་ཆན་ཐང་ཆུས་ལི་ཐང་རོགས་སྐྱོར་ཡན་ལག་རུ་ཁག་སི་ཁྲོན་དུ་བསྐྱོད་པ་ནས་བཟུང་། “ལི་ཐང་དང་ཆན་ཐང”ས་གནས་གཉིས་པོས་རིམ་པ་མང་པོ་དང་ཁྱབ་ཁོངས་མང་པོའི་ཐད་རོགས་ལས་རོགས་སྐྱོར་བྱས་ཤིང་། ཆན་ཐང་ཆུས་ཀྱིས་བྱ་ཐབས་སྣ་མང་ཐོག་ནས་རོགས་སྐྱོར་མ་དངུལ་སྒོར་ཁྲི4566སྤྲད་དེ་ལི་ཐང་རྫོང་ཆ་ཚང་སློབ་འབྲིང་གསུམ་པའི་སློབ་མའི་ཉལ་ཁང་དང་།སློབ་མའི་ཟ་ཁང་གི་འཛུགས་སྐྲུན་ལས་གཞི་དང་། འབྲི་གཡག་ཐོན་ལས་གླིང་ཁུལ་སོགས་ཁ་གཏད་རོགས་སྐྱོར་ལས་གཞི5འཛུགས་སྐྲུན་བྱ་རྒྱུར་སྐུལ་འདེད་ཤུགས་ཆེན་བཏང་བས་ཆན་ཐང་དང་ལི་ཐང་མཉམ་ལས”ཀྱི་སྐད་གྲགས་རིམ་པར་ཆེ་རུ་སོང་བ་དང་འབྲེལ་ཆན་ཐང་ཆུས་སྤྱི་ཚོགས་ལས་རིགས་ཁག་གིས་དང་ལེན་ཧུར་ཐག་ཞུས་ཡོད།

        ད་སྔར་ཆན་ཐང་དུ་ཁྲོམ་གཞུང1དང་།སློབ་གྲྭ6དང་། སྨན་ཁང2དང་ཁེ་ལས22དང་། སྤྱི་ཚོགས་རྩ་འཛུགས3བཅས་དང་ལི་ཐང་རྫོང་གི་ཡུལ་སྡེ1དང་།སློབ་གྲྭ6དང་།སྨན་ཁང2དང་། གྲོང་སྡེ22དང་། གྲོང་སྡེ3བཅས་བར་ལ་ཆ་སྒྲིག་འབྲེལ་བ་བཙུགས་ནས་ལི་ཐང་གི་ཡུལ་སྡེ22ལ་ཁེབས་ཡོད།

        སྤྱི་ཚོགས་དང་དཔལ་འབྱོར་འཕེལ་རྒྱས་ལ་སྐུལ་འདེད་གཏོང་བའི་སྐྱེ་ལྡན་སྟོབས་ཤུགས་ཤིག་ཡིན་པའི་ཁེ་ལས་པ“ལི་ཐང་དང་ཆན་ཐང་མཉམ་ལས”ཀྱི་གཙོ་ཤུགས་དམག་ཏུ་གྱུར་ཡོད། མའེ་ཕུའུ་ཝུན་ལུའི་ཚད་ཡོད་སྤྱི་གཉེར་ཁང་གིས་འཕྲལ་དུ་ལི་ཐང་དུ་བརྟག་ཞིབ་བྱེད་པར་བསྐྱོད་དེ་སྟོང་ཁྱིམ་བོད་སྡེའི་ལྗོངས་ཁུལ་གྲངས་གཞི་ཅན་གྱི་རིམ་སྤོར་ལས་གཞི་ལག་ལེན་བསྟར་འགོ་ཚུགས་པ་དང་། མིང་ཧྥུང་སྨན་བཅོས་སྤྱི་གཉེར་ཁང་གིས་སྒོར་ཁྲི400རི་བའིCTཞལ་འདེབས་བརྒྱབ་ནས་སྨན་བཅོས་འཕྲོད་བསྟེན་བྱ་གཞག་འཕེལ་རྒྱས་འགྲོ་བར་ཕན་ཆེན་ཐོགས་ཡོད། ཀུའུ་ཅ་ཁྱིམ་ཆས་ཚོགས་པས་སྒོར་ཁྲི5000རི་བའི་འཕྲིན་སྦྱོར་ཐོན་ཁུངས་ཞལ་འདེབས་བརྒྱབ་ནས་མཁའ་དབྱིངས་གྲོང་ཁྱེར་གནས་མཆོག་ལི་ཐང་གི་སྤུས་རྟགས་དྲིལ་བསྒྲགས་དང་ཁྱབ་གདལ་ལ་སྐུལ་འདེད་བཏང་ཡོད། པའེ་ཧོ་ཧྭ་ཚོགས་པའི་མ་རྐང་ཚད་ཡོད་སྤྱི་གཉེར་ཁང་གིས་མ་དངུལ་ས་ཡ་བཏང་ནས་འཛད་སྤྱོད་རོགས་སྐྱོར་བྱས་ཡོད། ཆན་ཐང་ཆུས་སྤྱི་ཁྱབ་བཟོ་ཚོགས་ཀྱིས་ཁེ་ལས28སྒྲིག་འཛུགས་བྱས་ནས་ལི་ཐང་རྫོང་ལ་མ་དངུལ་ཞལ་འདེབས་བརྒྱབ་ནས་སློབ་གྲྭའི་རླངས་འཁོར་ཉོ་རྒྱུར་སྤྱད་ཡོད།

        པའེ་ཧོ་ཧྭ་ཚོགས་པ་མ་རྐང་ཚད་ཡོད་སྤྱི་གཉེར་ཁང་གི་རྐང་དཔོན་ཁྲེན་ལི་རུང་གིས་ང2008ལོར་ལི་ཐང་ཏུ་བསྐྱོད་མྱོང་བས་དེ་གའི་མཛེས་ལྗོངས་ལ་བག་ཆགས་ཟབ་མོ་ཡོད། ན་ནིང་ཆན་ཐང་ཆུས་ཀྱིས་ལི་ཐང་རྫོང་ལ་ཁ་གཏད་རོགས་སྐྱོར་བྱས་རྗེས་ཁེ་ལས་མཁས་ཅན་ཞིག་ཡིན་པའི་ངོས་ནས་ངས་སྲིད་གཞུང་གི་འབོད་སྐུལ་དང་ལེན་ཞུས་ཏེ་འཛད་སྤྱོད་རོགས་སྐྱོར་བྱ་སྤྱོད་ནང་ཞུགས་ཡོད། ཁེ་ལས་ཀྱིས་ལི་ཐང་ནས་ཁྱེར་ཡོང་བའི་ཁྱད་ལྡན་ཐོན་རྫས་ལ་དགའ་པོ་བྱེད་པ་དང་ན་ནིང་ཁོ་ནར་སྒོར་ཁྲི100ཡི་ཐོན་རྫས་ཉོས་ནས“མཁའ་དབྱིངས་ཀྱི་གྲོང་ཁྱེར”གྱི་ཐོན་ལས་འཕེལ་རྒྱས་ལ་ནུས་ཤུགས་ཕྲན་བུ་བཏོན་ཡོད་ཅེས་བཤད།

        ཆན་ཐང་ཆུས་ཞ་ཧྲ་དང་ཏ་ཁྲེང་དུ་ཡོད་པའི་ལི་ཐང་དང་ཆན་ཐང་གི་ཀྲེན་ཙི་ཡུལ་སྡེ་དར་རྒྱས་མྱོང་རོལ་ཁང་ནི་ཆན་ཐང་ཆུས་ཀྱིས་ཀྲེ་ཅང་ཐེན་ཧྲུན་སྣོད་བཅུད་ཞིང་ལས་གསར་སྤེལ་ཚད་ཡོད་སྤྱི་གཉེར་ཁང་དང་མཉམ་དུ་བསྐྲུན་པའི“ལི་ཐང་དང་ཆན་ཐང་མཉམ་ལས”འགྲེམས་སྟོན་ར་བ་ཞིག་ཡིན། དེ་གར་ཚགས་ཤ་སྐམ་པོ་དང་ཇ་བསྲུབས་མ་།སྐྱེ་ལྡན་ཤ་མོ་སོགས་ལི་ཐང་གི་ཁྱད་ལྡན་ཐོན་རྫས་ཉོ་ཐུབ་ཀྱི་ཡོད། མཉམ་འགུལ་བྱེད་ཡུལ་དང་ཐད་གཏོང་ཁུལ་དུ་ལི་ཐང་གི་ཆ་འཕྲིན་ཡང་ཡང་བཏང་ནས་ཧང་ཀྲོའུ་ཡི་གྲོང་མིས་ལི་ཐང་གི་གནས་ཚུལ་ལ་ཆ་རྒྱུས་ལོན་ཐུབ།

        ལི་ཐང་དང་ཆན་ཐང་ཀྲེན་ཙི་ཡུལ་སྡེ་དར་རྒྱས་མྱོང་རོལ་ཁང་གི་འགན་འཁུར་བ་རྐང་དཔོན་ཅང་ཧའེ་ཅུན་གྱིས“ང་ཚོའི་མྱོང་རོལ་ཁང་འདིར་ཐོན་རྫས་རིགས་གཉིས་ལ་ལྟ་ཐུབ་ཅིང་། གཅིག་ནི་དངོས་རྫས་ཏེ་དཔེར་ན།ལི་ཐང་གི་ཚགས་ཤ་དང་ལྷད་མེད་ཀྱི་ས་མཐོའི་དབྱར་རྩྭ་དགུན་འབུ། ཤ་མོ་སོགས་དམིགས་བསལ་གྱི་ཞིམ་ཟས་ཡོད་པར་མ་ཟད། ད་དུང་མངོན་མེད་ཀྱི་ཐོན་རྫས་ཀྱང་ཡོད་པ་དེ་ནི་ལི་ཐང་གི་མཛེས་ལྗོངས་དང་སྤྱི་ཚོགས་ཀྱི་རིག་གནས་སྣང་ཚུལ་སྣ་ཚོགས་ཀྱི་ཕྱི་ཕྱོགས་སྐར་ཁུང་ཞིག་ཡིན་པས་གྲོང་མི་དེ་བས་མང་བ་ལི་ཐང་དུ་བསྐྱོད་པའི་རེ་བ་བྱེད་ཀྱི་ཡོད”ཅེས་བཤད།

        ཡེ་ཞའོ་མིང་གིས་ཕྱིན་ཆད་ལི་ཐང་གིས“རིག་གནས་ཡུལ་སྐོར”དམིགས་ཏེ་མཛེས་ལྗོངས་དེ་མདུན་ལམ་དུ་བསྒྱུར་བ་དང་། དེ་ནས་རིམ་བཞིན“དངུལ་ལོར”བསྒྱུར་ཏེ“ལི་ཐང་དང་ཆན་ཐང་མཉམ་ལས”ཀྱི་སྐད་གྲགས་ཆེ་རུ་གཏང་རྒྱུ་ཡིན། ཧང་ཀྲོའུ་ཡི་ཁེ་ལས་མཁས་ཅན་དེ་བས་མང་བ་ལི་ཐང་དུ་གདན་དྲངས་ནས་ལི་ཐང་གི་དགོས་མཁོ་སྐོང་བ་དང་ཆན་ཐང་གི་ནུས་པ་འདོན་སྤེལ་བྱས་ཏེ་ས་གནས་གཉིས་པོའི་མཉམ་ལས་དེ་བས་གནད་སྨིན་དང་རོགས་སྐྱོར་གྱི་ལས་གཞིལ་དེ་བས་ནུས་ལྡན་ཡོང་བ་བྱས་ནས་ཁ་གཏད་རོགས་སྐྱོར་གྱི་རྣམ་པ་གསར་པ་གཏོད་པ་དང་ཐུན་མོང་ཕྱུག་འགྱུར་གྱི་རྣམ་པ་གསར་པ་གཏོད་རྒྱུ་ཡིན་ཞེས་བཤད་པ་རེད།།