༄༅།།རི་སྐྱེས་སྲོག་ཆགས་སྲུང་སྐྱོང་།

མི་གསལ། རྩོམ་སྒྲིག་པ།དབང་ཆེན།ཡོང་ཁུངས།ཁམས་པའི་རིག་གནས་དྲ་བ། སྤེལ་དུས། 05-07


   རྒྱལ་ཁབ་ཀྱིས་གཙོ་གནད་དུ་བཟུང་སྟེ་སྲུང་སྐྱོང་བྱེད་པའི་རི་སྐྱེས་སྲོག་ཆགས་ཁྲིམས་དང་འགལ་ཏེ་བརྔོན་ཚེ་རྒྱལ་ཁབ་ཀྱིས་གཙོ་གནད་དུ་བཟུང་སྟེ་སྲུང་སྐྱོང་བྱ་བའི་རི་སྐྱེས་སྲོག་ཆགས་རྩ་ཆེན་དང་འཇིག་ཉེན་ཆེ་བ་དག་རྔོན་གསོད་བྱེད་མཁན་ཁྲིམས་གཅོད་བྱེད་པའི་ཁ་གསབ་གཏན་ཁེལ་གཞིར་བཟུང་སྟེ་ཉེན་དོན་འགན་ཁུར་རྩད་གཅོད་བྱེད་རྒྱུ་ཡིན།བཅའ་ཁྲིམས་འདི་ཉིད་ལ་འགལ་ཏེ་རྔོན་བཀག་ཁུལ་ལམ་རྔོན་བཀག་དུས་ཚོད་དང་ལག་ཆ་དང་ལག་ཐབས་ཁྲིམས་མཐུན་མིན་པར་བརྟེན་ནས་རི་སྐྱེས་སྲོག་ཆགས་བརྔོན་ཚེ།རི་སྐྱེས་སྲོག་ཆགས་སྲིད་འཛིན་དོ་དམ་གཙོ་གཉེར་ལས་ཁུངས་ཀྱིས་བརྔོན་པའི་སྲོག་ཆགས་དང་ལག་ཆ།ཁྲིམས་འགལ་ཐོབ་ཆ་སོགས་ཚང་མ་གཞུང་བཞེས་གཏོང་རྒྱུ་མ་ཟད་དངུལ་ཆད་ཀྱང་གཅོད།གནས་ཚུལ་ཚབས་ཆེན་དུ་གྱུར་ཏེ་ནག་ཉེས་བཟོས་ཚེ་ཉེས་ཁྲིམས་ཀྱི་དོན་ཚན་བརྒྱ་དང་སུམ་ཅུ་པ་གཞིར་བཟུང་སྟེ་ཉེན་དོན་འགན་ཁུར་རྩད་གཅོད་བྱེད།བཅའ་ཁྲིམས་འདིའི་གཏན་ཁེལ་དང་འགལ་ཏེ་རྒྱལ་ཁབ་བམ་ས་གནས་ཀྱིས་གཙོ་གནད་བྱས་ཏེ་སྲུང་སྐྱོང་བྱས་པའི་རི་སྐྱེས་སྲོག་ཆགས་སམ་ཐོན་རྫས་གཞན་དག་ཉོ་འཚོང་ངམ་སྐྱེལ་འདྲེན་བྱས་ཚེ་བཟོ་ཚོང་སྲིད་འཛིན་དོ་དམ་ལས་ཁུངས་ཀྱིས་དངོས་རྫས་སམ་ཁྲིམས་འགལ་འཐོབ་བྱ་དག་གཞུང་བཞེས་བྱེད་ཅིང་དངུལ་ཆད་ཀྱང་གཅོད།གལ་སྲིད་དོ་བདག་མི་སྣ་དེས་སྲིད་འཛིན་ཆད་པ་ཁས་མི་ལེན་ཚེ་ཆད་པ་གཅོད་མཁན་ལས་ཁུངས་གང་དེའི་རིམ་པ་གོང་མར་ཡང་བསྐྱར་ཐག་གཅོད་བྱེད་པར་ཞུ་སྦྱོར་བྱས་ཆོག ཡང་བསྐྱར་ཐག་བཅད་པར་མི་འཐད་ཚེ་ལན་འབྱོར་ཉིན་ནས་བརྩིས་པའི་ཉིན་བཅོ་ལྔའི་ནང་མི་དམངས་ཁྲིམས་ཁང་ལ་གཏུག་བཤེར་བྱས་ཆོག དོ་བདག་པས་ཁྲིམས་ཆད་བརྡ་ཐོ་འབྱོར་བའི་ཉིན་ནས་བཟུང་བརྩིས་ཏེ་ཉིན་བཅོ་ལྔའི་ནང་དུ་ཐད་ཀར་ཁྲིམས་ཁང་ལ་ཞུ་གཏུག་བྱས་ཀྱང་མཆོག དོ་བདག་པས་དུས་ཚོད་ལ་སླེབས་ཀྱང་ཁྲིམས་ཁང་ལ་ཞུ་གཏུག་མི་བྱེད་པ་མ་ཟད་ཁྲིམས་ཆད་ཀྱང་ཁས་མི་ལེན་ཚེ་ཁྲིམས་ཆད་གཅོད་མཁན་ལས་ཁུངས་ཀྱིས་ཁྲིམས་ཁང་ལ་ཡར་ཞུ་བྱས་ཏེ་བཙན་གྱིས་ལག་བསྟར་བྱ་དགོས། གལ་སྲིད་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱིས་བཞག་པའམ་ཡང་ན་ནང་དུ་ཞུགས་ཡོད་པའི་ཁོར་ཡུག་སྲུང་སྐྱོང་དང་འབྲེལ་བའི་རྒྱལ་སྤྱིའི་ཆིངས་ཡིག་གི་གཏན་འབེབས་སུ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ཁྲིམས་དང་མི་མཐུན་པའི་ཆ་ཡོད་ན་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱིས་གསལ་བསྒྲགས་དང་སྲུང་འཛིན་བྱས་ཡོད་པའི་དོན་ཚན་ལས་གཞན་ཚང་མ་རྒྱལ་སྤྱིའི་ཆིངས་ཡིག་གཞིར་འཛིན་དགོས།

 


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1