ད་ལོ་ནས་བཟུང། འཛམ་ཐང་རྫོང་རྫོང་མདའ་ཡུལ་ཚོས་སྦང་ཐོག་རྡོ་བརྐོས་སྤྱི་གླིང་གི་རྒྱལ་ཁབ་ཀྱི་A3རིམ་པའི་མཛེས་ལྗོངས་ཁུལ་དམ་འཛིན་བྱ་བ་གཞིར་བྱས་ནས་རྩ་འཛུགས་ཀྱི་འགོ་ཁྲིད་ལམ་སྲོལ་དང་། ཆ་ཚང་བའི་ཞབས་ཞུ། མི་སྣ་ཡོངས་ཀྱི་མཉམ་སྐྲུན། བདེ་འཇགས་འགན་ལེན་བཅས་ཀྱི་ལམ་སྲོལ་བཞི་བཙུགས་པ་དང་དེ་དག་འཐུས་ཚང་དུ་བཏང་སྟེ་ཁོངས་ཡོངས་ལྗོངས་སྐོར་དཔེ་སྟོན་ཁུལ་གཏོད་རྒྱུར་ནུས་ཤུགས་ཡོད་རྒུས་སྐུལ་འདེད་བཏང་།

        རྩ་འཛུགས་ཀྱི་འགོ་ཁྲིད་ལམ་སྲོལ་བཙུགས་པ་དང་དེ་འཐུས་ཚང་དུ་བཏང་། ཡུལ་ཚོའི་སྲིད་གཞུང་གི་འགོ་ཁྲིད་གཙོ་བོས་ཙུའུ་ཀྲང་བྱས་པའི་ཁོངས་ཡོངས་ལྗོངས་སྐོར་ཆེད་དོན་ལས་དོན་འགོ་ཁྲིད་ཚན་ཆུང་བཙུགས་ནས་ལས་ཀའི་ཇུས་གཞི་ཞིབ་ཕྲ་དང་། ཡུན་རིང་བཅས་ཀྱི་ལས་ཀའི་འཆར་གཞི་བཟོས་ཏེ་རིམ་པ་བཞིན་ལས་འགན་ཁག་བགོས་བྱས་ནས་དོན་ཐོག་ཏུ་འཁྱོལ་བ་བྱས། གཟའ་འཁོར་རེར་བཀོད་གཏོང་དང་ཟླ་རེར་ཞིབ་འཇུག་བརྡར་གཅོད་བྱ་རྒྱུ་མཐའ་འཁྱོངས་བྱས་ནས་ཁོངས་ཡོངས་ལྗོངས་སྐོར་ལས་དོན་གྱི་ཆེད་དོན་ཚོགས་འདུ་དང་དུས་མཚམས་རང་བཞིན་གྱི་སྐུལ་སྤེལ་ཚོགས་འདུ་སྔ་རྗེས་སུ་ཐེངས་9ལ་འཚོགས་ཏེ་དུས་ཐོག་ཏུ་གནད་དོན་གསེད་བཀྲོལ་དང་མཉམ་དུ་ཐབས་ཇུས་གྲོས་བསྡུར་བྱས།

        ཆ་ཚང་བའི་ཞབས་ཞུའི་ནང་རྐྱེན་བཙུགས་ནས་དེ་འཐུས་སྒོ་ཚང་དུ་བཏང་། སྦང་ཐོག་རྡོ་བརྐོས་སྤྱི་གླིང་མཛེས་ལྗོངས་ཁུལ་གྱི་ཆ་ཚང་བའི་ལྗོངས་སྐོར་སྒྲིག་བཀོད་འཛུགས་སྐྲུན་འཐུས་ཚང་དུ་བཏང་ནས་མཛེས་ལྗོངས་ཁུལ་དུ་དང་བླངས་པ་3བཀོད་སྒྲིག་བྱས་པ་དང་ཆེད་ལས་འགྲེལ་བཤད་པ་3གསོ་སྐྱོང་བྱས། མཛེས་ལྗོངས་ཁུལ་གྱི་སྤྱི་བའི་གསང་སྤྱོད་ཁང་གི་དོ་དམ་ཚད་ལྡན་དུ་བཏང་བ་དང་། ལྗོངས་སྐོར་མཚོན་རྟགས་ཁག་4ཚད་ལྡན་ངང་བཟོས། མཛེས་ལྗོངས་ཁུལ་གྱི་རླངས་འཁོར་འཇོག་སར་ཚད་ལྡན་གྱི་དབྱེ་མཚམས་འབྱེད་པ་བཅས་བྱས་ནས་མཛེས་ལྗོངས་ཁུལ་གྱི་ལྟ་སྐུལ་ཚོད་འཛིན་དང་སྐུད་མེད་དྲ་བ་སྒྲིག་སྦྱོར་ལེགས་སྒྲུབ་དང་། འགྲེམས་ཚོང་ཁུལ་གྱི་སྦྲང་རྩི་དང་། ཚགས་ཤ རྡོ་བརྐོས་སྒྱུ་རྩལ་ཐོན་རྫས། སྤོས་སོགས་ཀྱི་ཚོང་ཟོག་འགྲེམས་སྒྲོམ་དང་གོང་ཚད་རྒྱག་པའི་ལས་དོན་ལེགས་སྒྲུབ་དང་། ཆེད་བསྐོས་མི་སྣས་དུས་བཀག་ལྟར་མཛེས་ལྗོངས་ཁུལ་གྱི་ཁོར་ཡུག་གཙང་སྦྲ་བྱས་ཏེ་ཁོར་ཡུག་འཕྲོད་བསྟེན་མི་སྣའི་འདྲ་པར་དང་དོ་དམ་ལམ་ལུགས་གྱང་ངོས་སུ་འགོད་ཐུབ་པ་བྱས།

        མི་སྣ་ཡོངས་ཀྱིས་མཉམ་སྐྲུན་བྱེད་པའི་ལམ་སྲོལ་བཙུགས་ནས་དེ་འཐུས་ཚང་དུ་བཏང་། ཏང་ཡོན་ལས་བྱེད་པ་དང་རོང་འབྲོག་མང་ཚོགས་སྒྲིག་འཛུགས་བྱས་ཏེ་སྦང་ཐོག་རྡོ་བརྐོས་སྤྱི་གླིང་གི་མཛེས་ལྗོངས་ཁུལ་དང་། ཁོངས་གཏོགས་ཁུལ་གྱི་གཞུང་ལམ་ལམ་རྒྱུད། གྲོང་སྡེ་ཁག་གི་བགྲོད་ལམ་སོགས་ས་ཁོངས་སུ་ཁོར་ཡུག་འཕྲོད་བསྟེན་ཕྱོགས་བསྡུས་བཅོས་སྒྲིག་ཐེངས་10ལྷག་བྱས་ནས། གང་བྱུང་དུ་བསྐྲུན་པ་དང་གང་བྱུང་དུ་བསྐྱུར་བ་སོགས་ཀྱི་སྣང་ཚུལ་ཁྱོན་ཡོངས་ནས་བཅོས་སྒྲིག་བྱས་པ། སྦང་ཐོག་རྡོ་བརྐོས་སྤྱི་གླིང་མཛེས་ལྗོངས་ཁུལ་དང་། གྲོང་སྡེ་ཁག་གི་འཇུག་སྒོ་དང་བགྲོད་ལམ་སོགས་ས་ཁོངས་སུ་དྲིལ་བསྒྲགས་འཕྲེད་འགེལ་སྦྱར་རིས་དང་སྦྱར་ཚིག་6སྦྱར་བ། ཞུ་གཏུག་ཁ་པར་ཡོངས་བསྒྲགས་བྱས་ཏེ་མང་ཚོགས་ཀྱིས་ལྟ་སྐུལ་ཐེར་འདོན་བྱེད་པར་མི་ཚང་མ་དེའི་ནང་ཞུགས་པ་དང་མི་ཚང་མས་མཉམ་སྐྲུན་བྱེད་པའི་རྣམ་པ་བཟང་བོ་ཞིག་གཏོད།

        བདེ་འཇགས་འགན་སྲུང་ལམ་སྲོལ་བཙུགས་ནས་དེ་འཐུས་ཚང་དུ་བཏང་། མཛེས་ལྗོངས་ཁུལ་ནང་གི་མེ་ཟོན་བདེ་འཇགས་སྒྲིག་བཀོད་ལ་ཁྱོན་ཡོངས་ནས་གྲལ་བཤེར་ཆེན་པོ་ཐེངས་4བྱས་ཏེ་མངོན་མེད་རྐྱེན་ངན་གྲལ་བཤེར་གྱི་རྩིས་ཁྲ་དང་བདེ་འཇགས་དོ་དམ་ལམ་ལུགས་བཟོས་པ་དང་འབྲེལ་ཆེད་དོན་ཡིག་ཚགས་བཟོས་པ། མཛེས་ལྗོངས་ཁུལ་གྱི་འགྲོ་འོང་ཐོ་འགོད་རེའུ་མིག་ཚད་ལྡན་བཟོས་ནས་དུག་སེལ་བཤེར་ཁུ་དང་། ལུས་དྲོད་འཇལ་ཆས། ཁ་ཐུམ་སོགས་རིམས་འགོག་དངོས་ཟོག་ཆ་ཚང་བཀོད་སྒྲིག་དང་། སྨན་བཅོས་ཁང་དང་། ཉེན་རྟོག་ཁང་གི་སྒྲིག་བཀོད་ཚད་ལྡན་དུ་གཏོང་བ་དང་། སྨན་རྫས་དང་། དབྱང་བུམ། སྨན་བཅོས་མྱུར་སྐྱོབ་སྒམ་སོགས་འཕྲལ་བསྟུན་དངོས་རྫས་ཁ་གསབ་བྱས།།