འདི་ནི་ཀླུ་ནང་དུམ་པ་ཚལ་གྲོང་ཚོའི་ཡུལ་མིས་ཀོང་པོའི་གཟབ་མཆོར་སྤྲས་ཏེ་དུས་སྟོན་ལ་ཞུགས་བཞིན་པ།
ཀོང་པོའི་རྒྱན་གོས་ནི་ཉིང་ཁྲི་ཁོ་ནར་ཡོད་པའི་མི་རིགས་ཀྱི་སྲོལ་རྒྱུན་རྒྱན་གོས་ཤིག་རེད། དེའི་འཆར་འགོད་དང་། རྒྱུ་ཆ། བཟོ་རྩལ་བཅས་ལས་ཀོང་པོའི་བོད་རིགས་སྤུན་ཟླའི་བློ་གྲོས་མཚོན་གྱི་ཡོད་ལ། ས་ཁོངས་དེ་གའི་དམིགས་བསལ་གྱི་ཁྱད་ཆོས་ཀྱང་གསལ་པོར་མངོན་གྱི་ཡོད་པ་རེད། ཀོང་པོའི་རྒྱན་གོས་ནི་སྣམ་བུ་ནག་པོས་བཟོས་ཤིང་། ཕུ་ཐུང་དང་གོང་པ་མེད་ལ། རིང་ཚད་པུས་མོའི་བར་དུ་སླེབས་པ་དང་བཟོ་སྟངས་ཞིབ་ཚགས་པོ་ཡོད། གཞན་ཡང་ཐུ་བ་དང་། ཕུ་ཐུང་གི་སྣེ་མོར་གོས་ཆེན་སེར་པོ་གཏོང་གི་ཡོད། །
