ཞིང་ཁ་ན་དཔྱིད་དཔལ་སླེབས་ཡོད།
ས་བོན་དང་མཉམ་དུ། རྨི་ལམ་རྡོག་གཅིག་ཞིང་ལ་བཏབ་ཡོད།
རྨི་ལམ་འདི་རྒན་པོ་ཞིག་གི་གནའ་གཏམ་དང་འབྲེལ་ཡོད།
རྨི་ལམ་འདི་བུ་མོ་ཞིག་གི་གནས་ལམ་དང་འབྲེལ་ཡོད།
སྐྱེས་པ་ཞིག་གིས།
གཤོལ་ལམ་ནས་རྐང་རྗེས་རྨོས། དོར་མཛོས་རེ་བ་དྲུད་ཡོད།
ཡང་ན་བདེན་པའི་འབྲས་བུའང་དྲུད་ཡོད།
ཇ་ཐུན་ལ་ཐོན་དུས། ཆུང་མའི་རྨོན་གོར་དང་མར་ལོ་འབུལ་ཡོང།
ཞིང་ཁ་ནས་རྨི་ལམ་འབུས་ཡོང།
ངལ་རྩོལ་ལ་མཁས་པས། ཞིང་གྲོང་གི་རྩམ་པ་དཀར་པོ་ཡིན།
ཞིང་གྲོང་གི་རྔུལ་ཆུ་དྭངས་མ་ཡིན།
ཕ་ཡུལ་བརྒྱུད་ནས་འགྲོ་དུས།
ངས་ཀྱང་འདི་ནས་བྱིས་དུས་རྨི་ལམ་རྨིས་མྱངས་ཨང།
རྨི་ལམ་འདི་ཀ་ཁའི་དབྱངས་རྟ་གྱེར་བའི་ཕྲུ་གུ་ཚོར་འབྲེལ་ཡོད་ལ།
རྨི་ལམ་འདི་མ་ཎིའི་དུང་འཁོར་སྐོར་བའི་མེས་པོ་ཚོར་འབྲེལ་ཡོད།
ཕ་ཡུལ་འགྱུར་བཞིན་མོད། ངལ་རྩོལ་དང་ས་ཞིང་སྔར་བཞིན་ཡོད་པས།
རེ་བའི་མྱུ་གུ་འབུས་པའི་ཞིང་ཐང་ཞིག
རི་མོ་བཞིན་བདག་གི་མིག་ལམ་དུ་བཀྲ་འོངས། །
