༄༅།།འཛམ་གླིང་དཔེ་ཀློག་གི་ཉིན་མོ།
རིག་པའི་རྒྱལ་པོ་ཤེས་རབ་རང་བྱུང་གིས། །
གསལ་བའི་སྒྲོན་མེ་རིག་པའི་བང་མཛོད་དུ། །
ཤེས་བྱ་མ་ལུས་མཁྱེན་པའི་ལྡེའུ་མིག་ཞིག །
དེང་འདིར་ལག་ཏུ་སོན་པར་ཅིས་མི་སྤྲོ། །
རྣམ་དཔྱོད་ཕྱོགས་ལྷུང་བྲལ་བའི་འོད་སྟོང་གཟིས། །
ངོ་མཚར་ལེགས་བཤད་རྒྱ་མཚོ་འཁྱིལ་བའི་ཀློང་། །
ཐོས་བརྩོན་ཀུན་དགའི་གྲུ་ལ་རྟག་ཞུགས་ནས། །
ཡོན་ཏན་ཡིད་བཞིན་ནོར་བུའི་རྒྱན་དུ་སྤུད། །
ཀུན་རྨོངས་མ་རིག་ཐེ་ཚོམ་དྲ་བའི་རྒྱ། །
རྣམ་དཔྱོད་རིག་པའི་འོད་རླབས་སྤྲོས་པ་ཡིས། །
གཏི་མུག་མུན་པ་དབྱིངས་སུ་གསལ་དང་ལྷན།།
མཁྱེན་རབ་ཉིན་མོའི་འོད་ཀྱིས་སྣང་བ་སྦྱིན། །
ཐབས་ཤེས་ཞབས་ཟུང་གཡོ་བའི་འདེགས་འགྱོགས་སུ། །
རིག་པའི་ནོར་གྱི་དགའ་བའི་ཚལ་ཞུགས་ནས། །
ལུང་རིགས་འཛུམ་དཀར་འཕྲོ་བའི་བསུང་ངད་ལ། །
རིག་པའི་འཕྲུལ་གྱིས་དྲི་བཞོན་ཅི་ཡང་སྤྲོ།།
