བོད་ལྗོངས་ཆབ་མདོ་གྲོང་ཁྱེར་སྟེང་ཆེན་རྫོང་ཁོངས་སུ་གནས་པའི་རྩེ་དྲུག་རི་འདེབས་ན་ཆགས་ཡོད་པའི་རྩེ་དྲུག་དགོན་ནི་ད་ཐེངས་“གནའ་བོའི་ཞང་ཞུང་རིག་གནས་ཤུལ་བཞག་བརྟག་དཔྱད་དང་མྱུར་སྐྱོབ་རང་བཞིན་གྱི་སྲུང་སྐྱོང་ཞིབ་འཇུག་རྣམ་གྲངས”ཀྱི་མཉམ་འབྲེལ་ལག་བསྟར་ཚན་པ་ཞིག་ཡིན་པ་དང་། ལོ་མང་རིང་ཞང་ཞུང་རིག་གནས་ཀྱི་གནའ་དཔེ་རྒྱུན་ཆད་མེད་པར་ཉར་ཚགས་དང་རྒྱུན་འཛིན་བྱས་ཡོད།

2023ལོའི་“རིག་གནས་དང་རང་བྱུང་ཤུལ་བཞག་ཉིན་མོ”（ཟླ་6ཚེས་10ཉིན）ཡི་སྔོན་ཚུད་དུ་རྒྱལ་ཁབ་གནའ་དཔེ་སྲུང་སྐྱོང་ལྟེ་གནས་ཀྱིས་མཉམ་ཞུགས་ལག་བསྟར་བྱེད་པའི“གནའ་བོའི་ཞང་ཞུང་རིག་གནས་ཤུལ་བཞག་བརྟག་དཔྱད་དང་མྱུར་སྐྱོབ་རང་བཞིན་གྱི་སྲུང་སྐྱོང་ཞིབ་འཇུག་རྣམ་གྲངས”དེ་བོད་རང་སྐྱོང་ལྗོངས་སྟེང་ཆེན་རྫོང་རྩེ་དྲུག་རི་བོར་འགོ་ཚུགས་པ་རེད།

གནའ་བོའི་ཞང་ཞུང་རིག་གནས་ནི་རང་རྒྱལ་རང་ས་ནས་ཆགས་པའི་མི་རིགས་ཀྱི་རྒྱབ་ལྗོངས་ལས་བརྒལ་བའི་གནའ་བོའི་ཤེས་རིག་ཞིག་དང་། བོད་ཀྱི་རིག་གནས་ཀྱི་འབྱུང་ཁུངས་ཞིག ཀྲུང་ཧྭའི་ཤེས་རིག་གི་གྲུབ་ཆ་གལ་ཆེན་བཅས་རེད། གནའ་བོའི་ཞང་ཞུང་རིག་གནས་ཀྱི་སྙིང་བཅུད་དེ་པོད་178ཡོད་པའི་《བོན་གྱི་བཀའ་འགྱུར་ཆེན་མོའི》ནང་བཀོད་ཡོད་ཅིང་། འདི་ནི་བོད་མི་རིགས་དང་མི་རིགས་གཞན་གྱི་རིག་གནས་མཉམ་འདྲེས་བྱེད་པའི་བློ་རིག་གི་སྙིང་བཅུད་རེད་ལ་ཁྱོན་ཡོངས་ནས་བོད་མི་རིགས་ཀྱི་རིག་གནས་ཀུན་མངོན་པའི་ཤེས་བྱ་ཀུན་བཏུས་ཤིག་ཀྱང་རེད། ནང་དོན་ཐད་ཆོས་ལུགས་དང་། མཚན་ཉིད་རིག་པ། རྩོམ་རིག སྒྱུ་རྩལ། གསོ་རིག དམངས་སྲོལ་སོགས་ཀྱི་ཁྱབ་ཁོངས་མང་པོ་དང་འབྲེལ་བ་ཡོད་པ་རེད།

ཐེངས་འདིའི་ཞིབ་འཇུག་གི་རྣམ་གྲངས་ནི“བོན་གྱི་བཀའ་འགྱུར་ཆེན་མོའི་རྒྱ་འགྱུར་དང་ཞིབ་འཇུག”གི་རྣམ་གྲངས་དེ་2022ལོར་མཇུག་འགྲིལ་རྗེས་མུ་མཐུད་དུ་“ཀྲུང་ཧྭའི་གནའ་དཔེ་སྲུང་སྐྱོང་འཆར་གཞི”གཞིར་བཟུང་གནའ་བོའི་ཞང་ཞུང་རིག་གནས་ཤུལ་བཞག་ལ་སླར་ཡང་རྒྱུས་ལོན་བྱེད་པ་ཞིག་དང་། སྲུང་སྐྱོང་དང་བེད་སྤྱོད་བྱ་རྒྱུ་གལ་ཆེན་འཛིན་པ། ཞིབ་འཇུག་བྱ་གཞིའི་ཞིབ་འཇུག་དང་གྲུབ་འབྲས་གཞན་སྒྱུར་ཟུང་འབྲེལ་བྱས་པའི་ཐོག་ནས་གནའ་བོའི་ཞང་ཞུང་གི་གནའ་དཔེའི་རིག་དངོས་དང་། ཡིག་ཚགས། སྒྱུ་རྩལ་རིན་ཐང་བཅས་སྔོག་འདོན་དང་ལེགས་སྒྲིག་གཏིང་ཟབ་བྱས་པ་ཞིག་རེད།

འདི་ནི་རྣམ་གྲངས་ཀྱི་ལས་དོན་མི་སྣས་གནའ་དཔེ་ཀློག་བཞིན་པ་ཡིན།

འདི་ནི་རྩེ་དྲུག་དགོན་དུ་ཉར་ཚགས་བྱས་ཡོད་པའི《བོན་གྱི་བཀའ་འགྱུར་ཆེན་མོའི》གནའ་དཔེའི་ཆ་ཤས་ཙམ་ཞིག་ཡིན་པ།

འདི་ནི་རྣམ་གྲངས་ཀྱི་སྤྱི་ཁྱབ་བློ་འདྲི་བསྟན་འཛིན་འོད་ཟེར（གཡོན）དང་བོད་རང་སྐྱོང་ལྗོངས་གནའ་དཔེ་སྲུང་སྐྱོང་ལྟེ་གནས་ཞིབ་འཇུག་ཁང་གི་ཞིབ་འཇུག་པ། གནའ་དཔེའི་ཆེད་ལས་མཁས་དབང་པའེ་ཀྲང་གཉིས་ཀྱིས་གནའ་དཔེ་སྲུང་སྐྱོང་སྐོར་ལ་གྲོས་བསྡུར་བྱེད་བཞིན་པ་ཡིན།

རྣམ་གྲངས་ཚོ་ཆུང་གི་ཆེད་ལས་མཁས་པ། བོད་ལྗོངས་ཆབ་མདོ་རིས་མེད་སྨན་རྩིས་ཁང་གི་ཡོན་ཀྲང་ཕུན་ཚོགས་རབ་རྒྱས（གཡོན་གྱི་དང་པོ）དང་སྨན་ཁང་གི་ལས་དོན་མི་སྣས་གནའ་བོའི་ཞང་ཞུང་གི་སྨན་གཞུང་དུ་བཀོད་པ་ལྟར་སྨན་རྒྱུ་བདམས་གསེས་བྱེད་བཞིན་པ།

ཕུན་ཚོགས་རབ་རྒྱས（གཡོན་གྱི་དང་པོ）ཀྱིས་རྣམ་གྲངས་ཀྱི་གྲུབ་འབྲས་ལས་ཐོན་པའི་བོད་ཀྱི་གསོ་རིག་སྨན་རྫས་ངོ་སྤྲོད་བྱེད་བཞིན་པ།

འདི་ནི་རྒྱ་འགྱུར་ཚོ་ཆུང་གིས《བོན་གྱི་བཀའ་འགྱུར་ཆེན་མོའི》 ཡིག་སྒྱུར་ལས་དོན་སྐོར་ལ་བགྲོ་གླེང་བྱེད་བཞིན་པ།

འདི་ནི་ཞང་ཞུང་ཐང་གའི་ལྷ་བཟོ་མཁས་པ་སྐལ་བཟང་དབང་རྒྱལ་གྱིས་ཐང་ག་འབྲི་བཞིན་པ་ཡིན། ངོ་སྤྲོད་བྱས་པར་གཞིགས་ན་ཐང་གའི་འབྲི་རྒྱུན་སྔ་ཤོས་གནའ་བོའི་ཞང་ཞུང་དུས་སྐབས་སུ་དེད་ཆོག་པ་དང་འབྲི་སྟངས《བོན་གྱི་བཀའ་འགྱུར་ཆེན་མོ》ཡི་ཐིག་ཚད་གཞིར་བཟུང་ཡོད་པ་རེད།