ལུག་ལ་གཏེར་རྫས་ཀྱི་སྦྱོར་རྟ་འོས་འཚམ་ཁ་སྣོན་བྱས་ཏེ་བསྟེར་ན་གསོ་ཚགས་ཀྱི་ཕན་ནུས་མཐོ་རུ་འགྲོ་ཐུབ། ལུག་ལ་བཟའ་ཚྭ་ཁ་སྣོན་བསྟེར་ན་གཏེར་རྫས་ཁ་སྣོན་བྱ་ཐུབ་པ་དང་ལུག་སྐྱེ་འཚར་སྐྱེ་འཕེལ་ཡོང་བར་སྐུལ་སྤེལ་ཐེབས་ཏེ་ལུག་ཤ་ཤེད་རྒྱས་ཐུབ། བཟའ་ཚྭ་བརྔོས་ཙམ་བྱས་རྗེས་ཞིབ་ཞིབ་བཟོས་ཏེ་གཟན་ཆས་བླུག་སྣོད་ནང་ངམ་གཟན་ཆས་མཉམ་དུ་བསྲེས་ཏེ་ལུག་ལ་བཟའ་རུ་འཇུག་དགོས། ཡང་ན་བཟའ་ཚྭ་ཧ་ཡང་ནང་བླུགས་ནས་ཆུ་བླུགས་ཏེ་ཚ་བོ་བཟོས་ནས་བཞུར་རྗེས་གྲོ་ཞིབ་བླུགས་ཏེ་འདམ་གཟུགས་བཟོས་པ་དང་ཡང་བསྐྱར་གཟན་ཆས་ནང་བསྲེས་ནས་ལུག་ལ་བཟའ་རུ་འཇུག་དགོས། ད་དུང་ཡང་ཚྭ་ཆུའི་ནང་བླུགས་ཏེ་ལུག་གིས་རང་དགར་འཐུང་དུ་འཇུག་དགོས་ཤིང་། གཟའ་འཁོར་རེར་ཚྭ་ཐེངས 1སྟེར་བ་དང་ལུག་ཐུག་ལ་ཐེངས་རེར་ཁེ 5-10སྟེར་བ། མོ་ལུག་ལ་ཁེ 10-15སྟེར་དགོས། ཕག་ལ་སྤྱོད་པའི་གཟན་ཆས་སྦྱོར་རྟ་ལུག་ལ་བསྟེར་ནའང་གཏེར་རྫས་འཚོ་བཅུད་ཁ་གསབ་བྱེད་པའི་བྱ་ཐབས་ཡག་པོ་ཞིག་ཡིན་ཅིང་། ཕག་ལ་སྤྱོད་པའི་ཚད་མཐུད་བསྡུར་ཚད་ལ་གཞིགས་ཏེ་སྦྱོར་རྟ་དེ་ལུག་གི་གཟན་ཆས་ནང་བསྲེས་ཏེ་བསྟེར་ན་འགྲིག ད་དུང་ཡང་ཕག་ལ་སྤྱོད་པའི་གཟན་ཆས་སྦྱོར་རྟ་དེ་བསྡུར་ཚད 0.2%-0.4%ལྟར་ཆུའི་ནང་བླུགས་ནས་ལུག་གིས་རང་དགར་འཐུང་དུ་འཇུག་དགོས་པ་དང་གཟའ་འཁོར 1སྟེར་རྗེས་རང་བསྐྱར་གཟའ་འཁོར 1འགྱངས་ནས་ཡང་བསྐྱར་སྐོར་དུ་སྤྱོད་དགོས།།