ཟླ་དགུ་པ་ནི་དམག་ཞབས་ཐིམས་པའི་དམག་མི་མེས་རྒྱལ་གྱི་དམག་སྒར་སོ་སོ་ནས་ཕ་ཡུལ་དུ་ལོག་པའི་དུས་སྐབས་རེད། དམག་ཞབས་ཐིམས་པའི་དམག་མིས་དམག་སྒར་ནས་ཐོན་མ་ཐག་ཁྱིམ་དུ་ལོག་པའི་དྲོ་སྐྱིད་ཚོར་ཆེད། ཟླ9པའི་ཚེས11ཉིན་གྱི་སྔ་དྲོ། མཛོད་དགེ་རྫོང་དམག་ཞབས་ཐིམས་པའི་དམག་མིའི་ལས་དོན་ཅུས་ཀྱིས་དམག་ཞབས་ཐིམས་པའི་དམག་མི་ཕ་ཡུལ་དུ་ལོག་པར་དགའ་བསུ་ཞུ་བའི་མཛད་སྒོ་སྤེལ། དམག་ཞབས་ཐིམས་པའི་དམག་མི་དབང་ཕྱུག་གཟི་བརྗིད་ངང་ཕ་ཡུལ་དུ་ལོག་པ་དང་འབྲེལ་བཞུགས་མོལ་ཚོགས་འདུ་འཚོགས། ཚོགས་འདུར་དམག་ཞབས་ཐིམས་པའི་དམག་མིའི་ལས་ཞུགས་ལས་གཏོད་རོགས་སྐྱོར་དང་འབྱོར་ཐོ་འགོད་པ། གཞིས་ཆགས་པ། སྤྱི་ཚོགས་འགན་བཅོལ་སྤྲོད་པ། རྩལ་ནུས་གསོ་སྦྱོང་། སློབ་གནས་སློབ་གསོའི་གཟིགས་སྐྱོང་སོགས་ཀྱི་སྲིད་ཇུས་ལ་འགྲེལ་བཤད་གང་ལེགས་བྱས་ཏེ། དམག་ཞབས་ཐིམས་པའི་དམག་མིའི་ཐོབ་ཚོར་དང་སྐྱིད་སྣང་མངོན་གསུམ་གྱིས་ཇེ་མཐོར་བཏང་། །
