ཞི་ཅིན་ཕིང་གི་སྐྱེ་ཁམས་དཔལ་ཡོན་ཁྱོན་ཡོངས་ནས་ལག་བསྟར་བྱས་ཏེ། སྔོ་ལྗང་རི་ཆུ་ནི་གསེར་རི་དངུལ་རི་ཡིན་པའི་འཕེལ་རྒྱས་འདུ་ཤེས་བརྟན་འཛུགས་སྒོས། རྩྭ་ཐང་སྲུང་སྐྱོང་བྱེད་ཤུགས་ཆེ་རུ་བཏང་ནས་རྒྱ་ཆེའི་ཞིང་འབྲོག་མང་ཚོགས་ལ་རྩྭ་ཐང་ལུགས་མཐུན་བེད་སྤྱོད་བྱེད་པར་ཁྲིད་སྟོན་བྱས་ཏེ། དཔལ་འབྱོར་དང་སྤྱི་ཚོགས་རྒྱུན་མཐུད་འཕེལ་རྒྱས་གཏོང་ཆེད། ཟླ་9བའི་ཚེས་20ཉིན། མཛོད་དགེ་རྫོང་ཁྲིམས་འཛིན་ཅུས་ཀྱི་བཅའ་ཁྲིམས་སྲིད་ཇུས་སྒྲོག་འགྲེལ་ཚན་ཆུང་ཐང་སྐོར་གྲོང་རྡལ་དུ་བསྐྱོད་དེ། རྩྭ་ཕྱུགས་དོ་སྙོམས་ཀྱི་འབྲེལ་ཡོད་བཅའ་ཁྲིམས་དང་སྲིད་ཇུས་ཀྱི་ཆེད་དོན་སྒྲོག་འགྲེལ་བྱེད་སྒོ་སྤེལ།
བྱེད་སྒོ་དེ་གཙོ་བོ་ཁྲིམས་སྐྱོང་འཆད་ཁྲིད་ཀྱི་ལམ་ནས་སྤེལ། སྒྲོག་འགྲེལ་བས་བོད་སྐད་ཀྱི་ལམ་ནས་རྒྱ་ཆེའི་འབྲོག་པ་མང་ཚོགས་ལ་རྩྭ་ཐང་གི་སྐྱེ་ཁམས་ཁོར་ཡུག་སྲུང་སྐྱོང་གི་གལ་ཆེའི་དོན་སྙིང་དང་། ཏང་དང་སྲིད་གཞུང་གིས་ཕྱུགས་བཀག་རྩྭ་གསོ་དང་རྩྭ་ཕྱུགས་དོ་སྙོམས་སོགས་ཀྱི་སྲིད་ཇུས་གང་ལེགས་སྤེལ་པར་འགྲེལ་བཤད་བྱས། གཞན 《བརླན་ས་སྲུང་སྐྱོང་བཅའ་ཁྲིམས》དང《རྩྭ་ཐང་བཅའ་ཁྲིམས》《མཚོ་བོད་མཐོ་སྒང་གི་སྐྱེ་ཁམས་སྲུང་སྐྱོང་བཅའ་ཁྲིམས》སོགས་བཅའ་ཁྲིམས་དང་སྲིད་ཇུས་ཀྱི་ཤེས་བྱ་བརྒྱུད་སྒྲོག་བྱས། འབྲོག་པ་མང་ཚོགས་ལ་ཁོར་ཡུག་གཏོར་བརླག་གི་གནོད་འཚེ་དང་བཅའ་ཁྲིམས་ཀྱི་འགན་འཁྲི། དེང་རབས་ཅན་གསོ་སྤེལ་ལག་རྩལ་སྤྱད་པའི་ཕན་འབྲས་ཤེས་རྟོགས་ཐུབ་པར་བྱས་ཏེ། རྒྱ་ཆེའི་འབྲོག་པ་མང་ཚོགས་མཛོད་དགེ་ཡི་སྐྱེ་ཁམས་ཁོར་ཡུག་སྲུང་སྐྱོང་བྱ་གཞག་ནང་ཞུགས་པར་ཁྲིད་སྟོན་དང་སྐུལ་སློང་བྱས།
ཐེངས་འདིའི་སྒྲོག་འགྲེལ་བྱེད་སྒོར་མི་ཐེངས་6ལ་བཅའ་ཁྲིམས་དང་སྲིད་ཇུས་ཀྱི་བློ་འདྲི་མཁོ་འདོན་བྱས། མི་ཐེངས་300ལྷག་གིས་སྒྲོག་འགྲེལ་སློབ་གསོ་དང་ལེན་བྱས། སྒྲོག་འགྲེལ་བྱས་པ་བརྒྱུད་རྒྱ་ཆེའི་འབྲོག་པ་མང་ཚོགས་ལ་རྩྭ་ཐང་ལ་བརྟེན་ནས་ཕྱུགས་མང་ཉུང་གཏན་འཁེལ་བྱེད་དགོས། རང་འགུལ་ངང་ཕྱུགས་རིགས་ཉུང་གཏོང་བྱས་ན་དུས་ཡུན་རིང་བོར་ཕན་པའི་གནས་ལུགས་ཤེས་སུ་བཅུག རྩྭ་ཐང་ཁྲིམས་ལྟར་སྲུང་ནས་བདེ་སྐྱིད་ཁྱིམ་གཞིས་མཉམ་དུ་སྐྲུན་པར་རྨང་གཞི་ལེགས་པོ་བཏིངས། །
