2015ལོའི་ཟླ་6པའི་ཚེས་7ཉིན།  སྤྱི་ལོ་2015ལོར་ཧྥ་རན་སིའི་དྲྭ་གྲུག་དངོས་གཞིའི་འགྲན་བསྡུར་གྱི་མཇུག་མཐའི་འགྲན་བསྡུར་ཉིན་མོར་སླེབས། མང་ཚོགས་ཀྱིས་རེ་སྒུག་བྱས་བཞིན་པའི་སྐྱེས་པའི་ཁེར་འགྲན་གྱི་འགྲན་རྩོད་ཁྲོད་དུ། ཨང་དང་པོའི་བདམས་ཐོན་པ་རྩེ་གྲས་ཏེ་འཛམ་གླིང་གི་ཨང་དང་པོའི་ནོ་ཝ་ཁཱ་དྷི་ཇོན་ཁི་ཝེ་ཁུས་ལན་གཅིག་ལ་རྒྱལ་ཁ་ཐོབ་པའི་གནས་ཚུལ་འོག་ཏུ། མཐར་ཐུག་བསྡུར་ཚད་6-4/4-6/3-6/4-6ལ་བདམས་ཐོན་པ་ཨང་རྟགས་8པ་སི་ཝེས་ཙེར་གྱི་འགྲན་ཞུགས་མི་སྣ་ཝ་རུན་ཁའི་ལག་ཏུ་ཕམ་ཁ་ཤོར་ཏེ་ཨང་གཉིས་པའི་མིང་བྱང་ཐེངས་གསུམ་དུ་བླངས་རྗེས་སླར་ཡང་ཨང་དང་པོ་ལེན་པའི་གོ་སྐབས་ཤོར། ཡིན་ནའང་ཝ་རུན་ཁས་ན་ནིང་གི་ཨོ་སི་ཐྲ་ལི་ཡ་ཡི་དྲྭ་གྲུག་འགྲན་བསྡུར་གྱི་རྗེས་སུ་ཡང་བསྐྱར་ཨང་དང་པོ་ཐོབ་ནས་དགའ་རྟགས་མང་པོ་བླངས། །