ལྷོ་ཁ་གྲོང་ཁྱེར་ལྷོ་བྲག་རྫོང་ཆུ་མགོ་ལྷ་མོ་ཚོགས་པས་ནོར་བུ་གླིང་ཁར་སྲོལ་རྒྱུན་གྱི་ལྷ་མོ《འགྲོ་བ་བཟང་མོ》འཁྲབ་ཅིང་། འདི་ནི་གྲོང་མི་ཚོས་ནོར་བུ་གླིང་ཁར་ལྷ་མོ་ལྟ་བཞིན་པ།

ལྷ་མོ་ནི་གཞས་མ་གཏམ་དང་། འཁྲབ་སྟོན། གླུ་གར། རྩོམ་རིག་བཅས་གཞི་གཅིག་ཏུ་འདུས་པའི་ཕྱོགས་བསྡུས་སྒྱུ་རྩལ་གྱི་རྣམ་པ་ཞིག་རེད། ལྷ་སའི་ཞོ་སྟོན་ལ་ལྷ་མོའི་འཁྲབ་སྟོན་ནི་མེད་དུ་མི་རུང་བའི་རིག་གནས་ཀྱི་གསོལ་སྟོན་གཟབ་རྒྱས་ཤིག་རེད། ཟླ་8ཚེས་4ཉིན་ནས་ཟླ་8ཚེས་10ཉིན་བར། ལྷ་ས་དང་། གཞིས་རྩེ། ལྷོ་ཁ་བཅས་ནས་ཡོང་བའི་ལྷ་མོ་ཚོགས་པ་8ཀྱིས་ལྷ་སའི་ནོར་བུ་གླིང་ཁར་ལྷ་མོ་འཁྲབ་སྟོན་བྱས་པར་གྲོང་མི་དང་ཡུལ་སྐོར་བ་མང་པོ་ཞིག་གི་ཡིད་དབང་འཕྲོག་ཡོད་པ་རེད།