སྤྱི་ཟླ་9པའི་ཚེས་9ཉིན། མཛོད་དགེ་རྫོང་གིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སྒྲོག་འགྲེལ་ཁུལ་ཨུའི་སྒྲོག་འགྲེལ་ཡན་ལག་རུ་ཁག་བཅུ་གཅིག་པའི་དུས་རབས་གསར་པའི་ཤེས་དཔལ་ལག་ལེན་གྱི་གཞོན་ནུའི་སྒྲོག་འགྲེལ་ཚོགས་པའི（མཛོད་དགེ་རྫོང་）སྒྲོག་འགྲེལ་སྙན་ཞུའི་ཚོགས་འདུ་འཚོགས། རྫོང་རིམ་པའི་འབྲེལ་ཡོད་སྡེ་ཁག་དང་ཡུལ་གྲོང་། གཞོན་ནུ་སློབ་མའི་འཐུས་མི་བཅས་ཚོགས་འདུར་ཞུགས། ཐེངས་འདིའི་སྙན་ཞུ་ཚོགས་འདུར་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སྒྲོག་འགྲེལ་བྱས་ཏེ། རྫོང་ཡོངས་ཀྱི་གུང་གཞོན་ལས་བྱེད་དང་གུང་གཞོན་ཚོགས་མིར་བསམ་བློ་གཅིག་གྱུར་དང་སྟོབས་ཤུགས་གཅིག་སྒྲིལ་གྱིས་ཚང་འཛོམས་གྲོས་ཚོགས་ཀྱི་དགོངས་དོན་མཛོད་དགེ་རྫོང་དུ་རྩ་བ་ཚུགས་པར་སྐུལ་འདེད་གཏོང་རྒྱུ་དེ་ཡིན། 

ཚོགས་འདུའི་ཐོག་སྒྲོག་འགྲེལ་པས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་གྱི་དོན་སྙིང་གལ་ཆེན་དང་སྒྱུར་བཅོས་ཁྱོན་ཡོངས་ནས་ཟབ་སྤེལ་གྱི་སྤྱིའི་བླང་བྱ་དང་བྱེད་ཐབས་གལ་ཆེན། ཚང་འཛོམས་གྲོས་ཚོགས་ཀྱི་དགོངས་དོན་ལག་བསྟར་དོན་འཁྱོལ་བྱེད་པའི་གཙོ་གནད།  《གཏན་འབེབས།》ནང་བཀོད་པའི་གཞོན་ནུའི་ལས་དོན་ཐད་བཏོན་པའི་བཀོད་སྒྲིག་གསར་པ་དང་བླང་བྱ་གསར་པ་སོགས་ལ་དམིགས་ནས་ཁྱོན་ཡོངས་དང་གཏིང་ཟབ་པའི་སྒོ་ནས་འགྲེལ་བཤད་བྱས། གསོན་ཉམས་ལྡན་པའི་གྱོད་དཔེ་དང་ཞིབ་ཅིང་ཕྲ་བའི་གཞི་གྲངས། དོན་ཟབ་ལ་གོ་བདེ་བའི་དབྱེ་ཞིབ་བརྒྱུད་སྒྲོག་འགྲེལ་ཚོགས་པས་ཚོགས་ཞུགས་གཞོན་ནུ་ཚོའི་སྣེ་ཁྲིད་དེ་ཚང་འཛོམས་གྲོས་ཚོགས་ཀྱི་དགོངས་དོན་གསལ་པོར་སྒྲོག་ནས་ཁོ་ཚོས་སློབ་སྦྱོང་དང་བསམ་གཞིགས། ལག་ལེན་བཅས་ཀྱི་ཁྲོད་འབད་འབུངས་ཧུར་ལེན་དང་འགན་འཁྲི་འཁུར་ཕོད་པར་སྐུལ་སློང་བྱས། 

ཚོགས་འདུའི་ཐོག་རྫོང་ཡོངས་ཀྱི་རིམ་པ་ཁག་གུང་གཞོན་ལས་བྱེད་དང་གུང་གཞོན་ཚོགས་མིས་བྱེད་ཐབས་སྣ་སྣང་སྤྱད་དེ། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་བྱས་ཏེ། ལྟེ་བའི་དོན་སྙིང་དང་དགོངས་དོན་གྱི་ངོ་བོ། ཕུན་སུམ་ཚོགས་པའི་ནང་དོན། ལག་ལེན་གྱི་བླང་བྱ་བཅས་བློ་ལ་ངེས་ནས་སློབ་སྦྱོང་གི་གྲུབ་འབྲས་མཛོད་དགེ་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་སྒུལ་ཤུགས་ཆེན་མོར་བསྒྱུར་དགོས་པའི་བླང་བྱ་བཏོན། 

མཛོད་དགེ་རྫོང་འཕྲོད་བསྟེན་བདེ་ཐང་ཅུས་ཀྱི་ལས་དོན་མི་སྣ་ལུའོ་དབྱིན་ཁྲའོ་ཡིས་ཐེངས་འདིའི་སློབ་སྦྱོང་བརྒྱུད་སྒྱུར་བཅོས་གཏིང་ཟབ་ཏུ་གཏོང་བ་དང་དེང་རབས་ཅན་ལ་སྐུལ་འདེད་གཏོང་རྒྱུ་དེ་ང་ཚོའི་འབད་བརྩོན་དང་ཁ་འབྲལ་ཐབས་མེད་པར་ངོས་འཛིན་གཏིང་ཟབ་བྱུང་། དུས་རབས་གསར་པའི་གཞོན་ནུའི་སྨན་བཅོས་ལས་དོན་པ་ཞིག་ཡིན་པའི་ངོས་ནས་སླད་ཕྱིན་ངས་མུ་མཐུད་དུ་ཚང་འཛོམས་གྲོས་ཚོགས་ཀྱི་དགོངས་དོན་སློབ་སྦྱོང་བྱས་ནས། རང་འཁྲིའི་ལས་ཀར་གཞི་ཚུགས་ཏེ་འཛམ་གླིང་གི་ཆེས་མཛེས་པའི་ས་མཐོའི་རྒྱལ་ཁབ་སྤྱི་གླིང་མཛོད་དགེ་བརླན་ས་འཛུགས་སྐྲུན་ལ་བྱས་རྗེས་བཞག་སྟེ་ལང་ཚོའི་སྟོབས་ཤུགས་སྐྱེས་སུ་ཕུལ་རྒྱུ་ཡིན་ཞེས་བཤད།

མཛོད་དགེ་རྫོང་སློབ་འབྲིང་གི་གུང་གཞོན་ཨུ་ལྷན་གྱི་ཧྲུའུ་ཅི་ཁྲེན་ཀུའུ་ལེང་གིས་ཐེངས་འདིའི་སྒྲོག་འགྲེལ་ཚོགས་འདུའི་ནང་དོན་ཕུན་སུམ་ཚོགས་ལ་བརྒྱུད་རིམ་ལྡན། ཁྱོན་ཡོངས་ནས་སྒྲོག་འགྲེལ་བྱས་པ་བརྒྱུད་ངས་ཚང་འཛོམས་གྲོས་ཚོགས་ཀྱི་དགོངས་དོན་ལ་སྔར་བས་གསལ་པོར་རྟོགས། གཞི་རིམ་སློབ་གྲྭའི་གུང་གཞོན་ཨུ་ལྷན་གྱི་འགན་འཁུར་པ་ཞིག་ཡིན་པའི་ངོས་ནས་ང་ཚོས་བྱེད་ཐབས་སྣ་ཚོགས་བརྒྱུད་ཚང་འཛོམས་གྲོས་ཚོགས་ཀྱི་དགོངས་དོན་གཞོན་ནུ་དང་སློབ་མ་དེ་བས་མང་པོར་བརྒྱུད་བསྒྲགས་བྱས་ནས། ཁོ་ཚོར་ཚང་འཛོམས་གྲོས་ཚོགས་ཀྱི་དགོངས་དོན་གྱི་གལ་ཆེའི་རང་བཞིན་ཤེས་རྟོགས་དང་ངོས་འཛིན་ཐུབ་པར་བྱས། དུས་རབས་གསར་པའི་གཞོན་ནུ་ཞིག་ཡིན་པའི་ངོས་ནས་ང་ཚོས་འགན་འཁྲི་འཁུར་ཕོད་པ་དང་གསར་གཏོད་ལྡན་པའི་སྒོ་ནས་རང་ཉིད་ཀྱི་ཕུགས་འདུན་དོན་གཉེར་བྱེད་ཕོད་པ་བྱས་ཏེ། ཀྲུང་ཧྭ་མི་རིགས་རླབས་ཆེན་བསྐྱར་དར་གྱི་ཀྲུང་གོའི་ཕུགས་འདུན་མངོན་འགྱུར་བྱ་ཆེད་ལང་ཚོའི་སྟོབས་ཤུགས་སྐྱེས་སུ་ཕུལ་དགོས་ཞེས་བཤད། །